ەەڭ جاڭا مازمۇندار
”جاڭا داۋىردە ەكپىندەي ىلگەرىلەۋ“ نەگىزگى تاقىرىپتىق تابىستار كورمەسىنىڭ شينجياڭ كورمە بولىگى تارتىمدىلىعىمەن كوزگە ءتۇستى
«تاعدىرلاس بولىپ، داڭعىل جولمەن ىلگەرىلەۋ − شي جينپيڭنىڭ ديپلوماتيا يدەياسى ادامزات دامۋىنىڭ، العا باسۋىنىڭ اعىمىن ىلگەرىلەتتى»
بۇقارانىڭ ءىسىن قاشاندا كوكەيىندە ساقتادى
ايماعىمىزدا 610 مىڭ مۋ جەرگە دۇمبە ءبيداي سىڭىرىلە باستادى
ءۇمىت اتىزىنان مول ءونىم جىرى شىعاندادى
تىكە تاراتۋ بولمەسىنەن”ءىرى ەلدىڭ استىق قامباسىن“ تاماشالادى
شاعانتوعاي: ماقسارىنى جىنتىكتەي مانەرلەۋگە جاڭا كۇش قوسىلدى
2022-جىلى 9-ايدىڭ 30- كۇنى 218-سان
قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرە
پارتيانىڭ بەكىمىن، حالىقتىڭ رايىن ۇيىستىرىپ، گۇلدەنۋ ۇلى ءىسىن ىلگەرىلەتتى
رەفورما شارالارىنىڭ تياناقتانىپ، ونىمدىلىك كورسەتۋىن جەدەل ىلگەرىلەتىپ، ەكونوميكانىڭ، قوعامنىڭ جوعارى ساپالى دامۋىن پارمەندى قولداۋ، قامتاماسىز ەتۋ كەرەك
زەيىن - زەردەنى، كۇش - قۋاتتى ۇيىستىرىپ، بورىشتى ارقالاپ، قايراتتانا العا ۇمتىلىپ، جاڭا تاراۋ جازايىق
قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرەك
تاريحتى اينا ەتىپ، وتكەندى باعامداپ، بولاشاقتى بولجاپ، گۇلدەنۋ جولىندا تاباندىلىقپەن العا باسۋ كەرەك
ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ ماڭىزدى تالابىن جاپپاي تياناقتاندىرىپ، پارتيا 20 - قۇرىلتايىنىڭ جەڭىسپەن اشىلۋىنا حاۋىپسىز، ورنىقتى ساياسي، قوعامدىق ورتا جاراتۋ كەرەك
اۆتونوميالى رايوننىڭ وقۋ - اعارتۋدى جوعارى ساپامەن دامىتۋ جينالىسى اشىلدى
بارشا جۇڭگولىقتى تۇگەل اناعۇرلىم جاقسى تۇرمىسقا كەنەلتتى
شينجياڭدى سىرتقا ەسىك اشۋدىڭ الدىڭعى شەبى ەتىپ قۇرىپ شىعامىز
جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايىنا قاتىناساتىن ۋاكىلدەر تۇگەل سايلانىپ شىقتى
ۋاكىلدىك بورىشتى ادالدىقپەن اتقارىپ، ۋاكىلدىك رولدى تولىق ساۋلەلەندىرەيىك
مەملەكەتتىك حالىق قۇرىلتايى تۇراقتى كوميتەتىنىڭ زاڭنىڭ اتقارىلۋىن تەكسەرۋ گرۋپپاسى رايونىمىزدا زاڭنىڭ اتقارىلۋىن تەكسەردى
2022-جىلى 9-ايدىڭ 29- كۇنى 217-سان
2022-جىلى 9-ايدىڭ 28- كۇنى 216-سان
اۆتونوميالى رايوندىق پارتكوم تۇراقتى كوميتەتى كەڭەيتىلگەن ءماجىلىس اشتى كەزەكتەگى ىندەتتەن ساقتانۋ - تىزگىندەۋ قىزمەتىن ارناۋلى تاقىرىپتا اقىلداستى، ورنالاستىرۋ جاسادى
اۆتونوميالى رايوندىق ساۋدا - ونەركاسىپشىلەر بىرلەستىگىنىڭ (باس ساۋدا قوعامى) 12 - قۇرىلتايى وتكىزىلدى
شينجياڭ سۋ يگىلىگىن دامىتۋعا قارجى قوسۋ (توبى) شەكتى سەرىكتەستىگى قۇرىلدى
2022-جىلى 9-ايدىڭ 27- كۇنى 215-سان
شاۋەشەك قالاسىندا تۇڭعىش قارتتارعا قامقورلىق جاساۋ جاعىنان قوعامدىق قىزمەت وتەۋ ورتالىعى قۇرىلدى
ساۋانداعى ساقشىلار مەن حالىق قارا دەگەلەكتى قۇتقاردى
شاۋەشەك كەدەنى دالمە -ءدال شارا قولدانىپ، اۋىل شارۋاشىلىق قوسىمشا ونىمدەرىن يمپورت -ەكسپورت ەتۋدىڭ”جەدەل ارناسىن“ اشتى

