ەەڭ جاڭا مازمۇندار
كۇزگى تەڭەلۋ كەزىندە جەر -جەر مول ءونىم الۋدىڭ قاربالاستىعىنا ءتۇستى
كۇزگى تەڭەلۋ كەزىندە جەر -جەر مول ءونىم الۋدىڭ قاربالاستىعىنا ءتۇستى
اۆتونوميالى رايوندىق پارتكوم تۇراقتى كوميتەتى كەڭەيتىلگەن ءماجىلىس اشتى كەزەكتەگى ىندەتتەن ساقتانۋ - تىزگىندەۋ قىزمەتىن ارناۋلى تاقىرىپتا اقىلداستى، ورنالاستىرۋ جاسادى
اۆتونوميالى رايوندىق ساۋدا - ونەركاسىپشىلەر بىرلەستىگىنىڭ (باس ساۋدا قوعامى) 12 - قۇرىلتايى وتكىزىلدى
شينجياڭ سۋ يگىلىگىن دامىتۋعا قارجى قوسۋ (توبى) شەكتى سەرىكتەستىگى قۇرىلدى
2022-جىلى 9-ايدىڭ 27- كۇنى 215-سان
شاۋەشەك قالاسىندا تۇڭعىش قارتتارعا قامقورلىق جاساۋ جاعىنان قوعامدىق قىزمەت وتەۋ ورتالىعى قۇرىلدى
ساۋانداعى ساقشىلار مەن حالىق قارا دەگەلەكتى قۇتقاردى
شاۋەشەك كەدەنى دالمە -ءدال شارا قولدانىپ، اۋىل شارۋاشىلىق قوسىمشا ونىمدەرىن يمپورت -ەكسپورت ەتۋدىڭ”جەدەل ارناسىن“ اشتى
ۇلگىلەردىڭ كۇش -قۋاتىن سەزىنىپ، ءداۋىردىڭ اتويشىسى بولۋعا قۇلشىنامىز
ەسىك اشۋ ورايىنان بىرگە يگىلىكتەنىپ، كوركەم بولاشاقتى بىرگە جاراتايىق
شي جينپيڭ بۇكىل ەلدەگى قالىڭ شارۋالاردىڭ جانە اۋىل شارۋاشىلىعى، اۋىل - قىستاق، شارۋالار شەبىندە قىزمەت ىستەپ جاتقان جولداستاردىڭ مەرەكەسىن قۇتتىقتادى جانە ولاردان شىنايى حال سۇرادى
ەرەكشەلىككە، باسىمدىققا يە كاسىپ سالالارى شوعىرىن جوعارى ولشەممەن، جوعارى ساپامەن جەتىلدىرۋگە، زورايتۋعا تاباندى بولۋ كەرەك
قول قويىلعان سوما ءبىر تريلليون يۋاننان استى، كوپتەگەن ەڭ جوعارى ورە جاراتىلدى
جىبەك جولى رۋحىن اسقاقتاتىپ، ازيا مەن ەۆروپانىڭ سەلبەستىگىن تەرەڭدەتەمىز
رەفورمانىڭ تابىستى تاجىريبەلەرىن مۇقيات قورىتىندىلاپ، پايدالانىپ، ارميانى رەفورما ارقىلى قۇدىرەتتەندىرۋدىڭ جاڭا جاعدايىن قۇلشىنا اشۋ كەرەك
باس شۋجي شي جينپيڭنىڭ ماڭىزدى ءسوزىنىڭ، ماڭىزدى بەكىتۋىنىڭ رۋحىن جەتكىزدى، دايەكتىلەندىردى
2022-جىلى 9-ايدىڭ 26- كۇنى 214-سان
2022-جىلى 9-ايدىڭ 24- كۇنى 213-سان
2022-جىلى 9-ايدىڭ 23- كۇنى 212-سان
تارباعاتايدىڭ ەرەكشە ونىمدەرىن تانىستىرىپ، باۋراۋ قۋاتىن ايگىلەدى
شي جينپيڭ 7 - كەزەكتى جۇڭگو − ازيا - ەۆروپا كورمەسىنە قۇتتىقتاۋ حات جولدادى
​7 - كەزەكتى جۇڭگو − ازيا - ەۆروپا كورمەسى اشىلدى
ءبىر نيەتپەن سەلبەسىپ، جىبەك جولىنىڭ تىڭ شۇعىلاسىن جازايىق
جىبەك جولى رۋحىن اسقاقتاتىپ، قول ۇستاسىپ، بولاشاقتا تەڭ يگىلىككە كەنەلەمىز
ەسىك اشىپ، سەلبەسىپ، بولاشاققا اتتانايىق
2022-جىلى 9-ايدىڭ 22- كۇنى 211-سان
ايماقتىق اكىمشىلىك مەكەمەسى شانشي يانچاڭ مۇناي توبىمەن، شينجياڭ تيانيە توبىمەن سەلبەستىك جۇلگەلىك كەلىسىمىنە قول قويىستى
ايماعىمىزدىڭ ۋاكىلدەر ۇيىرمەسى از ۇلتتاردىڭ اۆتونوميالى رايوندىق 10 -كەزەكتى ءداستۇرلى سپورت جارىسىندا سۇبەلى تابىسقا قول جەتكىزدى
قىزمەت ورنىن تياناق ەتىپ، كورىكتى تارباعاتايدى بىرگە قۇرامىز

