ەگەر ءبىر ءتۇيىر ءداندى جەل ايداپ توپىراعى قۇنارلى جازىققا اكەلسە، كەلەر جىلى، ءسوزسىز، جايقالا گۇل اشادى. ال قۇلازىعان قۇمدى شولگە تۇسسە، ءومىر بويى قاۋىز جارماي قۋراپ قالارى حاق. كىشكەنتاي بالاپان جۇمىرتقاسىن جارىپ شىققان ساتتە، كۇتىپ تۇرعانى اناسىنىڭ جۇمساق مامىعى بولسا، ءسوزسىز، جىلۋلىققا يە بولادى؛ ال كەرىسىنشە مىسىقتىڭ اشكوزدەنگەن جانارى بولسا،ودان ارعى تاعدىرىن ويلاۋعا دا باتىلىڭ بارمايدى.
ءار شوق گۇلدىڭ ءبارى ارانىڭ ماحابباتىنا يە بولا بەرمەس، ءاربىر جەمىس توڭكەلى جەرگە تۇسە بەرمەس، ءار تال كوبەلەك قۇرتىنىڭ ءبارى كوبەلەككە اينالا بەرمەس، كەز كەلگەن قۇس تامىلجىتا ءان شىرقاي بەرمەس. ادام ءومىرى كەيدە تەڭىز تولقىنىنا ۇقسايدى، كىممەن كىم قوسىلىپ ادەمى تولقىن شەڭبەرىن جاسايتىنىن ەشكىم دە بىلمەيدى. ەكى ادام قانشالىق جاقىن بولسا دا بۇيرىقسىز بولسا، ءبىرى، سولتۇستىك مۇزدى مۇحيتتىڭ ءبىر كەسەك مۇزى، ەندى ءبىرى، وڭتۇستىكتەگى ءبىر كەسەك تاس سپەتتى ماڭگى جىراق دەگەن ءسوز. بۇيرىعى بار ەكى ادامنىڭ ارالىعى قانشالىق الىس بولسا دا ءبىرى بۋعا اينالعان ءبىر تامشى سۋ بولسا، ال ەندى ءبىرى، سول سۋدىڭ ىشىندەگى ءبىر تۇيىر مولوكۋلا ىسپەتتى وتە جاقىن.
بۇيرىق دەگەنىمىز سانسىز ادامنىڭ ىشىندەگى بىرەۋىمەن جولىعۋ. «جۇگىرگەن المايدى، بۇيىرعان الادى». ەستۋگە قاراعاندا، قىزدار ءار رەت اق جولاق قالدىرىپ اعىپ تۇسكەن جۇلدىزداردى كورگەندە ءبىر كۇنى تاماشا جولىعۋ بولسا ەكەن دەگەن تىلەكتەرىن تىلەپ، ونىءومىر بويى كۇتۋگە ريزا ەكەن. بۇل ومىرىمىزدە قانشا ادامعا جولىعاتىنىمىزدى بىلمەيمىز، ءار رەتكى جولىعۋدى بۇيرىق دەۋگە دە كەلمەيدى. ال بۇيرىعىڭ تۋرا كەپ، تاعدىرىڭ جاراسقان سول ءساتتى، ءسوزسىز، ءتاڭىردىڭ ورنالاستىرۋى دەپ بىلگەيسىز.
اۋدارعان -
جانار قاناپيا قىزى
رەداكتورى: ارداق كامالقان قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.