قانات جۇماش ۇلى،جەڭىسبەك قامباربەك ۇلى
جۋىردا شاعانتوعاي اۋداندىق حالىق سوتى مەكەمەسى قولحاتقا قارىز اقشانى قايتارۋ ۋاقىتىن انىق جازباۋدان تۋىنداعان ءبىر داۋ - شارعا ۇكىم شىعاردى. ۇكىم زاڭدىق كۇشكە يە بولعاننان كەيىن، تالاپكەر مەن ايىپكەر جوعارىلاپ ارىزدانبادى.
دەلونىڭ ءمان - جايى بىلاي بولعان: 2013 - جىلى 5 - اقپاندا چي xx ساۋدا قاجەتى ءۇشىن، جاڭ xx تەن 50 مىڭ يۋان قارىز اقشا الادى ءارى سول كۇنى جاڭ xx كە قولحات جازىپ بەرەدى. الايدا اقشانى قايتارۋ مەرزىمى اشىق جازىلمايدى. ارالىقتا جاڭ xx سىرتتا جۇمىس ىستەپ جۇرگەندىكتەن، چي xxتەن اقشاسىن سۇرامايدى. 2015 - جىلى ناۋرىزدا جاڭ xx چي xx كە قارىز العان اقشانى قايتارۋدى ايتادى. چي xx ءتۇرلى سىلتاۋ تاۋىپ قارىز العان اقشانى قايتارمايدى. سونىمەن قارىز اقشاسىن الا الماعان جاڭ xx حالىق سوتى مەكەمەسىنە ارىزدانىپ، جاۋاپكەر چي xx تەن 50 مىڭ يۋان اقشاسىن قايتارىپ الىپ بەرۋىن تالاپ ەتەدى.
سوتتا جاۋاپكەر چي xx: قارىز اقشانى ءىس جۇزىندە 2013 - جىلى اقپاندا الدىم. ارالىقتا تالاپكەر قارىز اقشانى سۇراعان جوق. تالاپكەردىڭ ارىز - شاعىم بەرەتىن 2 جىل مەرزىمدى ۋاقىتى ءوتىپ كەتتى. تالاپكەردىڭ ارىزىن كۇشىنەن قالدىرۋدى تالاپ ەتەمىن،- دەيدى.
حالىق سوتى مەكەمەسى دەلونى مۇقيات تەكسەرۋ ارقىلى «جاۋاپكەردىڭ تالاپكەردەن قارىز اقشا الۋ ارەكەتى زاڭدى الىم - بەرىم قاتىناسىنا جاتادى، ونىڭ ۇستىنە قارىز اقشا الۋ- بەرۋ قاتىناسى ءىس جۇزىندە قالىپتاسىپ بولعان. سوندىقتان زاڭنىڭ قورعاۋىندا بولادى. جاۋاپكەردىڭ ءوزىن اقتاۋ بارىسىندا تالاپكەردىڭ ارىز-شاعىم بەرۋگە ءتيىستى ۋاقىتى ءوتىپ كەتتى دەۋى ورىنسىز. سەبەبى جاۋاپكەردىڭ تالاپكەرگە بەرگەن قولحاتىندا قارىز اقشانى قايتارۋ ۋاقىتى جازىلماعان. سوندىقتان تالاپكەر قالاعان ۋاقىتتا جاۋاپكەردەن قارىز اقشاسىن قۋزاۋىنا بولادى. ارىز-شاعىمنىڭ زاڭدى ۋاقىتى تالاپكەردىڭ قۋاتتاماسىن ورتاعا قويعان كۇننەن باستاپ ەسەپتەلەدى. بۇل دەلودا تالاپكەر 2015 -جىلى ناۋرىزدا جاۋاپكەردەن قارىز اقشاسىن قايتارۋدى قۋزاعان. سوندىقتان ارىز-شاعىمنىڭ كۇشكە يە ۋاقىتى ءوتىپ كەتپەگەن. جاۋاپكەر چي xx داۋگەر جاڭ xx كە 50 مىڭ يۋاندى قايتارۋ كەرەك» دەپ ۇكىم شىعاردى.
رەداكتورى: پارزانا عادىلبەك قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.