ەڭ جاڭا مازمۇندار
شاۋەشەك قالاسى ”بيىلعى يۋانشياۋ مەرەكەسى ەرەكشە مەرەكەلىك مانگە يە بولدى“
بارلىق الاپتان كوكتەم لەبى ەستى
ايماقتىق پارتكوم مۇشەلەر (كەڭەيتىلگەن) ءماجىلىسىن اشتى
ايماق 2023 -جىلعى 1 -توقسانداعى ساۋداگەر شاقىرىپ، قارجى ەنگىزۋ نىساندارىنا شوعىرلى قول قويۋ سالتىن جانە ساۋداگەر شاقىرىپ، قارجى ەنگىزۋ قىزمەتى ءماجىلىسىن اشتى
عىلىم -تەحنيكا شاعىن اۋلاسى اۋىل -قىستاقتى گۇلدەندىرۋگە كۇش ۇستەدى
بۇقاراعا قىزمەت وتەدى
ەرىكتى قىزمەت وتەدى
نەگىزگى ساتىنىڭ جاڭالىعىن بايقاپ، ەكپىندەي ىلگەرىلەۋدەگى كۇش - قۋاتتى سەزىندى
ۇكىمەت ءدارى -دارمەك كاسىپورىندارىنىڭ قيىنشىلىق قىسپاعىنان وتۋىنە 6 ميلليون يۋانعا جۋىق قارجىلاي كومەك كورسەتتى
سەلبەستىك كووپەراتيۆى 329 مىڭ يۋان پايدا ءبولىسىن تاراتىپ، 65 قىستاق تۇرعىنى يگىلىككە كەنەلدى
قار -مۇز ۇستىندەگى قىزىقتى سپورت جارىسى
اۋىل شارۋاشىلىق ماشينالارىن ساتىپ الۋعا قوسىمشا قاراجات بەرۋ ساياساتىن ۇگىتتەدى
2023-جىلى 2-ايدىڭ 8-كۇنى 29-سان
شي جينپيڭ تۇركيانىڭ زۇڭتۇڭىنا، سيريانىڭ زۇڭتۇڭىنا جەكە - جەكە حال سۇراۋ تەلەگرامماسىن جولدادى
اكىمشىلىك مەكەمەسى 2023-جىلعى ءبىرىنشى جالپى ءماجىلىسىن اشتى
ايماعىمىز 350 نەگىزگى ساتى كادرىن لياۋنيڭ ولكەسىنە باۋلۋعا تاڭداپ جىبەردى
ايماق دامۋ جانە رەفورما قىزمەتى ءماجىلىسىن اشتى
سپورت جارىسى جالىندى كۇش سيلاپ، جۇمىسشى -قىزمەتكەرلەر كەلبەتىن ايگىلەدى
1 - ايدا باقتى شەكارا وتكەلىندەگى سىرتقى ساۋدا سايكەس مەزگىلدەگىدەن %05. 125 ارتتى
كلاسسيك قار - مۇز سالتاناتىن سومداپ، كوكتەمدى بەتكە الىپ تاعى دا ساپارعا اتتاندى
مەرەكە ساۋىعى اسىرىپ كوكتەمنىڭ دۋمانىن،سالت -ءداستۇر قىزدىردى شاتتىقتىڭ قىرمانىن
2023-جىلى 2-ايدىڭ 7-كۇنى 28-سان
ما شيڭرۇي، ەركىن تۇنياز افريكا ەلدەرىنىڭ جۇڭگودا تۇراتىن ەلشىلەر ۋاكىلدەر ۇيىرمەسىندەگىلەرمەن كەزدەستى
باس شۋجي شي جينپيڭنىڭ ماڭىزدى ءسوزىنىڭ، ماڭىزدى ارناۋ ءسوزىنىڭ، جاۋاپ حاتىنىڭ رۋحىن جەتكىزدى، ۇيرەندى، دايەكتىلەندىردى
ايماعىمىزدىڭ 2023 -جىلعى تۇڭعىش توپتاعى اۋىل -قىستاقتى گۇلدەندىرۋ كومەك قارجىسى بوساتىلدى
قىزمەت ورنىمىزدى تياناق ەتىپ، ەكپىندەي ىلگەرىلەۋ كۇشىن ۇيىستىرامىز
بارابان ءۇنى جاڭعىرىپ اسپاندادى، ايگىلەنىپ بارشا جۇرت شاتتانعانى
ەرتە جوسپارلاپ، ەرتە كىرىستى، جەر - جەردىڭ ساۋداگەر شاقىرۋ ارناۋلى ءبانى قارقىندى جەدەلدەتۋگە تولىق دايىندالدى
ءوندىرىستى ورنىقتىرىپ، قامداۋعا كەپىلدىك ەتتى
العاشقى ايدا تارىم مۇناي الابىنىڭ مۇناي - تابيعي گاز ءونىم مولشەرى بىردەي ارتتى

