ەەڭ جاڭا مازمۇندار
كۇزگى تەڭەلۋ كەزىندە جەر -جەر مول ءونىم الۋدىڭ قاربالاستىعىنا ءتۇستى
كۇزگى تەڭەلۋ كەزىندە جەر -جەر مول ءونىم الۋدىڭ قاربالاستىعىنا ءتۇستى
اۆتونوميالى رايوندىق پارتكوم تۇراقتى كوميتەتى كەڭەيتىلگەن ءماجىلىس اشتى كەزەكتەگى ىندەتتەن ساقتانۋ - تىزگىندەۋ قىزمەتىن ارناۋلى تاقىرىپتا اقىلداستى، ورنالاستىرۋ جاسادى
اۆتونوميالى رايوندىق ساۋدا - ونەركاسىپشىلەر بىرلەستىگىنىڭ (باس ساۋدا قوعامى) 12 - قۇرىلتايى وتكىزىلدى
شينجياڭ سۋ يگىلىگىن دامىتۋعا قارجى قوسۋ (توبى) شەكتى سەرىكتەستىگى قۇرىلدى
2022-جىلى 9-ايدىڭ 27- كۇنى 215-سان
شاۋەشەك قالاسىندا تۇڭعىش قارتتارعا قامقورلىق جاساۋ جاعىنان قوعامدىق قىزمەت وتەۋ ورتالىعى قۇرىلدى
ساۋانداعى ساقشىلار مەن حالىق قارا دەگەلەكتى قۇتقاردى
شاۋەشەك كەدەنى دالمە -ءدال شارا قولدانىپ، اۋىل شارۋاشىلىق قوسىمشا ونىمدەرىن يمپورت -ەكسپورت ەتۋدىڭ”جەدەل ارناسىن“ اشتى
ۇلگىلەردىڭ كۇش -قۋاتىن سەزىنىپ، ءداۋىردىڭ اتويشىسى بولۋعا قۇلشىنامىز
ەسىك اشۋ ورايىنان بىرگە يگىلىكتەنىپ، كوركەم بولاشاقتى بىرگە جاراتايىق
شي جينپيڭ بۇكىل ەلدەگى قالىڭ شارۋالاردىڭ جانە اۋىل شارۋاشىلىعى، اۋىل - قىستاق، شارۋالار شەبىندە قىزمەت ىستەپ جاتقان جولداستاردىڭ مەرەكەسىن قۇتتىقتادى جانە ولاردان شىنايى حال سۇرادى
ەرەكشەلىككە، باسىمدىققا يە كاسىپ سالالارى شوعىرىن جوعارى ولشەممەن، جوعارى ساپامەن جەتىلدىرۋگە، زورايتۋعا تاباندى بولۋ كەرەك
قول قويىلعان سوما ءبىر تريلليون يۋاننان استى، كوپتەگەن ەڭ جوعارى ورە جاراتىلدى
جىبەك جولى رۋحىن اسقاقتاتىپ، ازيا مەن ەۆروپانىڭ سەلبەستىگىن تەرەڭدەتەمىز
رەفورمانىڭ تابىستى تاجىريبەلەرىن مۇقيات قورىتىندىلاپ، پايدالانىپ، ارميانى رەفورما ارقىلى قۇدىرەتتەندىرۋدىڭ جاڭا جاعدايىن قۇلشىنا اشۋ كەرەك
باس شۋجي شي جينپيڭنىڭ ماڭىزدى ءسوزىنىڭ، ماڭىزدى بەكىتۋىنىڭ رۋحىن جەتكىزدى، دايەكتىلەندىردى
2022-جىلى 9-ايدىڭ 26- كۇنى 214-سان
2022-جىلى 9-ايدىڭ 24- كۇنى 213-سان
2022-جىلى 9-ايدىڭ 23- كۇنى 212-سان
تارباعاتايدىڭ ەرەكشە ونىمدەرىن تانىستىرىپ، باۋراۋ قۋاتىن ايگىلەدى
شي جينپيڭ 7 - كەزەكتى جۇڭگو − ازيا - ەۆروپا كورمەسىنە قۇتتىقتاۋ حات جولدادى
​7 - كەزەكتى جۇڭگو − ازيا - ەۆروپا كورمەسى اشىلدى
ءبىر نيەتپەن سەلبەسىپ، جىبەك جولىنىڭ تىڭ شۇعىلاسىن جازايىق
جىبەك جولى رۋحىن اسقاقتاتىپ، قول ۇستاسىپ، بولاشاقتا تەڭ يگىلىككە كەنەلەمىز
ەسىك اشىپ، سەلبەسىپ، بولاشاققا اتتانايىق
2022-جىلى 9-ايدىڭ 22- كۇنى 211-سان
ايماقتىق اكىمشىلىك مەكەمەسى شانشي يانچاڭ مۇناي توبىمەن، شينجياڭ تيانيە توبىمەن سەلبەستىك جۇلگەلىك كەلىسىمىنە قول قويىستى
ايماعىمىزدىڭ ۋاكىلدەر ۇيىرمەسى از ۇلتتاردىڭ اۆتونوميالى رايوندىق 10 -كەزەكتى ءداستۇرلى سپورت جارىسىندا سۇبەلى تابىسقا قول جەتكىزدى
قىزمەت ورنىن تياناق ەتىپ، كورىكتى تارباعاتايدى بىرگە قۇرامىز

