ەڭ جاڭا مازمۇندار
ايماقتىق پارتكوم نازاريا ۇيرەنۋ وزەكتى گرۋپپاسى ايماقتىق پارتكوم باسشىلىق القاسىنىڭ 2022 -جىلعى دەموكراتيالىق تۇرمىس جيىنىنىڭ ارناۋلى تاقىرىپتىق ۇيرەنۋىن وتكىزدى
ايدىن تولەۋقان قىستاۋلىقتارعا بارىپ، كوكتەم مەرەكەسى بايلانىسىمەن جاعداي ۇعىسىپ، حال سۇراۋ قيمىلىن ورىستەتتى
2023-جىلى 1-ايدىڭ 31-كۇنى 22-سان
2023-جىلى 1-ايدىڭ 30-كۇنى 21-سان
مەرەكەنى قىزمەت ورىندارىندا وتكىزىپ، تاپجىلماي ىستەۋ ارقىلى ۇلەس قوستى
ايماقتىق پارتكوم مۇشەلەر (كەڭەيتىلگەن) ءماجىلىسىن اشتى
تەمىر جول جولاۋشى تاسىمالى قايتۋ ساپارىنىڭ ورلەۋىن قارسى الدى
«اسكەريلەردىڭ ۇلەس بەلگىسىن باسقارۋ بەلگىلەمەسى» جاريالاندى
قىزمەت ورىندارىنان تاپجىلماي، باقىتتىڭ قورعانىشى بولدى
2022 - جىلعى مەملەكەتتىك ساياحات جول باستاۋشى تولىمدىلىق ەمتيحانى شينجياڭ ەمتيحان رايونىنىڭ قاتىستى ىستەردى كەشەۋىلدەتىپ ورنالاستىرۋى جونىندەگى ۇقتىرۋ
شارۋالار مول ءونىم الدى | شينجياڭ باعراش كولى: بالىعى تايداي تۋلادى! قىسقى بالىق اۋلاۋدىڭ تۇڭعىش اۋىنا ون نەشە توننا بالىق ءىلىندى
اۆتونوميالى رايوندىق پارتكومنىڭ تۇراقتى كوميتەتى ءماجىلىس اشتى
جىگەر تاسقىنداپ، ”جاقسى باستامانى“ قۇلشىنا اشتى
ورتالىق ۇلتتار داشۋەسىمەن ستراتەگيالىق سەلبەستىك سياقتى قىزمەتتەردى اقىلداستى
جاڭا جورىقتا كورىكتى شينجياڭ قۇرۋعا زەيىن - زەردەنى، كۇش - قۋاتتى شوعىرلاندىرۋ كەرەك
تاڭعاجايىپ سانشيا
كوكتەم مەرەكەسى دەمالىسىندا تۇتىنۋ بازارىنىڭ جاندانۋى تەبىندى بولدى
بۇكىل رايون كوكتەم مەرەكەسىندە جالپى 4 ميلليون 781 مىڭ 900 ادام - رەت ساياحاتشى قابىلدادى
شينجياڭدا 2023 - جىلى تىكە ساتىلعان ەلەكتر مولشەرى تاريحتاعى جاڭا ورەنى جاراتتى
شي جينپيڭ تەلەگرامما جولداپ، دادايدىڭ پاپۋا - جاڭا گۆينەياسىنىڭ گۋبەرناتورى بولىپ ۇزدىكسىز سايلانعاندىعىن قۇتتىقتادى
2023-جىلى 1-ايدىڭ 28-كۇنى 20-سان
2023-جىلى 1-ايدىڭ 23-كۇنى 19-سان
2023-جىلى 1-ايدىڭ 21-كۇنى 18-سان
كوكتەم مەرەكەسى كەلىپ، بارلىق جەر قويۋ مەرەكەلىك تۇسكە ەندى
مادەنيەتتى سان مىڭداعان وتباسىنا جەتكىزىپ، جاڭا جىلدى شات -شادىمان قارسى الدى
ايماقتاعى ءتورت باسشىلىق القانىڭ باسشىلارى كوكتەم مەرەكەسى بايلانىسىمەن حال سۇراۋ قيمىلىن ورىستەتتى
قىستاۋلىق قىستاۋداعى باقىتتى تۇرمىس
ايماقتىق پارتكوم مۇشەلەر (كەڭەيتىلگەن) ءماجىلىسىن اشتى
ايماق 2023 -جىلعى كوكتەم مەرەكەسىن توپتىق قۇتتىقتاۋ ءماجىلىسىن وتكىزدى
” ناۋقاستار ادەتتەگى ناۋقاستار بولمەسىنە اۋىستىرىلدى، بۇل ءبىزدىڭ كوڭىلىمىز ەڭ جايلاناتىن ءىس“