جالعان ساقشىلاردىڭ تۇزاعىنا ءتۇسىپ قالۋدان ساقتانىڭىز

جولدانعان ۋاقىتى : 2015/7/6 10:38:00

ۇسىنىس ەتىلگەن ءتىلشى سۋ گاڭۋي

   جۋىقتا ساۋان اۋدانىندا جالعان  ساقشىلاردىڭ دەلو تەكسەرۋدى سىلتاۋراتىپ الدامكوستىك ىستەۋ دەلوسى تەكسەرىلىپ انىقتالدى.

  جالعان ساقشىلار توسىننان تەلەفون سوعىپ، ءسىزدىڭ اتى-ءجونىڭىز، ازاماتتىق كۋالىك ءنومىرىڭىز، ءۇيىڭىزدىڭ ءادىرىسى سياقتى يفورماتسيالارىڭىزدى مۇلتىكسىز ايتىپ، قىلمىس كۇماندىسىنىڭ ءسىزدىڭ قاتىستى    ينفورماتسيالارىڭىزدان پايدالانىپ، بانكە كارتۋچكاسىن ءبىتىرىپ العاندىعىن، ونىڭ ۇستىنە كارتۋچكادا قوماقتى سوما بار بولىپ، ءسىزدىڭ بەلگىلەنگەن بانكەگە بارىپ اقشانى شىعارىپ الۋىڭىزدى نەمەسە جوعارىعا تابىس ەتۋ كەرەكتىگىن، ويتپەگەندە زاڭعا قايشىلىق جاساپ، تۇرمەگە جابىلۋىڭىز مۇمكىن ەكەندىگىن ايتادى.

  مىنە وسىنداي جاعدايعا جولىقساڭىز، بۇعان سەنەسىز بە ، قايتەسىز؟

  25-ماۋسىمدا ساۋان اۋدانىنىڭ ءمالىم شاعىن رايونىندا تۇراتىن حى حانىمدى توسىننان كەلگەن تەلەفون تۇسكى دەمالىسىنان شوشىتىپ وياتتى. قولفونىن الىپ قاراسا، قارسى جاقتىڭ ءنومىرى چىڭدۋ قاراستىلىعىنداعى    ءنومىر ەكەن. تەلەفوندى قابىلداعان سوڭ قارسى جاقتان ءبىر ەر ادام حى حانىمعا ءوزىنىڭ چىڭدۋ قالالىق قوعام حاۋىپسىزدىگى مەكەمەسىنىڭ حالىق ساقشىسى لي ۋي ەكەندىگىن،     كەزەكتە ءۇرىمجى قالالىق قوعام   حاۋىپسىزدىگى مەكەمەسىمەن بىرلەسىپ، ءبىر رەتكى ولكە اتتاعان     ەسىرتكى الىپساتارلىعى دەلوسىن تەكسەرىپ جاتقاندىعىن ايتادى.

