ءتىلشىمىز داي جياۋمەي، ەرىكتى ءتىلشى جاڭ چينياۋ
جۋىقتا شاۋەشەك قالالىق قوعام حاۋىپسىزدىگى مەكەمەسى جۇرتشىلىقتىڭ دەلو مالىمدەۋىندە ەكى رەتكى ەسىرتكى الىپ ءجۇرۋ جانە ەسىرتكى تاسىمالداۋ دەلوسىن تەكسەرىپ انىقتاپ، دەلوعا قاتىستى 3 قىلمىس كۇماندىسىن تۇتقىنداپ، 460.6 گرام كريستال ەسىرتكىنى قولعا ءتۇسىردى.
ءبىر اپتانىڭ الدىندا شاۋەشەك قالالىق قوعام حاۋىپسىزدىگى مەكەمەسى شاۋەشەك قالاسىندا زاڭسىز ەلەمەنتتەردىڭ ەسىرتكى الىپ جۇرگەندىگى جونىندەگى دەلو مالىمدەۋ تەلەفونىن قابىلدايدى. شاۋەشەك قالالىق قوعام حاۋىپسىزدىگى ورگانى دەرەۋ ءجىپ ۇشىن جوعارى دارەجەلى قوعام حاۋىپسىزدىگى مەكەمەسىنە حابارلايدى، قوعام حاۋىپسىزدىگى مينيسترلىگىنىڭ ينفورماتسياعا تالداۋ جۇرگىزۋى ارقىلى ءجىپ ۇشىنىڭ شىن ەكەندىگى تۇراقتانادى.
ىلە-شالا شاۋەشەك قالالىق قوعام حاۋىپسىزدىگى مەكەمەسى ورىستەتىلۋ ۇستىندەگى « جازدىق شابۋىل » ارناۋلى ارەكەتىمەن ۇشتاستىرا وتىرىپ، قاتىستى تاراۋلارمەن تىعىز سايكەسىپ، ءبىر اپتا ىشكەرىلەي بارلاۋ جۇرگىزۋ جانە جان-جاقتىلى ورنالاستىرۋ جاساۋىندا، 10-تامىزدا قىلمىس كۇماندىسى ۋاڭ xx، ليۋ xx جانە ۋاڭ xx تەردى قولعا تۇسىرەدى. ۋاڭ xx (ەر، حانزۋ، 42 جاس) 231.5 گرام كريستال ەسىرتكىنى زاڭسىز الىپ جۇرگەن؛ ليۋ xx ( ەر، حانزۋ، 50 جاس ) 23.7 گرام كريستال ەسىرتكىنى زاڭسىز الىپ جۇرگەن؛ ۋاڭ xx (ەر، حانزۋ، 51 جاس ) 205.4 گرام ەسىرتكىنى زاڭسىز تاسىمالداعان.
ۇعىسۋعا قاراعاندا، وسى رەت تەكسەرىلىپ انىقتالعان ەسىرتكىنى زاڭسىز الىپ ءجۇرۋ، تاسىمالداۋ دەلوسى جۋىقتاعى 10 جىلدان بەرگى شاۋەشەك قالالىق قوعام حاۋىپسىزدىگى ورگانى تەكسەرىپ انىقتاعان كريستال ەسىرتكىگە قاتىستى ەڭ ءىرى دەلوعا اينالعان. كەزەكتە دەلو ىشكەرىلەي تەكسەرىلۋ ۇستىندە.
رەداكتورى: ارداق كامالقان قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.