جۋىقتا جۇڭگو-ا ق ش ساقشىلارى تىزە قوسا وتىرىپ، ا ق ش-تا وقىپ جاتقان جۇڭگولىق ستۋدەنت بويجەتكەن شاۋ xx تىڭ ا ق ش-تا قاستاندىققا ۇشىراۋ دەلوسىن اشكەرەلەدى، دەلو تۋدىرعاننان كەيىن جۇڭگوعا قاشىپ كەلگەن جىجياڭدىق قىلمىس كۇماندىسى لي شياڭنان ەلىمىزدىڭ قوعام حاۋىپسىزدىگى ورگاندارى جاعىنان زاڭ بويىنشا قولعا الىندى.
2014-جىلى 17-قىركۇيەكتە ا ق ش-تىڭ لوۋا شتاتىنىڭ ساقشى جاعى جۇڭگولىق ستۋدەنت بويجەتكەن شاۋ xx تىڭ ءىز-توزسىز كەتكەندىگى جونىندەگى دەلونى قابىلدايدى. ا ق ش ساقشى جاعى دەلو قابىلداعاننان كەيىن تەكسەرۋ جۇرگىزىپ، 26-قىركۇيەك كەشتە شاۋ xx تىڭ قاستاندىققا ۇشىراعاندىعىن بايقايدى. ا ق ش ساقشى جاعى تەكسەرۋ جۇرگىزۋ ارقىلى شاۋ xx تىڭ جىگىتى لي شياڭناننىڭ (جىجياڭ ولكەسىنىڭ ۋىنجوۋ قالاسىنىڭ ادامى، ا ق ش-تا وقيتىن ستۋدەنت ) قىلمىس وتكىزۋ كۇمانى بار ەكەندىگىن بايقايدى، لي شياڭنان دەلو تۋدىرعاننان كەيىن جۇڭگوعا قاشىپ كەلەدى. ا ق ش ساقشى جاعى ەلىمىزدىڭ ا ق ش-تا تۇراتىن باس ەلشىحاناسى مەن چيكاگودا تۇراتىن كونسۇلحاناسى ارقىلى دەلو جاعدايىن دەر كەزىندە ەلىمىز ساقشى جاعىنا مالىمدەيدى. قوعام حاۋىپسىزدىگى مينيسترلىگىنىڭ قىلمىستىق ىستەردى بارلاۋ مەكەمەسى جىجياڭ ولكەلىك قوعام حاۋىپسىزدىگى ورگانىن دەرەۋ دەلو تۇرعىزىپ تەكسەرۋ جۇرگىزۋگە ورنالاستىرادى. جىجياڭ ولكەلىك قوعام حاۋىپسىزدىگى ورگانىنىڭ قىزمەت ىستەۋىندە قىلمىس كۇماندىسى لي شياڭنان 2015- جىلى 13-مامىردا ۋىنجوۋ قالالىق قوعام حاۋىپسىزدىگى ورگانىنا ءوزىن مالىمدەيدى ءارى سول كۇنى قىلمىستىق ىستەر بويىنشا قولعا الىنادى.
ماۋسىم ايىنىڭ باس شەنىندە ا ق ش جاقتىڭ ۇسىنىسىمەن قوعام حاۋىپسىزدىگى مينيسترلىگىنىڭ قىلمىستىق ىستەردى بارلاۋ مەكەمەسى ارناۋلى قىزمەت گرۋپپاسىن ا ق ش-قا بارىپ تەكسەرۋ جۇرگىزىپ، دالەل-سىپات ىزدەۋگە جىبەرەدى. ەلىمىزدىڭ ا ق ش-تا تۇراتىن باس ەلشىحاناسى مەن چيكاگودا تۇراتىن كونسۇلحاناسىنىڭ قولداپ-قۋاتتاۋى مەن سايكەسۋىندە، ەلىمىزدىڭ قىزمەت گرۋپپاسى مەن ا ق ش-تىڭ لوۋا شتاتىنداعى ساقشىلار مەن پروكۋرورى ىشكەرىلەي پىكىر الماستىرىپ، ا ق ش جاقتىڭ تەكسەرۋ قىزمەتىنىڭ جاعدايى جونىندەگى تانىستىرۋىن تىڭدايدى، ەكى جاق دەلو تۋىلعان ناق مايدانعا تەكسەرۋ جۇرگىزىپ، قاتىستى كۋاگەرلەردەن جاعداي ۇعىسادى. ا ق ش ساقشى جاعى ەلىمىزدىڭ قىزمەت گرۋپپاسىنا دەلوعا قاتىستى زاتتىق دالەل-سىپات، جازباشا سىپات، كەسكىن ماتەريالى سياقتى دالەل-سىپات ماتەريالدارىن بەرەدى. قازىر قىلمىس كۇماندىسى لي شياڭنان مەن شاۋ xx تىڭ ءسوز بايلاسقاندىعى انىقتالدى. 2014-جىلى قىركۇيەك ايىنىڭ باس شەبىندە ەكەۋىنىڭ اراسىنداعى داۋ-جاڭجالدان قايشىلىق تۋىلعان. 7-قىركۇيەك تاڭ سارىدە لي شياڭنان شاۋ xx تى قىلقىندىرىپ ءولتىرىپ، جۇڭگوعا قاشىپ كەلەدى. 2015-جىلى 19-ماۋسىمدا جىجياڭ ولكەسى ۋىنجوۋ قالالىق حالىق پروكۋراتۋرا مەكەمەسى قاساقانا ادام ءولتىرۋ قىلمىسىمەن قىلمىس كۇماندىسى لي شياڭناندى قولعا الۋدى بەكىتەدى.
قوعام حاۋىپسىزدىگى مينيسترلىگى قىلمىستىق ىستەر بارلاۋ مەكەمەسىنىڭ قاتىستى جاۋاپتىسى: « مەملەكەت اتتاپ قىلمىس وتكىزۋ كەزەكتەگى ءارقايسى ەل ءدوپ كەلىپ وتىرعان ماسەلە، بۇل ءار ەل ساقشىلارىنىڭ سەلبەسە وتىرىپ، ورتاق توتەپ بەرۋىن قاجەت ەتەدى» دەدى. جۋىق جىلداردان بەرى ەلىمىز ساقشى جاعى حالىقارالىق ساقشى ىستەرى سەلبەستىگىن كۇشەيتىپ، ءتۇرلى مەملەكەت اتتاپ قىلمىس وتكىزۋگە قاتاڭ سوققى بەرىپ، ەلىمىز ازاماتتارىنىڭ شەتەلدەگى زاڭدى ۇقىق-مۇددەسىن شىنايى قورعادى. ەلىمىز قوعام حاۋىپسىزدىگى ورگاندارى قىزمەت مەحانيزمىن اناعۇرلىم كەمەلدەندىرىپ، دۇنيەدەگى ءارقايسى ەلدەرمەن بولعان ينفورماتسيادان ورتاق پايدالانۋ، دەلونى بىرلەسىپ تەكسەرۋ، دالەل-سىپات ىزدەۋ، بىرلەسىپ دەلو اشكەرەلەۋ، قىلمىس كۇماندىسىن تۇتقىنداۋ سياقتى جاقتارداعى زاڭ اتقارۋ سەلبەستىگىن كۇشەيتىپ، ەلىمىز ازاماتتارىنىڭ زاڭدى ۇقىق-مۇددەسىنە زيان جەتكىزەتىن قىلمىستىق ارەكەتتەرگە قاتاڭ سوققى بەرەدى.
«شينحۋا اگەنتتىگىنەن اۋدارىلدى»
رەداكتورى: ارداق كامالقان قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.