مۇھجيزا اينا

جولدانعان ۋاقىتى : 2015/6/1 11:57:59

ءازيز نەسيىن  (تۇركيا)

  شەت ەلدىڭ قورعاۋشى بولىمدەرىمەن ساۋدالىق بايلانىسى بار داۋىت ساياۋەردىڭ ۇيىندە مول داستارقان جايىلىپ، قوناعاسى بەرىلىپ جاتقان-دى. كەلگەن قوناقتاردىڭ اراسىنان بانكە باستىعى جانە  ونىڭ جاس كەلىنشەگى مەن ەتتى-جەندى بالدىزىن، ساياسي سالاداعى قايراتكەرلەردەن امزا  يەتمەز جانە ونىڭ بەدەۋ ايەلىن، ايگىلى قورا-جاي ساۋداگەرى مادەني بەي (مىرزا) جانە ونىڭ تۇيمە كوز حاتشىسى جىبەك حانىمدى،  ايدەندىك ساۋداگەرلەردەن اجى وسمان جانە ونىڭ اشىناسى پىستاكا  حانىمدى  كورە الاتىن ەدىڭىز.

  كەنەت اسەم ساز سارناپ جاتقان راديودان   دەكتوردىڭ  جاعىمدى اۋەزى كوتەرىلدى:

  «قۇرمەتتى تىڭدارماندار! سونىمەن تۇرىك كلاسسيك مۋزيكالارىنان بەرىلگەن  كەشكى  نومىرلەرىمىز اياقتادى. ەندى ەڭ جاڭا تاپقىرلىقتار پروگرامماسىن تىڭداي الاسىزدار. ميكروفون الدىندا بۇل سالانىڭ مامانى ماككا ماكىناجى».

  بانكە باستىعىنىڭ جاس كەلىنشەگى مۇرنىن ءشۇيىردى:

  -وسى ادامنىڭ داۋىسى توتەنشە جاعىمسىز، ءا!

  -وتىنەيىن، حانىم، ازىراق تىنىش وتىرا تۇرساڭىز. وتكەن اپتاداعى پروگرمماسىندا ول قاعازدان قايتىپ ماقتا جاساۋعا بولاتىندىعى جونىندە قىزىعارلىق ۇسىنىستارىن ورتاعا قويعان،- دەدى ايدەندىك اجى وسمان ونىڭ ءسوزىن ءبولىپ.

