ەەڭ جاڭا مازمۇندار
شي جينپيڭنىڭ زاڭمەن باسقارۋ يدەياسىن شينجياڭدى جاپپاي زاڭمەن باسقارۋدىڭ جالپى بارىسىندا دايەكتىلەندىرىپ، زاڭمەن باسقارۋ ويى، ءتاسىلى ارقىلى دامۋدى ىلگەرىلەتىپ، قايشىلىقتى شەشىپ، ورنىقتىلىقتى قورعاپ، حاۋىپ - قاتەرگە توتەپ بەرۋ كەرەك
شينجياڭداعى ءار ۇلت، ءار سالا حالىق قاھارماندارىنا قۇرمەتپەن گۇل شارباق قويدى
مەملەكەتتىك كەڭەس مەملەكەت مەرەكەسىن قۇتتىقتاۋ قوناعاسىن وتكىزدى
جاڭاشا بۇكىل مەملەكەتتىك ءتۇزىلىس ابزالدىلىعىن تولىق ساۋلەلەندىرىپ، ەشقاشان بوساڭسىماي، باستان − اياق ءساتتى جۇرگىزىپ، قاجىماي ەڭبەك ەتىپ، ەلىمىزدىڭ وزىق جابدىق جاساۋدا اناعۇرلىم كوپ كەلەلى ناتيجەلەرگە قول جەتكىزۋىن قۇلشىنا جۇزەگە اسىرۋ كەرەك
قۇربانداردى ەسكە الۋ كۇنىندە حالىق قاھارماندارىنا قۇرمەتپەن گۇل شارباق قويۋ سالتى بەيجيڭدە سالتاناتپەن وتكىزىلدى
”جاڭا داۋىردە ەكپىندەي ىلگەرىلەۋ“ نەگىزگى تاقىرىپتىق تابىستار كورمەسىنىڭ شينجياڭ كورمە بولىگى تارتىمدىلىعىمەن كوزگە ءتۇستى
«تاعدىرلاس بولىپ، داڭعىل جولمەن ىلگەرىلەۋ − شي جينپيڭنىڭ ديپلوماتيا يدەياسى ادامزات دامۋىنىڭ، العا باسۋىنىڭ اعىمىن ىلگەرىلەتتى»
بۇقارانىڭ ءىسىن قاشاندا كوكەيىندە ساقتادى
ايماعىمىزدا 610 مىڭ مۋ جەرگە دۇمبە ءبيداي سىڭىرىلە باستادى
ءۇمىت اتىزىنان مول ءونىم جىرى شىعاندادى
تىكە تاراتۋ بولمەسىنەن”ءىرى ەلدىڭ استىق قامباسىن“ تاماشالادى
شاعانتوعاي: ماقسارىنى جىنتىكتەي مانەرلەۋگە جاڭا كۇش قوسىلدى
2022-جىلى 9-ايدىڭ 30- كۇنى 218-سان
قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرە
پارتيانىڭ بەكىمىن، حالىقتىڭ رايىن ۇيىستىرىپ، گۇلدەنۋ ۇلى ءىسىن ىلگەرىلەتتى
رەفورما شارالارىنىڭ تياناقتانىپ، ونىمدىلىك كورسەتۋىن جەدەل ىلگەرىلەتىپ، ەكونوميكانىڭ، قوعامنىڭ جوعارى ساپالى دامۋىن پارمەندى قولداۋ، قامتاماسىز ەتۋ كەرەك
زەيىن - زەردەنى، كۇش - قۋاتتى ۇيىستىرىپ، بورىشتى ارقالاپ، قايراتتانا العا ۇمتىلىپ، جاڭا تاراۋ جازايىق
قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرەك
تاريحتى اينا ەتىپ، وتكەندى باعامداپ، بولاشاقتى بولجاپ، گۇلدەنۋ جولىندا تاباندىلىقپەن العا باسۋ كەرەك
ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ ماڭىزدى تالابىن جاپپاي تياناقتاندىرىپ، پارتيا 20 - قۇرىلتايىنىڭ جەڭىسپەن اشىلۋىنا حاۋىپسىز، ورنىقتى ساياسي، قوعامدىق ورتا جاراتۋ كەرەك
اۆتونوميالى رايوننىڭ وقۋ - اعارتۋدى جوعارى ساپامەن دامىتۋ جينالىسى اشىلدى
بارشا جۇڭگولىقتى تۇگەل اناعۇرلىم جاقسى تۇرمىسقا كەنەلتتى
شينجياڭدى سىرتقا ەسىك اشۋدىڭ الدىڭعى شەبى ەتىپ قۇرىپ شىعامىز
جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايىنا قاتىناساتىن ۋاكىلدەر تۇگەل سايلانىپ شىقتى
ۋاكىلدىك بورىشتى ادالدىقپەن اتقارىپ، ۋاكىلدىك رولدى تولىق ساۋلەلەندىرەيىك
مەملەكەتتىك حالىق قۇرىلتايى تۇراقتى كوميتەتىنىڭ زاڭنىڭ اتقارىلۋىن تەكسەرۋ گرۋپپاسى رايونىمىزدا زاڭنىڭ اتقارىلۋىن تەكسەردى
2022-جىلى 9-ايدىڭ 29- كۇنى 217-سان
2022-جىلى 9-ايدىڭ 28- كۇنى 216-سان
اۆتونوميالى رايوندىق پارتكوم تۇراقتى كوميتەتى كەڭەيتىلگەن ءماجىلىس اشتى كەزەكتەگى ىندەتتەن ساقتانۋ - تىزگىندەۋ قىزمەتىن ارناۋلى تاقىرىپتا اقىلداستى، ورنالاستىرۋ جاسادى
اۆتونوميالى رايوندىق ساۋدا - ونەركاسىپشىلەر بىرلەستىگىنىڭ (باس ساۋدا قوعامى) 12 - قۇرىلتايى وتكىزىلدى

