گەننادي گولوۆكين لەميونى جەڭىپ،بوكس چەمپيوندىعىن ەنشىلەدى

    بەيجيڭ ۋاقىتى 18-قازان تۇستە اياقتالعان ءبىر مايدان سايىستا قازاقستان بوكسشىسى گەننادي گولوۆكين نيۋ-يوركتاعى ماديسون گۇل باعى الاڭىندا  كوپتىڭ  كۇتكەن ۇمىتىنەن شىعىپ، 8 رەتكى كەزدەسۋدە كانادالىق بوكسشى داۆيد لەميونى ۇرىپ جىعىپ (34 مايدانعى سايىستىڭ 31 مايدانىندا قارسىلاسىن ۇرىپ جىققان)، حالىقارالىق بوكس بىرلەستىگى (IBF)، حالىقارالىق بوكس قوعامى (WBA)، سونداي-اق IBOجانە حالىقارالىق بوكس جەتەكشىلەر كەڭەسىنىڭ (WBC) ورتا سالماقتاعىلار بويىنشا بوكس پاتشاسى اتاعىن ەنشىلەدى.

   جارىس ا ق ش-تاعى  بوكس  مەكەنى اتالعان نيۋ-يوركتاعى ماديسون  گۇل باعى الاڭىندا وتكىزىلىپ، HBO_PPV ۇستىنەن تىكە تاراتتى. ەكى بوكسشى جونىنەن الىپ ايتقاندا، بۇل ولاردىڭ پاي پەر ۆيەۋدا (PPV) تۇڭعىش رەت بوي كورسەتۋى بولىپ، بۇل ورايدى ولار ەرەكشە قاستەرلەيدى. گەننادي گولوۆكين جارىس باستالا سالا ىرىقتى ورىنعا شىقتى، ونىڭ تاكتيكاسى لەميودان باسىم بولىپ، سايىستى باستان-اياق ءوز مەڭگەرۋىنە الدى. لەميو بۇل رەت بۇرىنعىداي قارسىلاسىن تىقسىرا سوققىلاۋدان، شەگىنە ءجۇرىپ سايىسۋعا وزگەرىپ، وراتى كەلگەندە جۇدىرىق سىلتەدى. الايدا، گولوۆكيننىڭ اياق الىسى، ءوزىن مەڭگەرۋى جانە شابۋىلعا ءوتۋى مەن قورعانۋى ايتارلىقتاي بولىپ، لەميوعا وراي بەرمەدى. گولوۆكيننىڭ جۇدىرىق سىلتەۋى لەميودان كوپ بولىپ، قول قارۋى دا قارسىلاسىن ەسەڭگىرەتىپ جىبەردى. بەسىنشى كەزدەسۋدە گولوۆكين لەميونىڭ جاعىنان كەلىستىرىپ ۇرۋمەن بىرگە، بۇيىرىنە ارت-ارتىنان جۇدىرىق سىلتەپ، لەميو ءبىر تىزەرلەپ وتىرىپ قالدى. وسىدان كەيىنگى 3 رەتكى كەزدەسۋدە لەميو بارىنشا قايسارلىق كورسەتىپ، قارسىلاسىن ەسەڭگىرەتەتىندەي جۇدىرىق سىلتەي الماسا دا، گولوۆكيندى اينالدىرىپ جىبەرمەدى. 8-رەتكى كەزدەسۋ باستالىپ ءبىر مينۋت 32 سەكۋندقا جەتكەندە لەميونىڭ گولوۆكيننىڭ جىتىرمەلەتە ۇرعان جۇدىرىعىنان باس كوتەرە الماعاندىعىن كورگەن باس تورەشى قول بۇلعاپ جارىستىڭ اياقتالعاندىعىن جاريالادى. قارسىلاسىن ۇرىپ جىققان 33 جاستاعى گولوۆكيننىڭ كاسىپتىك ناتيجەسى 34 مايدان سايىستىڭ بارلىعىندا جەڭىستىك العان بولىپ، 31 مايداندا قارسىلاسىن ۇرىپ جىققان. بۇل ونىڭ جالعاستى 21 رەت قارسىلاسىن ۇرىپ جىعۋى بولىپ، 15-رەت حالىقارالىق بوكس قوعامىنىڭ (WBA) بوكس پاتشاسى اتاعىن ەنشىلەۋى، وسى كۇنى ماديسون گۇل باعى الاڭىنا 20 مىڭ 548 بوكس اۋەسكەرى جينالعان بولىپ، جارىس بەلەتى لەزدە ساتىلىپ جوق بولعان. كەلەسى جولى گولوۆگين 21-قاراشادا وتكىزىلەتىن كوتتو مەن ۆارەسەنىڭ حالىقارالىق بوكس جەتەكشىلەر كەڭەسىنىڭ چەمپيوندىعىنا تالاسۋ سايىسىندا جەڭگەنىمەن سايىسقا تۇسەدى ەكەن.

       
رەداكتورى: پارزانا عادىلبەك قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.