دجوكوۋيچ پەن سەرەنا ۋيلليامس ۋيمبلدون تور دوپ جارىسىنىڭ ەر،ايەل جەكە ادامدىق ءتۇرىنىڭ ەڭ مىقتى سپورتشىلارىنا اينالدى

     ۋيمبلدون تور دوپ جارىسىن ۇيىمداستىرۋ كوميتەتى 24-ماۋسىمدا ايگىلى سپورتشىلار ەسىمدىگىن جاريالادى، سەربيانىڭ ايگىلى سپورتشىسى دجوكوۋيچ پەن ا ق ش-تىڭ ايگىلى سپورتشىسى سەرەنا ۋيلليامس جەكە-جەكە ەرلەر مەن ايەلدەردىڭ جەكە ادامدىق جارىسىنىڭ ەڭ مىقتى سپورتشىلارىنا اينالدى. پىڭ شۋاي جارالانىپ، جارىسقا قاتىناسا الماعاندىقتان، ەلىمىز سپورتشىلارىنان مىقتى   سپورتشىلار قاتارىنان ەشكىم ورىن الا المادى.

  ەلىمىزدىڭ ايگىلى سپورتشىسى جىڭ جيە مەن جۇڭحۋا تايبەي كومانداسىنىڭ سپورتشىسى جان يۇڭران ايەلدەردىڭ قوس ادامدىق جارىس تۇرىنەن 13-ورىندى يەلەدى.

  كەزىندە ۋيمبلدون تور دوپ جارىسىنىڭ اعا جۇلدەگەرلىگىن ەكى رەت ەنشىلەگەن نادال فرانسيا تور دوپ جارىسىنىڭ اعا جۇلدەگەرلىگىنەن ايرىلىپ قالعان سوڭ، دۇنيە جۇزىندەگى ورنى 10-ورىنعا ءتۇسىپ قالدى، بۇل ونىڭ ءتورتىنشى اينالماداعى جارىستا الدىڭعى ءتورت مىقتى سپورتشىمەن بەلدەسەتىندىگىن تۇسىندىرەدى. الايدا، ونىڭ ءتورتىنشى اينالماداعى جارىسقا جەتە الۋىنىڭ ءوزى قيىنعا سوعاتىن كورىنەدى، ويتكەنى وتكەن اپتادا وتكىزىلگەن ايەل پاتشا كلوبىنداعى جارىستا ول ءبىرىنشى اينالماداعى جارىستا جەڭىلىپ قاتاردان قالعان ەدى.

  نادال 2003-جىلى ۋيمبلدون تور دوپ جارىسىنا تۇڭعىش رەت قاتىناسقان ەدى، سودان كەيىن ءار جىلى الدىڭعى ءتورتىنشى ورىندا تۇراتىن مىقتى سپورتشى رەتىندە    جارىسقا قاتىناسىپ ءجۇردى، 2013-جىلعا بارعاندا بەسىنشى ورىنعا ءتۇسىپ قالدى.

  وسىندا 7 رەت اعا جۇلدەگەر بولعان        « شۆەتساريانىڭ ايگىلى سپورتشىسى » فەدەرەر دجوكوۋيچتەن كەيىن ەكىنشى ورىندى يەلەدى، ودان كەيىنگىلەرى مۋرراي ( ۇلى بريتانيا )، ۋاۋرينكا (شۆەتساريا )، نيشيكو ريكەي ( جاپونيا )، بەرديچ ( چەحيا )، راونيك ( كانادا )، فەررەر ( يسپانيا ) جانە سيليك ( حورۆاتيا ).

  ايەلدەردەن الدىڭعى 10 ورىندى يەلەگەندەر رەت – ءتارتىبى بويىنشا جەكە-جەكە سەرەنا ۋيلليامس پەن كۆيتوۆا ( چەحيا )، حالەپ ( رۋمينيا )، شاراپوۆا ( رەسەي )، ۋوزنياسكي ( دانيا )، سافاروۆا (چەحيا )، يۆانوۋيچ ( سەربيا )، ماكاروۆا ( رەسەي )، ناۆاررو ( يسپانيا )، كەربەر ( گەرمانيا ).


    بيىلعى ۋيمبلدون تور دوپ جارىسى 29-ماۋسىمدا باستالماقشى.



رەداكتورى: ارداق كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.