ەەڭ جاڭا مازمۇندار
”جاڭا داۋىردە ەكپىندەي ىلگەرىلەۋ“ نەگىزگى تاقىرىپتىق تابىستار كورمەسىنىڭ شينجياڭ كورمە بولىگى تارتىمدىلىعىمەن كوزگە ءتۇستى
«تاعدىرلاس بولىپ، داڭعىل جولمەن ىلگەرىلەۋ − شي جينپيڭنىڭ ديپلوماتيا يدەياسى ادامزات دامۋىنىڭ، العا باسۋىنىڭ اعىمىن ىلگەرىلەتتى»
بۇقارانىڭ ءىسىن قاشاندا كوكەيىندە ساقتادى
ايماعىمىزدا 610 مىڭ مۋ جەرگە دۇمبە ءبيداي سىڭىرىلە باستادى
ءۇمىت اتىزىنان مول ءونىم جىرى شىعاندادى
تىكە تاراتۋ بولمەسىنەن”ءىرى ەلدىڭ استىق قامباسىن“ تاماشالادى
شاعانتوعاي: ماقسارىنى جىنتىكتەي مانەرلەۋگە جاڭا كۇش قوسىلدى
2022-جىلى 9-ايدىڭ 30- كۇنى 218-سان
قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرە
پارتيانىڭ بەكىمىن، حالىقتىڭ رايىن ۇيىستىرىپ، گۇلدەنۋ ۇلى ءىسىن ىلگەرىلەتتى
رەفورما شارالارىنىڭ تياناقتانىپ، ونىمدىلىك كورسەتۋىن جەدەل ىلگەرىلەتىپ، ەكونوميكانىڭ، قوعامنىڭ جوعارى ساپالى دامۋىن پارمەندى قولداۋ، قامتاماسىز ەتۋ كەرەك
زەيىن - زەردەنى، كۇش - قۋاتتى ۇيىستىرىپ، بورىشتى ارقالاپ، قايراتتانا العا ۇمتىلىپ، جاڭا تاراۋ جازايىق
قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرەك
تاريحتى اينا ەتىپ، وتكەندى باعامداپ، بولاشاقتى بولجاپ، گۇلدەنۋ جولىندا تاباندىلىقپەن العا باسۋ كەرەك
ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ ماڭىزدى تالابىن جاپپاي تياناقتاندىرىپ، پارتيا 20 - قۇرىلتايىنىڭ جەڭىسپەن اشىلۋىنا حاۋىپسىز، ورنىقتى ساياسي، قوعامدىق ورتا جاراتۋ كەرەك
اۆتونوميالى رايوننىڭ وقۋ - اعارتۋدى جوعارى ساپامەن دامىتۋ جينالىسى اشىلدى
بارشا جۇڭگولىقتى تۇگەل اناعۇرلىم جاقسى تۇرمىسقا كەنەلتتى
شينجياڭدى سىرتقا ەسىك اشۋدىڭ الدىڭعى شەبى ەتىپ قۇرىپ شىعامىز
جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايىنا قاتىناساتىن ۋاكىلدەر تۇگەل سايلانىپ شىقتى
ۋاكىلدىك بورىشتى ادالدىقپەن اتقارىپ، ۋاكىلدىك رولدى تولىق ساۋلەلەندىرەيىك
مەملەكەتتىك حالىق قۇرىلتايى تۇراقتى كوميتەتىنىڭ زاڭنىڭ اتقارىلۋىن تەكسەرۋ گرۋپپاسى رايونىمىزدا زاڭنىڭ اتقارىلۋىن تەكسەردى
2022-جىلى 9-ايدىڭ 29- كۇنى 217-سان
2022-جىلى 9-ايدىڭ 28- كۇنى 216-سان
اۆتونوميالى رايوندىق پارتكوم تۇراقتى كوميتەتى كەڭەيتىلگەن ءماجىلىس اشتى كەزەكتەگى ىندەتتەن ساقتانۋ - تىزگىندەۋ قىزمەتىن ارناۋلى تاقىرىپتا اقىلداستى، ورنالاستىرۋ جاسادى
اۆتونوميالى رايوندىق ساۋدا - ونەركاسىپشىلەر بىرلەستىگىنىڭ (باس ساۋدا قوعامى) 12 - قۇرىلتايى وتكىزىلدى
شينجياڭ سۋ يگىلىگىن دامىتۋعا قارجى قوسۋ (توبى) شەكتى سەرىكتەستىگى قۇرىلدى
2022-جىلى 9-ايدىڭ 27- كۇنى 215-سان
شاۋەشەك قالاسىندا تۇڭعىش قارتتارعا قامقورلىق جاساۋ جاعىنان قوعامدىق قىزمەت وتەۋ ورتالىعى قۇرىلدى
ساۋانداعى ساقشىلار مەن حالىق قارا دەگەلەكتى قۇتقاردى
شاۋەشەك كەدەنى دالمە -ءدال شارا قولدانىپ، اۋىل شارۋاشىلىق قوسىمشا ونىمدەرىن يمپورت -ەكسپورت ەتۋدىڭ”جەدەل ارناسىن“ اشتى