مىسىران وسمان: بيىككە قانات قاققان فۋتبول ارمانى

جولدانعان ۋاقىتى : 2015/7/24 12:00:46

مىسىران وسمان: بيىككە قانات قاققان فۋتبول ارمانى
2011-جىلى تامىزدا شينجياڭ ۋنيۆەرسيتەتىنىڭ فۋتبول الاڭىندا قاراقاش اۋدانى كاۋاك اۋىلىنىڭ فۋتبولشى جەتكىنشەكتەرى ۇرىمجىدەگى بالالارمەن جارىسقا تۇسۋگە دايىندالۋدا.

 
  ەندى عانا 12 جاسقا كەلگەن مىسىران وسمان تەڭبىل دوپ دەسە ىشكەن اسىن جەرگە قوياتىن اۋەسكەر فۋتبوليستەردىڭ ءبىرى، فۋتبول تەحنيكاسى دا ايتارلىقتاي جاقسى، ونىڭ ارمانى-كەيىن مەملەكەت قۇراماسىنىڭ ءبىر مۇشەسىنە اينالىپ، حالىقارالىق ۇلكەن دودالاردا بوي كورسەتۋ. 2012-جىلى قىركۇيەكتە گۋاڭجوۋ حىڭدا فۋتبول مەكتەبىنە قابىلدانعان ول بۇگىندە وسى مەكتەپتەگى جۇزدەن استام شينجياڭدىق بالانىڭ ىشىندەگى بولاشاعىنان ۇلكەن ءۇمىت بايقاتىپ جۇرگەن كىشكەنتاي شولپان. «دوپ ويناعان وزار» دەپ بىلەتىن بۇگىنگىنىڭ جاس جەتكىنشەگى ءوز ارمانىن رەالدىققا اينالدىرۋ ءۇشىن تىنباي قۇلشىنىس جاساپ كەلەدى.

  ال 11 جاستاعى ءبىلال قاراقاش اۋدانى كاۋاك اۋىلدىق باستاۋىش مەكتەپتىڭ وقۋشىسى. تۇرمىس شارت-جاعدايى جاپالى بولسا دا فۋتبولعا دەگەن سۇيىسپەنشىلىگىنە ەش سەلكەۋ تۇسىرمەگەن كىشكەنتاي ءبىلال اق شاڭداق بولىپ جاتاتىن كەڭ الاڭدا ازاننان كەشكە دەيىن اق تەر، قارا تەر بولىپ جالاڭاياق جاتتىعۋ جاسايدى. ول مەسسي، رونالدو سياقتى اتاقتى فۋتبوليسكە اينالسام دەپ ارماندايدى ەكەن.

  قايىرىمدى جاندار مەن كاسىپورىن بىرلەسىپ ۇيىمداستىرعان ءبىر جارىستا ءبىلال تۋعان جەرىنەن تۇڭعىش رەت سىرتقا شىقتى. وسى ورايدا مىسىرانمەن كوگال الاڭدا تانىسىپ، فۋتبول ارمانىنا بىرگە تالپىنىپ، تەرەڭ دوستىق، قويۋ سۇيىسپەنشىلىك ورناتتى. مىسىران جانە ونىڭ وتباسىنداعىلاردىڭ شابىتتاندىرۋى مەن كومەكتەسۋىندە ءبىلال حىڭدا فۋتبول مەكتەبىنىڭ 2015-جىلعى مەملەكەتتىك وقۋشى قابىلداۋ ەمتيحانىنا قاتىناسىپ، الاۋلى ارمانىن جۇزەگە اسىرۋ ورايىنا يە بولدى.