ەشتەن كەش جاقسى

جولدانعان ۋاقىتى : 2015/9/9 11:01:48

قورلان زارىلقان قىزى

  كۇن مي  قايناتاتىن  قاپىرىق ىستىق. مۇنداي ىستىق اۋا رايى جالعاسقالى كونەتوز كولىكتەر سياقتى ءبىر كۇنى انا جەر،ءبىر كۇنى مىنا جەرىنەن كىلتيپان شىعىپ،ىستىق بولسا جۇرەگى سوعىپ،قان قىسىمى ورلەپ،سۋىق بولسا اياق-قولى قاقساپ الەك بولاتىن ۇلكەندەردى قويىپ،تاڭەرتەڭنەن كەش ويناۋدان ءبىر جالىقپايتىن ويىن بالالارى دا تۋمىسىندا كورگەن تۇڭعىش ىستىققا شىداماي،كۇندىز تاماققا تابەتتەرى تارتپاي،تۇندە اۋناقشىپ ۇيىقتاي الماي،تىنىشتارى كەتتى دە قالدى. سونىمەن بىرنەشە كۇن  بولسادا سالقىن اۋاعا بالالاردى سەرگىتىپ كەلۋدى ءجون  كورىپ،قاراتاۋ  قايداسىڭ دەپ تارتىپ كەتتىك.

  جول بويىنداعى زيراتتىققا بۇرىلدىق. وندا «قوس قورمالىم» _ قوس اكەم،ياعني ءومىر سيلاعان تۋعان اكەم،ءومىر جولىن ۇيرەتكەن وگەي اكەم جاتۋشى ەدى. كوپ ايلانباي ءجۇرىپ كەتتىك. ءبىر اۋىق جۇرگەن سوڭ باعانادان بەرگى سالىپ ۇرعان قاراماي جول تاۋسىلىپ،جىلانداي يرەلەڭدەگەن بۇراڭدى،ويلى-شۇڭقىر،كەدىر-بۇدىرلى تاس جولعا تۇستىك. باعانادان جول بويى الىپ العان دوربا-دوربا «قوقسىقتارىن» جەپ، مايراعاي دا تايراعاي بولىپ وتىرعان ەكى بالامنىڭ دا تىنىشى كەتە باستادى،بىرەسە «تەرەزەدەن شاڭ كىرىپ كەتتى»،بىرەسە «باسىمىزدى سوعىپ الدىق» دەيدى. «مىنا ءبىر بيىك تاۋدىڭ بەتىنە يرەكتەپ جول سالىپ شىققانشا،تاۋدى تاعانىنان تەسىپ توتە جول نەگە تارتا سالماعان» دەپ قويادى ەرەسەكتەۋ قىزىم. «راس-اۋ،بۇل دا تابىلعان اقىل ەكەن» دەپ قىزىمنىڭ ويىن قۇپتاسام دا،بىردەن  بىلدىرمەي    «سەندەر كۇن تۇسپەيتىن،جەل تيمەيتىن،جاڭبىر دارىمايتىن جەڭىل كولىكتە وتىرىپ،انە بولدى،مىنە بولدى دەپ باي بالام سالاسىڭدار،بۇرىنعىنىڭ بالالارى جايلاۋدىڭ جاڭبىرىن جالاڭ اياقتارىمەن كەشىپ،قويدىڭ الدىنان شىعادى،قوي قوساقتاسادى،قوزى قورالاسادى. كوشكەندە بار بولسا جالعىز ءوزى جايداق اتقا ءمىنىپ،جوق بولسا شەشەلەرىنىڭ الدىنا تاقىمىن باتىرىپ نە جالاڭ قۇيرىقتارىمەن ات ارتىنا مىنگەسەدى نەمەسە  جەكە  كولىك ءمىنىپ،مال ايداسادى. ولار تاۋدا تۋىپ،تاۋدا وسكەن قايسار قازاقتىڭ بالالارى،سەندەر اتتارىڭ قازاق بولعانمەن، زاتتارىڭ قوقىر-قوقسىق جەپ،تاشتەكتە وسكەن جالعان قازاقسىڭدار» دەپ تاۋىپ ايتقانىما ماساتتانىپ، مارسيىپ قويامىن.