كەمپىر

جولدانعان ۋاقىتى : 2015/8/10 10:59:24

يۆان بۋنين   (رەسەي)

  ۋەزدىك بۇل اقىلسىز كەمپىر اس ۇيدەگى ساكىدە كوز جاسى كول بولىپ جىلاپ وتىر.

   قار باسقان شاتىرلار مەن كوشەلەردە قۇيىنداتقان سۆياتكيدىڭ  بورانى بۇلىڭعىرلانا  كوگەرىپ، ءىڭىر قويۋلانا كەلە ءۇي ءىشىن دە قاراڭعىلىق جايلاي باستادى.

   وندا، زالدا، بارقىت داستارقان جابىلعان ۇستەلدى اينالا كرەسلولار ماڭعاز ءتىزىلىپ، ديۆاننىڭ جوعارعى جاعىنداعى  كارتينا سولعىن عانا جالتىلدايدى – بۇلت ىشىندەگى جاسىلداۋ دومالاق اي، ليتۆانىڭ قالىڭ ورمانى، جەگىلگەن ءۇش ات شانا، ونىڭ ۇستىندە قىزعىلتىم ساۋلە شاشىراتا وق اتقان اڭشىلار، ال شانا سوڭىندا قاسقىرلار توڭقالاڭ اسىپ قالىپ جاتىر؛ ءبىر بۇرىشتاعى ىدىستا جاپىراقتارى ءولىپ، قۋراعان تروپيكالىق وسىمدىك توبەگە جەتە تىرەلەدى، ەكىنشىسىندە،  ىشىنەن بىرەۋدىڭ جاساندى داۋىسى تورىعا: «اھ، مىرزالار، قانداي قيىن، قانداي قيىن، ءبىر عانا ايەلىڭمەن ءومىر ءسۇرۋ ءارقاشان!» دەپ   قىرىلداي ايعايلايتىن، تەك قوناقتار كەلەتىن كەشقۇرىمدا عانا جان بىتەتىن ءپىلتۇمسىق گراممافون ۇڭىرەيەدى.  

   اس ىشەتىن بولمەدە تەرەزە الدىنىڭ تاقتايىندا جاتقان دىمقىل شۇپەرەكتەردەن سۋ تامشىلايدى، كلەەنكا جابىلعان توردا، باسىن قاناتىنىڭ استىنا تىعىپ، اۋىرىپ قالعان تروپيكالىق قۇس ۇيىقتاپ جاتىر. ۇيقىسى جەڭىل-جەلپى عانا جانە   ءبىزدىڭ سۆياتكيگە ۇيرەنبەگەندىكتەن كوڭىلسىز بولعاندا كوڭىلسىز. اس ىشەتىن  بولمەنىڭ قاتارىنداعى ۇزىنشا بولمەدە، ەگدە   جاستاعى     سۇربويداق، پروگيمنازييانىڭ مۇعالىمى، كلاستا بالالاردى شاشىنان جۇلقىلايتىنى بار، ال  ۇيدە   ۇلكەن، كوپ   جىلعى «بۇعاۋداعى    پرومەتەيدىڭ  الەم ادەبيەتىندەگى بەينەسى» شىعارماسىن ىجداعاتپەن جازىپ، اينالىساتىن پاتەر جالداۋشى تەرەڭ ۇيىقتاپ، قورىلدايدى.

    جاتىن بولمەدە، ءۇي يەلەرى دە تۇسكى اس كەزىندەگى سۇمدىق جاڭجالدان سوڭ ءزىل-باتبان اۋىر ءارى ىزالى ۇيقىدا. ال قاراڭعى اس ۇيدەگى ساكىدە، كوز جاسىنا ەتەگى تولارداي ەڭىرەپ كەمپىر وتىر.

