ەەڭ جاڭا مازمۇندار
”جاڭا داۋىردە ەكپىندەي ىلگەرىلەۋ“ نەگىزگى تاقىرىپتىق تابىستار كورمەسىنىڭ شينجياڭ كورمە بولىگى تارتىمدىلىعىمەن كوزگە ءتۇستى
«تاعدىرلاس بولىپ، داڭعىل جولمەن ىلگەرىلەۋ − شي جينپيڭنىڭ ديپلوماتيا يدەياسى ادامزات دامۋىنىڭ، العا باسۋىنىڭ اعىمىن ىلگەرىلەتتى»
بۇقارانىڭ ءىسىن قاشاندا كوكەيىندە ساقتادى
ايماعىمىزدا 610 مىڭ مۋ جەرگە دۇمبە ءبيداي سىڭىرىلە باستادى
ءۇمىت اتىزىنان مول ءونىم جىرى شىعاندادى
تىكە تاراتۋ بولمەسىنەن”ءىرى ەلدىڭ استىق قامباسىن“ تاماشالادى
شاعانتوعاي: ماقسارىنى جىنتىكتەي مانەرلەۋگە جاڭا كۇش قوسىلدى
2022-جىلى 9-ايدىڭ 30- كۇنى 218-سان
قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرە
پارتيانىڭ بەكىمىن، حالىقتىڭ رايىن ۇيىستىرىپ، گۇلدەنۋ ۇلى ءىسىن ىلگەرىلەتتى
رەفورما شارالارىنىڭ تياناقتانىپ، ونىمدىلىك كورسەتۋىن جەدەل ىلگەرىلەتىپ، ەكونوميكانىڭ، قوعامنىڭ جوعارى ساپالى دامۋىن پارمەندى قولداۋ، قامتاماسىز ەتۋ كەرەك
زەيىن - زەردەنى، كۇش - قۋاتتى ۇيىستىرىپ، بورىشتى ارقالاپ، قايراتتانا العا ۇمتىلىپ، جاڭا تاراۋ جازايىق
قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرەك
تاريحتى اينا ەتىپ، وتكەندى باعامداپ، بولاشاقتى بولجاپ، گۇلدەنۋ جولىندا تاباندىلىقپەن العا باسۋ كەرەك
ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ ماڭىزدى تالابىن جاپپاي تياناقتاندىرىپ، پارتيا 20 - قۇرىلتايىنىڭ جەڭىسپەن اشىلۋىنا حاۋىپسىز، ورنىقتى ساياسي، قوعامدىق ورتا جاراتۋ كەرەك
اۆتونوميالى رايوننىڭ وقۋ - اعارتۋدى جوعارى ساپامەن دامىتۋ جينالىسى اشىلدى
بارشا جۇڭگولىقتى تۇگەل اناعۇرلىم جاقسى تۇرمىسقا كەنەلتتى
شينجياڭدى سىرتقا ەسىك اشۋدىڭ الدىڭعى شەبى ەتىپ قۇرىپ شىعامىز
جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايىنا قاتىناساتىن ۋاكىلدەر تۇگەل سايلانىپ شىقتى
ۋاكىلدىك بورىشتى ادالدىقپەن اتقارىپ، ۋاكىلدىك رولدى تولىق ساۋلەلەندىرەيىك
مەملەكەتتىك حالىق قۇرىلتايى تۇراقتى كوميتەتىنىڭ زاڭنىڭ اتقارىلۋىن تەكسەرۋ گرۋپپاسى رايونىمىزدا زاڭنىڭ اتقارىلۋىن تەكسەردى
2022-جىلى 9-ايدىڭ 29- كۇنى 217-سان
2022-جىلى 9-ايدىڭ 28- كۇنى 216-سان
اۆتونوميالى رايوندىق پارتكوم تۇراقتى كوميتەتى كەڭەيتىلگەن ءماجىلىس اشتى كەزەكتەگى ىندەتتەن ساقتانۋ - تىزگىندەۋ قىزمەتىن ارناۋلى تاقىرىپتا اقىلداستى، ورنالاستىرۋ جاسادى
اۆتونوميالى رايوندىق ساۋدا - ونەركاسىپشىلەر بىرلەستىگىنىڭ (باس ساۋدا قوعامى) 12 - قۇرىلتايى وتكىزىلدى
شينجياڭ سۋ يگىلىگىن دامىتۋعا قارجى قوسۋ (توبى) شەكتى سەرىكتەستىگى قۇرىلدى
2022-جىلى 9-ايدىڭ 27- كۇنى 215-سان
شاۋەشەك قالاسىندا تۇڭعىش قارتتارعا قامقورلىق جاساۋ جاعىنان قوعامدىق قىزمەت وتەۋ ورتالىعى قۇرىلدى
ساۋانداعى ساقشىلار مەن حالىق قارا دەگەلەكتى قۇتقاردى
شاۋەشەك كەدەنى دالمە -ءدال شارا قولدانىپ، اۋىل شارۋاشىلىق قوسىمشا ونىمدەرىن يمپورت -ەكسپورت ەتۋدىڭ”جەدەل ارناسىن“ اشتى