  «قوقىر-قوقسىقتى ءوزىڭ الىپ بەرەسىڭ عوي، شەشە» دەيدى ۇلىم بۇيىرىمنەن ءتۇرتىپ.

  ءسۇت پەن ەتكە مۇرىن ءشۇيىرىپ،قوقسىقتى كورسە شوپەڭدەپ كەتەتىن مىنالارعا كەنەۋىنەن گورى كەسىرى كوپتەۋ سول قوقسىق قۇرعىردى ەندى الىپ بەرسەم، قازاق اتىمدى جوتكەپ قويايىن دەيمىن ىشتەي انت ءىشىپ. راسىندا، كەشتەۋ. دەسەدە ەشتەن تاعى كەش جاقسى عوي.

  اۋدەم ۋاقىتتا كەزەڭدى اسىپ،سايدىڭ تاعانىنا تۇستىك تە وزەن جاعالاپ ەڭكەيىپ جاتقان جاتتىق جولمەن قۇلدىراڭداپ،قىزىلساي دەپ اتالاتىن شاعىن ساي اۋزىندا وتىراتىن ناعاشىلارىمىزدىڭ اۋىلىنا كەلدىك. بۇل ساي اۋزىندا اعايىندى ءۇش ناعاشىمنىڭ  ءۇيى  بولۋشى ەدى،جول بويىنشا كولىكتىڭ رولىن الدىمەن قاراشاڭىراقتاعى  ۇلكەن ناعاشىمىزدىڭ ۇيىنە بۇردىق.

  ۇلكەندەردىڭ امان-سالەمىنەن كەيىن ۇلىمنىڭ تاربيەسىن تانىتايىن،«ازامات بولىپتى،سالەم بەرۋگە   جاراپتى دەپ ايتسىن» دەپ ماقتاۋ سۇيگىش باسىم قولىمدى ەركىنە قويماي،ۇلىمدى  الدىعا  سۇيرەپ،« ناعاشى اتاڭا سالەم بەر » دەپ دەدەكتەتتىم. سول-اق ەكەن، ۇلىم «اسسالاۋ» دەپ سول قولىن الا ۇشپاسى بارما. بەتىم-اي،ۇيالعاننان جەرگە كىرىپ كەتە جازداپ،بەتىمنەن قۇلاعىما دەيىن ءورت شالعانداي قىزارىپ كەتتىم. «ال تىلەگەنىڭ وسى بولسا» دەپ جەردەن الىپ،جەرگە سالدى جەلدىرىتپە ويىم. جايشىلىقتاعى باردى -جوقتى تاعانسىز   تاربيەمنىڭ كەبەك قۇرلى كەنەۋى جوقتىعىن ەندى  بايقادىم. ۇلكەن ناعاشىم ەلۋدى ەڭسەرىپ  قالعان، اشاڭ  ءجۇزدى، ۇزىن  بويلى، قالجىڭباس،بالالارمەن وڭاي ءتىل تابىساتىن بالاجان ادام ەدى. «الدىمەن وڭ قولىڭدى كەۋدەڭە قويىپ،ونان كەيىن وڭ قولىڭمەن بىلاي سالەم بەرەسىڭ» دەپ قىلمىس وتكىزگەندەي قىسىلىپ تۇرعان بەيۋاز جيەنشارىن قۇشاعىنا قىستى.