   تۇسكى اس كەزىندەگى جاڭجال تاعى دا مۇنىڭ كەسىرىنەن باستالدى ەمەس پە؟ ءۇي يەسى ايەل  قىزعانۋ دەگەننەن ۇيالاتىن جاسقا باياعىدا جەتسە دە قىزعانىشتان ەس-اقىلىنان اداسىپ، اقىرىندا ءوز دەگەنىنە جەتىپ تىندى – اس پىسىرۋشىلىككە كەمپىردى جالداپ الدى. اعارعان شاشتارىن بوياپ جۇرەتىنىنە نە زامان بولعان، ءبىراق سوندا دا بار نيەتى تەك ايەل زاتىنا اۋىپ تۇراتىن قوجايىن بۇل كەمپىردىڭ كوزىن قۇرتىپ تىنۋعا بەل بۋدى. ۇزىن بويلى، ەڭكىش، يىعى سۇلبىرەيگەن، قۇلاعى مۇكىس، كوزى دە ناشار كورەتىن، تومەنشەكتىگىنەن دۇلەيلەۋ  كورىنەتىن، قانشا تىرىسقانىنا قاراماستان استى  اۋىزعا العىسىز ەتىپ پىسىرەتىن كەمپىر – شىنىمەن دە سۇرىقسىزدىڭ سۇرىقسىزى ەدى.

   ول ءوزىنىڭ ءار باسقان قادامى ءۇشىن قالتىراپ، جاعىنامىن دەپ ءال-دارمەنىنەن ايرىلاتىن. ونىڭ وتكەن ءومىرى  كىسى قىزىعارلىق ەمەس ەدى: كۇيەۋى، ارينە،  قاراقشى ءارى ماسكۇنەم بولاتىن، ول ولگەن سوڭ، كورىنگەن بوتەن بىرەۋلەردىڭ تابالدىرىعى مەن تەرەزەلەرىنىڭ تۇبىندە الاقان جايىپ، اش-جالاڭاش، جوقشىلىقتا ءومىر ءسۇردى…  ەندى، مىنە، تاماعى توق، جىلى جەردە، اياق-باسى ءبۇتىن، قايتا ادام قاتارىنا قوسىلىپ  شەنەۋنىكتىڭ ۇيىندە قىزمەت ەتكەنىنە كەمپىر باقىتتى ەدى  عوي!

   ول ۇيىقتار الدىندا، اس ۇيدە تىزەرلەپ تۇرىپ،   كۇتپەگەن راقىمشىلىعىڭ مەن وسى ءبىر مەيىر-شاپاعاتىڭنان ايىرا كورمە دەپ بار جان-تانىمەن  قۇدايعا  جالبارىناتىن! الايدا، قوجايىن جەر-جەبىرىنە جەتىپ، كۇن كورسەتەر ءتۇرى جوق: بۇگىن تۇسكى اس كەزىندە ول بۇعان   اقىرعانى سونداي، قورقىنىشتان بۇل قول-اياعىنا يە بولا الماي  قالىپ،ءشي قويىلعان تەگەش ەدەنگە ۇشىپ ءتۇستى. ال مۇنان سوڭ ءۇي يەلەرىنىڭ اراسىندا نە عانا بولمادى! ءتىپتى، تۇسكى اس بويى پرومەتەيدى ويلاپ وتىرعان مۇعالىم دە شىداماي كەتىپ، قابان كوزدەرىنىڭ قىرىمەن قاراپ، بىلاي دەدى:

     – مىرزالار، اسا سالتاناتتى مەيرام ءۇشىن ۇرىسپاساڭىزدار ەكەن!