  ءدال سول شاقتا دەكتور ماككا ماكىناجىنىڭ ءۇنى ساڭقىلداي جونەلدى:

  «قۇرمەتتى تىڭدارماندار! ءبىز اپتالىق ەڭ جاڭا تاپقىرلىقتار پروگراممامىزدى باستاعان ءساليحالى ساتىمىزدە ا ق ش-تىڭ اتوم-يورىك قالاسىندا جاڭا اتوم ستانسياسى جۇمىسىن  باستاپ  كەتتى.  بۇل ستانسيا اتومدى ادامزات ءۇشىن  قىزمەت ەتتىرۋ ۇندەۋىنە ساي سالىنىپ وتىر. بۇل ستانسيادان  جەر شارىنىڭ بارلىق بۇرىش-پۇشپاقتارىنا دەرلىكتەي اتوم نۇرلارى تاراتىلادى. اتوم ەنەرگياسى سالاسىنداعى بۇل تاپقىرلىققا بۇكىل  ادامزاتتىڭ اقىلى جەتپەسى حاق. اتوم   نۇرلارىنىڭ اسەرىندە تورتكىل دۇنيەنىڭ قاي  بۇرىشىنداعى  اينا اتاۋلىدان، ءتىپتى، اينا زاۆودتان شىققان كۇننەن ءدال   قازىرگە دەيىنگى ۋاقىتتا، سول اينانىڭ الدىندا نە ىستەگەن بولسا، قايتادان كورىنەتىن بولادى. مىسالى، ۇيىڭىزدە ايناڭىز بولىپ، ونى  20 جىل بويى پايدالانىپ كەلگەن بولساڭىز، اتوم نۇرلارى تارالىسىمەن، ايناڭىزدان  20 جىل بارىسىندا ىستەگەن  ىستەرىڭىز كينو ەكرانىنداي ءبىر-بىرلەپ كورىنەتىن بولادى. قازىرگە دەيىن وتكىزىلگەن بارلىق تاجىريبە ءساتتى بولىپ شىقتى. سونىمەن اتالمىش تاپقىرلىعىمىز سىزگە بالالىعىڭىزدى، جاستىعىڭىز بەن ءسۇيۋ-كۇيۋ جونىندەگى ەستەمەلەرىڭىزدى قايتادان كوز الدىڭىزعا ءبىرىن قويماي ەلەستەتە الادى. ەرتەڭ تاڭەرتەڭ ساعات 9 دان كەيىن  ايناڭىزعا  قاراۋدى  ۇمىتپاڭىز».
بانكە باستىعىنىڭ جاس كەلىنشەگى شاتتانعاننان شاپالاق سوعا سويلەدى:

  -ءتاۋبا، قۇدايىم، مىنە قىزىق، مىنە مۇھجيزا! مەنىڭ بالا كۇنىمنەن بەرى جانىمنان تاستاماي جۇرگەن اينام بار-دى! شىركىن، ەندى ومىرىمدە باسىمنان كەشكەندەرىمدى قايتالاي  قىزىقتاي الاتىن بولدىم!

  قوناقتار داستارقاننان تۇرىپ،ءوزى ۇناتقان ادامدارىمەن  اتوم ەنەرگياسىنىڭ جاڭا مۇھجيزاسى جايلى قىسىر كەڭەسكە كىرىستى.