110 ءنومىرلى اپپارات

جولدانعان ۋاقىتى : 2015/8/17 12:12:54

حوشي شينيتجي (جاپونيا)

   N دوكتور ءار كۇنى كەشتە قالا ماڭىنداعى زەرتحاناسىندا، ۇيقى-كۇلكى دەمەي، عىلمي زەرتتەۋ قىزمەتىمەن شۇعىلدانىپ جاتقان. ول بىردە سۋرەت سىزسا، بىردە بولشەكتەردى قۇراستىرىپ، تىنىمسىز قاربالاستىقتان قارا سۇمەك تەرلەپ جۇرگەن ەدى. ءدال وسى كەزدە، تۋ سىرتىنان «ءاي...» دەگەن الدەكىمنىڭ داۋىسى شىقتى.

    N دوكتور بۇرىلىپ قاراسا، سوم دەنەلى، كوزىنە قارا كوزىلدىرىك سالعان، قولىنا جارقىراعان قانجار ۇستاعان ەركەك تۇر. ونىڭ توناۋشىلىققا كەلگەن سودىر ەكەنى ايقىن ەدى. دەسەدە، دوكتور سالماقتى دا بايىپتىلىقپەن:

  -سەن كىمسىڭ؟ قولىڭا قانجار ۇستاپ، باسا-كوكتەپ كىرگەنىڭدى قارا، ساعان ايتىپ قويايىن بۇل جەر زەرتحانا، بوگدە ادامنىڭ مۇندا كىرۋى قاتاڭ شەكتەلەدى. قاتە كەلىپ قالعان جوقسىڭ با؟- دەدى.

  الگى ەركەك بۇعان بولا رايىنان قايتا قويعىسى كەلمەدى.

  -اۋسەلەسىن بىلمەگەن «وقۋ سوققان» نەمە سول! اشىعىن ايتسام، مەن سەنىڭ زەرتحاناڭدى كوزدەپ كەلدىم. مىناداي ادامى سيرەك، شەتكەرى ءوڭىر ءبىز سەكىلدى توناۋشىلاردىڭ ونەرىن ىسكە سالۋعا تاپتىرمايتىن ورىن.

  -ءبىراق، بۇل جەردە ەشقانداي اقشا جوق قوي. سەنبەسەڭ ءوزىڭ اقتارىپ كور.

  -ءھىم، مەنەن جاسىرىپ قالامىن دەمە. ەستۋىمشە سەن ساقشى مەكەمەسىنىڭ تاپسىرۋىمەن ءبىر نارسە زەرتتەپ جاساۋداسىڭ. سىرتتاعىلاردىڭ ايتۋىنشا سەن ونى جاساپ بىتىرۋگە تاياپ قالىپسىڭ. جۋاستىقپەن تەز تاپسىر ونى! ساقشىعا قاجەتتى نارسە ءبىزدىڭ بۇدان بىلايعى ارەكەتتەرىمىزگە دە زور قولايلىلىق تۋدىراتىن بولادى. مەن بۇل نارسەنى ۋداي قىمبات باعامەن كاسىپتەستەرىمە ساتىپ بەرىپ، قوماقتى پايدا تاباتىن بولامىن ءالى.

  -ەي، ءبۇيتىپ، بەتالدى داۋرىقپا…

  -بولمايدى! مەن بارلىعىن تەكسەرىپ انىقتاپ العاننان كەيىن عانا، ءيت ارقاسى قياننان ارناۋلى كەلىپ وتىرمىن. قۇر قول قايتا المايمىن، الگى نارسەنى تەزدەن قولىما سال. ۇمىتىپ قالما، ساعان قارۋمەن سەس كورسەتىپ تاپسىرتامىن،- دەدى توناۋشى قانجارىن جارقىلداتا كولبەڭدەتىپ.

  - بولدى، ايبار شەگىپ قورقىتپاي- اق قوي. ەندى تابانىڭدى جالتىراتپاساڭ، ساقشى مەكەمەسىنە تەلەفون جالعايمىن،- دەدى  N دوكتور قولىن كەڭسەدەگى تەلەفونعا قاراي سوزىپ.

