ەەڭ جاڭا مازمۇندار
كۇزگى تەڭەلۋ كەزىندە جەر -جەر مول ءونىم الۋدىڭ قاربالاستىعىنا ءتۇستى
كۇزگى تەڭەلۋ كەزىندە جەر -جەر مول ءونىم الۋدىڭ قاربالاستىعىنا ءتۇستى
اۆتونوميالى رايوندىق پارتكوم تۇراقتى كوميتەتى كەڭەيتىلگەن ءماجىلىس اشتى كەزەكتەگى ىندەتتەن ساقتانۋ - تىزگىندەۋ قىزمەتىن ارناۋلى تاقىرىپتا اقىلداستى، ورنالاستىرۋ جاسادى
اۆتونوميالى رايوندىق ساۋدا - ونەركاسىپشىلەر بىرلەستىگىنىڭ (باس ساۋدا قوعامى) 12 - قۇرىلتايى وتكىزىلدى
شينجياڭ سۋ يگىلىگىن دامىتۋعا قارجى قوسۋ (توبى) شەكتى سەرىكتەستىگى قۇرىلدى
2022-جىلى 9-ايدىڭ 27- كۇنى 215-سان
شاۋەشەك قالاسىندا تۇڭعىش قارتتارعا قامقورلىق جاساۋ جاعىنان قوعامدىق قىزمەت وتەۋ ورتالىعى قۇرىلدى
ساۋانداعى ساقشىلار مەن حالىق قارا دەگەلەكتى قۇتقاردى
شاۋەشەك كەدەنى دالمە -ءدال شارا قولدانىپ، اۋىل شارۋاشىلىق قوسىمشا ونىمدەرىن يمپورت -ەكسپورت ەتۋدىڭ”جەدەل ارناسىن“ اشتى
ۇلگىلەردىڭ كۇش -قۋاتىن سەزىنىپ، ءداۋىردىڭ اتويشىسى بولۋعا قۇلشىنامىز
ەسىك اشۋ ورايىنان بىرگە يگىلىكتەنىپ، كوركەم بولاشاقتى بىرگە جاراتايىق
شي جينپيڭ بۇكىل ەلدەگى قالىڭ شارۋالاردىڭ جانە اۋىل شارۋاشىلىعى، اۋىل - قىستاق، شارۋالار شەبىندە قىزمەت ىستەپ جاتقان جولداستاردىڭ مەرەكەسىن قۇتتىقتادى جانە ولاردان شىنايى حال سۇرادى
ەرەكشەلىككە، باسىمدىققا يە كاسىپ سالالارى شوعىرىن جوعارى ولشەممەن، جوعارى ساپامەن جەتىلدىرۋگە، زورايتۋعا تاباندى بولۋ كەرەك
قول قويىلعان سوما ءبىر تريلليون يۋاننان استى، كوپتەگەن ەڭ جوعارى ورە جاراتىلدى
جىبەك جولى رۋحىن اسقاقتاتىپ، ازيا مەن ەۆروپانىڭ سەلبەستىگىن تەرەڭدەتەمىز
رەفورمانىڭ تابىستى تاجىريبەلەرىن مۇقيات قورىتىندىلاپ، پايدالانىپ، ارميانى رەفورما ارقىلى قۇدىرەتتەندىرۋدىڭ جاڭا جاعدايىن قۇلشىنا اشۋ كەرەك
باس شۋجي شي جينپيڭنىڭ ماڭىزدى ءسوزىنىڭ، ماڭىزدى بەكىتۋىنىڭ رۋحىن جەتكىزدى، دايەكتىلەندىردى
2022-جىلى 9-ايدىڭ 26- كۇنى 214-سان
2022-جىلى 9-ايدىڭ 24- كۇنى 213-سان
2022-جىلى 9-ايدىڭ 23- كۇنى 212-سان
تارباعاتايدىڭ ەرەكشە ونىمدەرىن تانىستىرىپ، باۋراۋ قۋاتىن ايگىلەدى
شي جينپيڭ 7 - كەزەكتى جۇڭگو − ازيا - ەۆروپا كورمەسىنە قۇتتىقتاۋ حات جولدادى
​7 - كەزەكتى جۇڭگو − ازيا - ەۆروپا كورمەسى اشىلدى
ءبىر نيەتپەن سەلبەسىپ، جىبەك جولىنىڭ تىڭ شۇعىلاسىن جازايىق
جىبەك جولى رۋحىن اسقاقتاتىپ، قول ۇستاسىپ، بولاشاقتا تەڭ يگىلىككە كەنەلەمىز
ەسىك اشىپ، سەلبەسىپ، بولاشاققا اتتانايىق
2022-جىلى 9-ايدىڭ 22- كۇنى 211-سان
ايماقتىق اكىمشىلىك مەكەمەسى شانشي يانچاڭ مۇناي توبىمەن، شينجياڭ تيانيە توبىمەن سەلبەستىك جۇلگەلىك كەلىسىمىنە قول قويىستى
ايماعىمىزدىڭ ۋاكىلدەر ۇيىرمەسى از ۇلتتاردىڭ اۆتونوميالى رايوندىق 10 -كەزەكتى ءداستۇرلى سپورت جارىسىندا سۇبەلى تابىسقا قول جەتكىزدى
قىزمەت ورنىن تياناق ەتىپ، كورىكتى تارباعاتايدى بىرگە قۇرامىز

