حالىقارالىق جەڭىل اتلەتيكا بىرلەستىگى 28 سپورتشىنىڭ شەكتەلگەن ءدارى پايدالانعاندىعى سەبەپتى جارىسقا قاتىناسۋىنا تيىم سالدى

   حالىقارالىق جەڭىل اتلەتيكا بىرلەستىگى 11-تامىزدا ەكىنشى رەت شەكتەلگەن ءدارى پايدالانۋ جاعدايىنا تەكسەرۋ جۇرگىزگەندە، كىشى دارەتتەن ۇلگى الىپ تەكسەرۋ ناتيجەسى بولىمدى بولىپ شىققان 28 جەڭىل اتلەتيكا سپورتشىسىنىڭ جارىسقا قاتىناسۋىنا تيىم سالاتىندىعىن جاريالادى.

  حالىقارالىق جەڭىل اتلەتيكا بىرلەستىگى 28 سپورتشىنىڭ 2005-جىلعى جانە 2007-جىلعى دۇنيە جۇزىلىك جۇلدەلى جارىسىنا قاتىناسقان مەزگىلدە الىنعان كىشى دارەتىنە قايتالاي تەكسەرۋ جۇرگىزگەندە، ناتيجەسى بولىمدى بولىپ شىققان. بۇل سپورتشىلاردىڭ باسىم كوبى جارىستان شەگىنگەن، كەيبىرەۋىنىڭ شەكتەلگەن ءدارى  پايدالانعاندىعىن تەكسەرىپ انىقتاپ، جارىسقا قاتىناسۋىنا تيىم سالعان،تەك از ساندىسى عانا، جەڭىل اتلەتيكا مايدانىندا ءالى دە بوي كورسەتىپ كەلەدى.

  حالىقارالىق جەڭىل اتلەتيكا بىرلەستىگى جاريالاعان مالىمدەمەدە بىلاي دەلىنگەن: « العاشقى ۇيعارىمدا ولاردىڭ جارىسقا قاتىناسۋىنا تيىم سالعان، ولار 22-تامىزدا بەيجيڭ    قالاسىندا وتكىزىلەتىن دۇنيە جۇزىلىك جەڭىل اتلەتيكا جۇلدەلى جارىسىنا قاتىناسپايدى، زاڭدىق سەبەپتەردەن بۇل سپورتشىلاردىڭ ەسىمى جاريالانبايدى».

  ۇلى بريتانيا راديو سەرىكتىگىنىڭ حابارىنا نەگىزدەلگەندە، حالىقارالىق جەڭىل اتلەتيكا بىرلەستىگى بۇل سپورتشىلاردىڭ شەكتەلگەن ءدارى پايدالانعاندىعى انىقتالىپ، سپورتشىلار قاتەلىگىن تۇزەتسە، قايتادان سيلىق تاراتاتىندىعىن ايتقان.

2012-جىلى حالىقارالىق جەڭىل اتلەتيكا بىرلەستىگى 2005-جىلعى حەلسينكي دۇنيە جۇزىلىك جۇلدەلى جارىسىندا سپورتشىلارعا  ءبىرىنشى رەت كىشى دارەتىنەن ۇلگى  الىپ تەكسەرۋ جۇرگىزگەندە التى سپورتشىنىڭ  شەكتەلگەن ءدارى  پايدالانعاندىعىن بايقايدى. بيىل ءساۋىر ايىندا ەكىنشى كەزەكتى قايتالاي تەكسەرۋدە 28 سپورتشىنى قامتىعان 32 ادامنىڭ تەكسەرۋ ناتيجەسى بولىمدى بولىپ شىققان. 



رەداكتورى: ارداق كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.