پاريج قالاسىنىڭ 2024-جىلعى وليمپيادا سپورت جارىسى مەن مۇگەدەكتەر وليمپيادا سپورت جارىسىن وتكىزۋگە ءوتىنىش بەرۋ كوميتەتى 23-ماۋسىمدا فرانسيانىڭ وليمپيادا باس شتابىندا 2024-جىلعى وليمپيادا سپورت جارىسىن وتكىزۋگە ءوتىنىش بەرۋ باسەكەسىنە قاتىناساتىندىعىن جاريالاپ، وليمپيادا سپورت جارىسىن وتكىزۋگە ءوتىنىش بەرگەن 4-قالاعا اينالدى.
وسىدان بۇرىن يتاليانىڭ استاناسى ريم قالاسى، ا ق ش – تىڭ بوستون قالاسى جانە گەرمانيانىڭ گامبۋرگ قالاسى وسى كەزەكتى جازعى وليمپيادا سپورت جارىسىن وتكىزۋگە ءوتىنىش بەرگەندىگىن ىركەس-تىركەس جاريالاعان ەدى؛ ۆەنگريانىڭ استاناسى بۋداپەشت پارلامەنتى 23-ماۋسىمدا وتكىزىلگەن ماجىلىسىندە پارلامەنتتىڭ قولداۋىنان وتكەننەن كەيىن، بۋداپەشتتىڭ وليمپيادا سپورت جارىسىن وتكىزۋگە ءوتىنىش بەرۋىن قولدايتىندىعىن بەلگىلەگەن.
وسى كەزەكتى وليمپيادا سپورت جارىسىن وتكىزۋگە ءوتىنىش بەرۋدىڭ اياقتالۋ مەرزىمى 15-قىركۇيەككە دەيىن بولىپ، حالىقارالىق وليمپيادا سپورت كوميتەتى 2016-جىلى ءوتىنىش بەرگەن قالالاردىڭ ىشىنەن كانديدات قالالاردى تاڭداپ شىعىپ، 2017-جىلى داۋىسقا سالۋ ارقىلى ەڭ سوڭعى جارىس وتكىزىلەتىن قالانى بەلگىلەيدى ەكەن.
حالىقارالىق ءزايتۇن دوپ القالار كەڭەسىنىڭ ءتوراعاسى، فرانسيا حالىقارالىق دەنە تاربيە ىستەرى كوميتەتىنىڭ ءتوراعاسى لاپاسسەت پاريج وليمپيادا سپورت جارىسىن وتكىزۋگە ءوتىنىش بەرۋ كوميتەتىنىڭ ءتوراعالىعىنا تاعايىندالدى، حالىقارالىق وليمپيادا سپورت كوميتەتىنىڭ فرانسيالىق مۇشەسى ەستانگۋەت پەن توكيونىڭ 2020-جىلعى وليمپيادا سپورت جارىسىن وتكىزۋگە ءوتىنىش بەرۋ قىزمەتىنە سايكەسكەن فرانسيانىڭ دەربەس دەنە تاربيە ماماندارى ءىس ورنىنىڭ جاۋاپتىسى توبۆا دا وليمپيادا سپورت جارىسىن وتكىزۋگە ءوتىنىش بەرۋ قىزمەتىنە قاتىناسپاقشى.
لاپاسسەت 23-ماۋسىمدا وتكىزىلگەن احپار جاريالاۋ ماجىلىسىندە ۇكىمەت مالىمدەمەسىن جاريالاپ: « ءبىز پاريج قالاسىنىڭ 2024-جىلعى وليمپيادا سپورت جارىسى مەن مۇگەدەكتەر وليمپيادا سپورت جارىسىن وتكىزۋگە ءوتىنىش بەرۋىن قۋانىشتى تۇردە رەسمي بەلگىلەدىك، بۇل ءبىزدىڭ ءوتىنىش بەرۋ ساپارىمىزداعى العاشقى اسۋىمىز، ءبىز پاريج قالاسىنىڭ وليمپيادا سپورت جارىسىن وتكىزۋگە ءوتىنىش بەرۋى پاريج قالاسىنداعى، ءتىپتى بۇكىل فرانسياداعى، سونداي – اق دۇنيە جۇزىندەگى وليمپيك سپورت جارىسىن سۇيەتىن بارلىق ادامداردىڭ قىزعىندىلىعىن ارتتىرىپ، شابىتتاندىرىپ جانە ىنتىماقتاستىراتىندىعىنا سەنىمىمىز كامىل » دەدى.
