دجوكوۆيچ 6-رەت جۇڭگو تور دوپ جارىسىنىڭ اعا جۇلدەگەرلىگىن ەنشىلەدى

    11-قازاندا سەربيالىق سپورتشى دجوكوۆيچ يسپانيالىق سپورتشى ناداردى ارت-ارتىنان ەكى مايدان جەڭىپ، 6-رەت جۇڭگو تور دوپ اشىق  جارىسى  ەرلەردىڭ  جەكە ادامدىق جارىسىنىڭ اعا جۇلدەگەرلىگىن ەنشىلەپ،ءوزىنىڭ قۇت مەكەندەگى جالعاستى جەڭۋ رەكوردىن 29 مايدانعا جەتكىزدى ءارى نادارمەن بولعان سايىستاعى جەڭگەن جانە جەڭىلگەن مايدان سانىن 22 دە 23 كە وزگەرتتى.

  تاريحتا بەلدەسۋ رەت سانى ەڭ كوپ بولعان ەكى تور دوپ سپورتشىسىنىڭ مايدانداعى سايىسىندا ءبىر جاعىنا اۋۋ جاعدايى ءجۇز بەردى، بۇل عاجاپتانارلىق ءىس ەمەس.  قاتتى جەردە ىلعي دا دجوكوۆيچ باسىم ورىندى يەلەپ كەلەدى. وسى جارىس ماۋسىمىندا دجوكوۆيچتىڭ داۋرەندەپ تۇرعان كەزى بولىپ، ءۇرتىس 12 رەت شەشۋشى جارىسقا ءتۇسىپ، 3 رەت اعا جۇلدەگەرلىكتى ەنشىلەسە؛ ناداردىڭ بەينەسى تىم جاقسى بولماي، 10 جىلدان بەرگى تۇڭعىش رەتكى اعا جۇلدەگەرلىكتەن سالىمى بولماعان جارىس ماۋسىمى بولىپ، دۇنيە جۇزىلىك قاتارعا تۇرعىزۋدا قۇلدىراپ 8-ورىنعا ءتۇسىپ قالدى، ول شەشۋشى جارىسقا تۇسەردىڭ الدىندا ءوزىنىڭ بيىل دجوكوۆيچتىڭ تەڭى ەمەس ەكەندىگىن مويىنداعان.

  وسىدان بۇرىن ەكەۋى قاتتى جەردە 21 رەت سايىسىپ، دجوكوۆيچ 14 مايدان جەڭگەن. نادار 2013-جىلعى شەشۋشى جارىستان بەرى قاتتى جەردە قارسىلاسىن جەڭىپ كورمەدى. سول كۇنگى شەشۋشى جارىستا دجوكوۆيچ جارىس باستالا سالا ۇپاي الىپ، جەتىنشى كەزەكتە جانە دە ۇپاي الىپ، نەبارى 41 مينۋتتا 2 گە قارسى 6 ۇپايمەن 1-مايدانعى جارىستا جەڭىپ شىعادى.

  2-مايدانعى جارىستىڭ 3-كەزەگىندە نادار جارالانعاندىعى سەبەپتى ءۇزىلىس جاساۋدى وتىنەدى، كوماندا شيپاگەرى ونىڭ وڭ اياعىنىڭ جاراقاتىن ءبىر جايلى ەتەدى. نادار مايدانعا ورالعاننان كەيىن ۇپاي الۋ ورايىنان ايىرىلىپ قالادى، بەسىنشى كەزدەسۋدە جانە دە قارسى جاعىنا ۇپاي الۋ ورايىن بەرىپ قويادى. ەڭ سوڭىندا دجوكوۆيچ جانە دە 2 گە قارسى 6 ۇپايمەن 2-مايدانعى سايىستىڭ جەڭىسىنە قول جەتكىزەدى.

   دجوكوۆيچ بەيجيڭ وزىنە  قۇت اكەلدى دەسە، ناداردىڭ دا بەيجيڭدە جولى بولعان، ول 2005-جىلعى جۇڭگو تور دوپ جارىسىنىڭ  اعا جۇلدەگەرلىگى مەن 2008-جىلعى بەيجيڭ وليمپيادا سپورت جارىسىنىڭ اعا جۇلدەگەرلىگىن قانجىعاسىنا بايلادى. فەدەرەر مەن ناداردىڭ قيان-كەسكى باسەكەسىنەن كەيىن، دجوكوۆيچ پەن ناداردىڭ سايىسى كاسىپتىك تور دوپ سالاسىنداعى تولعاقتى تۇيىنگە اينالدى. ەكەۋىنىڭ جۇڭگو تور دوپ جارىسىن تاماشا ناتيجەمەن  اياقتاتۋى ايەل شولپاندار جارىسقا قاتىناسا الماعان وكىنىشتىڭ ورنىن تولتىردى.

  دجوكوۆيچ  كەلەر جىلى بەيجيڭگە جانە دە كەلىپ، نادار ساقتاپ كەلگەن ۇقساس ءبىر تۇردەگى ATP جارىسىندا ءۇرتىس 31 مايدان جەڭۋ رەكوردىن جاڭالاۋى مۇمكىن.

       
رەداكتورى: پارزانا عادىلبەك قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.