ەەڭ جاڭا مازمۇندار
كۇزگى تەڭەلۋ كەزىندە جەر -جەر مول ءونىم الۋدىڭ قاربالاستىعىنا ءتۇستى
كۇزگى تەڭەلۋ كەزىندە جەر -جەر مول ءونىم الۋدىڭ قاربالاستىعىنا ءتۇستى
اۆتونوميالى رايوندىق پارتكوم تۇراقتى كوميتەتى كەڭەيتىلگەن ءماجىلىس اشتى كەزەكتەگى ىندەتتەن ساقتانۋ - تىزگىندەۋ قىزمەتىن ارناۋلى تاقىرىپتا اقىلداستى، ورنالاستىرۋ جاسادى
اۆتونوميالى رايوندىق ساۋدا - ونەركاسىپشىلەر بىرلەستىگىنىڭ (باس ساۋدا قوعامى) 12 - قۇرىلتايى وتكىزىلدى
شينجياڭ سۋ يگىلىگىن دامىتۋعا قارجى قوسۋ (توبى) شەكتى سەرىكتەستىگى قۇرىلدى
2022-جىلى 9-ايدىڭ 27- كۇنى 215-سان
شاۋەشەك قالاسىندا تۇڭعىش قارتتارعا قامقورلىق جاساۋ جاعىنان قوعامدىق قىزمەت وتەۋ ورتالىعى قۇرىلدى
ساۋانداعى ساقشىلار مەن حالىق قارا دەگەلەكتى قۇتقاردى
شاۋەشەك كەدەنى دالمە -ءدال شارا قولدانىپ، اۋىل شارۋاشىلىق قوسىمشا ونىمدەرىن يمپورت -ەكسپورت ەتۋدىڭ”جەدەل ارناسىن“ اشتى
ۇلگىلەردىڭ كۇش -قۋاتىن سەزىنىپ، ءداۋىردىڭ اتويشىسى بولۋعا قۇلشىنامىز
ەسىك اشۋ ورايىنان بىرگە يگىلىكتەنىپ، كوركەم بولاشاقتى بىرگە جاراتايىق
شي جينپيڭ بۇكىل ەلدەگى قالىڭ شارۋالاردىڭ جانە اۋىل شارۋاشىلىعى، اۋىل - قىستاق، شارۋالار شەبىندە قىزمەت ىستەپ جاتقان جولداستاردىڭ مەرەكەسىن قۇتتىقتادى جانە ولاردان شىنايى حال سۇرادى
ەرەكشەلىككە، باسىمدىققا يە كاسىپ سالالارى شوعىرىن جوعارى ولشەممەن، جوعارى ساپامەن جەتىلدىرۋگە، زورايتۋعا تاباندى بولۋ كەرەك
قول قويىلعان سوما ءبىر تريلليون يۋاننان استى، كوپتەگەن ەڭ جوعارى ورە جاراتىلدى
جىبەك جولى رۋحىن اسقاقتاتىپ، ازيا مەن ەۆروپانىڭ سەلبەستىگىن تەرەڭدەتەمىز
رەفورمانىڭ تابىستى تاجىريبەلەرىن مۇقيات قورىتىندىلاپ، پايدالانىپ، ارميانى رەفورما ارقىلى قۇدىرەتتەندىرۋدىڭ جاڭا جاعدايىن قۇلشىنا اشۋ كەرەك
باس شۋجي شي جينپيڭنىڭ ماڭىزدى ءسوزىنىڭ، ماڭىزدى بەكىتۋىنىڭ رۋحىن جەتكىزدى، دايەكتىلەندىردى
2022-جىلى 9-ايدىڭ 26- كۇنى 214-سان
2022-جىلى 9-ايدىڭ 24- كۇنى 213-سان
2022-جىلى 9-ايدىڭ 23- كۇنى 212-سان
تارباعاتايدىڭ ەرەكشە ونىمدەرىن تانىستىرىپ، باۋراۋ قۋاتىن ايگىلەدى
شي جينپيڭ 7 - كەزەكتى جۇڭگو − ازيا - ەۆروپا كورمەسىنە قۇتتىقتاۋ حات جولدادى
​7 - كەزەكتى جۇڭگو − ازيا - ەۆروپا كورمەسى اشىلدى
ءبىر نيەتپەن سەلبەسىپ، جىبەك جولىنىڭ تىڭ شۇعىلاسىن جازايىق
جىبەك جولى رۋحىن اسقاقتاتىپ، قول ۇستاسىپ، بولاشاقتا تەڭ يگىلىككە كەنەلەمىز
ەسىك اشىپ، سەلبەسىپ، بولاشاققا اتتانايىق
2022-جىلى 9-ايدىڭ 22- كۇنى 211-سان
ايماقتىق اكىمشىلىك مەكەمەسى شانشي يانچاڭ مۇناي توبىمەن، شينجياڭ تيانيە توبىمەن سەلبەستىك جۇلگەلىك كەلىسىمىنە قول قويىستى
ايماعىمىزدىڭ ۋاكىلدەر ۇيىرمەسى از ۇلتتاردىڭ اۆتونوميالى رايوندىق 10 -كەزەكتى ءداستۇرلى سپورت جارىسىندا سۇبەلى تابىسقا قول جەتكىزدى
قىزمەت ورنىن تياناق ەتىپ، كورىكتى تارباعاتايدى بىرگە قۇرامىز

