تانىس ادامىنا سەنىپ پايدا كورەمىن دەپ وماقاستى

ءتىلشىمىز ۋاڭ شان

    قوبىقسارى موڭعۇل اۆتونوميالى اۋدانى قوستولاعاي قالاشىعىنداعى بىرنەشە تۇرعىن تانىس ادامنىڭ كومەگىندە تالاي جۇمىسىن تىندىرىپ، ىرعىن پايداعا كەنەلدىك دەپ جۇرگەندە، ويلاماعان جەردەن تانىس ادامنىڭ   الدىن الا قۇرعان تۇزاعىنا ءتۇسىپ، تاقىر جەرگە وتىرىپ قالادى.

  4-تامىزدا قوستولاعاي قالاشىعىنىڭ تۇرعىنى ۋاڭ xx جۋىقتا كوپە - كورنەۋ الدانىپ قالعانىنا ازا بويى قازا بولدى، ونىڭ اقىلى جەتپەيتىنى ونى تاقىر جەرگە وتىرعىزىپ كەتكەن بالا كەزىنەن بىرگە وسكەن جاڭ xx بولىپ شىققانى ەدى.
 
  بىلتىر قىركۇيەكتە ۋاڭ xx جاڭ xx تىڭ ءۇي ساتاتىندىعىن ەستىپ، 150 مىڭ يۋانعا قوستولاعاي قالاشىعى ياڭگۋاڭ حۋايۋان شاعىن رايونىنداعى قارجى توپتاپ سالعان ۇيلەردەن جاڭ xx تىڭ ەكى ءۇيىن ساتىپ الادى ءارى ەكەۋى ءۇي ساتىپ الۋ-ساتۋ توقتامىنا قول قويادى.

  ءۇيدى كورىپ، توقتامعا قول قويعان بولسا دا، نەلىكتەن ۋاڭ xx الدانىپ قالدىم دەيدى؟ ءىس جۇزىندە ۋاڭ xx تىڭ جاڭ xx تەن ساتىپ العان ءۇيى جاڭ xx تىڭ ءوزىنىڭ ءۇيى ەمەس بولىپ شىعادى.
ۋاڭ xx العاشىندا جاڭ xx ءۇيدى كورسەتكەن كەزىندە بىردە ءۇيدىڭ كىلتىن ۇمىتىپ قالىپپىن دەسە، بىردە سالىنىپ بولماعان ءۇيدى كورسەتكەندىگىن، تانىس ادام بولعان سوڭ، ونىڭ ايتقانىنا سەنىپ، سوڭىندا الدانىپ قالعاندىعىن ايتتى.

  با xx تە ۋاڭ xx سياقتى جاڭ xx تىڭ  الدام قالتاسىنا تۇسەدى، جاڭ xx وعان ءۇي ساتىپ الۋ، پەنسياعا شىعۋ سياقتى جۇمىستاردى تىندىرىپ بەرەمىن دەپ وتىرىك ايتىپ، ونىڭ 470 مىڭ يۋانىن الداپ اكەتەدى.

  ءۇي ساتىپ الۋ، پەنسياعا شىعۋ راسمياتىن وتەۋ سياقتى الدامكوستىكتەن تىس، جاڭ xx تاعى قىزمەت تاۋىپ بەرۋدى جەلەۋ ەتىپ، كورشىسى شيا xx تى دە تۇزاعىنا تۇسىرەدى.

  جاڭ xx تىڭ « كومەگىندە » شيا xx تىڭ جۇبايى ايىنا ءبىر مىڭ 300 يۋان زەينەتاقىعا يە بولادى، الايدا، بۇل جاڭ xx تىڭ ايلاسى بولىپ، اي سايىن ءوزى بانكە كارتۋچكاسىنا سالىپ قويعان اقشاسى ەدى.

  جاڭ xx جالعاستى شيا xx تىڭ ۇلىنا قىزمەت تاۋىپ بەرەمىن دەپ  ولاردان 100 مىڭ يۋان الداپ اكەتەدى.

  مىنە وسىلايشا، جاڭ xx كورشىلەردىڭ وعان بولعان سەنىمىنەن پايدالانىپ، ءتۇرلى ايلا-شارعىمەن كورشىلەردىڭ ءبىر ميلليون يۋاننان ارتىق اقشاسىن قىمقىرىپ كەتەدى.    الايدا، قانشا اككى بولسا دا زاڭ تورىنان قاشىپ قۇتىلا المادى. كەزەكتە، جاڭ xx قوبىقسارى اۋداندىق قوعام حاۋىپسىزدىگى مەكەمەسى قىلمىستىق ىستەر باس اترەتى جاعىنان قولعا    الىندى.




رەداكتورى: ارداق كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.