  ارمان ءۇشىن تالپىنۋ مەن شىنايى دوستىق مىسىران مەن ءبىلالدىڭ عانا ەمەس، ءتىپتى دە كوپ شينجياڭدىق بالانىڭ ايقىن ەرەكشەلىگى، ورتاق بەلگىسى ەسەپتى  ەدى.

   شينجياڭ گازەتىنىڭ ءتىلشىسى لي حان

   باتىلدىقپەن ارمان قۋىپ، ارمانىن جۇزەگە اسىرۋعا قۇلشىنا كىرىستى


  «اكە، شەشە، دەنساۋلىقتارىڭىز قالاي؟ تۋىلعان كۇنىم تاياپ قالعاندىقتان سىزگە ارنايى تەلەفون شالىپ تۇرمىن. بۇل اپتادا الداعى جارىسقا جاقسىراق دايىندىق كورۋىم كەرەك. كەلەسى اپتادا بىزدەن ەكى كەزەك جوعارى جىلدىقتىڭ بالالارىمەن جارىسقا تۇسەمىز...». ءار سەنبى كۇنى تۇستەن كەيىن مىسىران ۇرىمجىدەگى اكە-شەشەسىنە ۇزبەي تەلەفون شالىپ تۇراتىن. نە ءبارى 12 جاستاعى قارشاداي بالانىڭ اتا مەكەنىنەن الىستاعى     گۋاڭدۇڭ ولكەسىنىڭ چيڭيۋان قالاسىنداعى حىڭدا فۋتبول مەكتەبىندە وقىپ جاتقانىنا دا 3 جىل بولدى. اتا-اناسى جانىندا بولماسا دا كىشكەنتاي مىسىران تۇرمىسى مەن ۇيرەنۋىن ويداعىداي ورنالاستىرا ءبىلۋشى ەدى.

  «مەن دە فۋتبول جان كۇيەرىمىن. ۇزبەي دوپ تەۋىپ تۇرامىن. ال ماڭىزدى فۋتبول جارىستارىن قاعىس قالدىرماي كورىپ كەلەمىن». مىسىراننىڭ اكەسى وسمان ءمىجيت مىسىرانعا 3 جاستاعى كەزىندە ءبىر فۋتبول   ساتىپ الىپ بەرگەنىن ەسىنە الدى. فۋتبولدى جانىنداي جاقسى كورەتىن مىسىران سول دوپتى قۇشاقتاپ ۇيىقتايدى ەكەن. سونىمەن مىسىران 5 جاسقا كەلگەن كەزدە  اكەسى ونى فۋتبول كلۋبىنا فۋتبول تەحنيكاسىن يگەرۋگە بەرەدى.

  مىسىران كلۋبتاعى كەزىندە فۋتبول تەبۋ جاعىنداعى ەلدەن ەرەك ونەرىن ءار قىرىنان ايگىلەۋمەن بىرگە، ۇيرەنۋگە دە قۇلشىنىپ، وتە تەز العا باسىپ، كلۋبتاعى وزىمەن جاستى بالالاردىڭ ىشىنەن قارا ءۇزىپ العا شىعادى. 2012-جىلى حىڭدا فۋتبول مەكتەبى ۇرىمجىدە تۇڭعىش رەت 40 وقۋشىنى وقۋعا قابىلداعان كەزدە نە ءبارى 9 جاستاعى بالا مىسىران العاشقى توپتا قابىلدانعان شينجياڭدىق وقۋشىلاردىڭ بىرىنە اينالادى.