ەلەس كەمەنىڭ سوڭعى ساپارى

جولدانعان ۋاقىتى : 2015/6/15 10:52:17

گابرەيل گارسيا ماركەس  (كولۋمبيا)

  سوناۋ ءبىر تۇندە مەكەندەرىنىڭ جانىنان بۇيىرىندە جىلت ەتكەن ءبىر وتى جوق، نە سىر ەتكەن ءۇن شىعارماي جىم-جىرت قالپىندا تۇتاس مەكەننەن دە ۇلكەن، شىركەۋدىڭ قوڭىراۋلى مۇناراسىنان دا بيىك، وراسان زور يەن جاتقان عيمارات سەكىلدى الىپتىعىن ايتىپ جەتكىزۋ مۇمكىن ەمەس مۇحيت كەمەسى اعىپ ءوتىپ، شىعاناقتىڭ كەلەسى جاق بەتىندەگى وتارشىلدىق زامانىنىڭ ءبىر كەزدە قۇلدار ساتاتىن جاعىسى، اينالىپ تۇراتىن ساۋلەلەگىشى ءار ون بەس سەكۋند سايىن مەكەندى اي جارىعى استىنداعى ۇيلەرى مۇلگىگەن قونىسقا اينالدىرىپ، قاپىرىققا شومعان كوشەلەرىنە قۇس قاناتىنىڭ سەرپۋىندەي سۇستى شۋاق جۇگىرتەتىن باعدارشامى بار، تەڭىز قاراقشىلارىنان قورعاناتىن بەكىنىستەر سوعىلعان قويۋ قاراڭعىلىقتا مۇلگىگەن قالاعا قاراي اسقان ۋاقىتتان بەرى ارادا وتكەن جىلداردىڭ ىشىندە جۋانداپ كەتكەن قارلىعىڭقى داۋىسىمەن ول مەن ءوزىمدى ولارعا ءالى تانىستىرامىن، ولارعا كورسەتەمىن دەپ قايتا-قايتا ايعايلاي بەرگەن، سول كەزدە ونىڭ قىزىل قارىن بالا كەزى، داۋىسىنىڭ دا ءالى بەكىمەگەن، شىڭكىلدەپ شىعاتىن كەزى، سوعان قاراماستان اناسى جاعادا ۇزاق وتىرىپ، ارفاسىنىڭ جەل ۇرلەگەن شەكتەرىنىڭ ۇنىنە قۇلاق تۇرۋگە رۇقسات بەرەتىن، سودان بەرى كەشە عانا بولعان وقيعا سياقتى. ول ءبارىن دە ەسىندە انىق ساقتاعان.