بۇل عاسىردىڭ ەڭ ادەمى ولەڭى

جولدانعان ۋاقىتى : 2015/8/31 11:13:36

داۋرەن بەرىكقاجى ۇلى  (قازاقستان)

تۇرا بەر شىرايىڭدى بەرمەگەندەي،
تۇرا بەر كورسەڭ داعى كورمەگەندەي.
مەن بايقۇس كوزدەر ءۇشىن كولدەنەڭ كەي
بولايىن ءوپ-وتىرىك تەرلەگەندەي.

سىر بەرمەي، سىرتىڭ بەرمەي، سىلدىر كولدەي
كۇلىپ قوي تانىستارىڭ كۇلدىرگەندەي.
سيقىرلانعان مەن بولسام ساسقانىمنان
بولايىن باسقاعا ىزەت بىلدىرگەندەي.

نۇرلانىپ تا ۇلگەرگەن، سۇرلانىپ تا
كورسەتەيىك وتىرىك ءتۇر حالىققا.
تۇرعانداي بولسىن ءبارى ءوز ورنىندا،
تۇرعانداي بولسىن ءومىر ءبىر قالىپتا.

تاڭى بولەك اتاتىن، تاتار ءدامى
جولاۋشىداي بولايىق ساپارداعى.
ءبىر-بىرىنە تاكاپپار ءتۇر كورسەتكەن
ءبىز دەيسىڭ بە جالعىز-اق شاھارداعى؟!

ايالاۋعا تۇرمايتىن، اياۋعا دا
ايار تىرلىك قوزعالتقان باياۋ عانا
قازىر ءبىزدى ەكىگە ايىرادى
تاعدىر دەيتىن تاسجۇرەك ايالداما.

سودان كەيىن جۇرەككە زارىق تۇنىپ،
ىشىمىزدەن ەگىلىپ، جانىپ، تىنىپ،
جىبەرەمىز ءوزىمىز ءوزىمىزدى
كوشەلەردىڭ ىشىنە لاقتىرىپ.

كۇي كەشەمىز سودان سوڭ تەرلەگەندەي،
كۇي كەشەمىز سودان سوڭ كورمەگەندەي.
سودان كەيىن قاپتاعان «ولىكتەرمەن»
ءومىر ءسۇرىپ جۇرەمىز ولمەگەندەي.
             *   *   *
جوڭكىلگەن مىناۋ جۇرتتىڭ اراسىنان
جانارىڭدى تابا الماي الاسۇرام.
قايتا-قايتا كوشەدە قادالاتىن
سەنىكىندەي ايتپايدى قاراشىق ءان!
سەنىكىندەي -
كەزدەسسە تۇنەك بۇزىپ،
كەتە المايدى جۇرەكتى ءدىر ەتكىزىپ!
سول كۇيىنشە تۇرادى ءومىر وكسىپ،
سول كۇيىنشە قالادى تىلەك بۇزىق...

سەنىكىندەي -
قاراسا گۇلگە اينالىپ،
دەم اۋىرلاپ، قالمايدى ءتىل بايلانىپ!
سول باياعى مۋزيكا ماعىناسىز،
سول باياعى شۋاقسىز شىمقاي جارىق...

سولاي ءبارى:
سۇر تىرلىك، سىرتتان اسپان،
قيقار تاعدىر كۇلەدى قىرت تالاسقان.
جاۋتاڭ-جاۋتاڭ قارايمىن كوزىڭدى ىزدەپ
جالعىز يتتەي يەن ءبىر جۇرتتا اداسقان!
               *   *   *
كوزدەرىڭنىڭ ءبىر ويلانىپ، ءبىر كۇلگەن
وزەكتى ورتەر دەرت بولارىن كىم بىلگەن؟!
ءبىر-اق رەت بيلەيمىن دەپ وزىڭمەن
ءبىراز ۋاقىت ەسەڭگىرەپ ءجۇردىم مەن.

ءبىراز ۋاقىت ءوز-وزىمە كەلە الماي،
ءبىراز ۋاقىت اقىلىما ەرە الماي،
جىندى بولدىم كوز الدىمنان ءبىراز كۇن
سەنەن باسقا جان ادامدى كورە الماي.