  حىڭدا فۋتبول مەكتەبى باستىسى، يسپانياداعى رەال مادريد فۋتبول كلۋبىمەن سەلبەسىپ وقىتۋ جۇرگىزەتىن،  الەمدىك دەڭگەيدەگى فۋتبول مەكتەپتەرىنىڭ ءبىرى، بۇكىل ەلدىڭ جەر-جەرىندەگى فۋتبولدى جانى سۇيەتىن بالالار وسى ارادا باۋ اشىپ، باق سىنايدى. وسمان: 2012-جىلدان بۇگىنگە دەيىن گۋاڭجوۋ حىڭدا فۋتبول مەكتەبى شينجياڭنان ءجۇز نەشە وقۋشى قابىلدادى،- دەيدى.

  ءار كۇنى تۇستەن بۇرىنعى 2-ساعاتتىق ساباقتان كەيىنگى قوڭىراۋ ءۇنىن قۇلاعى شالعاندا مىسىراننىڭ تۇلا بويىن قۋانىش كەرنەپ كەتەدى. ويتكەنى قالعان ەكى ساعاتتىق ساباق كوگال الاڭدا وتىلەتىن ەدى.

ارينە، مۇندايدا ول قۋانباي كىم قۋانسىن؟ «مەكتەپكە العاش كەلگەن كەزدە اكەمدى تەزىرەك قايتىپ كەتۋگە قۋزادىم. ونداعى ويلاعانىم دەربەس تۇرمىستىڭ ءدامىن تەزىرەك تاتۋ بولاتىن. ءبىراق ەكى كۇن وتەر-وتپەستەن وكىنە باستادىم. اۋەلى، كەشتەرى كورپەگە بۇركەنىپ جاتىپ  الىپ جاتتا كەپ جىلايتىن بولدىم. ويتكەنى بۇل جەردە تۇرمىستا بولسىن، ۇيرەنۋدە بولسىن تۇگەلدەي وزىڭە سۇيەنەدى ەكەنسىڭ. ءبىراق سوندا دا ءتىسىمدى تىسىمە باسىپ بارىنە ءتوزدىم.  بۇل جەردەگى ۇيرەنۋ ورايىنان باز كەشۋ العا قويعان ۇكىلى ۇمىتتەن، الاۋلى ارماننان ەرىكتى باس تارتۋمەن بىردەي ءىس ەدى. بىلاي ىستەسەم كەيىن ۇلكەيگەندە ورنى تولماس وكىنىشكە قالارىم داۋسىز ەدى».

  19-ءساۋىر مىسىراننىڭ 12 جاسقا تولعان تۋعان كۇنى. كلاستاعى ساباقتاستارى وعان ارناپ تۋعان كۇن ءانىن شىرقاپ جاتقان كەزدە كوتەرگەن بالكۇلشەسى بار اكەسى اياق استىنان جەتىپ كەلمەسى بارما. مىسىران سول شاقتا قاتتى اسەرلەندى، بۇل ونىڭ حىڭدا فۋتبول مەكتەبىندە وقىپ جاتقان 3 جىلدان بەرى تۋعان كۇنىن    اكەسىمەن بىرگە تۇڭعىش رەت تويلاۋى ەدى. قۋانىشى قويىنىنا سيماعان مىسىران اكەسىنەن ءوزى ەڭ نازار   اۋداراتىن ىستەر جونىنەن ونى-مۇنى سۇراپ اۋىز    جاپپايدى. «بيىل ءبىزدىڭ مەكتەپ ۇرىمجىدەن وقۋشى قابىلداي ما ەكەن، ءبىلال دوسىم ەمتيحانعا قاتىناسا ما ەكەن؟».

