وردوس قالاسىندا 10-كەزەكتى مەملەكەتتىك از ۇلتتاردىڭ ءداستۇرلى سپورت جارىسىنا قاتىناسىپ جاتقان ەلىمىزدىڭ «داۋاز حانزاداسى» ءادىل 12-تامىزدا الداعى نىساناسى تايۋان بۇعازىن ەندەي ءوتىپ، شيامىن مەن شياۋجينمىن اراسىنا بولات سىمنان ءجۇرىپ ونەر كورسەتەتىندىگىن ايتتى.
ءادىل تايۋان بۇعازىن ەندەي ءوتۋدى ءوزى جوسپارلاعانىن، نەشە جىل دايىندىق جاساعانىن، كەزەكتە قيمىل جوسپارىن قاتىستى تاراۋلارعا تاپسىرىپ بەكىتۋدى كۇتىپ تۇرعاندىعىن، بەكىتىلگەننەن كەيىن بۇل كۇرەس نىساناسىنىڭ رەسمي باستاپ اتقارىلاتىندىعىن ايتتى.
ءادىل: « بۇل دۇنيەدەگى تۇڭعىش رەتكى تەڭىز ۇستىندە بولات سىمنان ءجۇرىپ ونەر كورسەتۋ قيمىلى، قيىندىق دارەجەسى اسا جوعارى» دەدى.
وسىدان ىلگەرى ءادىل كوپتەگەن دايىندىق قىزمەتىن ىستەپ، تەڭىز بەدەرىن تەكسەرىپ، بولات سىم تارتۋ جوباسىن تۇراقتاندىرعان، بولات سىمنىڭ ۇزىندىعى 4 مىڭ 800 مەتر اينالاسىندا بولادى ەكەن.
ءىس جۇزىندە ءادىل جونىنەن بولات سىمنان تايۋان بۇعازىن ەندەي ءوتۋى جاي سايىس ەمەس، ول وسى رەتكى قيمىل ارقىلى تايۋان بۇعازىنىڭ ەكى جاعالاۋىنىڭ بارىس-كەلىسىن ىلگەرىلەتىپ، تايۋان بۇعازىنىڭ ەكى جاعالاۋىن جاقىنداتۋدى ءۇمىت ەتەدى.
ءادىل: « تايۋان بۇعازىنىڭ ەكى جاعالاۋىنداعىلار ءبىر ءۇيلى جانداي. داۋاز ونەرى ارقىلى تايۋان بۇعازىنىڭ ەكى جاعالاۋىنىڭ بارىس-كەلىسىن ىلگەرىلەتۋگە ۇلەس قوسامىن، قازىر تايۋاننىڭ ەكى جاعالاۋىنا ۇشاقپەن نەمەسە كەمەمەن بارىپ بارىس-كەلىس جاساۋعا بولادى، داۋاز ونەرىنىڭ تايۋان بۇعازىنىڭ ەكى جاعالاۋىنىڭ بارىس-كەلىسىنە دانەكەر بولۋىن ءۇمىت ەتەمىن» دەدى.
2 مىڭ جىلدان ارتىق تاريحقا يە داۋاز تۇڭعىش توپتاعى مەملەكەت دارەجەلى بەيزاتتىق مادەني مۇرا ەسىمدىگىنە ەنگىزىلدى، ءادىل «داۋاز» ءتۇرىنىڭ ۋاكىلدىك مۇراگەرى، 44 جاستاعى ول دۇنيە جۇزىلىك «كەڭىستىكتە بولات سىمنان ءجۇرۋ» سالاسىنىڭ تارلانى، ول سان مارتە رەكورد جاڭالاپ، چاڭجياڭنىڭ ءۇش قىساڭى، وڭتۇستىك يۋەحىڭشان سياقتى جەرلەردە بولات سىمنان جۇرگەن جانە بەيجيڭ قالاسىنداعى« قۇس ۇياسىندا » « كەڭىستىكتە 60 كۇن تىرشىلىك ەتۋ» كۇرەس نىساناسىن تابىسپەن ورىنداعان.
رەداكتورى: ارداق كامالقان قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.