ەەڭ جاڭا مازمۇندار
”جاڭا داۋىردە ەكپىندەي ىلگەرىلەۋ“ نەگىزگى تاقىرىپتىق تابىستار كورمەسىنىڭ شينجياڭ كورمە بولىگى تارتىمدىلىعىمەن كوزگە ءتۇستى
«تاعدىرلاس بولىپ، داڭعىل جولمەن ىلگەرىلەۋ − شي جينپيڭنىڭ ديپلوماتيا يدەياسى ادامزات دامۋىنىڭ، العا باسۋىنىڭ اعىمىن ىلگەرىلەتتى»
بۇقارانىڭ ءىسىن قاشاندا كوكەيىندە ساقتادى
ايماعىمىزدا 610 مىڭ مۋ جەرگە دۇمبە ءبيداي سىڭىرىلە باستادى
ءۇمىت اتىزىنان مول ءونىم جىرى شىعاندادى
تىكە تاراتۋ بولمەسىنەن”ءىرى ەلدىڭ استىق قامباسىن“ تاماشالادى
شاعانتوعاي: ماقسارىنى جىنتىكتەي مانەرلەۋگە جاڭا كۇش قوسىلدى
2022-جىلى 9-ايدىڭ 30- كۇنى 218-سان
قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرە
پارتيانىڭ بەكىمىن، حالىقتىڭ رايىن ۇيىستىرىپ، گۇلدەنۋ ۇلى ءىسىن ىلگەرىلەتتى
رەفورما شارالارىنىڭ تياناقتانىپ، ونىمدىلىك كورسەتۋىن جەدەل ىلگەرىلەتىپ، ەكونوميكانىڭ، قوعامنىڭ جوعارى ساپالى دامۋىن پارمەندى قولداۋ، قامتاماسىز ەتۋ كەرەك
زەيىن - زەردەنى، كۇش - قۋاتتى ۇيىستىرىپ، بورىشتى ارقالاپ، قايراتتانا العا ۇمتىلىپ، جاڭا تاراۋ جازايىق
قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرەك
تاريحتى اينا ەتىپ، وتكەندى باعامداپ، بولاشاقتى بولجاپ، گۇلدەنۋ جولىندا تاباندىلىقپەن العا باسۋ كەرەك
ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ ماڭىزدى تالابىن جاپپاي تياناقتاندىرىپ، پارتيا 20 - قۇرىلتايىنىڭ جەڭىسپەن اشىلۋىنا حاۋىپسىز، ورنىقتى ساياسي، قوعامدىق ورتا جاراتۋ كەرەك
اۆتونوميالى رايوننىڭ وقۋ - اعارتۋدى جوعارى ساپامەن دامىتۋ جينالىسى اشىلدى
بارشا جۇڭگولىقتى تۇگەل اناعۇرلىم جاقسى تۇرمىسقا كەنەلتتى
شينجياڭدى سىرتقا ەسىك اشۋدىڭ الدىڭعى شەبى ەتىپ قۇرىپ شىعامىز
جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايىنا قاتىناساتىن ۋاكىلدەر تۇگەل سايلانىپ شىقتى
ۋاكىلدىك بورىشتى ادالدىقپەن اتقارىپ، ۋاكىلدىك رولدى تولىق ساۋلەلەندىرەيىك
مەملەكەتتىك حالىق قۇرىلتايى تۇراقتى كوميتەتىنىڭ زاڭنىڭ اتقارىلۋىن تەكسەرۋ گرۋپپاسى رايونىمىزدا زاڭنىڭ اتقارىلۋىن تەكسەردى
2022-جىلى 9-ايدىڭ 29- كۇنى 217-سان
2022-جىلى 9-ايدىڭ 28- كۇنى 216-سان
اۆتونوميالى رايوندىق پارتكوم تۇراقتى كوميتەتى كەڭەيتىلگەن ءماجىلىس اشتى كەزەكتەگى ىندەتتەن ساقتانۋ - تىزگىندەۋ قىزمەتىن ارناۋلى تاقىرىپتا اقىلداستى، ورنالاستىرۋ جاسادى
اۆتونوميالى رايوندىق ساۋدا - ونەركاسىپشىلەر بىرلەستىگىنىڭ (باس ساۋدا قوعامى) 12 - قۇرىلتايى وتكىزىلدى
شينجياڭ سۋ يگىلىگىن دامىتۋعا قارجى قوسۋ (توبى) شەكتى سەرىكتەستىگى قۇرىلدى
2022-جىلى 9-ايدىڭ 27- كۇنى 215-سان
شاۋەشەك قالاسىندا تۇڭعىش قارتتارعا قامقورلىق جاساۋ جاعىنان قوعامدىق قىزمەت وتەۋ ورتالىعى قۇرىلدى
ساۋانداعى ساقشىلار مەن حالىق قارا دەگەلەكتى قۇتقاردى
شاۋەشەك كەدەنى دالمە -ءدال شارا قولدانىپ، اۋىل شارۋاشىلىق قوسىمشا ونىمدەرىن يمپورت -ەكسپورت ەتۋدىڭ”جەدەل ارناسىن“ اشتى