  كوگال دوپ الاڭىندا سومدالعان ارمان

  شينجياڭنىڭ حوتان ايماعى قاراقاش اۋدانى كاۋاك   اۋىلدىق مادەنيەت پۋنكتى، قىستاق تۇرعىندارى كۇندەگىشە مادەنيەت، دەنە تاربيە قيمىلدارىن وتكىزىپ جاتىر. اۋىلداستار بۇل كۇنى ەرەكشە ماڭىزدى ىسكە كۋا بولماقشى ەدى. ولار ءبىر كينونىڭ العاشقى قويىلىمىن كورمەك، ال بۇل كينونىڭ ارقاۋى اۋىلداستاردىڭ ماڭايىنداعى ىستەر ەكەن. بار-جوعى ون- اق مينۋتتىق     «ارمان جۇرەكتەن باستاۋ الادى» دەيتىن ميكرو كينو توراپ الەمىندە ۇلكەن ءدۇمپۋ قوزعاپ، كوپتەگەن كورەرمەندى اسەرلەندىردى. وندا كاۋاك اۋىلىنداعى فۋتبول دەسە ىشكەن اسىن جەرگە قوياتىن بالالاردىڭ شاڭى اسپانعا شىققان توپىراق الاڭدا جالاڭاياق جاتتىعۋ جاساپ، ەڭ سوڭىندا قايىرىمدى جاندار مەن كاسىپورىنداردىڭ قولداپ-قۋاتتاۋىندا ارمانىن رەالدىققا اينالدىرىپ،    ۇرىمجىدە، كوگال الاڭدا قالالىق بالالارمەن جارىسقا تۇسكەن وقيعاسى باياندالادى.

  بيىل 11 جاسقا كەلگەن ءبىلال اتالعان كينونىڭ باس كەيىپكەرى، ول حوتان ايماعى قاراقاش اۋدانى كاۋاك اۋىلدىق باستاۋىش مەكتەپتىڭ وقۋشىسى. وسمان تىلشىگە بىلاي دەيدى: 2011-جىلى ساۋىردە ءبىر كلۋبتىڭ  سايىتىنا مىسىران مەن ونىڭ ساباقتاستارىنىڭ ارناۋلى فۋتبول كيىمىن كيگەن سۋرەتىن جولداپ قويدىم. بۇل سۋرەت ماعان قاتتى ۇناۋشى ەدى. ونى سايىتقا شىعارعاننان كەيىن سۋرەتتىڭ تومەن جاعىنا «مىنە بۇل ءبىزدىڭ شينجياڭنىڭ، سونداي-اق جۇڭگونىڭ بولاشاق فۋتبول شولپاندارى» دەگەن ءسوزدى جازىپ قويدىم. ەكى كۇننەن كەيىن حوتان ايماعىنىڭ قاراقاش اۋدانىنداعى ءبىر وقىتۋشى جاۋاپ قاتىپ، وزدەرىنىڭ مەكتەبىندەگى فۋتبول كيىمىن كيگەن بالالاردىڭ سۋرەتىن شىعارىپ، اياق جاعىنا «مىنا بالالار دا اتاقتى فۋتبول شولپانىنا    اينالادى» دەپ جازىپ قويىپتى. مەن سۋرەتتى كورگەندە قاتتى تەبىرەندىم، سۋرەتتەگى فۋتبول تەۋىپ      جۇرگەن بالالاردىڭ كەيبىرەۋى اياقتارىنا ساندال كيە سالىپتى.

  ايقىن سالىستىرما الدىندا ازداپ ىڭعايسىزدانىپ قالعانداي بولعان وسمان بالالارعا شاماسىنىڭ جەتىسىنشە كومەك كورسەتۋگە بەكيدى. سونىمەن قايىرىمدى جاندارمەن بىرلەسىپ بالالارعا فۋتبولعا كەرەكتى ارناۋلى نارسەلەردى ساتىپ الىپ بەرىپ، جۇڭگو وڭتۇستىك اۆياتسياسىنىڭ شينجياڭ جارنا شەكتى سەرىكتەستىگىمەن بايلانىس جاساپ، بالالاردى ۇرىمجىدەگى جارىسقا بولات توپشى قىرانمەن ارنايى الدىرادى.