كەزدەسۋ

جولدانعان ۋاقىتى : 2017/8/22 19:37:20

قاباي سۇلەيمەن ۇلى  (اڭگىمە)

    ول ەكەۋى قالا ورتالىعىنداعىءبىر كوفەحانادا كەزدەسۋگە ۋادەلەسكەن بولاتىن. قايىربەكتىڭ ول كەلىنشەكپەن ءۇنحات ارقىلى حابارلاسىپ جۇرگەنىنە دە الدەنەشە اي بولعان-دى. سوڭعى كەزدەرى حات-حابار الىسۋلارى، سىر بولىسۋلەرى جيىلەي تۇسكەنى بار. ءۇنحات ارقىلى تانىسقان وزىنەن مۇشەل جاس كىشى، ءۇرىپ اۋىزعا سالعانداي كەرىم كەلىنشەككە ىقىلاسى اۋعان قايىربەك كۇن سايىن دەرلىك ونىڭ دوستىق شەڭبەرىن اقتارىپ، سان قۇبىلىپ تۇسكەن سۋرەتتەرىنە  ۇزاق- ۇزاق تەلمىرەتىن. ايەلدىڭ  قايىربەككە ۇناعانى سونشالىق كەزدەسەتىن ءسات ساعاتتى سارىلا كۇتتى. ۋادەلى ۋاقىت تاياعان سايىن قايىربەكتىڭ جۇرەگى اۋزىنا تىعىلىپ، ءبىر بەيمازا كۇي كەشتى،ءالسىن-ءالى ساعاتىنا قاراعىشتاپ، وڭاشا بولمەنىڭ كوشەگە قاراعان تەرەزەسىنە تەلمىرىپ وتىر. ۋادەلى ۋاقىتتان جارتى ساعات اسىپ تا كەتتى. قايىربەك مىنانىڭ ۋاقىت كوزقاراسىندا اقاۋ بار ما قالاي دەپ ءبىر ويلاپ وتىردى دا، مارقۇم ايەلىنىڭ ءبىر جاققا  شىعاردا  الدەنەشە  ءتۇرلى كيىمدەرىن بىرىنەن سوڭ ءبىرىن كيىپ كورىپ، ايناعا وڭدى-سولدى قايتا-قايتا قاراپ ءجۇرىپ  ارەڭ  شىعاتىنى  ەسىنە ءتۇسىپ، ونى كىنالايىن دەگەن ويىنان تەز قايتتى. مۇمكىن تۇڭعىش كەزدەسۋگە اسىعىپ-ۇسىگىپ، بىردەڭەدەن قۇر قالعانداي ءدال ۋاعىندا جەتىپ بارعانشا، كۇتتىرىپ،زارىقتىرىپ  بارايىن  دەپ، ادەيى كەشەۋىلدەپ جاتقان شىعار دەپ تە ويلادى. ايتەۋ قالاي بولماسىن تۇڭعىش جۇزدەسكەلى وتىرعان عاشىعىنا ءمىن تاققىسى كەلمەدى.

