ەەڭ جاڭا مازمۇندار
كۇزگى تەڭەلۋ كەزىندە جەر -جەر مول ءونىم الۋدىڭ قاربالاستىعىنا ءتۇستى
كۇزگى تەڭەلۋ كەزىندە جەر -جەر مول ءونىم الۋدىڭ قاربالاستىعىنا ءتۇستى
اۆتونوميالى رايوندىق پارتكوم تۇراقتى كوميتەتى كەڭەيتىلگەن ءماجىلىس اشتى كەزەكتەگى ىندەتتەن ساقتانۋ - تىزگىندەۋ قىزمەتىن ارناۋلى تاقىرىپتا اقىلداستى، ورنالاستىرۋ جاسادى
اۆتونوميالى رايوندىق ساۋدا - ونەركاسىپشىلەر بىرلەستىگىنىڭ (باس ساۋدا قوعامى) 12 - قۇرىلتايى وتكىزىلدى
شينجياڭ سۋ يگىلىگىن دامىتۋعا قارجى قوسۋ (توبى) شەكتى سەرىكتەستىگى قۇرىلدى
2022-جىلى 9-ايدىڭ 27- كۇنى 215-سان
شاۋەشەك قالاسىندا تۇڭعىش قارتتارعا قامقورلىق جاساۋ جاعىنان قوعامدىق قىزمەت وتەۋ ورتالىعى قۇرىلدى
ساۋانداعى ساقشىلار مەن حالىق قارا دەگەلەكتى قۇتقاردى
شاۋەشەك كەدەنى دالمە -ءدال شارا قولدانىپ، اۋىل شارۋاشىلىق قوسىمشا ونىمدەرىن يمپورت -ەكسپورت ەتۋدىڭ”جەدەل ارناسىن“ اشتى
ۇلگىلەردىڭ كۇش -قۋاتىن سەزىنىپ، ءداۋىردىڭ اتويشىسى بولۋعا قۇلشىنامىز
ەسىك اشۋ ورايىنان بىرگە يگىلىكتەنىپ، كوركەم بولاشاقتى بىرگە جاراتايىق
شي جينپيڭ بۇكىل ەلدەگى قالىڭ شارۋالاردىڭ جانە اۋىل شارۋاشىلىعى، اۋىل - قىستاق، شارۋالار شەبىندە قىزمەت ىستەپ جاتقان جولداستاردىڭ مەرەكەسىن قۇتتىقتادى جانە ولاردان شىنايى حال سۇرادى
ەرەكشەلىككە، باسىمدىققا يە كاسىپ سالالارى شوعىرىن جوعارى ولشەممەن، جوعارى ساپامەن جەتىلدىرۋگە، زورايتۋعا تاباندى بولۋ كەرەك
قول قويىلعان سوما ءبىر تريلليون يۋاننان استى، كوپتەگەن ەڭ جوعارى ورە جاراتىلدى
جىبەك جولى رۋحىن اسقاقتاتىپ، ازيا مەن ەۆروپانىڭ سەلبەستىگىن تەرەڭدەتەمىز
رەفورمانىڭ تابىستى تاجىريبەلەرىن مۇقيات قورىتىندىلاپ، پايدالانىپ، ارميانى رەفورما ارقىلى قۇدىرەتتەندىرۋدىڭ جاڭا جاعدايىن قۇلشىنا اشۋ كەرەك
باس شۋجي شي جينپيڭنىڭ ماڭىزدى ءسوزىنىڭ، ماڭىزدى بەكىتۋىنىڭ رۋحىن جەتكىزدى، دايەكتىلەندىردى
2022-جىلى 9-ايدىڭ 26- كۇنى 214-سان
2022-جىلى 9-ايدىڭ 24- كۇنى 213-سان
2022-جىلى 9-ايدىڭ 23- كۇنى 212-سان
تارباعاتايدىڭ ەرەكشە ونىمدەرىن تانىستىرىپ، باۋراۋ قۋاتىن ايگىلەدى
شي جينپيڭ 7 - كەزەكتى جۇڭگو − ازيا - ەۆروپا كورمەسىنە قۇتتىقتاۋ حات جولدادى
​7 - كەزەكتى جۇڭگو − ازيا - ەۆروپا كورمەسى اشىلدى
ءبىر نيەتپەن سەلبەسىپ، جىبەك جولىنىڭ تىڭ شۇعىلاسىن جازايىق
جىبەك جولى رۋحىن اسقاقتاتىپ، قول ۇستاسىپ، بولاشاقتا تەڭ يگىلىككە كەنەلەمىز
ەسىك اشىپ، سەلبەسىپ، بولاشاققا اتتانايىق
2022-جىلى 9-ايدىڭ 22- كۇنى 211-سان
ايماقتىق اكىمشىلىك مەكەمەسى شانشي يانچاڭ مۇناي توبىمەن، شينجياڭ تيانيە توبىمەن سەلبەستىك جۇلگەلىك كەلىسىمىنە قول قويىستى
ايماعىمىزدىڭ ۋاكىلدەر ۇيىرمەسى از ۇلتتاردىڭ اۆتونوميالى رايوندىق 10 -كەزەكتى ءداستۇرلى سپورت جارىسىندا سۇبەلى تابىسقا قول جەتكىزدى
قىزمەت ورنىن تياناق ەتىپ، كورىكتى تارباعاتايدى بىرگە قۇرامىز

