قاشىپ ءجۇرىپ قىلمىس وتكىزگەن توپ جەر قاپتى

   ەرىكتى ءتىلشى يۋە سۇيپيڭ

  جۋىقتا شاعانتوعاي اۋداندىق قوعام حاۋىپسىزدىگى مەكەمەسى جان-جاقتىلى تەكسەرۋ جۇرگىزۋ ارقىلى قاشىپ ءجۇرىپ دەلو تۋدىراتىن قىلمىستىلار توبىن تالقاندادى، ولاردىڭ 20 رەت ۇرلىق ىستەۋ دەلوسىن تۋدىرعاندىعىن تەكسەرىپ انىقتاپ، دەلوعا قاتىستى 4 ادامدى قولعا ءتۇسىردى، دەلوعا قاتىستى قاراجات 80 مىڭ يۋان بولىپ، قول تەلەفون، موتوتسيكل،  كومپيۋتەر،ناق اقشا سىندى جالپى قۇنى 40 مىڭ  يۋاننان ارتىق زاتتى ءمۇسادىرالاعان.

  ۇعىسۋعا قاراعاندا، بيىل شىلدەنىڭ ورتا شەنىنەن تامىزدىڭ ورتا شەنىنە دەيىن قىلمىس كۇماندىسى جاۋ xx سىبايلاستارى لي xx جانە شۇي xx پەن بىرلەسىپ، شاعانتوعاي اۋدانى ، ءدوربىلجىن اۋدانى، كۇيتۇن قالاسى، ۋجياچۇي، فاڭساۋحۋ سياقتى جەرلەردە قاشىپ ءجۇرىپ، جەكە جانە بىرلىكتە دەلو تۋدىرۋ سياقتى تاسىلدەردەن  پايدالانىپ، 20 رەت ۇرلىق ىستەپ، موتوتسيكل،كومپيۋتەر، قول تەلەفون،ناق اقشا سىندى قۇنى 80 مىڭ يۋاندىق زات ۇرلاعان ەكەن.

  حالىق ساقشىلارى قاتىستى ينفورماتسيالارعا نەگىزدەلىپ سەلبەسىپ سوققى بەرۋ تاسىلىنەن پايدالانىپ،  جۋىقتا جەكە-جەكە كۇيتۇن قالاسى، ۋجياچۇي، ساۋان اۋدانى سياقتى جەرلەردەن جاۋ xx قاتارلى 4 قىلمىس كۇماندىسىن قولعا ءتۇسىردى.

  كەزەكتە جاۋ xx، لي xx جانە شۇي xx قاتارلى 4 قىلمىس كۇماندىسى قىلمىستىق ىستەر بويىنشا قولعا الىنىپ، دەلو ىشكەرىلەي تەكسەرىلىپ،ارام ولجانى قۋعىنداۋ قىزمەتى جۇرگىزىلۋ ۇستىندە ەكەن.


       
رەداكتورى: پارزانا عادىلبەك قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.