مەملەكەتتىك 1- كەزەكتى جاستار سپورت جارىسى شىمىلدىعىن اشتى

     مەملەكەتتىك 1- كەزەكتى جاستار سپورت جارىسى 18-قازان تۇستەن كەيىن فۋجيان ولكەسىنىڭ فۋجوۋ قالاسىندا سالتاناتپەن شىمىلدىعىن اشتى. ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك  كەڭەستىڭ ورىنباسار زۇڭليى ليۋ ياندۇڭ اشىلۋ سالتىنا قاتىناستى ءارى جارىستىڭ باستالعاندىعىن جاريالادى.

  مەملەكەتتىك جاستار سپورت جارىسى مەملەكەتتىك قالالار سپورت جارىسىنان كەلىپ شىققان، حالىقارالىق جاستار وليمپيك سپورت جارىسىمەن بارىنشا جاناسۋ ءۇشىن، پارتيا ورتالىق كوميتەتى جانە مەملەكەتتىك كەڭەستىڭ بەكىتۋىمەن دەنە تاربيە باس مەكەمەسى 2013-جىلى 21-قاراشادا 8-كەزەكتى مەملەكەتتىك قالالار سپورت جارىسىن 1-كەزەكتى مەملەكەتتىك جاستار سپورت جارىسىنا ورگەرتىپ، جاستارعا باعىتتالعان دەنە تاربيە، مادەنيەت جانە جاستىق شاق جينالىسىنا اينالدىرۋدى رەسمي بەلگىلەدى.

  ساعات 16 دان 30 مينۋت وتكەندە اشىلۋ سالتى رەسمي باستالدى. مەملەكەت تۋى مەن جارىس جالاۋىنىڭ باستاۋىندا فۋجوۋ قالاسىنىڭ ۋاكىلدىك اعاشى بولعان فيكۋس اعاشىن نەگىزگى تۇلعا ەتىپ جوبالانعان وسى كەزەكتى جاستار سپورت جارىسىنىڭ قۇت بەلگىسى « رۇڭرۇڭ » ناق مايدانعا كىردى. ىلە-شالا شياڭگاڭ مەن اۋمىندى قامتىعان 55 ۋاكىلدەر  ۇيىرمەسىنىڭ سپورتشىلارى الاڭعا كىردى.

   ج ك پ ورتالىق كوميتەتى ساياسي بيۋروسىنىڭ  مۇشەسى،  مەملەكەتتىڭ  كەڭەستىڭ ورىنباسار زۇڭليى ليۋ ياندۇڭ جۇڭحۋا حالىق رەسپۋبليكاسىنىڭ 1-كەزەكتى جاستار سپورت جارىسىنىڭ رەسمي باستالعاندىعىن جاريالادى. سول ساتتە اتالعان سپورت جارىسى وتكىزىلىپ جاتقان فۋجوۋ قالاسىنىڭ حايشا وليمپيك سپورت ورتالىعىنىڭ سپورت  الاڭى قىزۋ شاپالاق ءۇنى مەن شاتتىققا شومدى.

  فۋجيان ولكەلىك پارتكومنىڭ شۋجيى يوۋ چۋان قۇتتىقتاۋ ءسوزىن سويلەدى، دەنە تاربيە باس مەكەمەسىنىڭ باستىعى، مەملەكەتتىك 1-كەزەكتى جاستار سپورت جارىسىن ۇيىمداستىرۋ كوميتەتىنىڭ مەڭگەرۋشىسى ليۋ پىڭ جارىستىڭ باستالۋ ءسوزىن سويلەدى. اشىلۋ سالتىن فۋجوۋ قالىق پارتكومنىڭ شۋجيى، مەملەكەتتىك 1-كەزەكتى جاستار سپورت جارىسىن ۇيىمداستىرۋ كوميتەتىنىڭ ورىنباسار مەڭگەرۋشىسى ياڭ يۋە باسقاردى.

  ىلە-شالا باستاۋىش مەكتەپ وقۋشىلارىنان تارتىپ، ستۋدەنتتەرگە دەيىن ات سالىسقان مىڭنان ارتىق ادام قاتىناسقان توپتىق حوردىڭ سۇيەمەلدەۋىندە باستالۋ  سالتىنىڭ  شىمىلدىعى اشىلدى. اشىلۋ سالتىنداعى مادەنيەت جانە دەنە تاربيە قيمىلى جاستاردىڭ  رۋحىن، بۇعازدىڭ ەرەكشەلىگىن جانە بۇقارالىق دەنە شىنىقتىرۋدى نەگىز ەتتى. فۋجيان ولكەسىندە  دۇنيەگە كەلگەن الەمدىك اعا جۇلدەگەر شۋە چىن مەملەكەتتىك 1-كەزەكتى جاستار سپورت جارىسىنىڭ الاۋىن تۇتاندىردى، سونىمەن بىرگە، فۋجوۋ قالاسىنىڭ يانجياڭبين جولىنداعى بەلگى سيپاتىنداعى قۇرىلىستارعا ارت-ارتىنان جارىق ءتۇسىرىلىپ، جينالىستىڭ سالتاناتىن اسىردى.

