حالىقارالىق جەڭىل اتلەتيكا الماس بىرلەسكەن جارىسىنىڭ بيرمينگەم بەكەتىندەگى جارىسى 7-ماۋسىمدا اياقتالدى. ەرلەردىڭ 100 مەترگە جۇگىرۋ جارىسىنا بولت سياقتى ايگىلى سپورتشىلار كەلە الماعانىمەن، تاريحي سيپاتتى تىڭ رەكوردتار جاراتىلىپ، جۇلدەگەرلىكتى ەنشىلەگەن ۇلى بريتانيالىق سپورتشى گەميلي تاريحتان بەرگى 100 مەترگە جۇگىرۋ جارىسىندا 10 سەكۋند ىشىندە كەلگەن 100- سپورتشىعا اينالدى.
گەميلي سول كۇنگى دايىندىق جارىستا 10 سەكۋندتا كەلىپ، ءوزىنىڭ ەڭ تاماشا ناتيجەسىن جاراتتى، شەشۋشى جارىستا كومبەگە تاياعاندا تىم كۇشەپ جۇگىرگەندىكتەن اياعىنىڭ ءسىڭىرى تارتىلىپ جىعىلىپ قالدى، الايدا، ەڭ سوڭىندا 9 سەكۋند 97 تاقىلدىق ناتيجەمەن ەكىنشى بولدى. ا ق ش سپورتشىسى بلاسي 9 سەكۋند 93 تاقىلدىق ناتيجەمەن اعا جۇلدەگەرلىكتى ەنشىلەدى.
جارىس ۇيىمداستىرۋ كوميتەتى جارىستان كەيىن گەميليدىڭ 100 مەترگە جۇگىرۋ جارىسىندا 10 سەكۋند ىشىندە كەلگەن 100- سپورتشىعا اينالعاندىعىن ايتتى. وسى بويىنشا ەسەپتەگەندە، 31-مامىردا ا ق ش –تا 9 سەكۋند 99 تاقىلدىق ناتيجە جاراتقان ەلىمىز سپورتشىسى سۋ بيڭتيان 99-سپورتشى ەسەپتەلەدى ەكەن.
21 جاسقا كەلگەن گەميلي كەزىندە چەلسي فۋتبول كلوبىنىڭ فۋتبولشىسى ەدى، كەيىن كەلە قىسقا ارالىققا جۇگىرۋگە ويىستى ءارى بىلتىرعى ۇلى بريتانيا فەدراتسياسىنىڭ سپورت جارىسىندا 100 مەترگە جۇگىرۋدەن جۇلدەگەر بولدى. ول: « كومەبەگە تاياي بەرگەنىمدە ءسىڭىرىم تارتىلىپ قالدى، الايدا، قازىرگى ناتيجەمە دە ءدان ريزامىن » دەدى.
ايەلدەردىڭ 200 مەترگە جۇگىرۋ جارىسىندا وليمپيادا سپورت جارىسىنىڭ بەس التىن مەدالىن يەلەگەن، ا ق ش – تىڭ ايگىلى سپورتشىسى فەليكس كوماندالاسى تارمودان جەڭىلىپ، ەكىنشى بولدى. الايدا، ەكەۋىنىڭ سوڭعى ناتيجەسى بەينە كەسكىندى كورۋ ارقىلى بەلگىلەنەتىن بولدى، ويتكەنى ەكەۋى دە 22 سەكۋند 29 تاقىلدىق ناتيجە جاراتتى.
ۇلى بريتانيا وليمپيادا سپورت جارىسىنىڭ اعا جۇلدەگەرى رۋزەرفورد ەرلەردىڭ الىسقا سەكىرۋ جارىسىنىڭ اعا جۇلدەگەرى بولدى. ول ەكىنشى رەتكى سەكىرۋدە 8.25 مەترلىك تاماشا ناتيجە جاراتقاندىقتان، سوڭعى ءۇش رەتكى سەكىرۋدەن باس تارتتى. ا ق ش – تىڭ ايگىلى سپورتشىسى حارتفيلد 8.23 مەترلىك ناتيجەمەن ەكىنشى بولدى.