ارباپ جانە ادەتتەنگەن ءجيى الداپ،
ساۋساعىما سارقىلماعان سيامدى اپ،
ءبىرازىراق اقىن دا بوپ ۇلگەردىم،
ءبىراز ۋاقىت ونى-مۇنى قيالداپ.

سۇيەمىن دەپ ايتپاساڭ دا سەنەم دەپ،
توسىن حابار الاتىنداي سەنەن بەك،
حانزاداداي اسىل زاتىن جوعالتقان،
ءبىراز ۋاقىت ءجۇردىم ايتەۋ ەلەڭدەپ.

ءبىراز ۋاقىت ارقىراتىپ، بىرەر كۇن...
ءبىراز ۋاقىت ءوزىڭ بولىپ كۇلەر ءتۇن؟!
ءبىراز دەيتىن ءبىراق وسى ءبىر سوزدە
تۇتاس تاعدىر تۇرعاندىعىن بىلەر كىم؟
            *   *   *
ءسىزدى كوردىم تاعى دا...
ءسىزدى كوردىم.
ءجۇز جىلارمىن مەن ەندى،
ءجۇز كۇلەرمىن!
مەن سياقتى ءسىزدى ىزدەپ
عالامتوردان،
مەن سياقتى ءسىزدى ويلاپ،
ۇزدىگەر كىم؟

جان جۋىتپاس ەدىڭىز
جاسىڭىزدا،
كىم بولدى ەكەن مىنا جان...
قاسىڭىزدا؟
قىز-قىز قايناپ...
ايتەۋىر قاراي بەردىم
قول تيمەگەن
قاپ-قارا شاشىڭىزعا.

مۇڭ تۇنعانداي مىنا جەردە
كوزىڭىزگە...
(تىم قۇلپىرىپ كەتىپسىز
ءوزىڭىز دە!)
نە بوپ كەتتى، راسىندا،
تاعدىرىڭىز
ءسىزدى ماعان قوسپاعان،
مەنى سىزگە؟

دەدىڭىز بە
باستايدى سەزىم بۇلىك،
تاعىپ اپسىز تاعى دا
كوزىلدىرىك.
مىنا جەردە...
جىپ-جىلى جىمياسىز
جانىڭىزدىڭ شاتتىعىن
سەزىندىرىپ.

كوكىرەگىڭدى جازاتىن
شەرگە تولعان –
وي، اللا-اي،
مىنا جەردە مەن دە بولعام.
...مونيتورعا تەسىلىپ
قاتىپ قاپپىن
پەرىشتەنى كورگەندەي
جەرگە قونعان!

ءسىزدى كوردىم تاعى دا
ءسىزدى كوردىم.
كۇزگى جەلدەي مەن دە ەندى
ۇزدىگەرمىن.
قاراشادا
قايعىمدى قالىڭداتىپ،
كىم جىبەرگەن ۇستىنە
ءسىزدى جەردىڭ؟
            *   *   *
ساعان نەگە قاراي بەرگىم كەلەدى...
سەنەن نەگە اراي كورگىم كەلەدى؟
بۇل عاسىردىڭ ءالى كۇنگە جازىلىپ
ۇلگەرمەگەن ەڭ ادەمى ولەڭى!

قاراي بەرەر نە ءتىلسىم بار وزىڭدە،
اراي كورەر نە ءتىلسىم بار كوزىڭدە؟
جان-دۇنيەمدى سەلك ەتكىزەر سونشالىق
ەشتەڭەگە سەلت ەتپەيتىن كەزىمدە!

انتەك كۇلىپ، انتەك قانا جىميىپ،
نەبىر ويعا باتىردىڭ-اۋ تۇڭعيىق.
تاڭىرىمدەي تابيعاتى تىم جۇمباق،
امىرىمدەي دارەجەسى تىم بيىك
قاسا سۇلۋ سەن بولارسىڭ مەن كورگەن،
قاسا سۇلۋ سەن بولارسىڭ ەل كورگەن -
ساۋ اقىندار كورگەن مەزەت جىندانىپ،
جىندى اقىندار كورگەن مەزەت سەندەلگەن!

ساعان عانا قاراي بەرگىم كەلەدى...
سەنەن عانا اراي كورگىم كەلەدى!
بۇل عاسىردىڭ ءالى كۇنگە جازىلىپ
ۇلگەرمەگەن ەڭ ادەمى ولەڭى!
         دايىنداعان - قاجىبەك ايدارحان
 

 
رەداكتورى: ارداق كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.

 
powered by IlgharCMS 3.2 www.ilghar.cn