بولت قۇس ۇياسىنداعى حيكمەتىن جالعاستىرا الا ما

     بولت 24-شىلدەدە 9 سەكۋند 87 داقىلدىق ناتيجەمەن حالىقارالىق جەڭىل اتلەتيكا جارىسىنىڭ لوندون جارىس بەكەتىندە 100 مەترگە جۇگىرۋدەن اعا جۇلدەگەر بولىپ، ەكى جىلدان بەرگى ەڭ تاماشا ناتيجەنى جاراتتى. يامايكانىڭ «جەل اياعى» جارىستان كەيىن كەلەر ايدا بەيجيڭ قالاسىندا وتكىزىلەتىن دۇنيە جۇزىلىك جۇلدەلى جارىسىنا قاتىناساتىن ساڭلاقتارعا بىلاي دەپ جارناما جاريالادى:    « مەن ءالى دە دۇنيە بويىنشا    ءبىرىنشىمىن، ەشقاشان ەكىنشى بولمايمىن، وسى سالادا شەگىنگەنگە دەيىن».

  لوندونداعى جەڭىسى بولتتىڭ جارىس مەزگىلىنىڭ باسىنداعى دەنساۋلىق جاعىنداعى ىقپالداردان ارىلىپ، قالپىنا كەلگەندىگىن   تۇسىندىرەدى.  9 سەكۋند 87 داقىلدىق ناتيجە بيىلعى التىنشى جاقسى ناتيجە سانالادى،  مۇنىڭ ىشىندە الدىڭعى ءتورت رەتكى ناتيجەنى ا ق ش-تىق سپورتشى گاتلين جاراتقان. ەكى رەت قوزدىرعىش پايدالانعاندىعى سەبەپتى جارىسقا قاتىناسۋدان شەكتەلگەن گاتلين بيىل 23 جارىس مايدانىندا جەڭىسكە جەتكەن، ول بەيجيڭ قالاسىندا وتكىزىلەتىن دۇنيە  جۇزىلىك جۇلدەلى جارىسىندا بولتتىڭ ەڭ كۇشتى قارسىلاسىنا اينالدى.

  الايدا، بولت جارىستان كەيىن لوندوندا سايىسقا تۇسۋدەگى ماقساتى بەلگىلى ناتيجە جاراتۋ ەمەس ەكەندىگىن ايتتى، ول دايىندىق جارىستا جانىن سالا قويمادى، ونىڭ ۇستىنە جارىس مايدانىندا جاڭبىر جاۋىپ قارسى جەل سوقتى،وسىنداي جاعدايدا دا ول 9 سەكۋند 87 داقىلدىق ناتيجە جاراتتى، مىنە بۇل ونىڭ قۋاتىنىڭ مىعىم ەكەندىگىن ايگىلەيدى.

  جارىستان ىلگەرى بولت قۇس ۇياسىنداعى جارىسقا قاتىناسقاندىعىن ەسكە العاندا، ءبىر  جاعىنان شاتتانسا، ەندى ءبىر جاعىنان  ابىرجيتىندىعىن ايتتى. جارىستان كەيىن ول سەنىمىن بەكەمدەپ، بەيجيڭ قالاسىندا وتكىزىلەتىن   جارىسقا دايىندىعىنىڭ مىعىم ەكەندىگىن ايتتى.

  قۇس ۇياسى بولتتىڭ اتى شىققان جەر. بەيجيڭ وليمپيادا سپورت جارىسىنان ىلگەرى بولتتىڭ ەسىمىن كوپ ادامدار بىلە بەرمەيتىن، ول بەيجيڭ وليمپيادا سپورت جارىسىنان ءبىر جىل بۇرىن وساكا قالاسىندا وتكىزىلگەن دۇنيە جۇزىلىك جۇلدەلى جارىسىندا 200 مەترگە جۇرگىرۋدەن كۇمىس مەدال ەنشىلەگەن، بۇل ونىڭ ەڭ تاماشا ناتيجەسى سانالاتىن. بەيجيڭ وليمپيادا سپورت جارىسىندا بولت 100 مەتر، 200 مەتر جانە 4x100  مەترگە كۇش جالعاپ جۇگىرۋدەن ءۇش التىن مەدالدى قانجىعاسىنا بايلاپ، ءۇش تۇردەن دۇنيە رەكوردىن   جاڭالاپ، قۇس ۇياسىندا حيكمەت ناتيجە جاراتقان. 