ەرلەردىڭ ءۇش اتتاپ الىسقا سەكىرۋ جارىسىنىڭ اعا جۇلدەگەرلىگىن 17.4 مەترلىك ناتيجەمەن ا ق ش – تىق وليمپيادا سپورت جارىسىنىڭ اعا جۇلدەگەرى تايلور ەنشىلەدى. تايلور جارىستان بۇرىن ناق مايدانداعى كورەرمەندەرگە ۇلى بريتانيالىق ەدۋاردتىڭ 20 جىل ساقتاپ كەلگەن 18.29 مەترلىك رەكوردىن جاڭالاۋدى ارماندايتىندىعىن ايتقان. جارىستان كەيىن، ول كورەرمەندەرگە ءتىپتى دە جاقسى ونەرىن كورسەتۋ ءۇشىن بار ونەرىن سالعاندىعىن، قازىرگى ناتيجەسىنە وكىنبەيتىندىگىن بىلدىرگەن. ول وتكەن ايدا دوحادا وتكىزىلگەن جارىستا 18.04 مەترلىك تاماشا ناتيجە جاراتقان ەكەن.
يامايكالىق سپورتشى سپەنسەر 400 مەترگە كەدەرگىدەن اتتاپ جۇگىرۋ جارىسىنىڭ اعا جۇلدەگەرلىگىن ءۇرتىس 14- رەت ساقتاپ قالدى ءارى 54 سەكۋند 45 تاقىلدىق ناتيجەمەن وسى جارىس ماۋسىمىنداعى ءوزىنىڭ ەڭ تاماشا ناتيجەسىن جاراتتى.
ەرلەردىڭ 110 مەترگە كەدەرگىدەن اتتاپ جۇگىرۋ جارىسىنىڭ اعا جۇلدەگەرلىگىن 13 سەكۋند 20 تاقىلدىق ناتيجەمەن كۋبا سپورتشىسى وتگا ەنشىلەدى؛ پولشا سپورتشىسى ليكۋينكو 1.97 مەترلىك ناتيجەمەن ايەلدەردىڭ بيىككە سەكىرۋ جارىسىنىڭ اعا جۇلدەگەرى بولدى؛ ەرلەردىڭ نايزا لاقتىرۋ جارىسىنىڭ اعا جۇلدەگەرلىگىن 88.18 مەترلىك ناتيجەمەن چەحيالىق ۆەسەلي ەنشىلەسە، كەنيالىق ەگوزو دا 86.53 مەترلىك ەڭ تاماشا ناتيجەسىن جاراتۋمەن بىرگە، افريكا رەكوردىن جاڭالادى؛ حورۆاتيانىڭ وليمپيادا جانە الەمدىك جۇلدەلى جارىسىنىڭ اعا جۇلدەگەرى پەكوۆيچ 69.23 مەترلىك ناتيجەمەن ايەلدەردىڭ دەسكى لاقتىرۋ جارىسىنىڭ التىن مەدالىن ەنشىلەدى؛ الەمگە اتى ايگىلى سپورتشى شۋانيتز 19.68 مەترلىك ناتيجەمەن ايەلدەردىڭ شويىن دوپ لاقتىرۋ جارىسىنىڭ اعا جۇلدەگەرى بولدى. ايەلدەردىڭ سىرىقپەن بيىككە سەكىرۋ جارىسىندا 2011-جىلعى الەمدىك جۇلدەلى جارىستىڭ اعا جۇلدەگەرى، برازيليا سپورتشىسى سۋللەر 4.72 مەترلىك ناتيجەمەن اعا جۇلدەگەر بولدى.
ورتا جانە الىس ارالىققا جۇگىرۋدىڭ جۇلدەگەرلىگىن باياعىسىنداي افريكا سپورتشىلارى شەڭگەلىنەن شىعارمادى، مۇندا بوتسۆانانىڭ سپورتشىسى اموس ەرلەردىڭ 800 مەترگە جۇگىرۋ جارىسىنىڭ اعا جۇلدەگەرى بولسا، كەنيا سپورتشىلارى ايەلدەردىڭ 3 مىڭ مەتر ارالىققا كەدەرگىدەن ءوتۋ جارىسىنىڭ الدىڭعى ءۇش ورنىنءبىر-اق ەنشىلەسە، ەرلەردىڭ 5 مىڭ مەتر ارالىققا جۇگىرۋدىڭ اعا جۇلدەگەرلىگى مەن جۇلدەگەرلىگىن تاعى دا كەنيا سپورتشىلارى قانجىعاسىنا بايلادى.
رەداكتورى: ارداق كامالقان قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.