جاڭا ميكروب

جولدانعان ۋاقىتى : 2015/6/29 11:35:54

ازەز نەسين  (تۇركيا)

  بۇل دۇنيەنىڭ تابالدىرىعىن ىڭگالاپ اتتاعاننان بەرى، كۇلمەك تۇر عوي وڭىندە  جىميىس  لەبى ءبىلىنىپ كورمەگەن، قاباعىنان قار جاۋعان پروفەسسور كومەكشىلەرى مەن شاكىرتتەرىن ەرتىپ ناۋقاستار بولمەسىنە كىردى.  كوز  اۋرۋلار ءبولىمىنىڭ باستىعى بولىپ مىندەت اتقارىپ وتىرعان الەمگە اتى ءماشھۇر عالىم، پروفەسسورىمىز قايسار دا تاباندى ادام ەدى. ول ءارقانداي ءبىر قىزىقتى، يۋمورلى اڭگىمەلەرگە كۇلىپ قويمايتىن مىنەزى بولعاننىڭ سىرتىندا،  ءجۇرىس-تۇرىستا جانە باسقا دا جاقتاردا ماڭىنداعىلارمەن ارالىق ساقتايتىندىقتان، شاكىرتتەرى مەن كومەكشىلەرىن قويىپ، تۋىس-تۋعان، دوس-جاراندارىنىڭ ءوزى ودان جاسقانۋشى ەدى. نە بولسا دا ول ءبىر مۇنشا ناتيجەلەرى بار،  مەديتسينا  سالاسىندا اتاعى شىعانداعان ايگىلى عالىم. سودان بولسا كەرەك مەديتسينا سالاسىنداعىلاردىڭ وعان بولعان قۇرمەتى جوعارى.

  توسەكتە جاتقان ناۋقاسقا جاقىنداعان سايىن، كومەكشى شيپاگەرلەر مەن شاكىرتتەرى پروفەسسور بىردەمەلەردى سۇراپ قالماسىن دەپ ىشتەي قىلپىلداپ تۇر.

  -مىنا ادام جاڭادان كەلگەن بە؟

  -ءيا، ۇستاز، تۇندە كەلدى... -دەرەۋ جاۋاپ بەردى سول جاعىنداعى تۇرعان كومەكشى شيپاگەر.

  -نە بولىپتى؟

  -نە ناۋقاس ەكەنىن ايىرا المادىق. ەكى كوزىم شاعىپ اۋرىپ، باسىم شىداتپاي سولقىلدايدى دەپ زارلانادى.