  بەيجيڭ وليمپيادا سپورت جارىسىنان كەيىن بولت حالىقارالىق جەڭىل اتلەتيكا مىنبەرىنىڭ شولپانىنا اينالدى، وسىدان كەيىن ول ىلگەرىندى-كەيىندى 3 كەزەك دۇنيە جۇزىلىك جۇلدەلى جارىستا 8 التىن مەدال ەنشىلەدى ءارى 4 جىلدان كەيىن وتكىزىلگەن لوندونداعى وليمپيادا سپورت جارىسىندا ءۇش تۇردەن اعا جۇلدەگەرلىگىن ساقتادى.

  الايدا، 2008-جىلدان كەيىنگى 7 جىل ىشىندە بولت بەيجيڭ قالاسىنا قايتا ورالماعان، 2010-جىلى شاڭحاي برليانت بىرلەسپە   جارىسىنىڭ 200 مەترگە جۇگىرۋ جارىسىنا  قاتىناسقان، ول 7 جىل ىشىندە جۇڭگوعا ءبىر-اق رەت كەلگەن. بەيجيڭ قالاسىمەن سالىستىرعاندا لوندون بولتتىڭ سپورت سالاسىنداعى ەرەكشەلىگىنەن پايدالانۋدى كوزدەگەن. وتكەن 3 جىلدان بەرى ولار بولتتى لوندونداعى جارىسقا قاتىناسۋعا ۇسىنىس     ەتىپ، سي-سياپات كورسەتكەن، حالىقارالىق جەڭىل اتلەتيكا بىرلەستىگىنىڭ ورىنباسار ءتوراعاسى سباستيان برانچ ۇلى بريتانيانىڭ قازىنا مينيسترلىگىنە بولتتان باجى الماۋدى ۇسىنىس ەتكەن. اۋەلى بۇل ۇلى بريتانيا احپارات قۇرالدارى بولتتى شولپانعا اينالدىرعان بەيجيڭ وليمپيادا سپورت جارىسى ەمەس، قايتا لوندون وليمپيادا جارىسى سياقتى اسەر قالدىرعان.

  تالاي رەتكى قوزدىرعىشتان پايدالانۋ وقيعاسىنىڭ اسەرىندە ەكى جىلدان بەرى حالىقارالىق جەڭىل اتلەتيكا سپورتىنىڭ بەت-بەدەلى زور ىقپالعا ۇشىرادى، بولتتىڭ لوندونداعى جارىسقا قاتىناسۋى وسى جارىس جونىنەن ءبىر رەتكى زور قۋانىش ەسەپتەلەدى. مىنە  وسىنداي مارتەبەمەن قۇس ۇياسىنا ورالىپ،7 جىلدان بۇرىنعى ەرەن ناتيجەنى قايتا جاراتۋ بارشانى ءتۇرلى قيالعا باتىرىپ، سول ءبىر  ءساتتى كورۋگە اسىقتىرادى.

  ءبىز بولتتىڭ گاتلين، گاي، پوۋەلل    قاتارلىلاردىڭ قوزدىرعىشتان پايدالانىپ،  ءوزىن قۇرتقان تەرىس جولىنا تۇسۋىنەن ساقتانسا، ونىڭ اتىنىڭ ماڭگى قۇس ۇياسىمەن بايلانىسىپ، ماڭگى قۇس ۇياسىنىڭ حيكمەتىنە اينالاتىندىعىنا سەنەمىز.



رەداكتورى: ارداق كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.