  باعدارشام ساۋلەسىنىڭ ۇشىعى بۇيىرىنە جاناسۋى مۇڭ، كەمە ساتىندە عايىپ بولدى، ساۋلە ارى اسقان ساتتە قايتادان كوزگە شالىندى، شىعاناققا كىرەر اۋىزدا كەمە بىرەسە پايدا بولىپ، بىرەسە قايتادان جوق بولىپ كەتىپ تىنىستايتىن سياقتى. اي شالىعى تيگەن ادامداي سۋ جولىن بەلگىلەيتىن باقانالاردى سيپالاقتاپ ىزدەپ كەلە جاتقان سىڭايلى، ءسويتىپ كەنەتتەن قۇبىلناماسىنا كىنارات تۇسسە كەرەك، باعىتىنان جاڭىلىپ، سۋ استىنداعى جارتاستارعا سوعىلدى دا شىڭ ەتكەن دىبىسىن شىعارماي، بولشەكتەلىپ كەتكەن قالپىندا تەڭىزگە باتىپ جۇرە بەردى. ادەتتە مۇنداي قاقتىعىستان كەيىن مەتالدىڭ جۇيكە تىتىرەتەر شيقىلى، كەمەنى قوزعايتىن بۇلقىنداردىڭ قۇلاق تۇندىرار جارىلىسى دۇڭكىلدەپ، قالانىڭ ءدال ىرگەسىنەن باستالىپ، دۇنيەنىڭ كەلەسى جاق بەتىندە بىتەتىن ءالى باعزىداعى جاراتىلعان قالپىندا جاتقان قالىڭ  نۋدىڭ  قيىر-قيىرىنداعى نە ءبىر قۇبىجىق بىتكەندى شىرقىراتسا كەرەك ەدى، سوندىقتان دا ول ادەپكىدە كورگەنىن ءتۇس ساناعان. ەرتەڭىندە شىعاناقتىڭ جالتىلداعان شالقارىن، قىرات-قىراتتى بوكتەرلەي شاشىلىپ جاتقان نەگرلەردىڭ لاشىقتارىن، گايانا اتكوشىرلەرىنىڭ ىشىنە بوتەگەلەرى اسىل تاستارعا تولى توتىلار قوندىرىلعان جەلكەندى وماندارىن كورگەن ونىڭ كوزى بۇعان ابدەن جەتكەن: ءيا، مەن جۇلدىزداردى ساناپ وتىرىپ ۇيىقتاپ كەتكەن ەكەنمىن، ءيا، مىناۋ ەرەك كەمە مەنىڭ كوزىمە ەلەستەگەن، سوندىقتان ول بۇل جايىندا ەشكىمگە ءتىس جارماعان، ارى-بەرىدەن سوڭ ءوزى دە ونى ەسىنەن شىعارعان. الايدا ارادا تۋرا ءبىر جىل وتكەننەن كەيىن ءدال سونداي ناۋرىز كەشىندە  تىمساقتاردىڭ  تەڭىزدەگى وينىن باقىلاپ وتىرعان، ول تاعى دا الگى مۇحيتتىڭ ەلەس كەمەسىن كوردى. وسىدان ءبىر جىل بۇرىنعى سياقتى تۇنجىر، ءتىلسىم، شىم-شىم تىنىستاپ، تاۋقىمەتتى تاعدىرىنىڭ ايداۋىمەن اعىپ وتە شىقتى. بۇل جولى مۇنىڭ ءوزى، البەتتە،  ەشقانداي  ءتۇس ەمەس ەدى. ول ءبارىن ايتىپ بەرمەك بولىپ، جۇگىرىپ اناسىنا كەلدى. اناسى بولسا، سودان كەيىن ءۇش اپتا بويى اھىلاپ-ۋھىلەۋمەن بولدى. قايداعى-جايداعىنى ويلاپ، باسىڭدى قاتىرعانىڭ قالاي دەپ سۇڭقىلدادى. سەنىڭ ويىڭدا ءبارى دە بىلىعىپ كەتكەن، ءدال ءبىر ۇرىلار قۇساپ، كۇندىز ۇيىقتاپ، تۇندە تەنتىرەگەننىڭ نەسى جاقسى دەپ كۇڭىرەندى. سول كۇندەرى اناسى قالاعا بارىپ، كۇيەۋىن ەسىنە الىپ قامىعىپ وتىرۋعا جايلى بىردەڭە ىزدەستىرۋدى ويلاپ جۇرگەن. ونىڭ دا دۇنيە كەشكەنىنە ون ءبىر جىلعا اينالىپ بارادى. اناۋ ءبىر تەربەلمەلى كرەسلوسىنىڭ بۇگىن-ەرتەڭ شاشىلىپ قالاتىن ءتۇرى بار. اناسى ءساتىن پايدالانىپ، قايىقشىدان سۋ استىنداعى جارتاستىڭ ۇستىمەن ءجۇزىپ  ءوتۋىن  وتىنگەن، ونىسى ۇلىن تەڭىزدىڭ استىندا نە ءبارىن ءوز كوزىمەن ايناداعىداي كورسىن دەگەنى: گۇلدەگەن تەڭىز جۇلدىزشالارىنىڭ اراسىندا ماحاببات وينىنا بەرىلگەن مانتارابيالار، باسقا ماڭداردا ىزدەسەڭ، تابىلۋى ناعايبىل جىلى سۋلاردا اسىرا سالعان قىزعىلت تەڭىز الابۇعالارى مەن كوكسەركەلەر، اپاتقا ۇشىراعان وتارشىلدىق زامانى كەمەلەرىنەن سۋعا كەتكەندەردىڭ قوعاشا جاپىرىلعان شاشتارى كورىنىس بەرگەن، الايدا سۋعا باتقان مۇحيت كەمەسىنىڭ ءىز-توزى سەزىلمەگەن.