  پروفەسسور ناۋقاس ادامنىڭ قىزارىپ كەتكەن،  قاندى ءىرىڭ تولعان كوزىنە ۇڭىلە قارادى دا  تۇكسيگەن قاباعىن اشپاستان:

  - ۇلگى!..- دەپ تۇسىنىكسىز كۇبىر ەتە ءتۇستى.

  كومەكشى شيپاگەرلەر پروفەسسوردىڭ بۇل كۇبىرىن ەستىپ، ناۋقاستىڭ كوزىندەگى ىرىڭنەن ۇلگى الۋ كەرەك ەكەنىن تۇسىنە قويىستى.

  پروفەسسور ءوز كەڭسەسىنە كەتتى. كومەكشى شيپاگەرلەر ناۋقاستىڭ ماڭىنا كەلىپ قاربالاستانا باستادى، ال ەندى قالىپتى ەمدەۋ وسى ۇلگىنى تەكسەرىپ، نە اۋرۋ ەكەنىن انىقتاعان سوڭ باستالاتىن.

  ەكى كومەكشى شيپاگەر ناۋقاستىڭ كوزىندەگى ىرىڭنەن ۇلگى العان سوڭ، پروفەسسوردى شاقىردى. پروفەسسور ميكروسكوپقا ءۇڭىلىپ، ءبىر مۇنشا ۋاقىت ءۇنسىز قاراپ تۇردى. ونان باسىن كوتەرىپ، كۇلىمسىرەي قارادى. تالاي جىلدان بەرى ونىڭ جانىندا ىستەپ كەلە جاتقان كومەكشى شيپاگەرلەر ونىڭ جىميعانىن تۇڭعىش رەت كورۋلەرى ەدى. پروفەسسور سورەدەگى كىتاپتاردان بىرنەشەۋىن الىپ، الدەبىر جەرلەرىن پاراقتاپ، وقي تۇرىپ، «دۇرس....ىم.....ىم...» دەي بەردى. سوڭىرا جانىندا وزىنە بار نازارىن سالا قاراپ تۇرعان كومەكشى شيپاگەرلەرگە:

  -باسقالاردى شاقىرىڭدار، شاكىرتتەر دە كەلسىن،- دەدى.

  پروفەسسوردىڭ كەڭسەسىنە باس شيپاگەرلەر مەن شاكىرتتەر لىق تولدى. جەر جىلجىسا جىلجىمايتىن، سالماقتى پروفەسسور بالالار مەرەكەسىندە قىمبات باعالى تارتۋعا قول جەتكىزگەن جارلى بالاسىنداي مارە-سارە بولىپ قۋانىشقا قارىق بولىپ ءجۇر. تۋمىسىندا سالماقتى دا سابىرلى، ەشتەمەگە  ەلپ  ەتپەيتىن پروفەسسورىمىز ميكروسكوپتىڭ ماڭىندا شىر كوبەلەك اينالىپ ەبەلەك قاعادى. ءبىر كەزدە ول شاكىرتتەرى مەن كومەكشىلەرىنە قاراپ الىپ:

  -بالالارىم، ابزال ءسات... ابزال ءسات دەگەنىمىز وسى... جاڭا، جاڭا بولعاندا ايرىقشا جاڭا ءبىر ميكروبتىڭ جانىندا تۇرمىز. بۇل دەگەنىڭىز تابىلا بەرمەيتىن قۇبىلىس...  قۇبىلىستىڭ كەرەمەتتىگى مىنادا، بۇل  ميكروبتى كورمەگەن كوز ءبولىمى ماماندارى دۇنيەدە تولىپ جاتىر... نەتكەن باقىتتى ەدىڭدەر، شاكىرت كۇندەرىڭدە-اق باقتارىڭ جانىپ بۇل ميكروبتى كورىپ، كوز ايدىن بولدىڭدار... مىناداي

  ناۋقاسپەن جۇعىمدالۋ دەگەنىڭىز ميلليوننان ءبىر، ءتىپتى، بەس-ون ميلليوندا ءبىر!..