  جارىس 2011-جىلى 21-تامىزدا شينجياڭ ۋنيۆەرسيتەتىندە ءوتتى، وتە دۋماندى بولدى. ءبىلال مەن مىسىران انە وسى جارىستا تانىسقان ەدى. وسمان:    جارىستىڭ سوڭعى جارىم مايدانىندا حوتان ايماعىنىڭ  كاۋاك اۋىلىنداعى بالالار شاقايلارىن شەشىپ تاستادى. ويتكەنى ولشەمدى كوگال الاڭدا دوپ تەۋىپ كورمەگەن ولار ارناۋلى فۋتبول شاقايىن كيە المادى. سونىمەن   شاقايدى شەشىپ تاستاعان كاۋاك بالالارى ارىپتەسىن بەت قاراتپاي، 0 گە قارسى 4 ۇپايمەن ويىسىراتا جەڭدى،- دەيدى.

  مىسىران: سول جولعى جارىس وتكەن الاڭدا شاعىل تاس وتە كوپ ەدى. ءبىلال مەن ونىڭ سەرىكتەرى فۋتبولدى جالاڭاياق تەپتى. ءبىراق جىعىلىپ-ءسۇرىنىپ جۇرسە دە ەشتەڭەدەن تايىنباي، جىعىلعان جەرىنەن اتىپ تۇرىپ بىزبەن ۇزدىكسىز بەلدەستى. ءبىزدىڭ سەرىكتەرىمىز جىعىلىپ قالسا مەدەت بەرىپ، دەمەپ وتىردى. سول كەزدە ءبىلال ەكەۋىمىزدىڭ ورتاق ارمانىمىز فۋتبول ەكەن،وندا، ءسوز جوق، جاقسى دوستاردان بولۋىمىز كەرەك دەپ ويلادىم. ءبىلال بولاشاقتا قايدا جۇرسە دە ونىمەن ۇزبەي حابارلاسىپ تۇرامىن،- دەيدى.

  سول جولعى جارىستان كەيىن ءبىلال فۋتبول تەبۋدەن وزگە ۋاقىتىندا حانزۋ ءتىلىن قۇلشىنا ۇيرەنۋگە كىرىستى. ول: مىسىران اعام ۇنەمى تەلەفون شالىپ تۇرادى. فۋتبول ارمانىن جۇزەگە اسىرۋ ءۇشىن ءبىزدىڭ مەكتەپكە كەل. ءبىراق، ەڭ الدىمەن حانزۋ ءتىلىن جاقسى ۇيرەنۋىڭ كەرەك، تەك حانزۋ ءتىلىن جاقسى ۇيرەنگەندە عانا حىڭدا فۋتبول مەكتەبىنەن وقۋدان ءۇمىت كۇتۋگە بولادى دەيدى. مىسىرانمەن بىرگە ۇيرەنىپ، بىرگە دوپ تەۋىپ، ورتاق ارماندى تىزە قوسا جۇزەگە اسىرسام دەپ ارماندايمىن،- دەيدى.

  ارمانعا قانات بىتىرگەن

  ءساۋىر ايى تاكلاماكان ۇلكەن ءشولىنىڭ جيەگىندە شاڭىتتى اۋا رايى باسىلار ەمەس، قاراقاش اۋدانىنداعى كاۋاك اۋىلدىق باستاۋىش مەكتەبىنە جاقىن ماڭدا قاراقاش وزەنىنىڭ سۋى شىمىرلاپ اعىپ جاتىر. كاۋاك اۋىلىنداعى بالالار قاراقاش بويىندا جاتتىعۋ جاساۋدا.