  ول: « ءبىز قولعا تۇسىرگەن 4   ەسىرتكى الىپساتارىنىڭ ىشىندەگى   ەكى ادام سەنىمەن جەرلەس بولىپ شىقتى، بىرەۋىنىڭ قالتاسىنان 3 ميلليون يۋان امانات اقشا قويىلعان  گۋاڭدا بانكەسىنىڭ نەسيە كارتۋچكاسىن بايقادىق. تەكسەرۋگە نەگىزدەلگەندە، ەسەپ اشقان ينفورماتسيالاردىڭ بارلىعى دەرلىكتەي سەنىڭ ماتەريالدارىڭ     ەكەن، بىلەيىك دەگەنىمىز، سەنىڭ وسى رەتكى ءىرى ەسىرتكى الىپساتارلىعى دەلوسىمەن قاتىسىڭنىڭ بار–جوقتىعى ەدى» دەدى.

  قارسى جاقتىڭ ايتقاندارىنىڭ قيسىنى بار ەكەندىگىن ەستىگەن حى حانىم ونشا كۇماندانىپ كەتپەيدى. ىلە-شالا قارسى جاق تەلەفوندا حى حانىمنىڭ  اتى-ءجونى، ازاماتتىق كۋالىك ءنومىرى، ءۇيىنىڭ ءادىرىسى سياقتى جەكەلىك ينفورماتسيالارىن اينا قاتەسىز ايتىپ بەرگەنىندە حى حانىم اڭتارىلىپ قالادى.

  حى حانىم ىشتەي «مەن زاڭعا قايشى ءىس ىستەمەسەم، قوعام حاۋىپسىزدىگى مەكەمەسىنىڭ مەندە نەسى  بار» دەپ ويلايدى دا جۇرەگىن ءسال باسىپ العان سوڭ: «ولاردى مەن تانىمايمىن، مەن زاڭعا قايشى ءىس ىستەمەدىم» دەيدى. ويلاماعان جەردەن قارسى جاق جالعاستى: « بىزدىكى تەك ءىستىڭ   انىق-قانىعىنا جەتۋ، بالكىم ءسىزدىڭ سالاۋاتىڭىزعا قاتىستى ينفورماتسيالار ۇرلانىپ پايدالانىلعان بولۋى مۇمكىن، قازىرشە بۇل جاعدايدى ەشكىمگە ايتپاڭىز، ەگەر بۇل ءىس اشكەرەلەنىپ كەتسە، تۇرمەگە جاتۋىڭىز مۇمكىن» دەيدى.

  سالاۋاتىنا قاتىستى ينفورماتسيالارى ۇرلانىپ، زاڭعا قايشى ءىس ىستەگەندىگىن، اشكەرەلەنىپ كەتسە تۇرمەگە جاتۋى مۇمكىندىگىن ەستىگەندە حى حانىمنىڭ ونە بويىن سۋىق تەر باسىپ كەتەدى. قارسى جاق حى حانىمعا بارلىق بانكە كارتۋچكاسىن الىپ شىعۋدى ءارى سالدەن سوڭ شينجياڭنىڭ ساقشىلارى 110 دەلو مالىمدەۋ تەلەفونىمەن حابارلاسىپ، بانكە كارتۋچكاسىنا اقشا قويۋ جاعدايىن ىشكەرىلەي ۇعىساتىندىعىن ايتادى.

  قارسى جاقتىڭ قاتال ايتقان سوزىنەن حى حانىم بىرتىندەپ ۇرەيلەنە باستايدى. ون نەشە مينۋتتان كەيىن ايتسا-ايتقانداي 110 دەلو مالىمدەۋ تەلەفونىنان تەلەفون كەلەدى، حى حانىم قولفونىن اشىپ قاراسا، قارسى جاقتىڭ ءنومىرى +991110 ەكەن، تەلەفون سوققان قارسى جاق وزدەرىنىڭ ءۇرىمجى قالالىق قوعام حاۋىپسىزدىگى مەكەمەسىنىڭ ساقشىسى   ەكەندىگىن ايتادى. مۇنى ەستىگەن حى حانىم شوشىعانىنان تەلەفوندى جابا سالادى.