دەگەنمەن، ول دا ايتقانىنان قايتپاي قاسارىسقان، سوندىقتان اناسى كەلەسى جىلى ناۋرىزدا وزىمەن بىرگە تەڭىز جاعاسىندا ءتۇن كۇزەتپەككە ۋاعدا ەتكەن. ەندەشە، اناسى سول كۇنى ساتىپ العان ورىنتاقتى - بۇل ءسوزدىڭ ءبىر ءمۇلتى  جوق، بۇل ورايدا اناسى ساتىپ العان ورىنتاققا قاتىستى فريەنسيس درەيك زامانىنىڭ بۇيىمى دەۋگە ابدەن بولادى. ونى اناسى ساۋدا ۇستىندە تۇرىكتەردەن ساتىپ العان. كەشكە وعان دەم الۋعا وتىرىپ، قايران، ولوفەرنەس، مىنا بارقىتپەن تىستالعان، پاتشا بەگىمىنىڭ جەرلەۋ كەزىندەگى كويلەگىنىڭ قيىعىنداي بارشىنمەن ادىپتەلگەن ورىنتاقتا وتىرىپ ءوزىڭدى ويلاۋدىڭ ءوزى كوڭىلگە مەدەت دەپ كۇڭىرەنگەن، دۇنيەدەن وزعان جۇبايى جايىندا ويلانعان سايىن تامىرلارىن قان كەرىپ وتىرعان جانداي ەمەس، تەرگە مالشىنىپ، بويى تىتىرەپ، مۇرنىنا شاڭ تولىپ جۇگىرگەن ادامداي، قانى شوكولاد سىندى قارايىپ قاتىپ، وكپەسىنە تولىپ كەتكەندەي كۇي كەشكەن.