  ساياسي قايراتكەر امزا  يەتمەز قورا-جاي يەسى بولعان قۇرمەتتى مادەني بەيگە سىبىرلاي سويلەدى:

  -قۇرمەتتىم، بۇل جاڭا تاپقىرلىق، راسىندا، مۇھجيزا ەكەن. ول ۇمىت بولعان تالاي ىستەردى قايتا كورۋگە جاردەم بەرە الاتىن بولۋى مۇمكىن... ءبىر رەتتە حاۋىپسىزدىك مەكەمەسىندە دورەكى سوزدەر ايتىپ قويعاندىعىم ءۇشىن ءولىمشى قىلىپ ساباعان ەدى. ول جەردەن امالىن تاۋىپ قۇتىلىپ شىعىپ،  تىزگىن ۇشىندا شيپاحاناعا بارىپ، تاياق جەگەندىگىم ءۇشىن سىپات الىپ، سوتقا ارىز بەردىم. ءبىراق، مەنى كىمنىڭ ساباعانىن انىقتاعانى بىلاي تۇرسىن، سوت ادەيى ءوزىن-ءوزى جارالاندىرعان دەپ ۇكىم شىعارعان ەدى.

  -امزە بەي، تاياق جەگەنىڭ مەن اينانىڭ نەندەي قاتىسى بار؟- دەپ سۇرادى مادەني بەي.

  -نەگە قاتىسى بولماسقا؟ قاتىسى وتە كۇشتى. ويتكەنى مەن تاياق جەگەن حاۋىپسىزدىك مەكەمەسىنىڭ داۋالىندا اينا بارىن كورگەن ەدىم. مىنە، «اقيقات يىلەدى، سىنبايدى» دەگەن سول. مەن ولاردان قاتىرىپ وتىرىپ ءوشىمدى الا الاتىن بولدىم.

  - ءيا، ءسوزىڭىزدىڭ جانى بار ەكەن،- دەدى مادەني بەي ءسال ويلانعان سوڭ.

  - پا، مەن وسى مۇھجيزانىڭ ارقاسىندا 40-50 مىڭ ليرا اقشاعا قول جەتكىزە الاتىن بولۋىم مۇمكىن.

  -قايتىپ؟

  -وڭاي عوي! مەنىڭ ىشكابىما اينا ورناتىلعان. كاللاۋىزادتىڭ قىزى التىنگۇل ەكەۋىمىزدىڭ بولعان نەكە ىستەرىمىزدەن حابارىڭىز بار شىعار؟

  - البەتتە، مۇنى بارلىعى بىلەدى عوي.

  -كاللاۋىزاد قىزىن ماعان بەرۋدى قالامادى. نە ءۇشىن ەكەنىن كىم ءبىلسىن، قىز دا مەنەن تەز ارادا بويىن اۋلاققا سالدى. ءبىراق، ەندى كاللاۋىزادتىڭ كەلىستىرىپ وتىرىپ جازاسىن بەرەتىن بولدىم، قىزىن دا الامىن ءارى ميلليونەرگە اينالامىن.

  -قايتىپ جازاسىن بەرە قويماقشىسىز؟

  - التىنگۇل ەكەۋىمىز بولمەمدەگى ىشكابىمىزدىڭ الدىندا ۇنەمى عاشىقتىق ءلاززاتىنان يگىلىكتەنۋشى ەدىك. مىنە، ەندى ەرتەسى اينادان بارلىق كورىنىستەرىمىز قايتالاي كورىنەتىن بولدى. مەن ەرتەڭ-اق اينانى كاللاۋىزادتىڭ ۇيىنە اپارامىن. تۇسىنەتىن شىعارسىز، ول نە قىزىن ماعان بەرەدى، نە اينانى  ساتىپ الاتىن بولادى.

  -ەگەر وعان ۇناماساشى؟

  -ۇناماسا، ءتىپتى، جاقسى. مەن اينانى بەينە كينو كورسەتكەندەي ەلگە تاماشالاتامىن ءارى سودان  ءبىرتالاي اقشا دا تابا الامىن. جاساسىن، مۇھجيزا اينا!

    شەت ەلدىڭ قورعاۋشى بولىمدەرىمەن ساۋدا بايلانىسى بار داۋىت ساياۋەردىڭ ايەلى اجى وسمان بايورنىڭ اشىناسى پىستاكا حانىممەن سىبىرلاپ سويلەسىپ وتىردى:

  -الگى جاس جىگىتتى ۇمىتا الاتىن ەمەسپىن.

