ەەڭ جاڭا مازمۇندار
كۇزگى تەڭەلۋ كەزىندە جەر -جەر مول ءونىم الۋدىڭ قاربالاستىعىنا ءتۇستى
كۇزگى تەڭەلۋ كەزىندە جەر -جەر مول ءونىم الۋدىڭ قاربالاستىعىنا ءتۇستى
اۆتونوميالى رايوندىق پارتكوم تۇراقتى كوميتەتى كەڭەيتىلگەن ءماجىلىس اشتى كەزەكتەگى ىندەتتەن ساقتانۋ - تىزگىندەۋ قىزمەتىن ارناۋلى تاقىرىپتا اقىلداستى، ورنالاستىرۋ جاسادى
اۆتونوميالى رايوندىق ساۋدا - ونەركاسىپشىلەر بىرلەستىگىنىڭ (باس ساۋدا قوعامى) 12 - قۇرىلتايى وتكىزىلدى
شينجياڭ سۋ يگىلىگىن دامىتۋعا قارجى قوسۋ (توبى) شەكتى سەرىكتەستىگى قۇرىلدى
2022-جىلى 9-ايدىڭ 27- كۇنى 215-سان
شاۋەشەك قالاسىندا تۇڭعىش قارتتارعا قامقورلىق جاساۋ جاعىنان قوعامدىق قىزمەت وتەۋ ورتالىعى قۇرىلدى
ساۋانداعى ساقشىلار مەن حالىق قارا دەگەلەكتى قۇتقاردى
شاۋەشەك كەدەنى دالمە -ءدال شارا قولدانىپ، اۋىل شارۋاشىلىق قوسىمشا ونىمدەرىن يمپورت -ەكسپورت ەتۋدىڭ”جەدەل ارناسىن“ اشتى
ۇلگىلەردىڭ كۇش -قۋاتىن سەزىنىپ، ءداۋىردىڭ اتويشىسى بولۋعا قۇلشىنامىز
ەسىك اشۋ ورايىنان بىرگە يگىلىكتەنىپ، كوركەم بولاشاقتى بىرگە جاراتايىق
شي جينپيڭ بۇكىل ەلدەگى قالىڭ شارۋالاردىڭ جانە اۋىل شارۋاشىلىعى، اۋىل - قىستاق، شارۋالار شەبىندە قىزمەت ىستەپ جاتقان جولداستاردىڭ مەرەكەسىن قۇتتىقتادى جانە ولاردان شىنايى حال سۇرادى
ەرەكشەلىككە، باسىمدىققا يە كاسىپ سالالارى شوعىرىن جوعارى ولشەممەن، جوعارى ساپامەن جەتىلدىرۋگە، زورايتۋعا تاباندى بولۋ كەرەك
قول قويىلعان سوما ءبىر تريلليون يۋاننان استى، كوپتەگەن ەڭ جوعارى ورە جاراتىلدى
جىبەك جولى رۋحىن اسقاقتاتىپ، ازيا مەن ەۆروپانىڭ سەلبەستىگىن تەرەڭدەتەمىز
رەفورمانىڭ تابىستى تاجىريبەلەرىن مۇقيات قورىتىندىلاپ، پايدالانىپ، ارميانى رەفورما ارقىلى قۇدىرەتتەندىرۋدىڭ جاڭا جاعدايىن قۇلشىنا اشۋ كەرەك
باس شۋجي شي جينپيڭنىڭ ماڭىزدى ءسوزىنىڭ، ماڭىزدى بەكىتۋىنىڭ رۋحىن جەتكىزدى، دايەكتىلەندىردى
2022-جىلى 9-ايدىڭ 26- كۇنى 214-سان
2022-جىلى 9-ايدىڭ 24- كۇنى 213-سان
2022-جىلى 9-ايدىڭ 23- كۇنى 212-سان
تارباعاتايدىڭ ەرەكشە ونىمدەرىن تانىستىرىپ، باۋراۋ قۋاتىن ايگىلەدى
شي جينپيڭ 7 - كەزەكتى جۇڭگو − ازيا - ەۆروپا كورمەسىنە قۇتتىقتاۋ حات جولدادى
​7 - كەزەكتى جۇڭگو − ازيا - ەۆروپا كورمەسى اشىلدى
ءبىر نيەتپەن سەلبەسىپ، جىبەك جولىنىڭ تىڭ شۇعىلاسىن جازايىق
جىبەك جولى رۋحىن اسقاقتاتىپ، قول ۇستاسىپ، بولاشاقتا تەڭ يگىلىككە كەنەلەمىز
ەسىك اشىپ، سەلبەسىپ، بولاشاققا اتتانايىق
2022-جىلى 9-ايدىڭ 22- كۇنى 211-سان
ايماقتىق اكىمشىلىك مەكەمەسى شانشي يانچاڭ مۇناي توبىمەن، شينجياڭ تيانيە توبىمەن سەلبەستىك جۇلگەلىك كەلىسىمىنە قول قويىستى
ايماعىمىزدىڭ ۋاكىلدەر ۇيىرمەسى از ۇلتتاردىڭ اۆتونوميالى رايوندىق 10 -كەزەكتى ءداستۇرلى سپورت جارىسىندا سۇبەلى تابىسقا قول جەتكىزدى
قىزمەت ورنىن تياناق ەتىپ، كورىكتى تارباعاتايدى بىرگە قۇرامىز