   -سالەم!-دەگەن ايەل داۋىسىنان سەلك ەتە تۇسكەن قايىربەك جالت قاراعاندا، قارسى الدىندا تۇرعان ايداي ارۋدى كورىپ، ورنىنان اتىپ تۇرىپ ساسقانىنان وڭ قولىن الا جۇگىردى. كەلىنشەكتىڭ قۇشاقتاسىپ امانداسۋعا بەيىم تۇرعانىن قايىربەك اڭعالاقتاپ ءجۇرىپ سەزگەن جوق، قۇشاقتاپ، ءسۇيىپ امانداساتىن شىعار دەپ الىپ ۇشىپ كەلگەن كوڭىلىنە سۋ سەپكەندەي كۇيگە تۇسكەن كەلىنشەكتىڭ مەسەلدەسى قايتىپ، ءسال ىڭعايسىزدانىپ قالدى. ەكەۋى ءبىر-بىرىنە قارسى قاراپ جايعاسىپ بولعان سوڭ قايىربەك اۋەل باستان قايتا امانداستى:

  -قانداي، دەنساۋلىق جاقسى ما؟

  -مىنە،دەنساۋلىق وسىلاي، ءوزىڭ قالايسىڭ؟-كەلىنشەك ەكى يىعىن قومداپ قويدى.

  -شۇكىر،جامان ەمەس.

   -كەشىگىپ قالدىم، كەشىرەرسىڭ؟

   -وقاسى جوق، ايەل ادامعا وسىلاي ءسال كەشىگىپ ءجۇرۋ جاراسادى.

  -ا، سولاي ما؟وندا جاقسى بولدى عوي،بۇدان كەيىن كەزدەسۋگە كەلەردە كەشىگىپ قالام دەپ الاڭدامايتىن بولدىم.

  -ءبىر شارتىم بار.

  -ول قانداي شارت؟-كەلىنشەك وزگەشە وتتى جانارمەن قايىربەككە جالت قارادى.

  -جارتى ساعاتتان ارتىق كەشىگۋىڭە بولمايدى.

  -ءبىر ساعات بەرشى،-كەلىنشەك اۋزىن ءشۇرشيتىپ،ەركەلەي سويلەدى،- ماعان جارتى ساعات جەتپەيدى. ونىڭ نازدانعانى قايىربەككە ۇناسا دا كەلمەي جاتىپ بۇلايشا قىلىقتانعانىنا ءجىپ تاعا الماي قايران قالدى،ىشتەي، ءسىرا،مىناۋ مەنى باسقا ءبىر كونە كورشىمەن شاتاستىرىپ وتىرعاننان ساۋ ما دەپ كۇدىكتەندى. ىلە ول  ويىنىڭ   قيسىنسىز ەكەنىن ءتۇيدى دە، تەگى مىنەزى سولاي شىعار دەگەنگە تياناقتادى. سوسىن اسا سابىرلى بەينەمەن وعان قاراپ كۇلىمسىرەي سويلەدى:

   -جارايدى، ايتقانىڭ بولسىن، ايتپاقشى، تابەتىڭ نەگە تارتادى؟

   -قانتسىز كوفە بولسا بولدى.

