سۇراۋ: مەن تاۋار اقشاسى جونىندەگى داۋ -دامايدىڭ سەبەبىنەن ا xx پەن م xx ۇستىنەن حالىق سوتى مەكەمەسىنە ارىز ۇسىندىم. حالىق سوتى مەكەمەسى بۇعان 1 -رەت سوت اشتى، ال 2 -رەت سوت اشقالى جاتقاندا، م xx قاتىناس شىرعالاڭىنان قايتىس بولىپ كەتتى. بىلەيىن دەگەنىم، بۇل دەلو ەندى قالاي ءبىر جاقتى ەتىلەدى، جالعاستى قارالا ما، جوق پا؟
جاۋاپ: «جۇڭحۋا حالىق رەسپۋبليكاسىنىڭ ازاماتتىق ىستەر ارىز - شاعىم زاڭىنىڭ» 150 - تارماعىندا بىلاي دەپ بەلگىلەنگەن:
مىناداي جايتتەردىڭ ءبىرى بولعاندا ارىز - شاعىمدا ءۇزىلىس بولادى:
(1) ءبىر جاقتىڭ داۋلى ادامى ءولىپ، ونىڭ مۇراگەرىنىڭ ارىز -شاعىمعا قاتىناساتىن -قاتىناسپايتىندىعىن ءبىلدىرۋىن توسۋعا تۋرا كەلسە؛
(2) ءبىر جاقتىڭ داۋلى ادامى ارىز - شاعىم قابىلەتىنەن ايرىلىپ، زاڭدا بەلگىلەنگەن جوقتاۋشىسى ءالى تۇراقتانباسا؛
(3) ءبىر جاقتىڭ داۋلى ادامى رەتىندەگى زاڭدىق يە نەمەسە باسقا دا ۇيىم كۇشىنەن قالىپ، ۇقىعى مەن مىندەتىن ۇستىنە الاتىن ادامدى ءالى بەلگىلەمەگەن بولسا؛
(4) ءبىر جاقتىڭ ادامى ىرىق بەرمەيتىن سەبەپتەرگە بايلانىستى ارىز - شاعىمعا قاتىناسا الماسا؛
(5) سول دەلوعا باسقا ءبىر دەلونىڭ تەرگەلۋ ناتيجەسىن نەگىز ەتۋگە تۋرا كەلىپ، ول دەلونىڭ تەرگەلۋ ناتيجەسى ءالى شىقپاسا؛
(6) ارىز - شاعىمدا ءۇزىلىس بولۋعا ءتيىستى باسقا دا جاعدايلار بولسا.
ارىز - شاعىمدا ءۇزىلىس تۋدىرعان سەبەپتەر جويىلعاننان كەيىن ارىز - شاعىم قايتا جۇرگىزىلەدى.
وسى زاڭنىڭ 151 - تارماعىندا مىناداي جايتتەردىڭ بىرىندە، ارىز - شاعىم اياقتايدى دەلىنگەن:
(1) تالاپكەر ءولىپ، وعان مۇراگەر بولاتىن ادام بولماسا نەمەسە مۇراگەرى ارىز - شاعىم ۇقىعىنان كەشسە؛
(2) جاۋاپكەر ءولىپ، قالدىرعان مۇراسى بولماسا، مىندەتتى بولاتىن ادامى دا بولماسا؛
(3) نەكەدەن اجىراسۋ دەلوسىنا قاتىستى ادامنىڭ ءبىرى ولسە؛
(4) باعۋ قاراجاتىن، اسىراۋ قاراجاتىن، كۇتۋ قاراجاتىن قۋزاپ الۋ دەلوسىنا جانە اسىراپ الۋ قاتىناسىن كۇشىنەن قالدىرۋ دەلوسىنا قاتىستى ادامنىڭ ءبىرى ولسە.
رەداكتورى: پارزانا عادىلبەك قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.