باقىتتىڭ بارقىت ءانى

جولدانعان ۋاقىتى : 2015/8/17 12:10:04

داۋرەن بەرىكقاجى ۇلى  (قازاقستان)

ءماجنۇن قىلعان بۇل جالعاندا ءبىر بەس كۇن،
سەنى ءبىر رەت كورسەم دەۋمەن كۇن كەشتىم!
سەنى ءبىر رەت كورسەم دەۋمەن مۇڭ كەشكەن
مەن سياقتى بولا قويماس جىندى ەشكىم!

ودان وزگە تىلەك جوقتاي...
قۇدىرەت!
سەنى ءبىر رەت كورسەم دەدىم، ءبىر رەت!
سوناۋ كۇننەن سىزىلماي ءھام سۇرتىلمەي،
كوز الدىمدا قالىپ قويعان سۋرەت.

قۇداياقى،
نارقى بولەك نۇر ەدىڭ،
سەنى ويلاسام بولدى قۇستاي تۇلەدىم،
سەن كىمدى جولىقتىرعانىڭدى بىلمەسسىڭ،
ءبىراق، كىمدى سۇيگەنىمدى مەن بىلەمىن.

سودان بولار  قادىر بىلمەس،
بىلمەس قۇن،
جۇرت ىشىندە سەن بار دەپ تەك كۇن كەشتىم.
ودان ارتىق ازاپ بار دەپ بىلمەسپىن،
ودان ارتىق عاجاپ بار دەپ بىلمەسپىن!

باسقا ارمان، تىلەك جوقتاي...
قۇدىرەت!
سەنى ءبىر رەت كورسەم دەدىم، ءبىر رەت!
كورگەن تۇستەي ارداقتى ءھام اياۋلى،
كوز الدىمدا قالىپ قويعان سۋرەت.
          *   *   *
قايتا-قايتا قاراسام دا تويا الماي،
تۇسىمدە دە سەنى كورەم، وي، اللا-اي!
وسىنشالىق ءتاتتى بولار ما ەدىڭ سەن
شىعا كەلسەڭ تۇتاس جۇتىپ قويارداي...

جانىم قويار جەر تاپپادىم كورگەننەن...
ولگەن سەزىم قايتا وياندى، ولگەن دەم!
ەڭ لايىقتى سەن تۇرعاندا جۇرەكتى
قالاي كوپكە جۇلمالاتا بەرگەم مەن؟!

جانارىڭمەن ءومىر سىيلاپ جاپ-جارىق
جان-دۇنيەمدى كەتتىڭ ءبىر-اق اقتارىپ!
سەنى كورگەن ساتتەن باستاپ مەن ءجۇرمىن
جارىلۋعا ءھام جىلاۋعا شاق قالىپ.