تاڭ الدىندا ۇيىنە ورالعان ۇلى ونىڭ ورىنتاعىندا ءولىپ جاتقانىن كورگەن، بويى ءالى سۋي قويماعان، الايدا ىشىنەن جەگى قۇرتتار جەپ جاتقانداي، دەنەسى جارىم-جارتىلاي ءشىرىپ كەتكەن ەكەن. سودان كەيىن دە ءتورت سەنور ومىرمەن قوشتاسقان، اقىرى ەندىگى جەردە ەشكىمگە كەسەپاتى تيمەۋى  ءۇشىن ورىنتاقتى ادام قولى جەتپەيتىن الىسقا تەڭىزگە لاقتىرىپ تاستاعان، ويتكەنى جۇزدەگەن جىلدار  بويى  سان  ادام وتىرعان ورىندىققا دەم الۋ بىلاي تۇرسىن، كىمگە وپا تاپتىرسىن، ول بولسا جەتىمدىكتىڭ جەتىمسىز كۇيىن كەشكەن، وعان قوسا اينالا جۇرت ساداقا سۇراۋعا بارماي، بالىق ۇرلاۋمەن كۇنەلتكەن وعان ەلگە تاۋقىمەتتى تاق سيلاعان جەسىردىڭ بالاسى رەتىندە جاقتىرماي قارايتىندى شىعارعان. ال ونىڭ داۋىسى كۇننەن-كۇنگە قارلىعىڭقى تارتىپ قاتايا بەرگەن، ول ۋاقىت وتكەن سايىن وتكەندەگى ەلەستەردى دە ەسىنەن شىعارا  باستاعان. ءبىراق بىردە تاعى دا ناۋرىزدىڭ ناق سونداي كەزەكتى تۇنىندە ونىڭ جانارلارى مۇلدە كەزدەيسوق تاعى دا تەڭىز جاققا تۇسكەن، كەنەتتەن قۇدايدىڭ قۇدىرەتى، مىنە، كەرەمەت ۇلكەن، اسبەستەي اپپاق، وكىرىپ كەلە جاتقان ناھان بالىقتاي،«اناعان قاراساڭدارشى!- ول ەسىنەن ايرىلعان ادامداي ايعايلاي بەرگەن،-سول-سول ەكەن!» قۇلاق تۇندىرار ايعاي-شۋ كوتەرىلگەن. يتتەر ءۇرىپ، بالالار جىلاپ، ايەلدەر داۋىس سالعان، كونەكوز قارتتاردىڭ ءوزى باعزى زامانداعى بابالارىنىڭ قورقىنىشى بويلارىندا ويانىپ، عايىپتان ۋيليام  ديەمپير  قايتا ورالعان ەكەن دەگەن ويمەن توسەكتەرىنىڭ استىنا تىعىلعان.