  قولدارى ەربەڭ-ەربەڭ ەتىپ، شاتتانعان پروفەسسور جاڭا ميكروب جايلى تامسانا سويلەدى.

  -ءوز باسىم مۇنداي ميكروبتى ەكىنشى رەت  كورۋىم... پاريجدا وقىپ جۇرگەن كەزىمدە، وقىتۋشىم مۇنداي ميكروبتى ءبىر رەت كورسەتكەن ەدى. ونداعى ناۋقاس افريكالىق بولاتىن. بۇل تۇردەگى ميكروب كوزگە كىرسە ءبىر تاۋلىك ىشىندە داۋالاماسا كوزدى سوقىر قىلادى. كوز سوقىر بولعان سوڭ بارىپ اۋىرعانى باسىلادى. سول ءۇشىن تەز ارادا داۋالاۋ كەرەك،- سودان سوڭ پروفەسسور كومەكشىلەرىنە قاراپ،- مىنا ادامنىڭ كوزى اۋىرعالى قانشا ۋاقىت بولىپتى؟- دەپ سۇرادى.

  -كەشە كەشكە جاقىن، شيپاحانامىزعا تۇندە اكەلىندى.

  -اپ بالە! دەمەك، داۋالاۋ الىپ بارىلماسا، ەندى بىرەر ساعاتتان كەيىن كوزى كورمەس بولىپ قالادى. ودان بۇرىن شىداتپاي اۋىرادى. ويتكەنى ميكروبتار كوز قاراشىعىنا مەكەندەنىپ، قاتتى ازاپتايدى،  ۇلكەن ميدىڭ كورۋ ورتالىعىنا دەيىن تارالىپ، ميدى ويراندايدى. كانە، تاياڭدار، بارلىقتارىڭ ميكروبتى كورىپ الىڭدار.

  جاردەمشى شيپاگەرلەر مەن شاكىرتتەر ميكروسكوپقا ءۇڭىلىپ ميكروبتى كورىپ قالۋعا ەنتەلەدى. ال ارقا-جارقا  بولىپ  شاتتانعان پروفەسسور  شيپاگەر دوستارى مەن مەديتسينا سالاسىنداعى ۋاكىلدەرگە بۇل حاباردى تەلەفون ارقىلى جەتكىزۋدە. ول بۇل وقيعانى توسىن وقيعا  رەتىندە ەمەس، قايتا ءبىر مۇھجيزا رەتىندە سۇيىنشىلەپ جاتىر.

  - دوسىم، عاجايىپ ءبىر وقيعا بولدى... كەز كەلگەن ۋاقىتتا تابىلمايتىن، كورۋگە بولمايتىن...  دەمەك، ءسىز ءومىر بويى كورمەگەن، كەمدە-كەم كەزدەسەتىن ءبىر قۇبىلىس، دوسىم... بۇكىل تۇركيا جەرىندە مۇنداي قۇبىلىستى كورگەن ادام بار ەكەنىن بىلمەيمىن، ءوزىمدى ۇستاۋدان قالدىم، دوسىم...

  پروفەسسور تەلەفون ترۋپكاسىن قويعان سوڭ، ماڭىنداعىلارعا:

  -كوردىڭدەر مە؟- دەدى ول،- ايتپادىم با، ول بۇل ميكروبتى كورمەگەن دەپ.

  بۇل ارادا تۇرعانداردىڭ بارلىعى ايگىلى شيپاگەرلەردەن بولا تۇرسا دا بۇلاردىڭ بىرەۋى دە بۇل ميكروبتىڭ زالالى جونىندە ويلاپ تا قويمادى...

  قىزىنىپ، جەلپىنىپ العان پروفەسسور جان-جاققا تىنىمسىز تەلەفون سوعادى، ودان تۇرىپ، شاكىرتتەرى مەن كومەكشىلەرىنە الدە بىردەمەلەرى تۇسىندىرەدى.