   مىنە، ءۇي تىنىشتالىپ، شۋ  باسىلدى. دالادا تۇتەگەن بوران كوگىس تارتىپ، شاتىردان اسىرا كۇرتىك قاردى ءۇيىپ تاستاپ، قاقپا مەن ەرگەنەكتى دە باسىپ قالدى… ءۇي يەسى ايەلدىڭ جيەنى، پيما كيگەن، قۇلاعى قالقيعان، جەتىم، جۇدەۋ بالا اس ءۇيدىڭ جانىنداعى دۇڭگىرشەك بولمەدە، تەرەزە الدىنىڭ دىمقىل تاقتايىنا ەپتەيلەنە وتىرىپ، ۇزاق ۋاقىت ساباعىن وقىدى. ول ىنتالى جاس بولعاندىقتان، روجدەستۆولىق كانيكۋلعا وقۋعا بەرىلگەن تاپسىرمانىڭ ءبارىن جاقسىلاپ پىسىقتاپ، جاتتاپ الماقشى. ول ءوزىنىڭ تاربيەشىلەرى مەن جارىلقاۋشىلارىن كەيىتكىسى كەلمەيتىن، ول ولاردىڭ كوڭىلىن كونشىتىپ، وتانىنا پايدا كەلتىرەتىندەي، ءوزى ءومىرى  ۇمىتپايتىنداي ەتىپ، مىنالاردى:  ەكى جارىم مىڭ جىل بۇرىن گرەكتەر (جالپى، وزدەرى بەيبىت حالىق، تاڭەرتەڭنەن كەشكە دەيىن تەاتردا تراگەديالىق قويىلىمدارعا قاتىسادى، قۇرباندىق شالادى، ال بوس ۋاقىتتارىندا ابىزداردىڭ بولجامىن تىڭدايدى)   ءبىر جولى قۇداي ايەل افينا-پاللادانىڭ كومەگىمەن پارسى پاتشاسىنىڭ اسكەرىن تاس-تالقان ەتىپ جەڭگەنىن، ەگەر  شامادان تىس بۇتقا تابىنىپ باس ۇرماعاندا، سالتاناتتىلىق پەن مولشىلىق قۋعاننان ازعىنداپ، قۇرىپ بىتكەن بارلىق ەجەلگى حالىقتارداي، «كويلەگى كوك، ۋايىمى جوقتىقتان» بوساڭسىپ، ناۋەتەكتەنىپ جوعالىپ كەتپەگەندە، وركەنيەت جولىمەن ونان ارى دا جۇرە  بەرۋى مۇمكىن   ەدى دەگەندى ميىنا توقىپ الۋعا تىرىستى. ال وسىنى ەسىنە ساقتاپ العاننان كەيىن كىتاپتى جاۋىپ، تەرەزەنىڭ اينەگىندەگى مۇزدى تىرناعىمەن ۇزاق  قىرعىشتادى. سودان سوڭ، ورنىنان تۇرىپ، اس ءۇيدىڭ ەسىگىنە سىبدىرسىز جاقىنداپ كەلىپ، ەسىكتىڭ ار جاعىنا قاراپ ەدى، تاعى دا سول كورىنىستى كوردى: اس ءۇيدىڭ ءىشى تىپ-تىنىش ءارى قارا كولەڭكە، تىلدەرى جىلجىماي، قاشاندا ون ەكىدەن ون بەس مينۋت وتكەنىن كورسەتىپ تۇراتىن قابىرعا ساعات تاڭ قالدىرا انىق ءارى اسىعا سىرتىلدايدى، اس ۇيدە قىستاعان توراي پەشتىڭ جانىندا، تۇمسىعىن جۋىندى قۇيىلعان ىدىسقا كوزىنە دەيىن تىعىپ جىبەرىپ قوپارىستىرادى… ال كەمپىر سول  كۇيى ءالى جىلاپ وتىر: ەتەگىمەن سۇرتكىشتەپ قويادى دا  بۇرىنعىدان بەتەر اعىل-تەگىل بولادى!

