دۇنيەنى بويسۇندىرعان بوكس الىپتارىنىڭ وزگەشە كەشىرمەلەرى

 

    حالىقارالىق بوكس قوعامىنىڭ بۇرىنعى ءتوراعاسى سۇلايمان كەزىندە بوكس كەدەيلەردىڭ دەنە تاربيە قيمىلى، ويتكەنى كەدەيلەر جۇدىرىعىنا سۇيەنىپ، ءوز تاعدىرىن وزگەرتۋدى ويلايدى دەگەن ەكەن.

    مايۆەزەر مەن پاككۇياۋدىڭ وسى رەتكى قۇنى 400 ميلليون دوللاردان اساتىن عاسىرلىق سايىسى دۇنيە جۇزىندەگى 50 نەشە مەملەكەتتىڭ ىشكى ءوندىرىسىنىڭ جالپى ءونىم قۇنىنان اسىپ ءتۇستى. ەكى بوكس الىبى 12 مايدان قيان-كەسكى بەلدەسۋگە ءتۇسىپ، ءار مايدانى 3 مينۋتتان جيىنى 36 مينۋت تىرەسىپ، جيىنى مىڭعا جۋىق جۇدىرىق سەرمەپ، ەڭ سوڭىندا 280 ميلليون دوللاردان ورتاق يگىلىكتەندى. ورتا ەسەپپەن ەكەۋى مينۋتىنا 7 ميلليون 777 مىڭ 777 دوللار شاماسىندا كىرىس كىرگىزدى.

  الايدا، بالا كۇندەرىندە مەيلى مايۆەزەر الدە پاككۇياۋ بولسىن، ەكەۋى دە كەدەيدىڭ بالالارى ەدى.

  مايۆەزەردىڭ بوكس ساپارى

  مايۆەزەر بوكسشى وتباسىندا دۇنيەگە كەلگەن، ونىڭ اكەسى فلويد اتى ايگىلى بوكس جاتتىقتىرۋشىسى بولعان، مايۆەزەردىڭ كىشى اكەسى روجەر مەن جەف كاسىپتىك بوكستىڭ دۇنيە جۇزىلىك التىن بەلبەۋىنىڭ يەگەرلەرى بولىپ، روجەردىڭ ۇرۋ ۇلگىسى مايۆەزەردىڭ سوڭعى كەزدەگى جەتىلۋىنە زور كومەگىن تيگىزگەن.

  بالا كەزىندە مايۆەزەردىڭ وتباسى ەرەكشە كەدەي بولىپ، ءبىر ۇيدەگى 7 جان ءبىر بولمەلى شاعىن ۇيدە تۇراتىن، تۇندە وزدەرى قۇراستىرىپ جاساپ العان ۇلكەن توسەكتە قاتارلاسىپ ۇيىقتايتىن، توك اقىسىن تولەي الماعاندىقتان، ۇنەمى قاراڭعى ۇيدە وتىرادى ەكەن.

  مايۆەزەردىڭ ءۇيى ميچيگان شتاتى گراند راپيدس قالاسىنداعى ءبىر كەدەيلەر رايونىنا ورنالاسقان، وتباسىنداعىلاردى اسىراۋ ءۇشىن ونىڭ اكەسى تومەن دارەجەدەگى بوكسشىلار سارايىندا بوكسپەن اينالىسىپ،     ازىن-اۋلاق اقشا تاپسا، ءبىر جاعىنان سىرتتاي استىرتىن ۋلى شەگىمدىك الىپساتارلىعىمەن شۇعىلدانعان. بالا كەزىندە مايۆەزەر تەنتەك وسكەندىكتەن، اكەسىنىڭ تاياعىن دا از جەمەگەن. الايدا، ونىڭ اكەسىنىڭ سو