  ءشولىڭدى باسىپ،كوكىرەك  سارايىڭدى  اشاتىن،اۋىلدىڭ  اق ەدىل ءيىسى اڭقىعان اق شايىنان سوڭ بالالاردى ەرتىپ تىسقا شىقتىق. موڭىرەگەن سيىر،ماڭىراعان قوي،كىسىنەگەن جىلقى،اسىر سالعان اۋىل بالالارى  مەن  ۇرگەن  ءيت  ۇنىنە «ءۇي-ءۇي،قۇرۋ-قۇرۋ،اۋكىم-اۋكىم،شەك-شەكتەگەن» شوپان داۋىسى قوسىلىپ،مالدى اۋىلدىڭ كەشكى اپ -سابى دا باستالىپ  كەتىپتى.

  «مىنا كەمەلەك ۋاقىتسىز ۋاقىتتا اقسىز تۋىپ ەدى،لاعىنا وبال بولدى» دەپ ەكى تىزەسىنەن ارەڭ باسىپ جانتاڭداعان جەڭگەمىز ەمىزدىكپەن لاققا ءسۇت بەرىپ جاتىر. «ءما، سەن ۇستاپ بەر» دەپ بار نارسەگە تاڭىرقاي دا جاتىرقاي قاراپ تۇرعان جيەنشارىن قاسىنا شاقىردى.

  «بولمايدى،قورقامىن» دەيدى ۇلىم شەگىنشەكتەپ.

  «ەي،ەلارىس،بەرى كەل،مىنا لاعىڭنىڭ ءسۇتىن بەر،مەن سيىر ساۋايىن،كۇن جاي بولىپ بارادى،بۇزاۋلارعا وبال بولاتىن بولدى» دەپ قورانىڭ ىشىندە اتاسىنا شابارمان بولىپ جۇرگەن  نەمەرەسىن شاقىردى.
كەشكى اپاق-ساپاقتان سوڭ،ۇلكەندى-كىشىلى،كارى-جاس،بالا-شاعالارمەن قورالانىپ قايتادان شايعا  وتىردىق،تاماق  ۇستەلگە وتىرىپ ادەتتەنگەن ەكى بالامنىڭ داستارقان جينالعانشا بىرەسە جاتىپ،بىرەسە تۇرىپ تىنىشتارى كەتتى. اتاسىنىڭ قاسىندا اتپال ازاماتتاي سابازدىق بايقاتىپ،ۇلكەندەردىڭ ءسوزىن  ۇيىپ  تىڭداپ  وتىرعان اتاسىنىڭ بالاسىنا  قىزىعا  قاراپ قويامىن،ءالسىن-ءالى.

  شاي جيىلىپ سالدەن سوڭ،الگى مەن قىزىعا دا قىزعانا  قارايتىن،كونەنىڭ كوزىن كورىپ،ۇلكەننىڭ ءسوزىن قۇلاعىنا قۇيىپ وسكەن تاۋ بالاسى ءبىر قولىنا قۇمانىن،ءبىر قولىنا ەلەگەنىن الىپ،اۋىر قۇمانعا ازەر يە بولىپ،قالتىراقتاپ قوناقتارعا ءيىلىپ سۋ قۇيىپ،قوينى-قونىشىن قوناقتاردىڭ  ىقىلاستى  باتاسىنا سىرەدى.

  بۇرىن كوزىمدى جۇمىپ جۇرگەنمىن بە دەپ قالدىم. ءوز بالامنىڭ قودىرايىڭقى،قوبىرايىڭقى،قورجالىق قىلىقتارىن وسى جولى عانا بايقاعاندايمىن. بۇرىن باسقاسىن بىلاي قويعاندا،قىلاياعى حانزۋشا مەن قازاقشانى ارالاستىرىپ بىلدىرلاپ سويلەگەنىنە دەيىن سۇيكىمدى سەزىلەتىن بالام تۇڭعىش رەت كوزىمە سيماي،اشۋلانعاننان شەكە تامىرلارىما دەيىن ادىرايىپ كەتتى.