23-ماۋسىم « وليمپيك كۇنى » ەدى، 121 جىلدىڭ الدىنداعى وسى كۇنى حالىقارالىق وليمپيادا سپورت كوميتەتى پاريجدە رەسمي قۇرىلعان، پاريجدە كەزىندە، ياعني 1900-جىلى مەن 1924-جىلى ەكى كەزەك جازدىق وليمپيادا سپورت جارىسى وتكىزىلگەن.
« وسى زامانعى وليمپيكتىڭ اتاسى » اتانعان كۋبەرتيننىڭ تۋىلعان جەرى بولعان پاريج قالاسىنىڭ 1992-جىلعى، 2008-جىلعى جانە 2012-جىلعى وليمپيادا سپورت جارىسىن وتكىزۋگە ءوتىنىش بەرۋى ىلگەرىندى – كەيىندى ساتسىزدىككە ۇشىراپ، جەكە – جەكە بارسەلونا، بەيجيڭ جانە لوندونعا ۇتتىرىپ قويدى. ەگەر 2024-جىلعى وليمپيادا سپورت جارىسىن ءساتتى وتكىزە الاتىن بولسا، وندا بۇل فرانسيانىڭ استاناسىندا تۋپ-تۋرا 100 جىلدان كەيىن وتكىزىلگەن تاعى ءبىر كەزەكتى وليمپيادا سپورت جارىسىنا اينالماق.
پاريج وليمپيادا سپورت جارىسىنا ءوتىنىش بەرۋ كوميتەتىنىڭ جاريالاعان ساناعىنا نەگىزدەلگەندە، پاريج قالاسىنىڭ وسى رەتكى جازدىق وليمپيادا سپورت جارىسىن وتكىزۋگە دايىنداعان مەجە ەسەبى 6 ميلليارد 200 ميلليون ەۆرو ( شامامەن 43 ميلليارد يۋان ) بولىپ، مۇندا 3 ميلليارد ەۆرولىق نەگىزدىك قۇرىلىس قاراجاتى مەن 3 ميلليارد 200 ميلليون ەۆرولىق تاسىمال قاراجاتىن قامتيدى. پاريجدە قازىرگى بار بولعان الاڭداردان 1998-جىلعى الەمدىك فۋتبول ساۋىتىنا تالاسۋ جارىسىنىڭ شەشۋشى جارىسى وتكىزىلگەن فرانسيا سپورت الاڭى مەن ءجۇز جىلدىق فرانسيا تور دوپ جارىسى وتكىزىلگەن رولاند-گارروس تور دوپ ورتالىعى جانە پاريجدىڭ قالاماڭىنداعى جاڭادان سالىنعان جاڭا ۇلگىدەگى ۆەلوسيپەد الاڭى بار، سونداي – اق پاتشا سارايى مەن ەيفەل تەمىر مۇناراسىنىڭ الدىنداعى مارس الاڭى سياقتى قالاعان ۋاقىتتا سپورت الاڭىنا وزگەرتۋگە بولاتىن ايگىلى ورىندار بار، تەك مالتاۋ سارايى، وليمپيادا قىستاعى جانە احپارات ورتالىعىن جاڭادان سالسا بولعانى.
فرانسيا وليمپيادا سپورت كوميتەتىنىڭ ءتوراعاسى ماسسەريا ماجىلىستە پاريج قالاسىنىڭ وليمپيادا سپورت جارىسىن وتكىزۋگە ءوتىنىش ەتۋى حالىقارالىق وليمپيادا سپورت كوميتەتىنىڭ « 2020-جىلعى وليمپيك كۇن ءتارتىبىنىڭ » رەفورما رۋحىنا بويسۇنىپ، ءبىر كەزەكتى «جاندى دا جالىندى وليمپيادا سپورت جارىسىن » وتكىزىپ، فرانسيا مەن پاريجدىڭ كوپ نەگىزدى تىڭ ومىرشەڭدىك كۇشكە يە قوعامى، مادەنيەتى جانە سپورت ءداستۇرىن شىنايى ايگىلەمەكشى ەكەندىگىن ايتتى.