  -ميكروب اشىق اۋادا جاساي المايدى، دەرەۋ ولەدى... سوندىقتان دا مۇنداي ميكروبپەن جۇعىمدالعان ناۋقاستار كەمدە-كەم كەزىگەدى. ويتپەگەندە، ادام بالاسىنىڭ بارلىعى سوقىر  بولىپ  قالار ەدى. ميكروب ءولىپ قالماسىن، ساق بولىڭدار!

  پروفەسسور ءۇشىن ەندىگى ەڭ ماڭىزدى ماسەلە ميكروبتى ءولتىرىپ الماۋ، ونى باعاسىز اسىل رەتىندە امان-ەسەن قورعاپ قالۋدا ەدى... كوڭىلى كۇپتى ول تۇسكى تاماقتى دا ەسىنەن شىعاردى. جاڭا ميكروبتىڭ مىڭ ەسە ۇلكەيتىلگەن سۋرەتىن سىزۋ جانە وقۋشىلارىنىڭ كومەگىندە جاڭا ميكروبتى حالىققا ساۋعا رەتىندە ۇسىنۋ ءۇشىن دايىندىق كورۋ دەگەندەي جاردەمشىلەرىنە ميكروبقا قاتىستى بۇيرىقتار بەرە باستادى.

   پروفەسسور توم-توم كىتاپتار مەن ەستەلىكتەردى اقتارا، الدەبىر بەتتەرىن بۇكتەپ، بەلگى سالا تۇرىپ، وسى بۇيرىقتاردى بەرۋمەن بولدى.

   سول كۇنى شيپاحانانىڭ كوز اۋرۋلار بولىمىندە جاڭا ميكروبپەن اينالىسقانداردىڭ بارلىعى ناۋقاس تەكسەرۋ، ناۋقاستى قابىلداۋ دەگەندەي وزدەرىنە تيەسىلى مىندەتتەرىن قۇلان-تازا ۇمىت قالدىرعان ەدى.

  مەدبيكەلەر، ناۋقاسقا قارايتىندار، ءتىپتى، تازالىق جۇمىسكەرلەرىنىڭ ءوزى دە جاڭا ميكروب ءۇشىن قىزمەت قىلدى. تاپ بۇگىنگە دەيىن بۇل شيپاحانانىڭ جوعارى-تومەنى مۇنداي كوڭىلدى قاربالاستىققا ءتۇسىپ كورمەگەن-دى. بۇل ىستەن  حاباردار بولعان باسقا ءبولىمنىڭ شيپاگەرلەرى دە كوز اۋرۋلار بولىمىنە قاراي اعىلدى. پروفەسسور مەيلى كىم الدىنا كەلسىن، ولاردىڭ بارلىعىنا جالىقپاي ءتۇسىندىرىپ، لەكسيا جاساۋمەن بولدى.

  كىسىنى تاڭقالدىراتىنى سول كۇنى ءتۇن ورتاسىنان اسقانشا كوز ءبولىمىنىڭ بارلىق قىزمەتكەرلەرى ساتكە بولسا دا دەم المادى. مەديتسينا مەكتەبىنىڭ ۇلكەن زالىندا پروفەسسوردىڭ ەرتەڭگىلىك دوكلات جاساۋىنا ارناپ دايىندىق تا كورىلدى. پروفەسسور سول كۇنى وتە جاي قايتتى. ءبىراق ۇيىنە جەتىپ العان سوڭ دا ۇيقىسىن تارىك ەتىپ، عىلمي بايانداما ءۇشىن دايىندىق كوردى. «مەنىڭ مىنا باياندامام مەديتسينا عىلىمىندا جوعارى مارتەبەگە يە بولىپ، قىزىعارلىق ءبىر عىلمي ناتيجە بولارى حاق» دەپ ويلادى ول.

  پروفەسسور الگى جاڭا ميكروبتى لابوراتوريا دا  باسقا ورىندا جاساي بەرەتىن ەتۋدى  ويلاستىرعاندىقتان، جەرگە جارىق تۇسىسىمەن شيپاحاناعا قاراي اسىقتى، اسىققانىنا بولايىن، ميكروب ءولىپ قالعاندى قويىپ، قايتا كوبەيە تۇسكەن ەكەن.