  -قابىلانبەكتى ايتاسىڭ با؟

  -ءيا، سونى. ول ساراماس نەمە مەنى تەز ارادا ۇمىتتى. ەرتەڭ اينا الدىندا وتىرىپ، ونىمەن وتكىزگەن ءلاززاتتى  تۇندەرىمدى قايتا باستان تاماشالاماسام...

   -مەندە   ەندى  ەرىمنەن ءوشىمدى الا الاتىن بولدىم، بالەم، ونى ايناعا قاراتىپ قويىپ، ونىمەن تۇڭعىش ۇشىراسقان كۇندەرىمىزدىڭ قانشالىقتى ءتاتتى ەكەنىن ءبىر كورسەتىپ قويماسام. قاراشى ەندى، ونىڭ قوجىراي قالعانىن. ەركەك اتاۋلىنىڭ بارلىعى كوزى بار سوقىر!

  قوناق ۇيگە جينالعاندار جاڭا تاپقىرلىق جونىندە اڭگىمەنىڭ كورىگىن قىزدىرا ءتۇستى.
 
  -تاڭ تەزىرەك اتسا ەكەن!- دەپ قايتالادى پىستاكا حانىم. ونى بانكە باستىعىنىڭ ەت-جەندىلەۋ كەلگەن بالدىزى قولپاشتاي ءتۇستى:

  -راس ايتاسىز، تاڭ تەزىرەك اتسا ەكەن، سابىرىم تاقا تاۋسىلدى، شىركىن، وتكەن كۇندەر، شىركىن، جاستىق شاعىم! كەلمەسكە كەتكەن كۇندەرىمدى قايتا ءبىر تاماشالاسام!

  بىرەۋلەر مۇھجيزا اينادان الدەقاشان و دۇنيەلىك بولعان اناسىن، بىرەۋلەر بالالىق شاعىن قايتالاي كورۋدى ارمانداستى. اياق استىنان ەسىك قوڭىراۋى شىلدىرلاپ قويا بەردى. ەسىك اشىلىسىمەن بۇل بولمەنىڭ جاڭا قوناعى بولعان اتاعى الاشقا تارالعان شيپاگەر شاھاپ جاناپىن كەلىپ كىردى. بەتى اپپاق قۋداي، قان-ءسولسىز.

  -سىزگە نە جەتتى، شيپاگەر، ءبىر جەرىڭىز جايسىزدانىپ تۇر ما؟- دەپ سۇرادى وسى ءۇيدىڭ بايبىشەسى.

  -سەندەر، ءتىپتى، ەشتەمەدەن حابارسىز با ەدىڭدەر؟ راسىندا، نە بولعانىن بىلە الماي وتىرعان بولدىڭدار عوي؟- دەدى شيپاگەر داۋىسى دىرىلدەپ.

  -نە بولدى شاھاپ؟ جامانات حابار بار ما؟

  -الگىندە عانا راديودا حابارلاپ ءوتتى، اينالاردان ىستەگەنىمىزدىڭ بارلىعى قايتالاي كورىنەدى ەكەن-مىس! بۇل اتوم نۇرىنىڭ جاردەمى ارقىلى ىسكە اسادى ەكەن. ال سەندەر بولساڭدار ەشتەمەدەن حابارسىز وتىرسىڭدار، كاپەرلەرىڭە الىپ تا قويماستان،  مارە-سارە  بولىپ وتىرعاندارىڭا بولايىن.

  قوناقتار شيپاگەردىڭ ءسوزىن ەستىپ، كۇلىپ جىبەرىستى.

  -حوش، مۇنىڭ نەسى جامان؟ سىزشە بۇل ءبىر كەرەمەت تاپقىرلىق ەمەس پە؟

     شيپاگەر شاھاپ دولدانا باقىرىپ-شاقىردى.