فرانسيانىڭ زۇڭتۇڭى حوللاند پاريج قالاسىنىڭ وليمپيادا سپورت جارىسىن وتكىزۋگە ءوتىنىش بەرۋىن قولدايتىندىعىن ءبىلدىردى، زۇڭتۇڭ سارايىنىڭ ءارقايسى احپارات دانەكەرلەرىنە جولداعان مازمۇنداماسىندا زۇڭتۇڭنىڭ 2024-جىلعى وليمپيادا سپورت جارىسى مەن مۇگەدەكتەر وليمپيادا سپورت جارىسىن وتكىزۋگە ءوتىنىش بەرۋدى جاريالاعان فرانسيا وليمپيادا سپورت كوميتەتى مەن پاريج قالاسىن قۇتتىقتايتىندىعىن، فرانسيا ۇكىمەتىنىڭ دەنە تاربيە قيمىلى مەن پاريج قالاسىنىڭ وليمپيادا سپورت جارىسىن وتكىزۋگە ءوتىنىش بەرۋىن بار كۇشپەن قولدايتىندىعىن بىلدىرگەن.
پاريج قالاسىنىڭ باستىعى حيدالگو پاريج قالاسىنىڭ وليمپيادا سپورت جارىسىن وتكىزۋگە ءوتىنىش بەرۋدى رەسمي جاريالاۋ ناق مايدانىندا بۇل قىزمەتتى قولدايتىندىعىن ءبىلدىرىپ: « پاريجدىڭ وسىزاماندانعان ورتالىق قالانىڭ ىنتىماقتىلىعى مەن تاباندىلىعىن تولىق ايگىلەۋگە كۇش سالاتىندىعىن ءارى مۇنىڭ جەڭىسكە جەتۋىمىزدەگى شەشۋشى ءتۇيىن ەكەندىگىنە سەنىمىم كامىل» دەدى.
ءىس جۇزىندە حيدالگونىڭ پاريجدىڭ وليمپيادا سپورت جارىسىن وتكىزۋگە ءوتىنىش بەرۋىن قولداۋى باستالا سالعاندا مۇنداي باتىل بولا قويماعان، بىلتىر جۇرتشىلىقتىڭ پاريج قالاسىنىڭ 2024-جىلعى جازدىق وليمپيادا سپورت جارىسىن وتكىزۋگە ءوتىنىش بەرگەنى ءجون بە، الدە 2025-جىلعى الەمدىك كورمەنى وتكىزۋگە ءوتىنىش بەرگەنى ءجون بە دەگەن ماسەلەسى جونىندە ايەل قالا باستىعى بولعان ول ەكى ۇداي بولعان ەدى، جىل سوڭىندا زۇڭتۇڭ حوللاند ءبىر رەتكى تەلەۆيزوردا سۇحپاتتا بولعاندا وليمپيادا سپورت جارىسىن وتكىزۋدى قولدايتىن سىڭايىن بىلدىرگەننەن كەيىن، ول دەرەۋ لەبىز ءبىلدىرىپ،زۇڭتۇڭ دا پاريج ۇكىمەتىنىڭ وليمپيادا سپورت جارىسىن وتكىزۋ-وتكىزبەۋ جونىندە دەربەس تالعام جاساۋىن بەلگىلەي المايتىندىعىن ايتقان بولاتىن.
23-ماۋسىمداعى احپار جاريالاۋ ماجىلىسىندە حيدالگو تىلشىگە ءوزىنىڭ يدەياسىن وزگەرتۋگە مۇرىندىق بولعانى بىرىنشىدەن، قاراماققا بولىمدىلىعى توتەنشە كۇشتى بولعان وليمپيادا سپورت جارىسىن وتكىزۋگە ءوتىنىش بەرۋ جونىندەگى دوكلات بولسا، ەكىنشىدەن، پاريج قالاسىندا لاڭكەستىك وق شىعارۋ وقيعاسى تۋىلعاننان كەيىن سان ميلليونداعان پاريج حالقىنىڭ ەرەۋىل وتكىزىپ، ىنتىماقتى دارىپتەۋ رۋحىنىڭ ىقپالى ەكەندىگىن ايتتى.
رەداكتورى: ارداق كامالقان قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.