سۇرشا قىز

جولدانعان ۋاقىتى : 2015/7/21 11:55:56

شيڭ شين- ي ( جاپونيا )

  ىشىنە ءار ءتۇرلى عاجايىپ گۇلدەر مەن سيرەك كەزدەسەتىن اعاشتار ەگىلگەن كەڭ اۋلا ايرىقشا جىم-جىرت. اۋلانىڭ تورىندەگى ساۋلەتتى ەتىپ  سالىنعان  باتىسشا  ءۇيدىڭ ادەمى بەزەندىرىلگەن ءبىر بولمەسىنىڭ ىشىنە قۇنىنا باعا جەتپەيتىن قىرۋار بايىرعى فارفور بۇيىمدارى ءتىزىلىپتى.

  بۇل ارانىڭ يەسى شاشتارى اپپاق، قۋداي اعارعان قارت ەدى. وعان امانداسا كەلگەن ورتا جاستارداعى ەر ادام قارتتىڭ الدىندا ابىرجىپ باسىن سالبىراتىپ تۇر. ول باسىن ەپپەن كوتەرىپ كارياعا قاراپ، كاۋكەلەكتەپ ءوزىنىڭ بۇرىن الدەنەشە قايتالاعان سوزدەرىن ايتا باستادى:

  -ماعان قايتكەن كۇندە دە بىرەر جۇمىس تاپسىرارسىز.

  كاريا قاباعىن ءتۇيىپ:

  -سەنىمەن ەندى  عانا  ىستەس  بولىپ وتىرعان جوقپىن. ەكونوميكالىق جاعدايىڭنىڭ ناشارلاپ بارا جاتقانىنا اشىنامىن. ساعان بىرەر جۇمىستى تاپسىرعىم-اق كەلەدى. دەگەنمەن، الدىڭعى جولى ساعان تاپسىرعان  تەكسەرۋ ءىسى وتە ناشار بولدى. جەكەلىك تەكسەرۋ ورنىن اشقاننان كەيىن سەنىمدىلىكتى دارىپتەپ، ەشقانداي ءمۇلت كەتىرمەۋىڭ كەرەك ەدى. سەنىڭ مىناداي جاعدايىڭدا، قالاي عانا سەنىپ جۇمىس تاپسىرامىن؟- دەدى.

  -ءبىراق، وسى جولى قايتسەم دە... - دەپ ورتا جاستاعى ەر ادام جالىنىپ-جالبارىنعاندا جىلاپ جىبەرە جازدادى.

  كاريا كوزىن جۇمىپ، مۇلدە ەلەمەگەندەي بولعانىمەن، سالدەنسوڭ اقىرى ءتىل قاتتى:

  -ساعان تاپسىراتىن جۇمىس جوق ەمەس. مەن ءبىر ادامدى ىزدەپ ءجۇرمىن، وسى ءىس ەسىمە تۇسسە بولعانى جۇرەگىمدى الدەنە تىلگىلەگەندەي بولىپ قينالىپ، كوزىم ۇيقىعا بارمايدى. ەگەر سەن ماعان ونى تاۋىپ بەرەتىن بولساڭ...

  -قۇپ، ماعان تاپسىرساڭىز بولعانى، بار كۇشىمدى سالىپ، ءسىزدىڭ ءۇمىتىڭىزدى جەردە قالدىرمايمىن. وندا، ىزدەپ جۇرگەنىڭىز نەندەي ادام ەدى؟- دەدى ورتا جاستاعى ەر ادام ورايدى قولدان بەرمەي قاريانىڭ الدىنا قاراي ەنتەلەي بارىپ.