ۇناتتىم دا سويلەتتىم ءوز تىلىمدە

جولدانعان ۋاقىتى : 2015/10/19 11:09:11

       دەريەۆنيا
    ا. س. پۋشكين  (رەسەي) 
  
 
وڭاشا، الىس تۇكپىر سالەم ساعان،
تىنىشتىق، ەڭبەك، شابىت پانالاعان.
وزىڭدە باقىت، راقات اياسىندا،
تەز وتكەن كۇندەرىمدى ساناماعام.

مەن سەندىك، قاجەتى جوق حانسارايدىڭ،
دۋمان-توي، ءسان-سالتانات اڭسامايمىن.
ورماننىڭ بەيبىت شۋى، قىر مۇلگۋىن
ۇناتىپ جانعا سىرلاس تاپقاندايمىن.
 
مەن سەندىك، سۇيەم سەنى، تۇنجىر باعىم،
ساياڭنان كورەم الۋان گۇلدىڭ ءبارىن.
مايالى شابىندىقتى ارالاعان،
سۇيەمىن تۇنىق بۇلاق سىڭعىرلارىن.

توڭىرەك كورىنىسكە تولعان عاجاپ،
ەگىز كول قوسىلۋعا قالعان از-اق.
جەلكەنى بالىقشىنىڭ سۋدا اعارسا،
ار جاعى استىقتى القاپ الاباجاق.

اندىزداپ مال جايىلعان ماڭايىندا،
شاشىراپ شارۋا ۇيلەرى قارايۋدا.
قاناتى جەل تيىرمەننىڭ ءتۇتىن ءىلىپ،
ءار تاڭنىڭ ەڭبەك قىزار ارايىندا.

دەرتىنەن دەگبىرسىزدىك ارىلعانداي،
شاتتانام بار كەرەگىم تابىلعانداي.
ەلەمەي مەشەۋلىگىن توبىرلاردىڭ،
قۇپتايمىن اق نيەتىن جانىم قالماي.

نە زالىم، نە اقىماق اكىم بىتكەن،
قىزىقپان اتاعىنا، راحىم كۇتپەن.
زاڭىمەن ءوز جانىمنىڭ جۇرەم ەركىن،
كوكسەگەم ءومىردىڭ بۇل ءساتىن كوپتەن.
 
عاسىردىڭ قارت كۋاسى بابالارىم،
وڭاشا وزدەرىڭمەن قالام ءار كۇن.
بويكۇيەز بوس ۇيقىنى ءۇنىڭ قۋىپ،
ءدال باسىپ كوڭىلىمنىڭ تابام ءانىن.
 
گۇلدى القاپ اسقار تاۋدىڭ اراسىندا،
ءزارۋ ەل كۇن كەشەدى جان اشىرعا.
كورگەندە تۇپكە جەتكەن جوقشىلىقتى،
ەسىڭنەن شاق قالاسىڭ اداسۋعا.