  قولدارىن ۋقالاپ، سۇيسىنە جىميعان پروفەسسور كەزىككەندەرمەن امان-سالەم جاساسىپ، ءماز-مايرام بولىپ توقتاي الماي ءجۇر، ءتىپتى، مەدبيكەلەرمەن دە قالجىڭداسىپ قويادى.

  ۇلكەن زالداعى لەكسيادا عىلىم سالاسىنداعى ەڭبەگىمەن قاتىناسقانداردىڭ بارلىعىن ريزا ەتكەن ەرەكشە ساۋاتتى جاسالعان بايانداما بولدى. پروفەسسور بۇنىمەن عانا توقتاپ قالعان جوق، وسى ءبىر كەمدە-كەم ۇشىرايتىن مۇھجيزانى شەتەلدەردەگى ايگىلى شيپاگەر دوستارىنا، ۇستازدارىنا جانە مەديتسيناعا قاتىستى بولعان باسقا ادامدارعا تەلەگرامما ارقىلى حابارلاندىردى.

  كوز اۋرۋلار ءبولىمى وزگەشە ءبىر عىلمي تۇسكە ەنگەن ەدى، شيپاگەر، شاكىرت اتاۋلى ۇستازدارىنان شابىت الىپ، اياقتارى جەرگە تيمەي زىر جۇگىرىپ ىستەۋدە. بۇل ميكروبتىڭ قوعامعا سالار زيانىن سەزىنە الماعان ءۇش  جاردەمشى شيپاگەر ميكروبتىڭ دومالاق پىشىندە ەكەنىن بايقاعاندارىن ايتا قويماق بولىپ كەلگەندە، پروفەسسوردىڭ ەسىگىن دە جاپپاستان، ساۋساقتارىن ايقاستىرىپ، ىڭىلداپ ءان ايتىپ جۇرگەنىن  كوردى.  كومەكشىلەر وعان بايقاعاندارىن جەتكىزىپ ەدى:

  -بارلىعى مۇندا كەلسىن! -دەدى شابىتتانعان الپەتتە.
 
  كوپ وتپەي كەڭسە ىشىنە ادام لىق تولدى. پروفەسسور ولارعا بۇل جايىندا جاڭا كىتاپ جازۋدىڭ كەرەكتىگى جايلى ايتا كەلىپ:

  -الگى ناۋقاستىڭ احۋالى قانداي؟- دەپ سۇرادى.

  ناۋقاستى باقىلاۋ مىندەتى جۇكتەلگەن شيپاگەر:

  -كوزى مەن باسىنىڭ اۋىرعانى باسىلىپتى،- دەدى.

  -ودان باسقا؟

  -كوزى  ەشتەمە  كورمەيدى ەكەن.

  -بولدى،- دەدى پروفەسسور سۇيسىنە جىميىپ،-  ايتپاپ  پا ەدىم، ءبىر تاۋلىك ىشىندە داۋالاماسا كوزى كورمەس بولىپ قالادى، كوزىنىڭ اۋىرعانى دا باسىلادى دەپ. دەمەك، بۇگىن كوزى كورمەس بولىپ قالعانى انىق بولدى. ءبىلىم وتقا كۇيمەيدى، بالالارىم، ءبىلىم ءۇشىن العا!

  پروفەسسور  جاردەمشى شيپاگەر مەن شاكىرتتەرىن ەرتىپ، نىق قاداممەن جاڭا ميكروبقا قاتىستى بولعان جاڭا تاجىريبەلەر جاساۋ ءۇشىن كوز اۋرۋلار ءبولىمنىڭ لابوراتورياسىنا قاراي اياڭدادى.

اۋدارعان - مۇرات قاسەن ۇلى




رەداكتورى: ارداق كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.

 
powered by IlgharCMS 3.2 www.ilghar.cn