  -شىندىقتى جاسىرماي ايتسام، ول مەنىڭ بالام. ءبىراق، سەرىكتىكتى وتكىزىپ العان ۇلىم ەمەس، ىزدەپ جۇرگەنىم قىزىم. ول جيىرما جىلدىڭ الدىندا ءبىر ايەلمەن ارالاسقا نىمدا دۇنيەگە كەلگەن بالا ەدى.

  -تەگى وسىنداي دا ءىس بولعان با ەدى. بۇرىن ەستىپ كورمەگەن ەكەنمىن. دەسەدە، ءسىز ول قىزىڭىزدى تاۋىپ الار بولساڭىز، قايتەر ەدىڭىز؟

  -وسى ءۇيدى اۋلاسىمەن بىرگە سوعان ۇسىنار ەدىم.

  -وھو، وسىنشاما ءىرى قوراجايدى...- دەدى ورتا جاستاعى ەر ادام ءۇي ىشىندەگى زاتتارعا، ۇيگە، اۋلاعا قايتالاي كوز جۇگىر تىپ، تاڭ قالىپ تاڭداي قاعا.

  -سولاي، وسىنىڭ ءبارىن وعان بەرەمىن. مەن ۇلىما شارۋاشىلىعىمدى، قىزىما قورا- جايدى بەرەمىن.

  بۇل ءسوزدى ەستىگەن ورتا جاستاعى ەر ادامنىڭ ەسى شىعىپ قالدى ءارى قاتتى اسەرلەنىپ، ەكى كوزى جايناپ، سويلەگەندەگى ءۇنى دە وزگەرىپ كەتتى:

  -مۇنشاما قۇندى قورا-جايدى نە ءۇشىن ۇسىناسىز؟ وندا، الگى قىزدىڭ نەندەي بوگەنايى بار؟

  سونىمەن، قاريا باسەڭ داۋىسپەن اڭگىمەسىن باستاپ كەتتى:

  -ارينە، مەن الگى ايەلمەن ارالاسىپ كوپ وتپەي تاستاپ كەتتىم. ەستۋگە قاراعاندا، ول سودان ۇزاماي قازا بولىپتى. كەيىن الگى تۋىلعان بالادان ەشقانداي حابار بولماي كەتتى. مەنىڭ كونە ءىستى قوڭىرسىتىپ وتىرعانىم كۇنامدى جۋۋ ءۇشىن ەمەس، جاسىم ۇلعايعاندىكى بولار، جۋىقتان بەرى سول ءۇشىن الاڭدايتىن بولىپ قالدىم. قازىر ول بالانى كورسەم دە تاني الماسپىن.

-وندا، باستى ءجىپ ۇشى...

  ءيا، ونىڭ 2 ءتۇرلى ايقىن بەلگىسى بار، بىرىنشىدەن، ونىڭ سول قولىنىڭ باسبارماعى جوق.

  -و، باسبارماعى...

  -ءيا، ءدال سولاي. بۇدان سىرت، جامباسىندا كوزگە انىق شالىناتىنداي كۇيىكتىڭ تىرتىعى بار. مۇنىڭ ءبارى دە ول دۇنيەگە كەلىپ، كوپ وتپەي وقىس وقيعاعا ۇشىراۋدان بولعان. ول قازىر بويجەتىپ كەتكەندىكتەن بۇل جايتتەرگە مازاسىزداناتىن بولۋى كەرەك. وتە سورماڭداي بالا بولدى عوي. بۇل مىندەت تەڭىزدەن تەبەن سۇزگەندەي  بولعانىمەن، وسى ەكى بەلگىسى بار جيىرماداعى بويجەتكەندەر كوپ ەمەس. تەك شىن ىقىلاسىڭمەن ىزدەسەڭ، تاۋىپ الۋدان ءۇمىت بار. قالاي، قولىڭنان كەلە مە؟ ۋاقىت ۇزاقتاۋ بولسا دا وقاسى جوق. مەن اپتا سايىن ىزدەستىرۋ قاراجاتىڭدى سۇراعانىڭداي بەرىپ تۇرامىن.

  -جارايدى. ماعان وسىنشاما ۇلكەن مىندەتتى سەنىپ تاپسىراتىنىڭىز قيالىما دا كىرمەگەن ەدى. مەن الگى بويجەتكەننىڭ دەرەگىن مىندەتتى تۇردە تاۋىپ شىعامىن، ءشۇيىنشىلى حابارىمدى كۇتىڭىز.

