دانيا قاۋىرسىن دوپ اشىق جارىسىندا ەلىمىز سپورتشىلارى ەكى التىن مەدالعا يە بولدى

    18-قازاندا وتكىزىلگەن 2015-جىلعى دانيا قاۋىرسىن دوپ اشىق جارىسىنىڭ شەشۋشى  جارىسندا  ەلىمىزدىڭ ەر، ايەل  جەكە ادامدىق جارىس تۇرىنە قاتىناسقان سپورتشىلارى چىن لۇڭ مەن لي شۋەرۇي قاتار اعا جۇلدەگەرلىكتى قانجىعاسىنا بايلادى، بۇل چىن لۇڭنىڭ وسى جارىس تۇرىنەن ءتورتىنشى رەت اعا جۇلدەگەرلىكتى ەنشىلەۋى.

  يندونەزيا سپورتشىسى سۋگيارتومەن بولعان سايىستا چىن لۇڭ جارىس باستالا سالا ەرەن تالانت تانىتىپ،ىرىقتى ورىنعا ءوتىپ، سوڭىندا ەكى 12 گە قارسى 21 ۇپايمەن قارسىلاسىن جەڭىپ الدى، وسى رەتكى جارىستا جالپى 45 مينۋت ۋاقىت جۇمسادى. بۇل چىن لۇڭنىڭ بيىلعى جىلعى ەرلەردىڭ جەكە ادامدىق جارىسى تۇرىنەن جەتىنشى رەت اعا جۇلدەگەرلىكتى قانجىعاسىنا بايلاۋى.

  ايەلدەر جەكە ادامدىق جارىسىنىڭ شەشۋشى جارىسىندا دۇنيە جۇزىندە 4-ورىندا تۇراتىن ەلىمىز سپورتشىسى لي شۋەرۇي 19 عا قارسى 21 ۇپاي، 12 گە قارسى 21 ۇپايلىق ناتيجەمەن ءۇندىستان  سپورتشىسى  سيندحۋدى  جەڭىپ الىپ، دانيا قاۋىرسىن دوپ اشىق جارىسىنىڭ  اعا جۇلدەگەرلىگىن ساقتاپ،الەمدىك جۇلدەلى جارىستا 2 گە  قارسى  ءبىر ۇپايمەن  سيندحۋدان جەڭىلىپ قالعان ەسەسىن قايتاردى.

  ەرلەردىڭ قوس ادامدىق شەشۋشى جارىسىندا ەلىمىز سپورتشىسى ليۋ چىڭ مەن لۋ كاي 2 گە قارسى 0 ۇپايمەن دۇنيەدە ءبىرىنشى قاتاردا تۇراتىن وڭتۇستىك كورەيالىق لي لۇڭدا مەن ليۋ يانشيڭنەن جەڭىلىپ، شاراسىزدان ەكىنشى بولدى.

  ەلىمىزدىڭ ايەلدەر قوس ادامدىق قۇراماسىنداعى تيان چيڭ مەن جاۋ يۇنلي شەشۋشى جارىسقا كىردى، الايدا جاۋ يۇنليدىڭ جارىستان ىلگەرى قولى جارالانىپ قالعاندىقتان، جارىستان شەگىنۋگە ءماجبۇر بولدى،سونىمەن وڭتۇستىك كورەيا قۇراماسىنداعى جىڭ جيڭيڭ مەن شىن شىڭزان اعا جۇلدەگەرلىكتى ەنشىلەدى، بۇل وڭتۇستىك كورەيا كومانداسىنىڭ وسى جارىس مەزگىلىندە تۇڭعىش رەت ايەلدەردىڭ قوس ادامدىق جارىس تۇرىنەن اعا جۇلدەگەرلىكتى قانجىعاسىنا بايلاۋى.

  ەر، ايەلدەر ارالاس جارىسىندا دۇنيە جۇزىندە 7-ورىندا تۇراتىن وڭتۇستىك كورەيا قۇراماسىنداعى گاۋ چىڭشۋان مەن جين حىنا 66 مينۋتتىق سۇراپىل سايىستا 1 گە قارسى 2 ۇپايمەن دۇنيە جۇزىندە 2-ورىندا تۇراتىن يندونەزيا قۇراماسىنداعى اماد پەن ناسيردى جەڭىپ الىپ، اعا جۇلدەگەر بولدى. وڭتۇستىك كورەيا كومانداسى وسى رەتكى جارىستا قوس ادامدىق جارىس تۇرىنەن 3 التىن مەدالدى قانجىعاسىنا بايلادى.


       
رەداكتورى: پارزانا عادىلبەك قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.