دانىككەن ۇرى قۇرىقتالدى

ۇسىنىس ەتىلگەن ءتىلشى سۋ گاڭۋي، ەرىكتى ءتىلشى لي دامىڭ

     تالاي رەت باسقالاردىڭ دۇنيە مۇلكىن ۇرلاپ، ساقشىلار جاعىنان سوققى بەرىلىپ، بوساتىلعاننان كەيىن رايىنان قايتپاعان ايلاكەر ۇرى 4- تامىزدا ۇرلىق ىستەپ، تامنان اسىپ قاشىپ كەتپەك بولعاندا، حالىق ساقشىلارىنىڭ قولىنا تۇسپەسى بارما؟

  بيىل ماۋسىم ايىنىڭ سوڭىنان بەرى ساۋان اۋدانى ليۋماۋۋان قالاشىعىندا 10 رەتتەن ارتىق ۇرلىق ىستەۋ دەلوسى تۋىلدى. قىلمىس كۇماندىسى جاز مەزگىلىندەگى شىلىڭگىر ىستىقتا    تۇرعىنداردىڭ  تەرەزەنى اشىپ قويىپ ۇيىقتاۋ ورايىنان پايدالانىپ، ۇيگە  كىرىپ ۇرلىق ىستەگەن.

  دەلو تۋىلعان ناق مايدانداعى ءجىپ ۇشىنا تالداۋ جاساۋ ارقىلى حالىق ساقشىلارى تالاي رەتكى ۇرلىق ىستەۋ دەلوسىنىڭ ۋاقىت پەن قىلمىس وتكىزۋ ءتاسىلىنىڭ ۇقساس ەكەندىگىن بايقاپ تەكسەرۋ جۇرگىزەدى.

  ءبىر ايدان ارتىق ۋاقىت ارالاپ تەكسەرۋ جۇرگىزۋ ارقىلى 2-تامىزدا حالىق ساقشىلارى وسى رايونعا قاراستى حۇيمينچۇي قىستاعىنداعى بۇرىن ۇرلىق قىلمىسىن وتكىزگەن يان xx تىڭ قىلمىس كۇماندىسى ەكەندىگىن تۇراقتاندىرىپ، جاسىرىن تەكسەرۋ جۇرگىزەدى.

  4-تامىز تاڭعى ساعات 3 تەن 7 مينۋت وتكەندە يان xx  وزىمەن   ءبىر قىستاقتاعى سايxx  تىڭ ۇيىنە ۇرلىققا تۇسەدى. 10 مينۋتتان كەيىن يان xx تامنان اسىپ قاشىپ كەتپەك بولعاندا، ىزىنە تۇسكەن حالىق ساقشىلارىنىڭ قولىنا تۇسەدى. حالىق ساقشىلارى ناق مايداندا ونىڭ جانىنان ءبىر قول تەلەفون مەن 200 يۋان ناق اقشانى ءتىنتىپ تاۋىپ الادى. يان xx تىڭ قولىنداعى زياندالۋشى سايxx  تىڭ ايەلىنىڭ قول تەلەفونى ەكەندىگى انىقتالادى.

  تەرگەۋ جۇرگىزۋ ارقىلى بۇلتارتپاس فاكت الدىندا  يان xx بيىل ماۋسىم  ايىنىڭ سوڭىنان بەرى تامنان اسىپ  ءتۇسىپ، جالپى قۇنى 10 مىڭ يۋاننان اساتىن قول تەلەفون مەن ناق اقشا ۇرلاۋ قىلمىسىن 11 رەت وتكىزگەندىگىن مويىندايدى.

   كەزەكتە يان xx ساقشىلار جاعىنان قىلمىستىق ارەكەت وتكىزۋ قىلمىسىمەن قولعا الىنىپ، دەلو ىشكەرىلەي تەكسەرىلۋدە.




رەداكتورى: ارداق كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.