  -تاپقىرلىق دەگەندەرىن… باستارىڭا تونگەن حاۋىپتى بىلمەدىڭدەر مە،جىندانعاننان ساۋسىڭدار ما؟!

  ول سونى ايتىپ ەرلەردى ءبىر شەتكە قاراي باستادى.

  -بىلمەدىڭدەر مە، مىنا جاڭا تاپقىرلىق دەگەنى ماعان پالە تاۋىپ بەرەدى! وپەراتسيا ۇستەلىمنىڭ قارسى الدىندا ۇلكەن ءبىر اينا ءىلۋلى تۇراتىنىن كورمەپ پە ەدىڭدەر؟

  -ءيا،كورگەمىز، وعان بولا نە جەتەدى دەيسىڭ؟

  -ءۇي،سونى دا بىلە المادىڭدار ما؟ ماعان پالە بولدى، قۇرىدىم،ەل بەتىنە قايتىپ قارادىم؟! سەندەر ەرتىپ كەلگەن ەلدىڭ ايەلدەرى مەن قىزدارى... بالا تۇسىرتكەندەردىڭ... زورلىقپەن بوساندىرعاندارىڭ... بۇلاردىڭ بارلىعى ەرتەڭ ەرتەمەن قۇرىپ قالعىر اينادان قايتادان كورىنەتىن بولادى، سونىمەن بارلىق قۇپيالىعىمىز، سەندەردىڭ سىرلارىڭ دا كۇللى ەلگە پاش بولادى.

  سۋقانى ۇشقان ەركەكتەر ءبىر-بىرىنە قاراستى.

  -بۇل جاعىن  ويلاستىرماعان ەكەنبىز...

  -قان جاۋعىر!

  -بەتىمىزبەن جەر باساتىن بولدىق...

  -ىستەگەن قيانات-قىلمىستارىمىز... كەشىرىڭدەر، مەنىڭ ونداي دەمەكشى ويىم جوق ەدى...

  ەر ادامداردىڭ كۇبىر-سىبىر بولعانىن كورگەن  ايەل ادامدار دا الاڭداي قالدى. داۋىت ساياۋەردىڭ ايەلى ەدەمدە وكىنە شاعىندى:

     -سورلى باسىم-اي دەشى! ەندى عانا 20 جىلعا تولعان باقىتتى تۇرمىسىم وسىمەن تامام بولعانى ما؟ ەرتەڭ كۇيەۋىم بارلىعىنان حابار تاپسا قايتەمىن؟ اۋەلى، ونىڭ تۇڭعىش  شوفەرىمەن...  ارتىنان ەكىنشى شوفەرىمەن... ايناسى بار ۇيدە كوزىنە ءشوپ سالعان ەدىم عوي.

  -كۇندەردىڭ كۇنىندە اينانىڭ بارلىق سىرىمىزدى ايپاراداي اشىپ تاستارىن كىم ويلاپ كورگەن دەسەڭىزشى... - دەدى سىبىرلاپ پىستاكا حانىم.

  - ونىڭ قالتاسىنان، اميانىنان ءار كۇنى تاڭعا جاقىن ول ۇيىقتاپ جاتقاندا اقشا ۇرلاۋشى ەدىم. ەرتەڭ بارلىعىن بىلەدى دەشى!

  سول ساتتە ساۋداگەر اجى وسمان كۇبىرلەدى:

  -قىزمەتكەر ايەلمەن الگىندەي قىلمىسقا بارماسىم كەرەك ەدى، شايتان ازدىرعان ەكەن دە!