   اشىلۋ سالتىنان بۇرىن ليۋ ياندۇڭ جاستار سپورت جارىسىنىڭ سپورتشىلار قىستاعىن كوزدەن كەشىرىپ، سپورتشى، جاتتىقتىرۋشى، تورەشى جانە  ەرىكتىلەر  ۋاكىلدەرىمەن  كەزدەسىپ، سپورتشىلاردى ورايدى  مىقتى  يگەرىپ، بار ونەرىن سالىپ، ەڭ تاماشا رۋحاني بەت – بەينەسىن تولىق ايگىلەۋگە؛ وزگەلەردەن ۇيرەنىپ، ءوز ونەرىن جوعارىلاتىپ، قايراتىن شىڭاۋعا شەبەر بولىپ، جۇڭحۋا ۇلاندارىنىڭ سپورت رۋحى مەن وليمپيك رۋحىن ساۋلەلەندىرۋگە؛ قارىم – قاتىناستى كۇشەيتىپ، ءوزارا دوستاسىپ، وزىندىك جالپىلىق ساپانى جوعارىلاتۋعا شابىتتاندىردى. سونىمەن بىرگە، ول جارىس ىستەرىن جوعارى ءونىمدى، مۇلتىكسىز وتكىزۋ جۇيەسى ارقىلى جەتەكشىلىك ەتۋ مەن اينالىمعا ءتۇسۋدىڭ ىركىلىسسىزدىگىنە كەپىلدىك ەتۋدى؛ جاستار سپورت جارىسىنىڭ ۇلگىلىك رولىن تولىق ساۋلەلەندىرىپ، ءتىپتى دە كوپ جاستار مەن وسپىرىمدەردى سپورتپەن شۇعىلدانۋعا باۋراۋدى؛ جالپى حالىقتىق دەنە شىنىقتىرۋ ىستەرىن بار كۇشپەن دامىتىپ، بۇقارالىق دەنە تاربيە مەن ونەر سپورتىنىڭ سايكەستى دامۋىن جەبەۋدى؛ دەنە تاربيەنى باسقارۋ ءتۇزىلىسى رەفورماسىن تەرەڭدەتىپ،قىزمەت وتەۋدى ساپالاندىرىپ، قوعامدىق  كۇشتەردى بەلسەنە ات سالىسۋعا جۇمىلدىرىپ، كاسىپتىك دەنە تاربيەنىڭ دامۋ ارناسىن كەڭەيتىپ، سپورت ىستەرى مەن سپورت كاسىبىنىڭ جان-جاقتىلى دامۋىن جۇزەگە اسىرۋدى باسا دارىپتەدى.

  وسى كەزەكتى جاستار سپورت جارىسىنا 26 ءىرى، 305 شاعىن تۇردەگى جارىس ورنالاستىرىلىپ، ەلىمىزدىڭ جەر-جەرىنەن كەلگەن 55 ۋاكىلدەر ۇيىرمەسىندەگى 7 مىڭ 959 سپورتشى دوداعا تۇسەدى ءارى جالپى جارىس 27-قازاندا اياقتالادى. « جارىستى عىلمي، ۇنەمشىل جانە پاكتىكپەن وتكىزۋ » تانىمىن تىعىز توڭىرەكتەي وتىرىپ، وسى كەزەكتى جاستار سپورت جارىسى مادەنيەت پەن دەنە تاربيەنى ءوزارا توعىستىرىپ، جاستاردىڭ رۋحىن كورنەكتىلەندىرىپ، جاستاردىڭ رۋحىن ايگىلەيتىن مەرەي تويعا اينالدىرۋعا كۇش سالادى. سونىمەن بىرگە، مەدال الۋ جاعىنداعى ءتۇرلى ماسەلەلەردى ءبىر جاقتىلى ەتۋ ءۇشىن، وسى كەزەكتى جاستار سپورت جارىسىندا مەدال مەن ەڭ سوڭعى جالپى ءنومىردى قاتارعا تۇرعىزبايدى. جارىس كەزىندە مادەنيەت، دەنە تاربيە قيمىلدارى وتكىزىلىپ، جاستارعا بولعان مادەني تاربيەلىك رولى كورنەكتىلەنەدى ەكەن.

       
رەداكتورى: پارزانا عادىلبەك قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.