الايا سىرتقا جۇگىرە-جۇگىرە شىققان ادامدار تەڭىز جاققا كوز سالماعان. مويىندارىن بۇرسا بولعانى، سوندا مىنا ادام سەنبەيتىن كەمەنى كوزدەرىمەن كورىپ، ونىڭ باعىتىنان جاڭىلىپ، جىل سايىنعى اپاتقا قالاي ۇشىرايتىنىن كورەتىن ەدى عوي. ەسەسىنە ولار مۇنى سىلەيتە ساباپ سالعان. ەندەشە دەگەن مىنالارعا مەن ءوزىمدى ءالى تانىتامىن، ىزاعا بۋلىعىپ اۋزىنان سىلەكەيى شاشىراعان ول ءالى بۇلارعا دالەلدەيمىن دەپ كىجىنگەن، الايدا تۇپكى ويى جونىندە جان بالاسىنا جاق اشپاعان، ءبىر جىل تۇپكى پيعىلىن ىشتەي جانىعان،ولار ءالى مەنى تانيدى، مەن ولارعا كورسەتەمىن! ول ناقتى نىسانانى توسقان، قولىنا تۇسكەن قايىققا سەكىرىپ شىعىپ، شىعاناقتىڭ كەلەسى جاعىنا ءجۇزىپ شىعۋدى ويلاستىرعان، ساعاتىن توسقان ول ۇزاق كەش بويى قۇل ساتاتىن جاعىستىڭ ساۋدا شاتىرلارىنىڭ اراسىندا، كارايب تەڭىزى ساۋداگەرلەرىنىڭ الا-قۇلا توبىنىڭ ورتاسىندا سەندەلىپ، جۇرگەن دە قويعان، كۇتكەن وقيعاسىن كۇيتتەگەن  ول  ادەتتەگىدەي  ءپىلدىڭ  تۇتاس ءمۇيىز مۇرتىنان ويىپ جاسالعان ءپىلتاس بەينەلەردى قىزىقتاۋ ءۇشىن ۇندىستەردىڭ شاتىرلارىنىڭ الدىنا دا كىدىرمەگەن.  سىرعىمالى  ورىنتاقتارعا وتىرعان گوللانديالىق نەگىرلەردى اجۋالاي كۇلكىگە اينالدىرۋدان دا تيىلعان، ءاپ-ساتتە بايىپ شىعا كەلەتىن جەرلەر تۋرالى ەرتەكتەرگە ەلىتىپ، كۇللى دۇنيەنى شارلاپ شىققان جىلان تەرىلى مالايلىقتاردان دا بۇرىنعىسىنشا ۇرەيلەنىپ، شورشىپ كەتپەگەن. ول دۇنيەنىڭ بارىنە ەنجار كۇي كەشكەن، الايدا اسپانداعى جىمىڭداسقان جۇلدىزدارمەن، ۇيەك نۋدان ەسكەن گۇلدەرمەن، شىرىگەن كەسەرتكەلەردىڭ جىلىمشى يىسىمەن اينالانى ءتۇن تۇمشالاعان كەزدە ول ۇرلاپ العان قايىعىنىڭ ەسكەكتەرىن بارىنشا  سىلتەي ەسىپ كەلە  جاتتى.  شامىن ءوشىرىپ تاس قاراڭعىدا شىعاناقتىڭ شىعار اۋزىنا قاراي باعىت ۇستادى، ءار ون بەس سەكۋند سايىن مۇنارا شامىنىڭ جاسىل جاق بۇيىردەگى ساۋلەسىمەن جارىق شاشىپ تۇرعان جاعالىق پوليتسيانىڭ نازارىنا ىلىكپەۋ ءۇشىن تىنشي قالىپ، قاراڭعىلىق قايىرا تۇسكەندە قايتادان ەسەدى، سۋ جولىن بەلگىلەيتىن باقانالارعا دەيىن جاقىن قالعانىن سەزىپ كەلەدى، ەسكەكتەرىن سىلتەگەن سايىن ولاردىڭ جارىعى جاقىنداي تۇسكەنىنەن دە ەمەس، سۋ تىنىسىنىڭ سايابىرسۋىنا بايلانىستى دا اڭدىپ كەلەدى. ءوزىنىڭ ويلارىنا بەرىلگەن ول ەسىپ كەلەدى، مەزگىل دە سونە قالعانداي، ءتۇن قاراڭعىلىعىنىڭ نەگە قويۋلانىپ كەتكەنىن دە اۋەلگىدە اڭداي المادى.