  «بالا دەگەن بەينە ءبىر پاراق اق قاعاز،نەنى جازساڭ سول تۇسەدى،ەشتەمە جازباساڭ،باياعى اق كۇيىندە تۇرا بەرەدى،سەن سول ءبىر پاراق اق قاعازعا قانشا نارسەلەردى جازىپ،قانشا قالامنىڭ  سياسىن تۇگەتىپ ەدىڭ. بالاڭدى سوگىپ،بالاڭا رەنجيتىندەي،بالانىڭ بويىنداعى ءمىن اتا-اناسىنىڭ بەتىندەگى ۇياتى دەگەن،بۇل ۇيات  بالاڭدا ەمەس،بالاڭا دۇرىس تاربيە قابىلداتا الماعان تاپ شەشەسى سەندە» دەيدى تاعى ءبىر دۇركىن ويلار ەنتەلەپ كەلىپ. بارعان سوڭ بولسىن بالەم،بالامدى باستان تاربيەلەيىن  دەپ ءتۇيدىم. كەش ەكەنى راس،دەسەدە ەشتەن جانە دە سول كەش جاقسى عوي.

  جاتاردا جۇقا ءاديالدى باسىنا بۇركەپ العان قىزىم  تۇكىرىنىپ ورنىنان قايتا تۇردى،«نە بولدى» دەسەم،اۋزىما ءجۇن ءتۇسىپ كەتتى دەيدى. ەرىكسىز كۇلدىم.

  «وتىرساڭ ءۇستى-باسىڭا ءجۇن-جۇرقا جابىسادى،اۋەلى، كورپەلەرى دە قوي ساسيما قالاي،تەلەۆيزور جوق،تەلەفوننىڭ سيگنالى تارتپايدى،كوكەككە شىعا المايسىڭ،ءۇنحات تا اشىلمايدى،بۇل جەردە الۋان ميشىقتى ميىنا سىڭىرگەن قولفونىڭ دا باياعى ءبىر ءتورتبۇرىش قارا تاس سياقتى بولىپ قالادى ەكەن،ەندى بىرنەشە كۇن جۇرسەك، جىنداناتىن سياقتىمىن،ەكىنشى تاۋعا كەلمەيمىن» دەيدى بەرەزەپ بولىپ.

  «تارقامايتىن توي،جيىلمايتىن داستارقان جوق » دەگەندەيىن،  تامىزدىقتاپ كەلەتىن ساناۋلى دەمالىسىمىزدىڭ دا تاقىلى تاياپ،قايتۋعا ازىرلەنىپ،ءبىر پىسكەن قۇرتىن بىراق سالىپ بەرۋگە رازى اۋىلداعى اڭقىلداق جەڭگەلەرىمنىڭ تۇيىنشەك-تۇيىنشەك سارقىتىن كولىكتىڭ ارت جاعىنداعى كەرەك-جاراق قوياتىن جەرىنە سالىپ جاتىپ،ءۇيدىڭ  قارسى الدىنداعى ءبىر كىشكەنە   توبەشىككە بالالارمەن بىرگە كوپ-كورىم شىعىپ الىپ،تۇسكەندە قۇيرىعىمەن سىرعاناپ ءتۇسىپ كەلە جاتقان ۇلىما قاراپ، كۇلەرىمدى الدە كۇيزەلەرىمدى بىلمەدىم.

  «قالا تۇرمىسىنىڭ دىر -دۋىنا بويىن ابدەن ءۇيىر قىلىپ،ەس - اقىلىن الدىرعان،ۇلى  تابيعاتتىڭ ۇلىلىعىنان،قاراقوستىڭ كەرەمەتىنەن بەيحابار بوس بەلبەۋىڭ ەرتەڭگى ءومىردىڭ تەلەگەي تەڭىزىندە ءوز اياعىن دۇرىس الىپ جۇرە الار ما دەپ جۇرەگىمدى شىمشىلاپ،كوڭىلىمدى بوساتتى تاعى ءبىر دۇركىن اشتى ويلار.

  «تاۋداعى تۋىستارعا ات ءىزىن سۋىتپاي اپارىپ تۇر،تاۋدى تانىسىن،ۇلى تاۋدان ۇلىلىق ۇيرەنسىن،اتا تەگىن،سەن بىلە بىلمەگەن عۇرىپ-ادەت،سالت-ءداستۇردى تاۋداعى اق ساقالدى اتالارىمىز بەن اق سامايلى اجەلەرىمىزدەن،كونەنىڭ كوزى بولعان قازىنالى قارتتارىمىزدان ۇيرەنسىن،كەش ەمەس،پالەنىڭ ءبارى كەش ەمەس،ەشتەن تۋادى» دەپ بىلگىرسىدىم ءوز-وزىمە.

