2015-جىلعى ەرلەردىڭ الەم ساۋىتىنا تالاسۋ تاق-تۇق دوپ جارىسى 18-قازاندا شۆەتسيانىڭ حالمستاد قالاسىندا اياقتالدى. ەلىمىز سپورتشىسى ما لۇڭ مەن فان جىندۇڭ وسىدان بۇرىن جارتىلاي شەشۋشى جارىستا سايىسىپ، شەشۋشى جارىسقا كىردى. دۇنيەدە 1-ورىندا تۇراتىن سۋ جوۋ قالاسىندا وتكىزىلگەن دۇنيە جۇزىلىك تاق-تۇق دوپ جارىسىنىڭ اعا جۇلدەگەرى ما لۇڭ شەشۋشى جارىستا 0 گە قارسى 4 ۇپايمەن قارسىلاسى فان جىندۇڭدى جەر قاپتىرىپ، 2012-جىلدان كەيىن تاعى ءبىر رەت اعا جۇلدەگەر بولدى. بۇل ما لۇڭنىڭ 2-رەتكى 2015-جىلعى دۇنيە جۇزىلىك تاق-تۇق دوپ جارىسى، الەم ساۋىتىنا تالاسۋ جارىسى جانە وليمپيادا سپورت جارىسىندا اعا جۇلدەگەرلىكتى ەنشىلەۋى.
وسى رەتكى جارىسقا 20 سپورتشى قاتىناسقان، مۇنىڭ ىشىندە ەڭ الدىڭعى قاتاردا تۇراتىن 8 سپورتشى سارالاۋ جارىسىنا تىكەلەي كىرگەن، مۇنان سىرت، 12 سپورتشى 4 گرۋپپاعا ءبولىنىپ، شاعىن گرۋپپالار جارىسىنا قاتىناسقان.
ىلگەرىندى-كەيىندى اسار مەن فرەيتاستى جەڭىپ العاننان كەيىن، ما لۇڭ جارتىلاي شەشۋشى جارىستا گەرمانيانىڭ ساڭلاعى وكالوۆپەن بەلدەستى. وسى مايدانداعى ەكى مىقتىنىڭ سايىسىندا ما لۇڭ 0 گە قارسى 4 ۇپايمەن قارسىلاسىن ويسىراتا جەڭدى.
فان جىندۇڭ گوتچي، جۋاڭ جىيۋان جانە شۇي گۋسۇندى جەڭىپ الدى، ەكەۋى وسى تۇردەگى جارىستىڭ شەشۋشى جارىسىن ەلىمىز سپورتشىلارى اراسىنداعى ىشكى سايىسقا اينالدىردى.
شەشۋشى جارىستا ما لۇڭ دۇنيە جۇزىلىك اعا جۇلدەگەردىڭ ورنىقتىلىعى مەن جارىستاعى تاجىريبەسى جاعىندا ءوز ارتىقشىلىعىن تولىق ساۋلەلەندىردى. ول 7 گە قارسى 11 ۇپاي جانە 6 عا قارسى 11 ۇپايلىق ناتيجەمەن الدىڭعى ەكى مايدان جارىستا جەڭىپ الدى.
ءۇشىنشى مايدان جارىستا 2 گە قارسى 9 ۇپايلىق ناتيجە جاراتقاندا ما لۇڭنىڭ زەيىنىن شوعىرلاندىرۋ قۋاتى السىرەگەندىكتەن فان جىندۇڭ 4 ۇپاي الىپ، 9 عا قارسى 6 ۇپايعا جەتكىزەدى. وسى كەزدە ما لۇڭ ۋاقىتشا ءۇزىلىس جاساۋدى ءوتىنىش ەتىپ، كوڭىل كۇيىن قالىپقا تۇسىرگەننەن كەيىن، 8 گە قارسى 11 ۇپايمەن ءۇشىنشى مايدان جارىستا جەڭىپ الدى. سونىمەن ەرلەردىڭ الەم ساۋىتىنا تالاسۋ تاق-تۇق دوپ جارىسىنىڭ جەكە جارىس تۇرىنەن اعا جۇلدەگەرلىكتى جانە ءبىر مارتە ەنشىلەدى.
ءۇشىنشى جانە تورتىنشىلىككە تالاسۋ شەشۋشى جارىسىندا، وكالوۆ 2 گە قارسى 4 ۇپايمەن شۇي گۋسۇندى جەڭىپ الىپ، ءۇشىنشى بولدى.
رەداكتورى: پارزانا عادىلبەك قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.