  بارىنەن دە ايرىقشا تۇنجىر قارا وراسان زور مۇحيت كەمەسى بولاتىن. ءۇش ءجۇز مىڭ توننا قۇرىش ءيىسىنىڭ ونىڭ قايىعىنا جاقىن كەلگەنى سونشا، ول قۇرىشتان قۇيىلعان الىپتىڭ جاپسار جىمدارىن انىق كوردى، قاپتاعان اينەك كوزدەرىنەن جىلت ەتكەن ساۋلە كورىنسەشى، مەحانيزمدەرى تىرس ەتكەن ءۇن شىعارساشى، تيتتەي تىرشىلىك بەلگىسى سەزىلسەشى. تەك قانا كەمە اكەلگەن ەرەكشە ءتىلسىم تىنىشتىق بار، قاڭىراپ قالعان ەرەكشە  بوس  اسپان  بار، ەرەكشە مۇلگۋلى ءولى اۋا، ۋاقىتتىڭ ەرەكشە باياۋ ءجۇرىسى سەرپىلگەندەي ءبارى دە جوق بولىپ كەتتى. سول ساتتە كارايب تەڭىزىنىڭ مولدىرلىگى، ناۋرىز ءتۇنى، پەليكانداردىڭ كۇن قۇرعاتپاس جىرى قايتا ورالدى. ول باقانالاردىڭ ورتاسىندا جالعىز قالدى، نە ىستەرىن بىلمەي اڭىرعان ول وسىنىڭ ءبارى ماعان ەلەستەگەننەن ساۋ ما، بۇگىن عانا ەمەس، ەجەلدەن  بەرى ەلەستەپ كەلگەننەن امان با دەپ تاڭىرقاعان، وسىنى ويلاۋى مۇڭ ەكەن، ءبىر قۇپيا لەپ بىرىنشىسىنەن باستاپ، سوڭعىسىنا دەيىن بارلىق باقانالاردى ۇرلەپ ءوشىرىپ جىبەردى. مۇنارا شامنىڭ ساۋلەسى باسقا جاققا  قاراي ويىسقان بەتتە، الىپ كەمە قايتادان پايدا بولدى. ءبىراق بۇل جولى قۇبىلناماسى ىستەن شىققان سىڭايى بار، قانداي سۋدا، قاي مۇحيتتا جۇرگەنىنەن دە بەيحابار كوزگە كورىنبەيتىن سۋ جولىن سيپالاپ ىزدەپ جىلجىپ كەلە جاتقان سەكىلدى. الايدا بارعان سايىن سۋ استى جارتاستارىنا قاراي اۋىپ بارا جاتقانىن اڭداماعان ءتۇرى بار، اقىرى وشكەن باقانالاردىڭ تاۋسىلىپ بىتپەس تاعدىر تالكەگىنىڭ ءبىر تۇيىنشەگى عانا ەكەنىن سەزىنە قالعان ول قايىعىندا اناۋ مۇنارا باسىنداعى جاعالاۋ پوليتسياسىنىڭ مازاسىن المايتىن، دەگەنمەن، كەمە لوتسيامانىنا كۇن سياقتى باعىت سىلتەيتىن كىشكەنتاي عانا قىزىل شام جاقتى، سول كىشكەنە شامنىڭ قۇدىرەتىمەن كەمە باعىتىن تۇزەۋ امالدارىن جاساپ، سۋ جولىنىڭ كەڭ  ارناسىنا ءتۇستى. سول مەزەتتە ونىڭ بارلىق شامدارى جارقىراپ شىعا كەلدى، قايتادان تىنىستاپ قويا بەردى.

اسپاندا جۇلدىزدار جامىرادى، تەڭىز بەتىندە قالقىعان جانۋارلاردىڭ ءولى دەنەلەرى شىم باتىپ سۋ تۇبىنە كەتتى. اسحانادا تارەلكەلەر شىلدىرلاپ، لاڭگى جاپىراقتىڭ ءيىسى اڭقىدى، اي ساۋلەسىنىڭ جارىعىندا پالۋباداعى وركەستر ساز شاشتى، اشىق تەڭىزدە ءبىر-بىرىنە عاشىق بولىپ قالعان جانداردىڭ جۇرەكتەرى قارا كۇڭگىرت كايۋتالاردا القىمدارىنا تىعىلدى، الايدا وكپەسى ءالى دە تارقاي قويماعان ول سەزىمگە بوي الدىرماي، كوز الدىنداعى مىنا عاجايىپتان قورقىپ قوپاڭداماي، بۇرىنعىدان بەكەم بەل بايلاپ، وسى قازىر، ايتپەسە قۇرىپ قانا كەتەيىن دەپ قۇشىرلانا قايتالادى. سايتان العىرلار، مەن ولارعا كورسەتەم، ولارعا تانىستىرامىن، ول ەندى مىنا الىپتىڭ ءوزىن جانشىپ جىبەرمەۋى ءۇشىن كەمەنى بۇيىرلەي جۇزبەي، ونىڭ الدىنا ءتۇسىپ ەسە جونەلدى، ويتكەنى سالدەن كەيىن دەيدى ول: مەن ولاردىڭ بارىنە دالەلدەيمىن.

