دانيانىڭ كوپەنگاگەن قالاسىندا وتكىزىلگەن 2015-جىلعى ساداق اتۋ الەمدىك جۇلدەلى جارىسىنىڭ كوللەكتيۆ جارىسىندا ەلىمىزدىڭ ەرلەر كومانداسى مەن ايەلدەر كومانداسى سەگىز مىقتى كوماندا قاتارىنا كىرىپ، ءارقايسىسى 2016-جىلعى ريو-دە-جانە-يرو وليمپيادا سپورت جارىسىنا قاتىناساتىن 3 ادامدىق تولىمدىلىعىنا يە بولدى.
الەمدىك جۇلدەلى جارىستىڭ ەرەجەسىنە نەگىزدەلگەندە، دايىندىق جارىستان كەيىن الدىڭعى 16 ورىندى يەلەگەن كوماندا ءوزارا دوداعا ءتۇسىپ، الدىڭعى 8 ورىندى يەلەگەن ەرلەر مەن ايەلدەر كومانداسى وليمپيادا سپورت جارىسىنداعى 3 ادامدىق تولىمدىلىققا يە بولادى، 16 كوماندادان 8 كوماندانى سارالاپ شىعاتىن ونەر باسەكەسى وليمپيادا سپورت جارىسىنا قاتىناسۋ تولىمدىلىعىنا يە بولۋداعى شەشۋشى ءتۇيىن ەسەپتەلەدى.
ەلىمىزدىڭ ەرلەر كومانداسى وسى جولى شيڭ يۇي، داي شياۋشياڭ جانە گۋ شۋەسۇڭ قۇراماسىن جارىسقا سالدى، ولار دايىندىق جارىستان كەيىن ناتيجەلەرى كوللەكتيۆ جەتىنشى ورىندى يەلەدى، سەگىز مىقتى كومانداعا تالاسۋ شەشۋشى جارىسىندا ونىنشى ورىندى يەلەگەن جاپونيا كومانداسىمەن دوداعا ءتۇستى. ءتورت مايدان جارىستان كەيىن ەكى جاق 4 كە قارسى 4 ۇپايمەن تەڭ ءتۇسىپ، ۇستەمە جارىسقا قادام تاستادى. جاپونيا كومانداسى ءۇش رەت 9-شەڭبەرگە تيگىزىپ، 27 ۇپاي الدى، ال ەلىمىز كومانداسى دا 27 ۇپاي العانىمەن، 8-،9-،10-شەڭبەرگە تيگىزگەندىكتەن، دالدىك دارەجەسى جاعىنان قارسىلاسىنان اسىپ، 8 مىقتى كوماندا قاتارىنا ءوتتى. الايدا، ودان كەيىنگى 4 مىقتى كومانداعا تالاسۋ جارىسىندا ولار دا جاپونيا كومانداسى تاپ بولعان جاعدايعا تاپ بولىپ، قارسىلاسىمەن ۇقساس 27 ۇپاي السا دا ازعانتاي پارىقپەن دايىندىق جارىستا ەكىنشى ورىندا تۇراتىن يتاليا كومانداسىنان جەڭىلىپ قالدى.
شۇي جيڭ، ۋ جياشين جانە جۋ يۇيماننان قۇرالعان ايەلدەر كومانداسى دايىندىق جارىستان كەيىن ءۇشىنشى ورىندى يەلەدى، ولار سەگىز مىقتى كومانداعا تالاسۋدىڭ شەشۋشى جارىسىندا بىرگە قارسى 5 ۇپايمەن 14- ورىندا تۇراتىن ا ق ش كومانداسىن قينالماي جەڭىپ، وليمپيادا سپورت جارىسىنا قاتىناسۋدىڭ 3 ادامدىق تولىمدىلىعىنا يە بولدى. الايدا، ءتورت مىقتى كومانداعا تالاسۋدىڭ شەشۋشى جارىسىندا 6 عا قارسى 0 ۇپايمەن جاپونيا كومانداسىنان ويسىراي جەڭىلىپ، جول ورتادا جارىستان قايتتى.
رەداكتورى: ارداق كامالقان قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.