دجوكوۆيچ 3-رەت شاڭحاي بەكەتىندەگى جارىستىڭ اعا جۇلدەگەرلىگىن ەنشىلەدى

     جۋىقتا عانا جۇڭگو تور دوپ جارىسى ەرلەر جەكە ادامدىق جارىسىنىڭ اعا جۇلدەگەرلىگىن ەنشىلەگەن سەربيالىق سپورتشى دجوكوۆيچ 18-قازاندا 2015-جىلعى شاڭحاي تور دوپ جارىسىنىڭ ەرلەردىڭ جەكە ادامدىق شەشۋشى جارىسىندا 2 گە قارسى 6 ۇپاي جانە 4 كە قارسى 6  ۇپايمەن   فرانسيالىق  سپورتشى تسونگانى ارت-ارتىنان ەكى مايدان جەڭىپ، كاسىپتىك ومىرىندە 3-رەت شاڭحاي شەبەرلەر جارىسىنىڭ اعا جۇلدەگەرلىگىن ەنشىلەدى.

  ەڭ تاڭداۋلى سپوتشى دجوكوۆيچتىڭ جارىستاعى بەينەسى جاقسى بولىپ، ا ق ش تور دوپ جارىسىندا جالعاستى 7 مايدان جەڭىستىك العاننان كەيىن، بەيجيڭدە جۇڭگو تور دوپ جارىسىنىڭ اعا جۇلدەرگەرلىگىن 6-رەت ەنشىلەسە، ونىڭ شاڭحايداعى  جارىسى  دا ءساتتى بولىپ، وسىدان بۇرىنعى بىرنەشە كەزەكتى جارىستىڭ بارلىعىندا جەڭىپ شىقتى. ال جۇڭگو تور دوپ جارىسىنىڭ العاشقى كەزەكتى جارىسىندا قاتاردان قالعان تسونگانىڭ شاڭحايداعى بەينەسى ايتارلىقتاي بولىپ، جارتىلاي شەشۋشى جارىستا ناداردى جەڭىپ، شەشۋشى جارىسقا كىردى. ەكەۋىنىڭ وسىدان بۇرىنعى 19 رەتكى بەلدەسۋىندە دجوكوۆيچ 13 مايدان جەڭىپ، 6 مايدان جەڭىلگەن بولاتىن، الايدا جۋىقتاعى ءبىر رەتكى  بەلدەسۋدە تسونگا جەڭگەن.

  دجوكوۆيچتىڭ دوپ باستاۋداعى ورەسى دۇنيە بويىنشا 1-ورىندا بولىپ، جارىس  باستالا سالا ۇپاي الىپ، 0 گە قارسى 3 ۇپايمەن باسىم ورىندى يەلەيدى. 4-رەتكى كەزدەسۋدە تسونگا ۇپاي الۋ ورايىنا يە بولعانىمەن، سوڭعى ەكى رەتكى كەزدەسۋدە دوپ قايتارۋدا كوپ رەت اعاتتىق جىبەرگەندىكتەن،5 كە قارسى 1 ۇپاي ارتتا قالادى. 8-رەتكى كەزدەسۋدە دجوكوۆيچ  دوپ باستاۋدان ۇپاي الادى، بۇل كەزدە العاشقى مايدانعى جارىستىڭ ناتيجەسى الدەقاشان بەلگىلى  بولىپ، فرانسيالىق ازامات كوپ رەت اعاتتىق جىبەرىپ، ءتورت ۇپايدان ايرىلىپ، ەڭ سوڭىندا 6 عا قارسى 2 ۇپايمەن جەڭىلىپ تىنادى.

 ەكىنشى مايدانعى جارىستا ەكەۋى ءبىر-بىرىنە ەسە بەرمەي، فرانسيالىق سپورتشى دوپ باستاۋ ورايىنا يە بولعانىمەن، ەڭ سوڭعى ساتتە اۋىر اعاتتىق جىبەرەدى. ەڭ شەشۋشى 10-رەتكى كەزدەسۋدە تسونگا بۇكىلدەي ىرىقسىز كۇيگە ءتۇسىپ، دجوكوۆيچ ەڭ سوڭىندا 4 كە قارسى 6 ۇپايمەن جەڭىپ الادى. جارىس نە ءبارى 78 مينۋت جالعاسادى.

تسونگا جارىستان كەيىنگى احپار جاريالاۋ ماجىلىسىندە قارسىلاسىن ماقتاپ: «ونىڭ جارىستاعى بەينەسى ايتارلىقتاي بولدى، بۇعان جەتۋ توتەنشە قيىن. مەنىڭ بۇگىنگى دوپ باستاۋىم جاقسى بولمادى، وتە-موتە 1-مايدانعى جارىستا دجوكوۆيچتىڭ شابۋىلىنا توتەپ بەرە المادىم» دەدى.

جارىستان كەيىنگى سيلىق تاراتۋ سالتىندا دجوكوۆيچ حانزۋشا جانكۇيەرلەرىنە العىس ايتىپ: « مەن جۇڭگونى سۇيەمىن، جانكۇيەرلەرىمدى سۇيەمىن» دەدى.

       
رەداكتورى: پارزانا عادىلبەك قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.