ءسويتىپ ول كەمەنىڭ ءوزىنىڭ ىعىنان ەشقايدا شىقپاسىنا ابدەن كوزى جەتكەنشە، ءوزىنىڭ شامىمەن كەمەنى باعدارلاي بەردى، سول كەزدە ول باعداردى وزگەرتىپ كەمەنى جاعىسقا قاراي باستادى، كوزگە تۇسپەيتىن ارنادان الىپ شىعىپ، جەتەگىندەگى قوزىداي ۇيقىداعى مەكەننىڭ وتتارىنا قاراي سۇيرەلەدى، ەندىگى جەردە بۇل باسقا كەمە ەدى. مۇنارا شامنىڭ جارىعىنا الدىرمايتىن، بۇرىنعىداي ونىڭ ساۋلەسىنە ءسىڭىپ جوق بولىپ كەتە بەرمەي، تەك ون بەس سەكۋند سايىن ونىڭ قۇرىش جاقتاۋلارىندا ساۋلە جىلتىلداعان تىنىسى بار ءتىرى كەمە ەدى، مىنە شىركەۋ  كرەستەرى، مىجىرايعان جاتاعان ۇيلەر كورىندى، سولاي ما ەكەن. كەمە جۇرەك جاق بۇيىرىنە جانتايعان  ۇيقىداعى كاپيتانىن، كورريداعا ارنالعان بۇقالارىن، ەمحاناسىنداعى جاپادان-جالعىز ناۋقاسىن، ىدىستارىنداعى ەشكىمگە قاجەتسىز سۋىن، جاعىستى جارتاسقا ۇقساتىپ جاڭىلىسقان لوتسەمانىن الا سالا مۇنىڭ سوڭىنان كەلە جاتىر، قاتەسىن ۇققان بەتتە وزاننىڭ اۋانى جارىپ جىبەرگەن قۋاتتى ءۇنى شىقتى، ول كەمەنىڭ ءۇستىن جاۋىپ كەتكەن بۋىنان ءاپ-ساتتە مالشىنىپ شىعا  كەلدى. وزان  ءۇنى تاعى دا كۇڭىرەنىپ كەتتى، قايىق اۋىپ قالا جازدادى، قايتادان وزان ءۇنى شىقتى، ءبىراق كەش قالدى.

  مىنە، قول سوزىمدا جاعالاۋداعى ۇلۋ تاستار، كوشە تاستارى، بارلىق   سەنبەستەردىڭ  ۇيلەرىنىڭ ەسىكتەرى، ۇرەي بۋعان كەمەنىڭ وتتارى كۇندىزگىدەي جارقىراتىپ جىبەرگەن مەكەن. مىنە، جاتىر، وسى قيامەت اپاتتىڭ ورىن الۋىنا ىڭعاي بەرىپ، ءبىر جاعىنا قاراي، ارەڭ دەگەندە جالت بۇرىلىپ ۇلگەرگەن ول، ال نە، جەكسۇرىندار، ەندى سەندىڭدەر مە دەپ ايعايعا باستى، داۋىسىن قۇلاق تۇندىراتىن  ساتىر-گۇتىردەن اسىرىپ، كەلەسى ساتتە وراسان زور قۇرىش تۇرىق جەردى جارىپ بارىپ توقتادى. كەمەنىڭ كۇللى ۇستىڭگى قاباتىنداعى شامپان قۇياتىن توقسان مىڭ بەس ءجۇز كوزەلەكتىڭ سالدىر-گۇلدىر سىنعانى  ەستىلدى.

  سول كەزدە جارىق ءتۇستى، الايدا بۇل ناۋرىزدىڭ بوزامىق تاڭى ەمەس، سىرباز سارسەنبىنىڭ جارقىراعان تال ءتۇسى ەدى. ول ەندى بۇل دۇنيەدە ەشنارسەمەن سالىستىرۋعا كەلمەيتىن، بارىنەن دە ۇلكەن، اينالاداعىنىڭ بارىنەن دە اق، قوڭىراۋلى مۇنارادان جيىرما ەسە بيىك، مەكەننىڭ وزىنەن جيىرما ەسە ۇزىن، ءولى تەڭىزدەردىڭ ەجەلگى سۋلارى جىلت-جىلت ەتىپ اعىپ جاتقان تەڭكيگەن بۇيىرىندە  «حالالچيللاگ» اتاۋى بار شىركەۋدىڭ الدىنا كەلىپ شوگىپ جاتقان الىپقا اۋىزدارىن اشىپ اڭىرا قاراعان ادامدارعا ماساتتانا كوز تاستادى.


اۋدارعان – كەڭەس يۇسۇپ




 
رەداكتورى: ارداق كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.

 
powered by IlgharCMS 3.2 www.ilghar.cn