  -مەن دە قانتسىزىن جاقسى كورەمىن.

   -تالعامىمىز ۇقسايدى ەكەن،-كەلىنشەك ورنىنان جەڭىل قوپاقتاپ عانا شاپالاق سوعىپ، بالاشا قۋاندى،- بۇل تۇستا داياشى كوفەدەن باسقا نە بۇيىرتاسىزدار دەگەن سۇراعىنا جاۋاپ كۇتىپ ءالى تۇرعان بولاتىن. قايىربەك ارىپتەسىنىڭ جاڭاعى ابەس ارەكەتىنە تاڭقالسا دا بىلدىرمەۋگە تىرىسىپ، جاي ەزۋ تارتتى دا:

   -تارتىنباي ايتا بەر، وسىندا ايەلدەر ۇناتىپ جەيتىن نارسەلەر دە بار كورىنەدى،-دەدى.

  -مۇندا ۇنەمى كەلىپ تۇراسىڭ عوي دەيمىن،ءا؟

   -ۇنەمى ەمەس، اندا-ساندا.

   -اندا-ساندا قىزدارمەن كەلەتىن بولدىڭ عوي،-قايىربەك جاۋاپ بەرگەننىڭ ورنىنا جىميىپ كۇلىپ قويدى. 

   -ءدال توبەڭنەن ءتۇستىم-اۋ دەيمىن وسى، كۇلىپ جىبەردىڭ عوي.

   -كەيدە زەرىككەندە وسىندا باس سۇعىپ، بىرەر ستاكان كوفە ءىشىپ، دەمالىپ قايتاتىن ادەتىم بار، شىنىمدى ايتسام جۇبايىم و دۇنيەلىك بولعاننان بەرى ايەل زاتىمەن وڭاشا كەزدەسىپ وتىرعانىم وسى ەكەن.

   -ونداي بولعاندا ايەلىڭ بار كەزدە باسقا ايەلدەرمەن ۇنەمى وڭاشا كەزدەسىپ تۇراتىن بولدىڭ عوي.

   -جوق، ولاي دەمەكشى ەمەسپىن، ءوز ايەلىمنەن باسقا ەشبىر ايەلمەن وڭاشا كەزدەسىپ كورمەگەم دەمەكشىمىن.

  -وندا ءوزىڭ  قاتە  سويلەپ  وتىر ەكەنسىڭ.

   -بالكىم، سولاي شىعار،  كەشىر، ۇيات بولدى.

  -وقاسى جوق، كەشىرىم سۇرايتىنداي مەنىڭ الدىمدا ەشبىر كىناڭ جوق ەمەس پە؟

  -سولاي، سولاي، دۇرىس ايتاسىڭ.

  -ءوزىڭ كوپتەن بەرى كەزدەسۋگە شاقىرىپ جۇرگەن سوڭ كوڭىلىڭدى قيماي كەلىپ وتىرمىن، ايتپەسە جۇمىس دەگەن شاشتان كوپ.

   -قىمباتتى ۋاقىتىڭدى قيىپ كەلگەنىڭە راقىمەت، تانىسقانىما قۋانىشتىمىن، شىنىمدى ايتسام وزىڭمەن وڭاشا كەزدەسەتىن كۇندى سارىلا كۇتىپ جۇرگەنىمە كوپ بولدى.