ەلەمەي كوزدىڭ جاسى، جان داۋىسىن،
تابىسقا كۇندە پايدا جالعاۋ ءۇشىن،
شونجارلار ار-ۇياتتان اتتاۋعا ءازىر،
سەنىممەن ءۇمىت ارتار بار ما كىسىڭ؟

زاڭ دا جوق، سەزىم دە جوق جىرتقىش بايدا،
شىعارماس شەڭگەلىنەن جۇرتتى ەشقايدا.
ەڭبەگىن، ۋاقىتىن تۇگەل توناپ،
ۇستاتپاس وزىنە ۇلەس جىرتىستاي دا.

ديقاننىڭ قامشى باتىپ جوتاسىنا،
تىركەۋلى سۇمداردىڭ ءجۇر سوقاسىنا.
بورازدا بويلاپ قۇلدىق بارادى ءىلبىپ،
تىرلىكتىڭ نالەت ايتىپ وپاسىنا.

تۋعانداي كەدەي ىشتەن قامىتتى الا،
موينىنان تۇسپەستەي ول تابىتتا دا.
بۇل جەردە قىزدار گۇلدەپ بويجەتەدى،
تىنسىن دەپ توپاس تويات الىپ قانا.

بولار دەپ جانعا سۇيەۋ وسى بىردە،
الدانىپ اكەلەر ۇل وسىرۋدە.
كۇنى ءۇشىن تاستاپ تۋعان باسپاناسىن،
جالدانىپ ءجۇر ولار باي ەسىگىندە.

جاتساشى داۋىسى، شىركىن، جۇرەك تەربەپ،
تاسىماي  جىرىم بوسقا كەۋدە كەرنەپ.
باتىرلىق سيلاماپتى تاعدىر ماعان،
قالتىراپ قاھارىمنان قالار جەر-كوك.
 
پاتشانىڭ قۇلى بولىپ جەتەگىندە،
ءبىر بىلمەي ەركىندىكتىڭ نە ەكەنىن دە.
ۋا، دوستار! قامالادى حالقىم قانشا،
التىن تاڭ اتار ما اتا مەكەنىمدە؟!

       ولمەيتىن  ەر

   سەرگەي  سميرنوۆ  (رەسەي)

قىران ەدى ول كەلگەن قازاقستاننان،
مەرگەن ەدى  جاۋدى كوزدەپ سۇستانعان.
كۇن كوزىندە، اي استىندا شايقاستى،
قايمىقپادى اياز، اپتاپ، دۇشپاننان.
 
جاي جاۋ تۇگىل وققا ۇشىرىپ مەرگەنىن،
ساپتاستارعا كورگەم رۋح بەرگەنىن.
جاتتى جاۋدان كۇندە ەسەلەپ قايتارىپ،
سەنىم ارتقان اتا-انا، وتان، ەل كەگىن.
 
وققا ۇشقاندا قايران ول ەر  قاپىدا،
قايىستى ەل-جۇرت ورمان بۇتاق جاپىرا.
ورىس جەرى ەردىڭ ءجۇزىن جاسىردى،
ءبىر قۇلپىتاس يە بولىپ اتىنا.
 
جارىپ شىققان جاياۋ اسكەر جۇرەگىن،
قوش!  دەپ ايتقان ۇنگە قۇلاق تۇرەمىن.
ولىمگە ونى ءالى كۇنگە قيمايمىن،
كوز الدىما ەلەستەتەم ءتىرى ءوڭىن.

بەيبىت كۇننىڭ جىرىن تىڭداپ ءبىر قانباي،
ساقشى بولىپ ءتارتىپ ساقتاپ تۇرعانداي.
سيرەك قاعار قاناتىنداي قىراننىڭ،
قوس ەتەگى جەل سوقسا سان ۇرعانداي.

  تۋعان  جەردىڭ  توزاڭى

 لۋۆسانگيين  دزۋندۋن-ەندون (موڭعۇل)

توڭىرەگىمدە تۇنادى،
تۋعان جەردىڭ توزاڭى.
تۋعاننان ول ۇنادى،
ودان نە اسىپ، وزادى.

سۇيگەنىمنىڭ ەرنىندە،
ەرنەۋىندە ىدىستىڭ
تۇرعان شاڭدى كوردىڭ بە،
توزاڭىنداي كۇمىستىڭ.

