لين دان جاپونيا قاۋىرسىن دوپ جارىسىندا ەرلەردىڭ جەكە ادامدىق تۇرىنەن اعا جۇلدەگەر بولدى

   13-قىركۇيەكتە توكيودا وتكىزىلگەن 2015-جىلعى جاپونيا قاۋىرسىن دوپ جارىسىندا ەلىمىزدىڭ ايگىلى سپورتشىسى لين دان دانيانىڭ جاس سپورتشىسى ۆيكتور اكەلسەندى جەڭىپ، ەرلەردىڭ جەكە ادامدىق ءتۇرىنىڭ اعا جۇلدەگەرلىگىن ەنشىلەدى.

  6 كۇنگە جالعاسقان جاپونيا قاۋىرسىن دوپ جارىسى 13-قىركۇيەكتە توكيو دەنە تاربيە سارايىندا اياقتالدى، ەلىمىز كومانداسىنان بىرنەشە سپورتشى شەشۋشى جارىسقا ءتۇستى ءارى 2 التىن، 2 كۇمىس جانە ءبىر قولا مەدال الۋداي تاماشا ناتيجە جاراتتى. ايەلدەردىڭ قوس ادامدىق جارىسىندا   ەلىمىز سپورتشىلارى جاۋ يۇنلەي مەن جۇڭ چيڭشين 12 گە قارسى 21 ۇپاي جانە 16 عا قارسى 21 ۇپايمەن دانيا سپورتشىلارى پەدەرسەن مەن جۋلدى   جەڭىپ، ايەلدەردىڭ قوس   ادامدىق جارىسىنىڭ اعا جۇلدەگەرى بولدى.

  بۇل رەتكى جارىس 2015-جىلعى الەمدىك   قاۋىرسىن دوپ بىرلەستىگىنىڭ ەرەكشە دارەجەلى جەلىلەس جارىسىنىڭ 7-بەكەتى    بولىپ، لين داننىڭ بيىلعى ەرەكشە دارەجەلى جارىستا  العان تۇڭعىش اعا جۇلدەگەرلىگى بولدى. لين داننىڭ وسى رەتكى جارىستاعى بەينەسى وتە جاقسى بولىپ، ىلگەرىندى – كەيىندى وڭتۇستىك كورەيا سپورتشىسى سون ۋانحو،  مالايزيا سپورتشىسى لي زۇڭۋي جانە كوماندالاسى تيان حۋۋيدى جەڭىپ، الدىڭعى ءتورت مىقتى سپورتشى قاتارىنا ءوتىپ، ىلە-شالا جارتىلاي شەشۋشى جارىستا يندونەزيا سپورتشىسى سۋگيارتونى جەڭدى. اكەلسەن جارتىلاي شەشۋشى جارىستا جۇڭحۋا تايبەي سپورتشىسى جوۋ تيانچىڭدى جەڭىپ، شەشۋشى جارىسقا جول العان ەدى.

  شەشۋشى جارىستا ەكەۋى ءۇش مايدان قيان-كەسكى دوداعا ءتۇسىپ، 78 مينۋت تىرەسىپ، ەڭ سوڭىندا لين دان 1 گە قارسى 2 ۇپايمەن اكەلسەندى جەڭىپ، جەكە-جەكە 19 عا قارسى 21 ۇپاي، 21 گە قارسى 16 ۇپاي جانە 19 عا قارسى 21 ۇپايلىق ناتيجەمەن اعا جۇلدەگەر بولدى.

  جارىستان كەيىن لين دان جارىستىڭ تىم قيان-كەسكى بولعاندىعىن ايتتى. ءۇشىنشى مايدان جارىس باستالا سالعاندا لين داننىڭ جارىستاعى بەينەسى تىم جاقسى بولماي، 11 گە قارسى 3 ۇپايمەن ارتتا قالادى.

الايدا، سوڭىنا تاياعان سايىن لين دان بار ونەرىن سالىپ، ۇپاي سانىن 12 گە قارسى 10 ۇپايعا جەتكىزەدى. ءبىراق، ءدال وسى كەزدە لين دان دوپ باستاۋدا قاتەلىك وتكىزىپ، ءبىر ۇپاي ايىپ سالىنادى.

  بۇعان لين دان نارازىلىق بىلدىرگەندەي بولادى. دەسەدە، ول دەرەۋ ساباسىنا ءتۇسىپ، ارت-ارتىنان 4 ۇپاي    الىپ، 13 كە قارسى 14 ۇپايمەن باسىمدىلىققا يە بولادى، سونىمەن ونەرىن جالعاستى  ساۋلەلەندىرىپ سوڭعى جەڭىستى قولعا كەلتىرەدى.

  لين دان 2006-جىلعى جاپونيا قاۋىرسىن دوپ جارىسىندا اعا جۇلدەگەر بولعان ەدى، وسىدان 9 جىلدان كەيىن قايتالاي اعا جۇلدەگەر بولعاندىعىنا ەرەكشە قۋانىشتا ەكەندىگىن ءبىلدىردى. جارىستان كەيىنگى تىلشىلەردى قابىلداۋ جينالىسىندا لين دان ءالى دە جالعاستى بىرنەشە جىل جارىسقا ءتۇسىپ، وتان ءۇشىن جالعاستى   ۇلەس قوسۋدى ويلايتىندىعىن  ايتتى.

  وسىعان ۇقساس ەرلەردىڭ قوس ادامدىق جارىسى ءتىپتى دە قيان - كەسكى بولدى، ەلىمىز سپورتشىلارى بو حايفىڭ مەن جاڭ ناننىڭ وڭتۇستىك كورەيا سپورتشىلارى لييوڭدا جانە يويەنسوڭمەن بولعان دوداسىندا ولار بار كۇشىن سالىپ ەكىنشى مايدانداعى جارىستا  ۇپاي سانىن 29 عا قارسى 27 ۇپايعا دەيىن جەتكىزگەن بولسا دا، ەڭ سوڭىندا اعا جۇلدەگەرلىكتەن سالىمدارى بولماي، جۇلدەگەر بولدى. ەر-ايەل ارالاسپا قوس ادامدىق   جارىستا ەلىمىز سپورتشىلارى جاڭ نان مەن جاۋ يۇنلەي 2 گە قارسى 1 ۇپايمەن دانيا   سپورتشىلارى نيەلسەن مەن پەدەرسەننەن  جەڭىلىپ، ءۇشىنشى بولدى.

  ايەلدەردىڭ جەكە ادامدىق جارىسىندا ەلىمىز سپورتشىسى ۋاڭ شىشيان جارتىلاي شەشۋشى جارىستا ءۇش مايدان قيان - كەسكى دوداعا تۇسكەن بولسا دا ەڭ سوڭىندا وتاعاسى ەلدىڭ سپورتشىسى اكانە ياماگۋچيدان جەڭىلىپ، شەشۋشى جارىستان سالىمى بولماي، ءۇشىنشى بولىپ قالدى. شەشۋشى جارىستا جاپونيا    سپورتشىسى وكۋحارا نوزومي 0 گە قارسى 2 ۇپايمەن كوماندالاسى اكانە ياماگۋچيدى جەڭىپ اعا جۇلدەگەر بولدى.




رەداكتورى: ارداق كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.