   -سونشا كۇتكەندە ماعان نە ايتايىن دەپ ەدىڭ؟-كەلىنشەك اققۋ موينىن سوزا تولعاپ، اسەم باسىن انتەك يگەندە باسى قايىربەكتىڭ باسىنا ءتيىپ كەتە جازدادى، قايىربەكتىڭ تاناۋىنا ءبىر عاجايىپ جاعىمدى لەپ كەلىپ، ءوزى-ءوز بوپ سەزىنىپ كورمەگەن ءتىلسىم، سىرلى ءيىس سۋدىڭ يىسىنە ەلىتىپ ءبىر ءتۇرلى راقاتتى، ماساڭ كۇي كەشتى. تۇلا بويى بالقىپ سالا بەردى دە: 

  -سول ەندى، ءوزىڭدى كورگىم كەلىپ...-دەپ مىڭگىرلەدى.

   كەلىنشەك سىقىلىقتاپ كۇلىپ الىپ:

  -جاي اشەيىن كورگىڭ كەلدى مە؟-دەدى قايىربەككە قاراپ قاباعىن قاعىپ قويىپ،-ياپىر-اۋ، مىناۋ ءوزى سىرتى مەن ءىشى ەكى ءتۇرلى ادام با قالاي دەپ ويلادى قايىربەك. سىرت كوزگە تال بويىندا تارىداي ءمىن جوق، ال، ءسوز- سويلەمى  مەن ءىس-ارەكەتى سىرت تۇلعاسىنا مۇلدى سايكەس كەلمەيدى.       -اڭگىمەڭدى ايتا وتىر!-كەلىنشەك اپپاق ءسۇيىر ساۋساقتارىن مايىستىرا ءتۇسىپ كوفە قۇيىلعان تۇتقالى ستاكاندى قولىنا الىپ، شۇعىنىقتاي ەرىندەرىن ەپپەن اشىپ كوفەدەن ءبىر ۇرتتاپ قويدى.   ونىڭ كىرپىك قاققانىنان تارتىپ ءار قيمىلىن قالت جىبەرمەي باعىپ وتىرعان قايىربەك كەلىنشەكتىڭ ءون بويىنان ناعىز ايەل زاتىنا ءتان ەركەلىك پەن نازىكتىكتى، كيىم كيىسى مەن بويانۋىنان ەلدەن ەرەك مادەنيەتتىلىكتى بايقاپ ءتانتى بولىپ، ءبىر جاعىنان ءسۇيىنىپ تە وتىردى. اتتەڭ، سوزدەرى تۇيەدەن تۇسكەندەي، جاسى ۇلكەن عوي دەمەستەن كەلگەن جەردەن «سەننىڭ» استىنان الىپ وتىرعانى مىناۋ، ءسىرا، بۇل ءوزى قانداي ادام، ءبىراق، جاراتىلىسى سول شىعار،  ءبىر ەسەپتەن اشىق-جارقىن، اق كوڭىل جان ەكەن، قازاق «جاقسىدا جاتتىق جوق» دەمەۋشى مە ەدى، ايەل ادامنىڭ ىشىمدەگىنى تاپ دەپ تىمسىرايىپ وتىرعانىنان، وسىنداي بۇكپەسىز، اڭقىلداق بولعانى دا جاقسى عوي دەپ ءبىر ويلادى. ءدام-تۇزدارى جاراسسا قارسى الدىندا وتىرعان وسىناۋ قيالداعى ارۋدىڭ ءوزىنىڭ جارى بولاتىنىن، اۋەلى، ءبىر توسەكتە جاتاتىنىن ويلاپ، ءوزىن شەكسىز باقىتتى سەزىنىپ، ەرىكسىز ەزۋ تارتىپ، سۇيسىنە جىميدى. قايىربەكتىڭ وسى ىشكى كوڭىل كۇيىن كوزىنەن  وقىپ-ءبىلىپ وتىرعانداي كەلىنشەك قايىربەكتىڭ كوزىنە جاسقانباستان تۋرا قاراپ:

   -سۋىپ قالادى، ىشە وتىرشى!-دەپ قايىربەكتىڭ الدىنداعى كوفە  قۇيىلعان ستاكانىن وڭ قولىمەن جەڭىل كوتەرىپ قايىربەككە ۇسىنا بەردى.