  وكىنىشكە تولى، وپىنعان ۇندەر جالعاسا بەردى. سوڭىنان قوناق بولمە قۇلاققا ۇرعان تاناداي جىم- جىرتتىققا شومدى. ازدان سوڭ، بۇل تىنىشتىقتى شاھاپتىڭ گۇرىلدەگەن ءۇنى بۇزىپ جىبەردى:

  -قۇرمەتتى حانىمدار ، مىرزالار! بۇل جاڭا تاپقىرلىق - مۇھجيزا اينا بارلىعىمىزدىڭ باقىتىمىزدى، تىنىشتىعىمىزدى بۇلدىرەتىنىنە ءالى دە كۇماندانىپ تۇرسىزدار ما؟

  -جوق،  اينا اتاۋلى ءبىزدى ولىمگە يتەرەدى ەكەن، وعان كۇمانسىزبىز.

  شيپاگەر ءار  ءسوزىن  نىقتاي وتىرىپ جالعاستىردى:

  -دەمەك، بارلىعى انىق بولدى. اتوم نۇرى تۇسكەن  اينا  اتاۋلى ومىرىمىزگە  حاۋىپ  توندىرەدى ەكەن!

  -تۋرا! تۋرا!.. ءبىراق، قولىمىزدان نە كەلەدى؟  قايتەمىز؟ ولاردان قۇتىلۋدىڭ  جولى بار ما ەدى؟

  -بۇل پالەكەتتەن قۇتىلۋدىڭ بىردەن-ءبىر جولى اينا اتاۋلىنىڭ كوزىن قۇرتىپ تىنۋ عانا بولماق!- دەدى شيپاگەر جۇدىرىعىن بىلەپ.

  مادەني بەي ونىڭ ءسوزىن قولداي جونەلدى:

  -بۇل عانا ەمەس،ءبىز ولاردى سىندىرىپ،  بىت-شىت  قىلىپ ۇگىتىپ تاستاۋىمىز كەرەك؟

  -ءيا، اينا اتاۋلىنى قالدىرماي سىندىرۋىمىز كەرەك.
 
  تۇيمە كوز حاتشى جىبەك حانىم ءبيازى دا جاعىمدى اۋەزدە ونىڭ ءسوزىن قوستاپ جاتتى:

  - ءيا، اينا اتاۋلىنى قالدىرماي شاعۋ كەرەك!

  بەكىمگە كەلگەن قوناقتار سونىمەن اسىعا-ۇسىگە ۇيلەرىنە قايتىستى.

  سول كۇنى قالادا تاڭ اتقانشا سالدىر-كۇلدىر ەتكەن ءۇن  باسىلمادى، بارلىق وتباسىلارىنان شالدىر-كۇلدىر، تارس-تۇرس ەتىپ سىنعان اينەكتەردىڭ داۋىسى ەستىلىپ جاتتى. بارلىق وتباسىنداعى اينا اتاۋلى شاعىلىپ تىنىش بولدى. ەرتەسى كوشە اتاۋلى سىنعان اينا پارشالارىنا تولىپ كەتكەندىكتەن،  كوشە تازالىقشىلارى ۇرىنىپ جىعىلدى.

  تاڭەرتەڭ ساعات ءدال توعىزدا مۋزيكا ءۇنىنىڭ سۇيەمەلىمەن راديودان دەكتور سارناي جونەلدى:

  «قۇرمەتتى قالايىق، دۇنيەدەگى ەڭ كەرەمەت اينا - مۇھجيزا ماركالى اينا سانالادى. ول ءسىزدىڭ بەينەڭىزدى وعان قاراساڭىز عانا كورسەتەتىن بولادى. اينانىڭ ماركاسىن ۇمىتىپ قالماعايسىز: مۇھجيزا ماركالى اينا! مۇھجيزا ماركالى اينانى ساتىپ العايسىز».

  مۇھجيزا ماركالى اينانى وندىرەتىن زاۆودتىڭ قوجايىنى ءبىر كۇندە عانا ميلليونەرگە ايلانىپ شىعا كەلدى...


اۋدارعان – مۇرات قاسەن ۇلى




رەداكتورى: ارداق كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.



 
powered by IlgharCMS 3.2 www.ilghar.cn