  ءبىراق، توناۋشى ساسقالاقتاپ قاشا جونەلمەدى. دوكتورعا تەلەفون سوققىزباۋ ءۇشىن دە وعان قاراي ۇمتىلمادى.

  - تەلەفون جالعاساڭ ءوز ەركىڭ. ءيا، سوعا بەر...- دەدى ىزبارلانا سۋىق كۇلىپ.

  ءاسىلى توناۋشى سىرتتاعى تەلەفون سىمىن ءۇزىپ تاستاعان ەكەن، لەنياسى ۇزىلگەن تەلەفوننان نە  قايىر. ول  سول ءۇشىن ماسايراپ تۇرىپتى.

  N دوكتور تەلەفون تۇتقاسىن قولىنا ۇستاپ تۇر. بۇعان قاراپ تۇرعان توناۋشى:

  - ساقشى مەكەمەسىنىڭ    ءنومىرى 110، قاتە جالعاپ الىپ ءجۇر مە،- دەدى قارقىلداي كۇلىپ.
 
  توناۋشى ىشتەي: «دوكتور تەلەفوننىڭ جالعانباسىن بىلگەننەن كەيىن، ساسقالاقتاپ ەسى شىعادى، ارتىنان جۋاستىقپەن ماعان قاجەتتى نارسەنى قولىما سالادى» دەپ ەسەبىن جاساپ جاتتى.

  - قىرسىق شالعىر! تىنىش! سويلەۋگە امال بولماي تۇرعانىن- اي،- دەدى دوكتور ءبىر نومىرلەردى تەرگەن سوڭ، ترۋبكانى قۇلاعىنا جابىستىرا توسەپ، ەندى ءبىر جاعىنان، قولىمەن تاعى ءبىر قۇلاعىن   باسىپ.

  كەنەت تەلەفوننان قۇلاقتى جارىپ جىبەرەردەي اشتى ءبىر دىبىس شىقتى. بۇل 110 ءنومىرىن تەرگەننەن كەيىن، تەلەفون اپپاراتىنىڭ دىبىس ۇلعايتقىشىنان شىققان وزگەشە دىبىس تولقىنى ەدى. ەكى قۇلاعىن تاس بەكىتىپ العان دوكتورعا ەشتەڭە دە بولماعانىمەن،  توناۋشى  اشتى شۋىلعا توزە الماي:

  - مىنا جەكسۇرىن دىبىستى تەز جوعالت!- دەپ ايعايلادى.

  توناۋشى ەكى قولىمەن قۇلاعىن تاس بەكىتىپ الماسىنا بولمادى. سونىمەن قولىنداعى قانجارى جەرگە ءتۇسىپ قالدى. كەنەت جەردەگى قانجاردى تەلەفون اپپاراتى تارتىپ اكەتتى. ءاسىلى تەلەفون اپپاراتى ىشىنە ەرەكشە كۇشتى ەلەكتروماگنيت ورناتىلىپتى دا قانجار جەرگە تۇسكەندەگى تەربەلىستەن توك جولى ىسكە قوسىلادى. ارينە، ول قانجاردان وزگە تاپانشا سەكىلدى مەتال قارۋلاردى دا تارتىپ الا الادى ەكەن.

  - الگىندەگى اشتى دىبىس تەگى قالاي بولعانى؟ بۇرىن- سوڭدى قۇلاقتى تۇندىراتىن مۇنداي اشتى دىبىستى ەستىمەگەن ەكەنمىن. كىسىنىڭ اقىلىن اداستىرعانداي ەكەن…- دەدى توناۋشى بەت- اۋزىن تىرجىڭداتىپ.

  قۇلاقتى تۇندىراتىن دىبىس اقىرى توقتادى، ءبىراق ىلە-شالا تەلەفون اپپاراتىنان كوزدى ۇيالتاتىن كۇشتى جارىق شىعىپ، توناۋشىنىڭ كوزىنە ءتۇستى. تەلەفون اپپاراتىندا ىڭكاسى جىلدام وزگەشە اپپارات بار بولىپ، ول ايعايلاعان ادامعا قاراي تۇپ-تۋرا كۇشتى جارىق تۇسىرەدى. مۇنداي كۇشتى جارىق ادامدى كورۋ قۋاتىنان ايىرا الادى ەكەن. توناۋشى قارا كوزىلدىرىك سالعاندىقتان، ءونىمى تىم كورنەكتى بولماي قالادى.