   -راقىمەت،راقىمەت،ءىشىپ وتىرمىن.

   -ال، جىگىتىم، اڭگىمەڭدى قاشان ايتاسىڭ؟ وتىرامىز با ءوستىپ.

   -ايتا قويارلىقتاي كوپ اڭگىمە جوق، ءۇنحاتتا تانىسىپ، حابارلاسىپ جۇرگەنىمىزگە تالاي ۋاقىت بولدى، كەزىگىپ سويلەسەيىك دەپ شاقىرعانمىن، ايتسەدە، كەزدەسكەندە ايتامىن دەپ ءۇنحاتتا ەسىمىڭدى  ايتپاي   قويىپ  ەدىڭ،  قازاقتا «مىڭنىڭ ءتۇسىن تانىعانشا، ءبىردىڭ اتىن ءبىل» دەيتىن اتالى ءسوز بار ەمەس پە، ەڭ اۋەلى، اياۋلى  ەسىمىڭدى  ءبىلىپ الايىن دەپ ەدىم.

   -ايتسام ايتايىن، مەنىڭ ەسىمىم نازەركە، -قانداي ەكەن دەگەن كىسىشە نازەركە قايىربەككە تاعى دا قاباعىن كوتەرىپ ويناقىلانا قارادى.

   -اتىڭ زاتىڭا ساي ەكەن، وتە تاماشا، اتىڭدى ءبىلدىم، ەندى زاتىڭدى بىلسەم دەيمىن.

   -زاتىمدى كەيىنىرەك بىلە جاتارسىڭ، ءۇنحاتتا ايتقانىمداي ءوزىم جەكە كاسىپكەرمىن، وتباسىلى بولعانمىن، كۇيەۋىم ەكەۋىمىزدىڭ ءدام-تۇزىمىز  جاراسپاي اجىراسىپ كەتكەنىمىزگە ءۇش جىل بولدى، توعىز جاسارءبىر ۇلىم بار.

   -ە، سولاي دە، تۇسىنىكتى بولدى. مەنىڭ جاعدايىم دا وزىڭە ءۇنحاتتا ايتقانىمداي، جۇبايىم ەكى جىلدىڭ الدىندا قايتىس بولعان، ءبىر قىزىم بار، ۋنيۆەرسيتەتتىڭ ەكىنشى جىلدىعىندا وقيدى.

   -قىسقاسى، ماعان ۇيلەنۋ تالابىن قويماقسىڭ عوي.

   -جو، جو، جوق، ونداي ويىم...نە، بىلاي ەدى، مە، مەن...

   -جىگىت باسىڭمەن نەسىنە بۇگەجەكتەپ وتىرسىڭ، الدە مەنىڭ الدىمدا كىناڭ بار ما ەدى؟-قايىربەكتىڭ ەكى بەتى دۋ ەتە ءتۇستى، ۇيالعانىنان كىرەرگە تەسىك تاپپاي قاتتى قىسىلىپ، جانقالتاسىنان قولجاۋلىعىن الىپ شىعىپ ماڭدايىنىڭ تەرىن سۇرتە بەردى.
-جو، جو، جوق،قايداعى كىنا؟ قارىنداس، سەن ءوزىڭ ادامدى ىڭعايسىز كۇيگە ءتۇسىرىپ قويادى ەكەنسىڭ.

   -ا، سولاي ما ەكەن، ءوزىم ءوستىپ سويلەپ وتىرعانىممەن كوڭىلىم ءتۇزۋ، بايقايمىن، جاسىڭ مەنەن ۇلكەن سياقتى عوي، ارامىزدا از دەگەندە جەتى-سەگىز جاس پارىق بار سياقتى، قالاي، دۇرىس ايتتىم با؟

   -بالكىم، سولاي شىعار، ايەل ادامنىڭ جاسىن سۇراۋعا بولمايدى عوي، قالاي دا مەنەن كوپ كىشى ەكەنىڭ كورىنىپ تۇر.