  «ارمانعا وسى جەردەن اتتانامىز» اتتى ميكرو كينو كەسكىنگە تۇسىرىلگەننەن كەيىن كاۋاك اۋىلدىق باستاۋىش مەكتەپتىڭ فۋتبول كومانداسى توڭىرەككە بىردەن تانىلدى. اۋەلى، وزگە مەكتەپتىڭ فۋتبول كوماندالارى ولاردى جارىسقا ۇسىنىس ەتىپ تۇراتىن بولدى. از كۇننەن سوڭ قاراقاش اۋداندىق 3-باستاۋىش مەكتەپتىڭ فۋتبول كومانداسى كاۋاك اۋىلدىق باستاۋىش مەكتەپتىڭ فۋتبول كومانداسىنا سايىس جاريالادى.

كاۋاكتاعى فۋتبولشى بالالار دا الداعى جارىسقا مىعىم دايىندىق كوردى. وسمان مىسىراننىڭ ەڭ العاشقى باپكەرى مىرزاقيۇمدى ۇسىنىس ەتىپ، ۇرىمجىدەن ۇشاقپەن كەلىپ جارىستى تاماشالادى.  شينجياڭ وقۋ-اعارتۋ ينستيتۋتىنىڭ فۋتبول كاسىبىنەن ءبىلىم الىپ جاتقان ماگيستر اسپيرانت مىرزاقيۇم بۇگىن دە، باستىسى، جاستار مەن وسپىرىمدەر اراسىندا فۋتبولدى جالپىلاستىرۋ مەن بالا فۋتبوليستەردى تاربيەلەۋ، باپتاۋمەن اينالىسادى ەكەن. ول: بالالاردىڭ ونەرىن جارىس مايدانىندا سىننان وتكىزىپ، فۋتبولعا بەيىمى بار ۇمىتكەرلەردى سارالاپ، ارنايى تاربيەلەسەم دەگەن ويىم بار،- دەيدى.

  5-ساۋىردە كاۋاك اۋىلىنىڭ بالالارى كوپتەن كۇتكەن ماڭىزدى جارىس اقىرى كەلىپ جەتتى. ال 5000 كيلومەتردەن استام شالعايداعى گۋاڭجوۋدا مىسىران مەن ونىڭ ساباقتاستارى دا كوگال الاڭعا قادام باسىپ، يسپانيالىق باپكەردىڭ جەتەكشىلىگىندە حىڭدا ساۋىتىنا تالاسۋ فۋتبول جارىسىنا وراي ەڭ سوڭعى دايىندىقپەن قاربالاس ەدى.

  كاۋاك اۋىلى مەن حىڭدا فۋتبول مەكتەبىندەگى جارىس بولەك-بولەك باستالدى. كاۋاك اۋىلىنداعى فۋتبول كومانداماسىنىڭ تىرەكتى كۇشى سانالاتىن ءبىلال مايدانعا الدىمەن شىقتى. ول ءوزىنىڭ قۇلشىنىسى ارقىلى مىرزاقيۇمنىڭ كوزىنە تۇسپەكشى بولدى. حىڭدا فۋتبول مەكتەبىندە مىسىران سوڭعى جارىم مايدان جارىسقا شىققان كەزدە ولاردىڭ ۇپايى ارتتا بولاتىن. ءبىراق مىسىران بار كۇشىمەن قورعانىسقا ءوتتى.