مۇنداي ءورتتى بۇرىن-سوڭدى كىم كورگەن...
ازابىما ازاپ قوستى ءتۇن كەلگەن.
جانىم كۇيىپ كەتەر مە ەكەن جەتكەنشە
ءماجنۇن قۇساپ سەنى ءسۇيىپ ۇلگەرگەن؟

تاعدىرىما وسى بولسا تيەسى،
جىندى ادامداي داۋرەن كەشكەن كۇي وسى.
مەنى بەكەر ورتەدىڭ-اۋ بەيمەزگىل
ەڭ ادەمى كوزدىڭ كوركەم يەسى!
     *   *   *
سەن – اقسىڭ عوي...
اق بولعاسىن جىلايسىڭ!
اق بولعاسىن،
پاك بولعاسىن ۇنايسىڭ.
قۇداياقى،
سەن سياقتى ەشكىمدى
جىلاتپاعام،
ۇناتپاعام بۇلاي شىن.

ءار سوزىمە
بولعانىممەن قىراعى
جوق دەي قالساڭ
جىلاتقىم كەپ تۇرادى.
قىسقا كۇندە
قىرىق مارتە قۇلپىرىپ
ەسىمدى العان
ەركە ەلىكتىڭ لاعى!

ءدۇن-دۇنيە...
ءدىر ەتەر ءسات ءدۇر عالام
جوق دەي كورمە!
جوق دەي قالساڭ جىندانام.
قاراوتكەلدە
قالسىن دەسەڭ ءبىر شايىر
ماحابباتتى
ماحابباتپەن جىرلاعان.

سەن – اقسىڭ عوي...
اق بولعاسىن جىلايسىڭ!
اق بولعاسىن،
پاك بولعاسىن ۇنايسىڭ.
قۇداياقى،
سەن سياقتى ەشكىمدى
جىلاتپاعام،
ۇناتپاعام بۇلاي شىن.
      *   *   *
سەن تۇسىمە كىرگەن كۇن،
ءتۇس ەمەس-اۋ، نۇر كوردىم!
كوكىرەگىم مولدىرەپ
ءماجنۇن بولىپ ۇلگەردىم.

سەن تۇسىمە كىرگەن كۇن،
ءتۇس ەمەس-اۋ، گۇل كوردىم!
ورتاسىندا ءجۇر ەكەم
كىلەڭ عاجاپ ۇندەردىڭ.

سەن تۇسىمە كىرگەن كۇن،
ءتۇس ەمەس-اۋ، مۇڭ كوردىم!
كوشىپ اپتى كوزىڭە
كۇرسىنىسى تۇندەردىڭ.

سەن تۇسىمە كىرگەن كۇن،
قايتا-قايتا كۇرمەلدىم...
ءومىر كورىپ وكسىگەن
تور كوزىنەن شىلتەردىڭ!
     *   *   *
جالتاقتاماي، جاسىرماي،
ەگەر سىزگە
ءبىر سىر اشسام،
شىنىمەن سەنەسىز بە؟
الماتىنى ارۋلاپ،
اقشام تۇسسە
كوز الدىما تۇراسىز
كەلەسىز دە!

كەيدە قاتال بولاتىن،
كەيدە ىزگى –
جۇمباعى كوپ
پەريزات دەي مە ءسىزدى؟!
وكسىگى مول، ايتەۋىر،
ومىرىمنەن
وشىرە الماي
دال بولدىم بەينەڭىزدى.

تورىققاندا
ءسىز بولىپ ءتىلسىم ءانىم
(قانشا كۇنگە جەتەدى
بۇل شىدامىم؟)...
كوزبەن ايتقىم كەلگەنمەن
بىردەڭەنى،
كەزدەسكەن ءسات
تاعى دا تۇنشىعامىن.

ءسىز بولساڭىز
كورسەتىپ ىزەت، قىلىق،
شاشىڭىزدى نەمەسە
تۇزەپ... كۇلىپ،
مەن سياقتى جىگىتكە
اقىر سوڭى
جولىڭىزدى قوياسىز
كۇزەتتىرىپ.

ءدال وسىلاي
تاڭعا ۇرىپ تاڭدى تاعى،
ءبىر قيالدى
ءبىر بەينە قاڭعىتادى.
بال اشقانمەن
باياندى بولارمىسىز،
مۇڭىم بولعان
باقىتتىڭ بارقىت ءانى؟

   دايىنداعان - قاجىبەك ايدارحان

 

رەداكتورى: ارداق كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.

 
powered by IlgharCMS 3.2 www.ilghar.cn