   -مەنىڭ اكەم «جاقسى جىگىتتىڭ جاسىن سۇراما، جاقسى اتتىڭ ءتىسىن اشپا»  دەپ ۇنەمى ايتاتىن، مەن دە سەنىڭ جاسىڭدى سۇراماي-اق قويايىن.

   -مەن بيىل تۇپ-تۋرا قىرىق جەتىگە كەلدىم.

   -وندا مەنەن ءبىر  مۇشەل  ۇلكەن ەكەنسىڭ.

   -دۇرىس، سولاي، سەن مەنەن كوپ كىشى ەكەنسىڭ.

   -وقاسى جوق، ماحاببات جاسقا قارامايدى، تارتىنباي-اق قوي،-وسىدان سوڭ قايىربەك تە وزىنە-ءوزى كەلگەندەي بولىپ،   كەڭىپ وتىرىپ، ەركىن سويلەدى، ولار الدەنەشە ستاكان كوفە ءىشىپ، اقتارىلا اڭگىمەلەستى. نازەركەنىڭ ۇيالى تەلەفونى مانادان بەرى تالاي رەت سايراسا دا ول قابىلداماي، باسىپ تاستاپ وتىرعان بولاتىن. سوڭعى رەت بەزەكتەگەندە قايىربەككە قاراپ، يەك قاعىپ، جىميىپ قويىپ تەلەفون قابىلدادى.

   -ۋاي، نە جۇمىس؟

   ...
 
  -مەن سىرتتا قوناقتا ەدىم، سەن جولعا سالا بەر.

   -...

   -كوپ قىرتپا، مەنىڭ ايتقانىم بويىنشا بولسىن، ساۋ بول. وڭكەي ارامتاماقتار سول، -قايىربەك كوفەسىنەن اندا-ساندا ۇرتتاپ قويىپ ءۇنسىز وتىر. نازەركە قايىربەككە قاراي ۇمسىنا ءتۇسىپ بىردەڭە ايتقالى جاتىر ەدى ايفون تاعى سايرادى.

   -ۋاي، تاعى سول اڭگىمە مە؟ مەن ساعان قانشا رەت ايتامىن؟

   -...

   -ەي، ميعۇلا، نە دەپ مىڭگىرلەپ وتىرسىڭ، سونى دا ءسوزىم بار دەپ ماعان قوقسىتىپ وتىرسىڭ با؟ بىلجىراماي مەن تاپسىرعان جۇمىستى شىپ-شىرعاسىن شىعارماي بىتىرىڭدەر، ەندى ماعان قوڭىراۋ شالماڭدار، مەن سەنىمەن ەرتەڭ ەسەپتەسەمىن، جاپتىم تەلەفوندى!-نازەركە ار جاقتاعى ادامدى قىجىرتقان سايىن وسى سوزدەر بەينە وزىنە ارنالىپ ايتىلىپ جاتقانداي نەمەسە ءوزى ونىڭ الدىندا الدەبىر ءىستى قاتە ىستەپ قويعان كىنالى جانداي قايىربەك قاتتى ىڭعايسىز كۇيگە ءتۇستى، ءتىپتى ونىمەن تەزىرەك قوشتاسقىسى كەلدى. وعان اقتارىپ ايتايىن دەپ كەلگەن، ىشىنە سيماي جۇرگەن كوپ سوزدەرى كوكىرەگىندە كومۋلى كۇيىندە قالدى. ولار كوفەحانادان شىققاندا ءزىلماۋىر ءتۇن تۇتاس قالانى الىپ قۇشاعىنا الىپ الديلەپ تۇرعان بولاتىن.




رەداكتورى: الماگۇل اقاتبەك قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

مسالى: «تارباعاتاي اقپارات تورابىنان» الىندى.

 
powered by IlgharCMS 3.2 www.ilghar.cn