  ورتا جاستاعى ەر ادام بولمەدەن قۋانا شىقتى.

  انە- مىنە دەگەنشە بىرنەشە اي ۋاقىت وتە شىقتى. ورتا جاستاعى ەر ادام قاريانىڭ الدىنا تاعى كەلدى.

  -ءسىزدىڭ تاپسىرماڭىزدى العاننان بەرى توڭىرەكتىڭ ءتورت بۇرىشىنان سۇراستىرىپ ءجۇرىپ، اقىرى ءسىزدىڭ ءۇمىتىڭىزدى سەلگە كەتىرمەدىم.

   -سولاي ما؟ شىنىمەن تابا الاتىنىڭدى ويلاماعان ەكەنمىن. ونىڭ ۇستىنە سونشا تەز...

  -مەن دە بار قاجىر-قايراتىمدى سارقا جۇمسادىم. بۇگىن ول بويجەتكەندى ەرتىپ كەلىپ تۇرمىن،- دەدى دە قولىمەن ەسىك جاقتى نۇسقادى. وندا ءبىر بويجەتكەن تۇرعان ەدى.

  ءاسىلى الگى قىز «اكە» دەپ شاقىرسا كەرەك ەدى. ءبىراق ول قىمسىنعاندىقتان، الدە، وتە تارتىنىپ تۇرعاندىقتان بولار ءتىس جارىپ، ءتىل قاتپادى، بار بولعانى دىرىلدەپ تۇرعان ونىڭ ەزۋى ازىراق قوزعالعانداي بولدى.

  -ەي، قولىڭدى سوزىپ اكەڭە كورسەتسەڭشى.

  الگى ورتا جاستاعى ەر ادامنىڭ قۋزاۋىمەن ول ارتىنا ۇستاپ تۇرعان سول قولىن تارتىنشاقتاي الدىعا سوزدى. ونىڭ باسبارماعىنىڭ جوق ەكەنى ءبىر كورگەن جەردەن ايقىن بولدى. 

  -وندا، كۇيىكتەن قالعان تىرتىقتى دا تەكسەرىپ كورەرسىز،- دەدى ورتا جاستاعى ەر ادام.

  ءبىراق قاريا قولىن شايقاپ:

  -جوق، قاجەتى جوق. ءىس جۇزىندە، سەن كەرەمەتىڭ ارقىلى ماعان بۇل قىزدى تاۋىپ اكەلدىڭ. جاپا شەكتىڭ. ءما، مىناۋ الدىن الا كەلىسكەندەگى ەڭبەكاقىڭ،- دەدى قاريا ءبىر بۋدا اقشانى وعان بەرىپ جاتىپ.

  -ءسىزدىڭ كوڭىلىڭىزدى كوتەرە العانىما وتە قۋانىشتامىن. وندا، سىزدەر اكەلى-بالالى ەكەۋلەرىڭىز اسىقپاي اڭگىمەلەسەرسىزدەر، مەن كەتەيىن،- دەدى ورتا جاستاعى ەر ادام الگى قىزعا قاراپ كوزىن قىسىپ-قىسىپ قويىپ، بۇرىلىپ ەسىككە قاراي بەتالدى.

  ءبىراق قاريا ونى توقتاتىپ الدى:

  -تۇرا تۇر، قايتار بولساڭ مىنا بويجەتكەندى دە ەرتىپ قايت.

  -ا، بۇل تاعى نە ءۇشىن؟

  -شىنىمدى ايتسام، مەنىڭ وتكەندە ايتقانىمنىڭ ءبارى ويدان قيىستىرعان اڭگىمە. ەگەر اقشانى ساعان بەكەردەن بەكەر بەرسەم نامىسىڭا كەلەدى. سوندىقتان، مەن وسىنداي اڭگىمەنى ويدان قيىستىرىپ شىقتىم.

ءبىراق، سەنىڭ شىنىمەن تاۋىپ كەلەرىڭدى   ويلاماعان ەكەم.

  الگى قىزدىڭ باسبارماعى جوق قولىنا قاراپ تۇرعان قاريا اجىم تولى جۇزىمەن مارسيا جىميدى. ونىڭ جىميىسىندا دوستىق، قيال جانە شاتتىق ءبار- ءبارى دە بار ەدى.



اۋدارعان -
    قانات جۇماش ۇلى



رەداكتورى: ارداق كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.

 
powered by IlgharCMS 3.2 www.ilghar.cn