  N دوكتور تەلەفون تۇتقاسىن اپپاراتقا قايتا قويىسىمەن، تۇتقا بىردەمدە اپپاراتتان زىمىرانداي اتىلىپ شىعىپ، ەشقايدا اۋىتقىماي الگى كۇشتى جارىقتى بويلاپ، توناۋشىنىڭ قاق ماڭدايىنان تيەدى. مۇنداي كۇشتى سوققىدان ساقتانا الماي قالعان توناۋشى تەڭسەلە بارىپ، گۇرس ەتىپ قۇلاپ ءتۇسىپ، ەسىنەن تانادى. الگى قارا كوزىلدىرىگىنىڭ دە بىت-شىتى شىعىپ  سىنادى.  N دوكتور  ەلەكتر سىمىمەن توناۋشىنى تىرتىستىرىپ بايلاپ تاستايدى.

  سونان سوڭ N دوكتور ءبىر شەلەك سۋىق سۋدى توناۋشىنىڭ بەتىنە شاشىپ جىبەرەدى، ول سۇمەلەك ەسىن جيىپ، نە بولعانىن بىلە الماي كوزىن جىپىلىقتاتىپ، قاباعى سالبىراپ:

  - سەنەن قالاي تاياق جەپ قۇلاپ قالعانىمدى بىلمەي قالدىم عوي. ونىڭ ۇستىنە مەنى تىرتىستىرىپ بايلاپ تاستاپسىڭ، تەگى نە بولدى؟ قالايدان قالاي بۇل كۇيگە ءتۇسىپ قالعانىمىن؟- دەدى.

  - مىنە، بۇل مەنىڭ زەرتتەۋدەگى تابىسىم. ساقشى مەكەمەسىنىڭ تاپسىرۋىمەن توناۋشىنى ارناۋلى تۇتقىندايتىن ءار ءتۇرلى اۆتوماتتى اپپاراتتاردى زەرتتەپ جاساۋدامىن. بۇل تەلەفون اپپاراتى سولاردىڭ ءبىرى عانا.

بار بولعانى 110 نومىرگە تەلەفون جالعاسا بولعانى، تەلەفون توناۋشىنى تۇتقىنداۋعا كومەكتەسەدى.

  N دوكتوردىڭ بۇل سوزدەرىن ەستىگەن توناۋشى ەندى ازداپ تۇسىنگەندەي بولىپ باسىن يزەدى.

  - مەن ءوزىم دە سىناق جاسايتىن وبيەكتى تاۋىپ، وسى اپپاراتتى پايدالانۋ قۇنىنىڭ قانشالىق ەكەنىن تەكسەرۋدى ويلاپ ءجۇر ەدىم. بۇگىن تۇندەلەتىپ كەلگەنىڭە بولايىن،- دەدى دوكتور.

  توناۋشى بەت-اۋزىن تىنىمسىز تىرجىڭداتىپ:

  - ويپىرم-اي، اۋىرتقاندا جانىمدى شىعارىپ بارادى، جانىڭىز اشىسىنشى ماعان، تەزدەن جەدەل جاردەم شاقىرتىڭىزشى،- دەي بەردى.

  - بۇرىن بولسا بۇل تەلەفون سىرتقا جالعاناتىن، ال بۇگىن تەلەفون لەنياسىنان كىنارات شىعىپ قالدى عوي دەيمىن. مەن تاياۋ ماڭعا بارىپ تەلەفون جالعايىن. راس- اۋ، تىم نەمقۇرايدى قاراپ، سەنىڭ ورايدان پايدالانىپ قاشىپ كەتۋىڭنەن ساقتانۋىم كەرەك.

   N دوكتور ارى-بەرى تەلەفون اپپاراتىن شۇقىلاپ   ەدى،ترۋبكادان ۇيىقتاتاتىن  ءدارى توزاڭى بايلاۋداعى توناۋشىنىڭ مۇرنىنا بۇركىلە باستادى. مەيلى كىم بولسا دا مۇنداي ءدارىنى سىمىرسە بولعانى، ءبىر ساعاتتان كەيىن بارىپ ارەڭ ەسىن جياتىن ەدى. N دوكتور جايراعان دوڭىزداي بولىپ جەردە جاتقان توناۋشىعا قاراپ تۇرىپ، جۇزىنە رازىلىق كۇلكىسى ءۇيىرىلىپ،  جەڭىل    ادىمداپ زەرتحانادان شىعىپ كەتتى.



اۋدارعان - قانات جۇماش ۇلى




رەداكتورى: ارداق كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.

 
powered by IlgharCMS 3.2 www.ilghar.cn