      كەمپىر سودان كەيىن دە  شام جاعىپ، قاراعايدىڭ جاڭقالارىن، ەدەندە، وتپەيتىن پىشاقپەن ساماۋىرعا ۇساقتاپ وتىرىپ تا جىلاۋىن قويمادى. كەشكە ءۇي يەلەرىنىڭ اس بولمەسىنە ساماۋىردى اپارىپ، كەلگەن قوناقتارعا ەسىك اشىپ تا جىلاپ ءجۇردى. بۇل ۋاقىتتا، قاراڭعىدا، قار باسقان كوشەدە، بارلىق بالاسىن،  ءتورت بىردەي بوزداعىن، نەمىستەر باياعىدا-اق پۋلەمەتپەن اتىپ ولتىرگەن، ءۇستى-باسى البا-جۇلبا قاراۋىل اياعىن ارەڭ  باسىپ، شەتتەگى جەل ۇرلەپ وشىرگەن كوشە شامىنا قاراي بارا جاتقاندا، تاس تۇنەك دالاداعى، ساسىق ۇيلەرىندە قاتىن-بالا، كەمپىر-شال، قوي-قوزىلار ۇيقىعا جانتايعاندا، سوناۋ الىستاعى استانادا تەلەگەي-تەڭىز شاتتىققا تولى اسىپ-تاسقان ناعىز كوڭىل كوتەرۋ قىزۋ ءجۇرىپ جاتتى: قىمبات مەيرامحانالاردا قالتالى قوناقتار، قۇمىرادان اپەلسين قوسىلعان حانجا   ءىشۋ جانە ءار وسىنداي قۇمىراعا جەتپىس بەس رۋبلي تولەۋ، سونشالىقتى ۇنايتىنداي جاساندى ءتۇر بايقاتىپ؛ كابارە دەپ اتالاتىن، ءۇي استىنداعى جەرتولەدەگى كاباكتاردا كوكاين يىسكەپ،كەي ۋاقىتتا تەك لاقاپ تاراتۋ ءۇشىن، وزدەرىن جاساندىلىقپەن فۋتۋريستەرمىز، ياعني بولاشاقتىڭ ادامدارىمىز دەيتىن جاستار ءبىرىن-ءبىرى بوياپ العان بەت-اۋىزدارىنان نە بولسا سونىمەن تۇيگىشتەپ؛ءبىر اۋديتورييادا اقىن بولعانسىپ ءبىر جالشى ليفتىلەر، گرافيندەر، اۆتوموبيل مەن اناناستار تۋرالى ولەڭ وقيدى؛ ءبىر تەاتردا شىبىن تايىپ جىعىلارداي جالتىر باس بىرەۋ كارتوننان جاسالعان گرانيتپەن جوعارىعا ءبىر جاققا ورمەلەپ، الدەكىمنەن الدەبىر قاقپانى اشۋىن تاباندى تۇردە تالاپ ەتەدى؛كەلەسى بىرىندە، ساحناعا ەدەندى تۇياعىمەن دۇرسىلدەتكەن، اقشۋلان كارى جىلقىعا ءمىنىپ، قاعازدان جاسالعان ساۋىتتى قولىمەن باسا ۇستاي، ەكى مىڭ  رۋبليگە 15 مينۋت  بويى ورىستىڭ باعزى كنيازدەرى بولىپ جاساندىلىقتىڭ  شەبەرى ءان سالادى، ال بۇل كەزدە ايناداي قاسقا باس بەس ءجۇز ەركەك دۇربىمەن الگى كنيازدى شىرقاتا ءان ايتىپ، جورىققا شىعارىپ  سالعان ايەلدەر حورىنا دۇربىلەرىمەن قادالا قارايدى، ال ءساندى كيىنگەن سونشا ايەل لوجادا شوكولاد كونفەتتەردى جەپ تامسانسا، ءۇشىنشى ءبىر ساحنادا باياعىدا ءولىپ قالعان زاموسكۆورەتسكىنىڭ كوپەستەرى مەن كوپەس ايەلدەرى بولعانسىپ، سەمىزدىك اۋرۋىنا شالدىققان شالدار مەن كەمپىرلەر ءبىر-بىرىنە ايعايلاپ، جەر تەپسىنەدى؛ تورتىنشىسىندە، جىڭىشكە ارىق قىزدار مەن بوزبالالار شەشىنىپ تاستاپ، شىنىدان جاسالعان ءجۇزىم شوقتارىن تاعىنىپ، الدەبىر ساتيرالار مەن نيمفالار  بولعانسىپ، ءبىر-ءبىرىنىڭ سوڭىنان جانتالاسا قۋالايدى… قىسقاسى، ءتۇننىڭ ءبىر ۋاعىنا دەيىن، بىرەۋ كۇزەتتە، ەندى ءبىرى ۇيقىعا باس قويىپ نەمەسە كوڭىل كوتەرىپ جۇرگەندە، قوجايىنداردىڭ قوناق بولمەسىنەن شىققان، قىرىلداعان،تورىققانسىعان وتىرىك ايعايمەن قوسىلا ۋەزدىك   اقىلسىز كەمپىر كوز جاسىن  ەڭىرەي توگەدى:

    اھ، مىرزالار، قانداي قيىن، قانداي قيىن،ءبىر ايەلىڭمەن عانا ءومىر ءسۇرۋ ءارقاشان!

   اۋدارعان - ايمان مۇقىشەۆ
دايىنداعان - قاجىبەك ايدارحان





رەداكتورى: ارداق كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.

 
powered by IlgharCMS 3.2 www.ilghar.cn