دارىگە بالاپ مەن ونى،
كۇندە شايمەن بىرگە ءىشتىم.
بويعا قۋات بەرەدى،
بارى انىق ءبىر كۇشتىڭ.

تۋعان جەردىڭ توزاڭى،
قونا بەرسىن بارىنە.
ءۇيدىڭ تۋىرلىعىنا،
اتقا قونسىن، ارينە.
 
قونسىن الاقانىما،
ءسىڭسىن ىستىق قانىما.
تۋعان جەردىڭ اق شاڭى
ۇقسايدى اق ارىما.

كوپتەن بىلەم ءدامىڭدى،
جادىراتقان جانىمدى.
 اسىر سالعان ۇلىڭمىن،
بۇرقىراتىپ شاڭىڭدى.

اياعىمدى سالدىم دا
اكە ۇزەڭگىسىنە.
مىنگەنىمدە تاڭ قالدىم با،
ۇقساتىپ ۇلكەن كىسىگە.

شاۋىپ كەلە جاتىرمىن،
بۋداق-بۋداق شاڭ ۇشتى.
شاڭى شاپقان اتىمنىڭ
كوكتە بۇلتپەن تابىستى.
 
بالاڭ، مىنە، اقىن بوپ،
انگە قوسىپ ماقتادى.
ماعان سەنەن جاقىن جوق،
تۋعان جەردىڭ اق شاڭى.
 
         تۋعان  ءتىلىم

جوري  اندريامانانتەنا-رادۋ  (ماداگاسكار)


تۋعان ءتىلىم  - ءتىلى اتا-بابامنىڭ،
وزىندەيسىڭ اق ءسۇت بەرگەن انامنىڭ.
قايدا جۇرسەم مەنىمەنەن بىرگەسىڭ،
تۇسىنىكتى سەندەي جاقىن ماعان كىم؟
 
اتا-انادان تۋعان ءتىلىم ءبىر كەم بە،
ءتىلدى ءبىلدىم، اتا-انامدى بىلگەندە.
«انا» دەدىم، «اكە» دەدىم بىلدىرلاپ،
اتا-انامدى ءسۇيسىنتىپ بۇل ۇندەرگە.

وزەگىنە ءومىر ءنارى قۇيىلعان،
ءار ءسوز ماعان سەكىلدى ءبىر ءتۇيىر ءدان.
ءونىپ-وسكەن ءبىلىم مەنىڭ سانامدا،
سول داندەردىڭ قۋاتىمەن جيىلعان.

اكە-بالا، اتا-بابا اراسىن،
جالعاستىرعان ءتىل ءبىر - كوپىر، جاراسىم.
تىلمەن ساپار شەگىپ كونە تاريحقا،
تىلمەن ءىز ساپ بولاشاققا باراسىڭ.

وي وربىگەن، ءىس دامىعان تىلمەنەن،
دارالاردى تۇتاستىرعان ءتىل - كوگەن.
اسپان مەن جەر تىلمەن وڭاي ۇشتاسىپ،
سۋ مەن اعاش، تاس تابىسقان گۇلمەنەن.
 
جۇرەك العاش سۇيىكتىسىن تاپقاندا،
عاشىق بولىپ جان ءبىر مۇڭعا باتقاندا،
ارمانىڭدى جار الدىنا جايىپ ساپ،
«سۇيەمىن» دەپ ءتىل عوي جاۋاپ قاتقان دا.
 
ءتىلىم مەنىڭ سۋ سىلدىرىن، گۇل سىرىن،
ساقتاسا ەكەن سۇيگەن جۇرەك ءدۇرسىلىن.
ساقتاسا ەكەن اتا-بابا ءداستۇرىن،
قاراپايىم ۇلتتىق تەرەڭ ءتىلسىمىن.

باسەڭدەمەي ارتسىن ءتىلدىڭ ارىنى،
لاۋلاي ءتۇسسىن تىلدە جاستىق جالىنى.
اقىندىعىم مەنىڭ تىلمەن ءبىر تۇتاس،
ەكەۋى دە انا سۇتپەن دارىدى.
 
