ەلىمىزدىڭ كوركەم گيمناستيكا كومانداسى ريو-دە-جانە-يرو وليمپيادا سپورت جارىسىنا قاتىناسۋ تولىمدىلىعىنا يە بولدى

     مەملەكەتتىك دەنە تاربيە باس مەكەمەسى گيمناستيكا سپورتىن باسقارۋ ورتالىعىنىڭ 13-قىركۇيەكتەگى حابارىنا نەگىزدەلگەندە، ەندى عانا اياقتالعان 2015-جىلعى كوركەم گيمناستيكادان الەمدىك جۇلدەگە تالاسۋ جارىسىندا ەلىمىز كومانداسى كوللەكتيۆ كوپ سالالى  جارىسىندا سەگىزىنشى بولۋداي ناتيجەمەن كەلەر جىلعى ريو-دە-جانە-يرو وليمپيادا سپورت جارىسىنا قاتىناسۋ تولىمدىلىعىنا يە بولعان ەكەن.

  وسى كەزەكتى الەمدىك جۇلدەگە تالاسۋ جارىسى ريو-دە-جانە-يرو وليمپيادا سپورت جارىسىنا قاتىناسۋ تولىمدىلىعىن الۋ جارىسى بولىپ، ەلىمىز كومانداسى كوللەكتيۆ كوپ سالالى جارىستا 33.199 نومىرلىك ناتيجەمەن وليمپيادا سپورت جارىسىنا قاتىناسۋ تولىمدىلىعىنا يە بولدى. رەسەي، بولگاريا جانە يسپانيا كومانداسى ىلگەرىندى-كەيىندى الدىڭعى ءۇش ورىندى يەلەدى.

  كوركەم گيمناستيكا ءنومىر قويىپ باعالاناتىن جارىس ءتۇرى بولعاندىقتان، سۋبيەكتيۆتىگى ءبىرشاما كۇشتى بولادى. گيمناستيكا سپورتىن باسقارۋ ورتالىعى كوركەم گيمناستيكا ءبولىمىنىڭ باستىعى شيە يىڭ: « جالپى جارىس ءۇش جاقتان ەلىمىزگە ءتيىمسىز بولدى، ءبىرىنشى،  ەلىمىزدىڭ تورەشىلەرى شار ۇستاپ، ءنومىر قويۋ تولىمدىلىعىنا يە بولا المادى، ەكىنشى، ەلىمىز كومانداسى جارىسقا العاشقى مايداندا تۇسكەندىكتەن، ادەتتە وڭايلىقپەن جوعارى ءنومىر بەرىلمەيدى، ءۇشىنشى، كۇش-قۋاتى قارايلاس كوماندالار سوڭىنان جارىسقا ءتۇستى» دەدى.

  شيە يىڭ قىسىم جانە قيىنشىلىقتارعا قاراتا، ەلىمىز سپورتشىلارى جاپا-ماشاقاتقا شىداپ، بار كۇشىن سالىپ، كەيبىر قارسىلاستارىن جەڭىپ، وليمپيادا سپورت جارىسىنا قاتىناسۋ تولىمدىلىعىنا يە بولعاندىعىن ايتتى.

  شيە يىڭ: « ءبىزدىڭ قاتارعا تۇرعىزۋىمىزدىڭ وزىندىك وزگەشەلىگى بار، كوپتەگەن جاڭا ارەكەتتەر قوسىلىپ،مايدانداعى جۇرتشىلىقتىڭ قىزۋ قارسى الۋىنا يە بولۋمەن بىرگە، تورەشىلەردى دە مويىنداتتىق. مىنە، بۇل     ءبىزدىڭ الداعى جەردە ساۋلەلەندىرۋىمىزگە تاتيتىن ارتىقشىلىعىمىز، كەيىنگى سايىس مۇنان دا جاپالى، قايتىپ بارعان سوڭ جالعاستى  وزگەرىس ەنگىزىپ، قايتالاي ورنالاستىرىپ، جاتتىعۋدى كۇشەيتىپ، وليمپيادا سپورت   جارىسىندا تاماشا ناتيجە جاراتۋعا قۇلشىنۋىمىز كەرەك» دەدى.

  وسىدان بۇرىن، ليۋ جياحۇي مەن شۇي شياۋلان ەلىمىز كومانداسىنا كەلەر جىلعى ريو-دە-جانە-يرو وليمپيادا سپورت جارىسىنىڭ سىناق جارىسى مەن جەكە ادامدىق جارىسىنا قاتىناسۋ تولىمدىلىعىن الىپ بەرگەن ەدى، سىناق جارىس كەلەر جىلى 22-ساۋىردەن 24-ساۋىرگە دەيىن وتكىزىلەدى ەكەن.




رەداكتورى: ارداق كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.