  قارا قوستا  تۋىپ،قاراقوستا  وسكەن،وگىزقۋرايىن سىبىزعى قىپ تارتىپ،شەتەن مەن تالدىڭ بىلقىلداق شىبىعىن ات قىپ  ءمىنىپ،  ماساتىداي قۇلپىرعان جاسىل پۇلىسىندە اسىر سالعان، دارقان تابيعاتىنان دارا وي،تاماشا كۇي قورىتقان،اۋزىن اشسا ءان سارناپ،كۇي توگىلەتىن قارا دومبىراعا تەلىنگەن قارا قازاقتىڭ قارا دومالاق ۇل-قىزدارى ەمەس پە ەدىك كەشە ءبارىمىز دە. ەندى نەگە قارا قوستان ۇركەتىن،قارا قوسقا ۇدىرەيە قارايتىن بولىپ قالعامىز. دەمەك، ماسەلەنىڭ قاينار كوزى مەن ماسەلەنىڭ شەشىمى تاعى سول اتا-انالاردا دەپ ايتپاي تۇرا المايمىن.

  حالقىمىزدان شىققان ارىسى «قورقىت اتا»،«اسانقايعى»،«بۇحار جىراۋ»،بەرىسى «تاتتىمبەت»،«قۇرمانعازى»،«ءاشىم كۇيشى» سياقتى نە ءبىر ويشىل،سىنشىل،اعارتۋشى، اقىن،ءانشى-كۇيـشى،جىراۋلارىمىز دا انە سول قارا قوستا تۋىپ،   ەرجەتكەن جوق پا؟! ولاردىڭ قايسارلىعىن قاراعاي جانىپ،ارمانىن اسقاق شىڭ،پەيىلىن دارقان تابيعات باۋلىعان جوق پا؟!

  سوندىقتان بارلىق قانداستارعا ايتارىم، ءوزىڭ دە،بالاڭ دا تاۋشىل بولسىن،قىستىق،جازدىق كانيكولدا بالاڭدى ءتورت تامعا قاماپ،كومپيۋتەر،تەلەۆيزور،قولفون قۇرعىرلارعا كوز مايىن جەگىزبەي،تازا تابيعاتتىڭ تۇنىق اۋاسىن جەگىزىپ،نوقتا-جۇگەنى الىنعان اساۋ تايداي اسىر سالعىزىپ، ەركە تابيعاتقا قويا بەر. ۇلى تاۋدان ۇلىلىق ۇعىپ،دارقاندىعى دارىسىن،تالاپ-جىگەرىن اقباس شىڭدار ۇشتاپ،قايسار قاراعاي قاناتىن قومداپ،شىڭىراۋدا شىرقاعان قىران بۇركىتتەي الەمنىڭ اسپانىندا سامعاي ءبىلسىن ۇل-قىزدارىڭ. ءازىر بارىنە دە كەش ەمەس،ۇلتتىڭ ەرتەڭى بولعان ۇرپاقتارىمىز ءوز انا تىلىندە كىتاپ وقىپ،جازۋ جازعاندى قويىپ،ءوز تىلىندە جاتتىق سويلەي الماي ءتىلى شۇبارلانىپ،ۇلتىمىزدىڭ سالت-سانا،عۇرىپ-ادەت،ىرىم-جىرىم،جول-جورالعىسىنان نوقتا-جۇگەن ۇستاپ جۇرسە  انىق كەش قالعان بولامىز.

  سوندىقتان،« ەشتەن كەش جاقسى» دەگەندەيىن،كۇنى بۇگىننەن باستاپ بالالارىمىزدىڭ وتباسىندا تۇنىق ءبىر تىلدە،اسىرەسە انا تىلىندە سويلەۋگە ادەتتەندىرە الساق، قانىمىزداعى اۋەلدەن بار ادەپتىلىك،يبالىلىق،ۇلكەندى قۇرمەتتەپ،كىشىنى اياۋشىلىقتاي دارا تۇلعا قاسيەتتەرىمىزدى ءوز ءىس-ارەكەتىمىز ارقىلى ۇرپاقتاردىڭ ويىنا ۇيالاتىپ،كوكەيىنە ءسىڭىرىپ،اقىلدى ۇرپاق تاربيەلەي بىلسەك،اتا -انالىق  بورىشىمىزدى ادا ەتكەن بولامىز.



رەداكتورى: ارداق كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.





 
powered by IlgharCMS 3.2 www.ilghar.cn