بيىل جىل باسىنان بەرى برازيليانىڭ ەكونوميكالىق جاعدايى ۇزدىكسىز ناشارلاپ، ۇكىمەتكە قارسى ەرەۋىل وتكىزۋ قيمىلى ارت-ارتىنان تۋىلدى، الايدا 2016-جىلعى ريو-دە-جانە-يرو وليمپيادا سپورت جارىسىن ۇيىمداستىرۋ كوميتەتىنىڭ ءتوراعاسى نۋزمان 14-قىركۇيەكتە ريو-دە-جانە-يرو وليمپيادا سپورت جارىسىنىڭ برازيليانىڭ ەل ءىشى جاعدايىنىڭ ىقپالىنا ۇشىرامايتىندىعىن ايتتى.
نۋزمان برازيليانىڭ شىعىس سولتۇستىك بولەگىندەگى فورتالەسا قالاسىندا احپارات قۇرالدارىنىڭ تىلشىلىگىن قابىلداعاندا: « كەزەكتەگى ەكونوميكالىق جاعداي وليمپيادا سپورت جارىسىنىڭ دايىندىق قىزمەتى مەن سپورتشىلاردىڭ ازىرلىگىنە ىقپال جاسامايدى، بارلىق جۇمىس رەتى بويىنشا جۇرگىزىلەدى، كەي كەزدەرى دايىندىق قىزمەتىنىڭ اياق الىسىن ىلگەرىلەتۋدى ويلاعانمەن،قۇرىلىس سالىنىپ بولعاننان كەيىن ونى قاراۋ قاراجاتىن تاپسىرۋعا تۋرا كەلەدى» دەدى.
نۋزمان بىلتىرعى برازيليا الەم ساۋىتىنا تالاسۋ جارىسىنىڭ دايىندىق قىزمەتىنىڭ اياقتالعاندىعىن، 73 جاستاعى بۇرىنعى ۆالەيبولشىنىڭ جەتەگىندە ريو-دە-جانە-يرو وليمپيادا سپورت جارىسىنىڭ تابىستى جۇرگىزىلەتىندىگىن، برازيليا الەم ساۋىتىنا تالاسۋ جارىسىنىڭ جەتەكشىلەرىنە ەمەس، قايتا وزدەرىنىڭ وليمپيادا سپورت جارىسىنداعى مول تاجىريبەلەرىنە سۇيەنەتىندىگىن ايتتى.
بيىلدان باستاپ برازيليانىڭ ەكونوميكالىق جاعدايى ۇزدىكسىز ناشارلاپ، مەملەكەت قۇلدىراۋعا بەت الدى. سونىمەن بىرگە، برازيليا مەملەكەتتىك مۇناي سەرىكتىگىنىڭ شىرىكتەسۋ دەلوسى ۇزدىكسىز شيەلەنىسىپ، ءىشىنارا وليمپيادا سپورت جارىس الاڭىن سالعان سەرىكتىكتەردى دە شارپىدى. الايدا، نۋزمان: « شىرىكتەسۋ ءجايتى وليمپيادا سپورت جارىسىنا ىقپال جاسامايدى، وليمپيادا سپورت جارىسىنىڭ قۇرىلىسى توقتاتىلمايدى، ءار كۇنى قالىپتى جۇرىلەدى» دەدى.
رەداكتورى: ارداق كامالقان قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.