  ءبىر جارىم ساعاتتىق قيان-كەسكى ايقاستان كەيىن جارىس ءوز مارەسىنە جەتتى. ءبىراق باپكەر بالالاردىڭ قۇلشىنىسىن تولىق تۇراقتاندىردى. كاۋاك اۋىلدىق باستاۋىش مەكتەپ كومانداسى دا جارىستا جەڭىلىپ قالعانىمەن ۇستەم ونەرىمەن، كوپ-كورىم تەحنيكاسىمەن كوزگە تۇسكەن ءبىلال مىرزاقيۇمنىڭ نازارىن بىردەن اۋداردى. الايدا ءبىلال بۇعان بولا قۋانا قويعان جوق. ءاسىلى ءبىلالدىڭ اكەسى ونىڭ سارالاۋ ەمتيحانىنا قاتىناسۋىنا قوسىلمايدى ەكەن. «شەشەم اۋىرىپ جاتقاندىقتان اكەم ۇيدە بولىپ، ءۇي جۇمىستارىنا كومەكتەس دەگەن ەدى»،- دەيدى سۇلكىنى تۇسكەن ءبىلال. وسمان مۇنى ەستىگەننەن كەيىن دەرەۋ ءبىلالدىڭ ۇيىنە كەلىپ،     اكەسىمەن كەزدەسىپ حىڭدا فۋتبول مەكتەبىنىڭ كەدەيلەردى سۇيەمەلدەۋ قورىنىڭ ساياساتتارىن ءتۇسىندىردى. سونىمەن وسماننىڭ ءناسيحاتىمەن ءبىلالدىڭ اكەسى  بالاسىنىڭ حىڭدا فۋتبول مەكتەبىنىڭ وقۋشى قابىلداۋ ەمتيحانىنا قاتىناسۋىنا ماقۇل بولدى.

  بيىل مامىردا حىڭدا فۋتبول مەكتەبىنىڭ 2015-جىلعى مەملەكەتتىك وقۋشى قابىلداۋ جۇمىسى رەسمي باستالدى. ۇرىمجىدەگى ەمتيحان الۋ ءتۇيىنىنىڭ العاشقى ەمتيحانى دا الىندى. وسماننىڭ قولداپ-قۋاتتاۋىندا    ءبىلال ۇرىمجىگە كەلىپ العاشقى سارالاۋعا قاتىناستى.  وسىدان سوڭ، قايتالاي سىناۋ، جازباشا ەمتيحان جانە اۋىزشا ەمتيحان سياقتى ءبىرسىپىرا ەمتيحانعا قاتىناستى. ەڭ سوڭعى ناتيجە تامىزدا جاريالانادى ەكەن.

  ەمتيحاننان بۇرىن مىسىران بىلالمەن تەلەفوندا تىلدەسىپ: ەگەر ءبىزدىڭ مەكتەپكە وتە الماساڭ، وتە وكىنىشتى بولارى انىق. ءبىراق بۇعان بولا فۋتبولدان باز كەشۋىڭە بولمايدى. ويتكەنى، ارمانىڭدى، ءسوزجوق، قۇلشىنا جۇزەگە اسىرۋىڭ كەرەك. وزگەلەردىڭ كومەگىنە يەك سۇيەپ الۋىڭا بولمايدى. ەگەر ەمتيحاننان وتسەڭ ءبىز بىرگە وقيمىز. سەن ۇزدىكسىز قۇلشىنۋىڭ كەرەك. داندايسۋىڭا بولمايدى،- دەدى. ءبىلال: مەن فۋتبولدى جاقسى كورەمىن. وسى جولدا تىنباي قۇلشىنامىن، تاباندى بولامىن. فۋتبولدى جاقسى تەپسەم، شەشەمنىڭ ناۋقاسى جازىلىپ كەتەدى،- دەيدى.

  ءبىلالدىڭ حىڭدا فۋتبول مەكتەبىنە قابىلدانۋ-قابىلدانباۋى قازىر بەلگىسىز بولعانىمەن مىسىران مەن ءبىلالدىڭ فۋتبول ارمانى اناعۇرلىم بەكەم ەكەن. ولار  جاپالى قۇلشىنىسى ارقىلى ءوز ارماندارىنا بىرتىندەپ جاقىنداپ كەلەدى. سۇحپات سوڭىندا وسمان «گۋاڭجوۋ حىڭدا فۋتبول مەكتەبىنىڭ يسپانيالىق باپكەرى ءبىلالدى  جاقتىرىپ قالىپتى، ونىڭ ارمانى رەالدىققا اينالۋى بەك مۇمكىن» دەگەن قۋانىشتى حاباردىڭ شەتىن شىعاردى.



«شينجياڭ گازەتىنەن»
 
powered by IlgharCMS 3.2 www.ilghar.cn