ولەڭدەرىم قىمبات بالالارىمداي،
ەكەۋىن دە جاقسى كورەم جانىمداي.
ءوز تىلىمدە اتى  بابالارىمنىڭ
ءار اتالعان سايىن تابار جانىم جاي.
 
تامىرلارىن جىبەرسە ەگەر تەرەڭگە،
بيىك، الىپ بولىپ وسەر ەمەن دە.
مەن دە ەمەنمىن، ءتىلىم - تەرەڭ  تامىرىم،
تامىرىمدى بالتاعا ۇستاپ بەرەم بە؟!
 
قاراڭعىعا ءتىلىم ساۋلە شاشاسىڭ،
جابىقتاردى جارقىراتىپ اشاسىڭ.
ۇمىتقاندى ەسكە سالىپ ۇنەمى،
تانىتاسىڭ ءومىردىڭ بار تاساسىن.
 
سەنسىڭ ءتىلىم - بويداعى كۇش-قۋاتىم،
ساقتاۋشىڭمىن قورعاۋعا بەل بۋاتىن.
اتا مۇرام، سەنسىڭ بەرەر ەنشىم دە
ۇل-قىزىما، نەمەرەمە تۋاتىن.
 
ءتىلىمدى امان تار جول، تايعاق كەشۋدەن
وتكىزبەسەم ۇل بوپ تۋدىم نەسىن مەن.
جانىم قۇربان ءتىلىم سەنىڭ جولىڭدا،
سۋدان استە تايىنبايدى شەشىنگەن.

      قۇمىرىسقا  
  
اندرەي  ۆوزنەسەنسكي  (رەسەي)


قايىعىمدا بىلمەي قايدا بارارىن،
قۇمىرىسقاسى ءوتتى ارعى جاعانىڭ.
يلەۋىنە ونى جاقىن جولاتپاي،
قۇمىرىسقاسى قۋدى مىنا ارانىڭ.

ورىن بەرمەي وسىنشا كەڭ دالادان،
وزدەرىندەي قۇمىرىسقا ونى تالاعان.
بۇل دا قوڭىر، قىناما بەل، تومپاق كوز،
بار ايىبى كەلگەن ارعى جاعادان.

قايتا اپارىپ تاستايىن دەپ قارادىم،
ءبارى بىردەي قايدان قايتىپ تابامىن؟
قانشا ىزدەپ، ۇستاپ، تۇستەپ كورسەم دە
ايىرا الماي قويدىم قۇرىپ امالىم.

ءبىرازدان سوڭ ءبىر جاڭقاعا جابىسىپ،
بەرينگ قۇساپ تولقىندارمەن الىسىپ،
ءوز جاعىنا ءوتىپتى الگى قۇمىرىسقا،
جەتىسەم دەپ ۇيىرىمەن تابىسىپ.

قۇمىرىسقاسى بۇرىنعى الگى ارانىڭ،
سۋىق قاراپ، شىتىپ بۇعان قاباعىن.
قۋالاپتى ماڭايىنا جولاتپاي:
- جاندىگىسىڭ،- دەپ،
- سەن ارعى جاعانىڭ.
 
وسىدان وي كەلەدى ەكەن ادامعا،
ءجۇرمىن بە دەگەن مەن دە وسى ءوز جاعامدا.
وقتا-تەكتە تەكتەن-تەككە جاتسىنىپ،
قارايتىندار جوق ەمەس قوي ماعان دا.
 
قۇدىرەتتى كۇش قولىمدا بولسا مەن،
ءبىر جاعانى ءبىر جاعاعا قوسار ەم.
قۇمىرىسقا دا جاتسىنبايتىن ءبىر-ءبىرىن،
ءبىر تۇتاس ءبىر بەيبىت دۇنيە جاسار ەم.
اۋدارعان - ورازاقىن  اسقار
دايىنداعان - قاجىبەك ايدارحان


      
رەداكتورى: پارزانا عادىلبەك قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.

 
powered by IlgharCMS 3.2 www.ilghar.cn