ءارقانداي ادامنىڭ ءدارى ساتۋ جونىندەگى جارنامالارعا ۋاكىل بولۋىنا بولمايدى

   جاڭادان وزگەرىس ەنگىزىلگەن «جۇڭحۋا حالىق رەسپۋبليكاسىنىڭ قۇلاقتاندىرۋ زاڭى» 1-قىركۇيەكتەن باستاپ رەسمي اتقارىلدى. بۇل قۇلاقتاندىرۋ زاڭى اتقارىلعان 20 جىلدان بەرگى تۇڭعىش رەتكى وزگەرىس ەنگىزۋ. وسى رەتكى قۇلاقتاندىرۋ زاڭىنا وزگەرىس ەنگىزۋدىڭ كولەمى وتە ۇلكەن، بۇعان جالعان قۇلاقتاندىرۋلاردىڭ انىقتاماسى مەن ونىڭ تيپتىك فورماسىن ايقىنداۋ، جارناما ۋاكىلىنىڭ زاڭدى بورىشى مەن جاۋاپكەرشىلىگىن كۇشەيتۋ جاڭادان قوسىلدى، الەۋمەتتىك مەديالاردا جارنامالاناتىن قۇلاقتاندىرۋلاردى باسقارۋدى كۇشەيتۋ سىندى كوپ جاقتار قامتىلدى.

　 　جاڭا قۇلاقتاندىرۋ زاڭىندا ءارقانداي ادامنىڭ ءدارى-دارمەكتىڭ ۋاكىلى بولۋىنا رۇقسات ەتىلمەدى،ءدارى- دارمەك جارنامالارىندا ونىڭ كەرى رەاكسياسى، ءسوزسىز، ايقىن ايتىلۋى كەرەك. سونىمەن بىرگە، راديو     ستانسيالارى، تەلەۆيزيا، گازەت-جۋرنالدار، دىبىس-كەسكىن مەديا ورىندارى، عالام تورلار اقاۋسىزدىققا، كۇتىنۋگە قاتىستى بىلىمدەردى تانىستىرۋدا فورماسىن وزگەرتىپ ءدارى-دارمەك، ەمدەۋ جابدىقتارىن،ەمدەۋ،دەنساۋلىق ساقتاۋ ونىمدەرىن ۇگىتتەۋلەرىنە بولمايدى.

　　 بۇل ءدارى-دارمەك، ەمدەۋ جابدىقتارى، ەمدەۋ، دەنساۋلىق ساقتاۋ ونىمدەرىن جارنامالاۋدا بۇدان بىلاي جارناما ۋاكىلىن ىستەتۋگە بولمايتىندىعىنان دەرەك بەرەدى. ويتكەنى بۇنىڭ بارلىعى حالىق بۇقاراسىنىڭ  ءومىرى مەن دەنساۋلىق اقاۋسىزدىعىنا قاتىستى، ادامداردىڭ دەنساۋلىق قۋاتى ۇقسامايتىندىقتان، ءمالىم ادامعا پايدا بەرگەن ءدارىنىڭ باسقالارعا ءونىم بەرەرى ناعايبىل، ال ءدارىنىڭ وبراز ۋاكىلى بولعان جارناماشى بارلىق ادامنىڭ دەنساۋلىعىنىڭ قالپىنا كەلۋىنە  كەپىل بولا المايدى،بۇل عىلمي     ەمەس، ارينە.

　　جاڭا قۇلاقتاندىرۋ زاڭىنا ساي، جارناماعا سالىنعان جالعان قۇلاقتاندىرۋعا قاراتا، 1994-جىلعى قۇلاقتاندىرۋ زاڭىندا بەلگىلەنگەن جارناما اقىسىنىڭ 1 دەن 5 ەسەسىنە دەيىن سالىناتىن ايىپ اقشا، جارناما اقىسىنىڭ 3 دەن 5 ەسەسىنە دەيىنگە رەتتەلدى، ايىپ اقشا مولشەرى ارتتىرىلدى ءارى ەكى جىل ىشىندە جوعارىداعى سەكىلدى زاڭعا قايشى ارەكەت نەمەسە باسقادا سالماقتى جايتتەر 3 رەتتەن ارتىق بايقالسا، ەڭ جوعارى بولعاندا 2 ميلليون يۋان ايىپ سالىنادى. جاڭا قۇلاقتاندىرۋ زاڭىندا جالعان قۇلاقتاندىرۋلاردىڭ قالىپتاسۋ شارت-جاعدايىنا قاتىستى بەلگىلەمەلەردە ورتاعا قويىلدى، ءبىرىنشى، مازمۇنى جالعان بولۋ،

ەكىنشى، ادامدارعا اعات تۇسىنىك بەرۋ ارقىلى تۇتىنۋشىلاردى  الداسا،وندا جالعان قۇلاقتاندىرۋ دەپ بەكىتىلەتىن بولدى.
« حالىق تورابىنان»


       
رەداكتورى: پارزانا عادىلبەك قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.