  ىلە-شالا ابدەن شوشىنعان حى حانىم بۇل جاعدايدى وتباسىنداعىلارعا ايتۋ-ايتپاۋدى بىلمەي ەكىلەنىپ  تۇرعاندا كەنەتتەن ويىنا ساۋان اۋداندىق قوعام حاۋىپسىزدىگى مەكەمەسى الەۋمەتتىك ۋيچات تەكشەسىنىڭ ۇنەمى ءبىرسىپىرا تەلەگراف الدامشىلىعى دەلولارى مەن ساقتانۋ شارالارىن جاريالاپ تۇراتىندىعى ەسىنە تۇسە  كەتەدى. سونىمەن ول دەرەۋ ۋيچات تەكشەسىنەن پايدالانىپ، ساۋان    اۋداندىق قوعام حاۋىپسىزدىگى مەكەمەسىمەن حابارلاسادى.

  حى حانىمنىڭ كومەك سۇراۋ كەلتە حاتىن تاپسىرىپ العان ساۋان اۋداندىق قوعام حاۋىپسىزدىگى مەكەمەسىنىڭ حالىق  ساقشىلارى دەر كەزىندە     حى حانىممەن تەلەفوندا حابارلاسىپ، حى حانىمعا مۇنىڭ بارلىعى زاڭسىز  ەلەمەنتتەردىڭ زاڭسىز جولداردان پايدالانىپ، باسقالاردىڭ جەكەلىك ينفورماتسياسىن ۇرلاپ العان سوڭ، جالعان تەلەفون نومىرلەرى جانە    توراپتاعى ءنومىر وزگەرتۋ جۇمساق بولشەكتەرىنەن پايدالانىپ، ساقشىلاردىڭ اتىن جامىلىپ ىستەگەن الدامكوستىك ايلاسى ەكەندىگىن ايتادى  ءارى حى حانىمعا قارسى جاقتىڭ   سوزىنە سەنبەۋىن تاپسىرادى. سوندا بارىپ حى حانىم الدانعاندىعىن ءبىلىپ، كوڭىلى ورنىعا باستايدى.

  ساۋان اۋداندىق قوعام حاۋىپسىزدىگى مەكەمەسىنىڭ ساقشىلارى تۇرعىندارعا مىنالاردى ەسكەرتەدى: ءتۇرلى تەلەگراف الدامشىلىعىنان ساقتانۋ ءۇشىن،  مىناداي بەس جۇمىستى ىستەمەۋ   كەرەك، ءبىرىنشى، اۆتوماتتى جالعاناتىن تەلەفوندى قابىلداماۋ؛ ەكىنشى، بەيمالىم كەلتە حاتپەن قاتىستى بولعان كۇماندى تەلەفون  نومىرىنە تەلەفون سوقپاۋ؛ ءۇشىنشى، ءارقانداي «زاڭ اتقارۋ ورگاندارىنىڭ» قامداعان «حاۋىپسىز ەسەپ ءنومىرى» دەگەنگە سەنبەۋ؛ ءتورتىنشى،ءارقانداي بەيتانىس ادامداردىڭ امانات اقشا قويۋ، بانكەنىڭ مۇزداتۋى، ەسىرتكى    جاسىرۋ، ەسىرتكىمەن  قاتىستى بولۋ، قىلمىسىن جۋۋ سياقتى الدامشىلىعىنا سەنبەۋ؛ بەسىنشى، بەيتانىس ادامدار قامداعان بانكە ەسەپ نومىرىنە اقشا سالماۋ، اقشا اۋدارماۋ كەرەك.

  مۇنان تىس، قوعام حاۋىپسىزدىگى ورگاندارى ءتۇرلى دەلولاردى تەكسەرۋ بارىسىندا داۋگەردىڭ قاتىستى بانكە كارتۋچكاسىن مۇزداتپاقشى بولعاندا، زاڭ بويىنشا جەرلىك ورىنداعى فينانس قۇرىلىمى ارقىلى ءبىر جاقتىلى ەتەتىندىگىن، داۋگەردىڭ مال-مۇلكىن ءبىر-بىرلەپ سۇراستىرىپ وتىرمايتىندىعىن، ونىڭ ۇستىنە «حاۋىپسىز ەسەپ ءنومىرى» دەگەننىڭ مۇلدە بولمايتىندىعىن ەسكەرتەدى.




رەداكتورى: ارداق كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.




 
powered by IlgharCMS 3.2 www.ilghar.cn