2015-جىلعى دۇنيە جۇزىلىك گيمناستيكا ساۋىتىنا تالاسۋ جارىسىنىڭ سان-پاۋلۋ بەكەتىندەگى جارىسى 3-مامىردا اياقتالدى، ەلىمىزدىڭ گيمناستيكا كومانداسى ەرلەر مەن ايەلدەردىڭ جيىنى 10 ءتۇرلى جارىس تۇرىنە قاتىناسىپ، 5 التىن، 2 كۇمىس مەدال الدى، سونىمەن بىرگە، برازيليانىڭ قاتىستى ورىندارىن الدىن الا كوزدەن كەشىرىپ، كەلەر جىلى وتكىزىلمەكشى بولعان ريو-دە-جانە –يرو وليمپيادا سپورت جارىسىنا دايىندىق كوردى.
دۇنيە جۇزىلىك گيمناستيكا ساۋىتىنا تالاسۋ جارىسىن حالىقارالىق گيمناستيكا بىرلەستىگى ۇيىمداستىرعان، ءبىر جىلدا 7 بەكەتتە جارىس وتكىزىلەتىن بولىپ، سان-پاۋلۋداعى جارىس 4-بەكەتتەگى جارىسى ءارى وسى جارىس ءتۇرىنىڭ وڭتۇستىك امەريكادا وتكىزىلگەن بىردەن-ءبىر جارىسى ەسەپتەلەدى. ەلىمىز گيمناستيكا كومانداسىنىڭ جاتتىقتىرۋشىسى شيۇڭ جيڭبين شينحۋا اگەنتتىگىنىڭ تىلشىسىنە وسى رەتكى جارىسقا ەكى ءتۇرلى ماقساتپەن قاتىناسقاندىعىن، ءبىرى، قىستان بەرگى جاتتىعۋدىڭ ناتيجەسىن سىننان وتكىزۋ بولسا، ەندى ءبىرى، برازيليانى الدىن الا كوزدەن كەشىرىپ، وليمپيادا سپورت جارىسى وتكىزىلمەكشى بولعان ورتاعا الدىن الا ۇيلەسۋ ەكەندىگىن ايتتى.
جارىس سان – پاۋلۋ قالاسىنداعى لبيلاپۋەلا دەنە تاربيە سارايىندا وتكىزىلدى، «فۋتبول پاتشالىعى» اتانعان بۇل ەلدىڭ كورەرمەندەرى گيمناستيكا جارىسىن دا قىزىعا تاماشالاپ، 3 كۇندىك جارىستا الاڭنىڭ ءىشى كورەرمەندەرگە لىق تولدى. بەس جۇلدىزدى قىزىل تۋىن كوتەرىپ، ەلىمىز كومانداسىنا مەدەت بەرۋگە كەلگەن سان-پاۋلۋداعى جۇڭگولىقتاردى دا جارىس الاڭىنىڭ كەز كەلگەن جەرىنەن كەزدەستىرەسىز.
وتاعاسى ەل بولعان برازيليا كومانداسى ەلىمىز كومانداسىنان كەيىنگى جەڭىمپازعا اينالىپ، 3 التىن، 4 كۇمىس جانە 2 قولا مەدال الدى.
2-مامىردا 3 التىن، ءبىر كۇمىس مەدال العاننان كەيىن، ەلىمىز كومانداسى 3-مامىردا تاعى 2 التىن، ءبىر كۇمىس مەدال الدى. مۇندا، ريو-دە-جانە –يرو وليمپيادا سپورت جارىسىنا قاتىناسۋدى ۇلى مۇراتىنا اينالدىرعان، ءبىر كۇن بۇرىن ايەلدەردىڭ باسپالداقشا تورنيك جارىسىنىڭ التىن مەدالىن ەنشىلەگەن شاڭ چۇنسۇڭ جارىستا ءوز ونەرىن تولىق ساۋلەلەندىرىپ، تەڭگەرمە اعاش جارىسىندا 15.400 نومىرمەن اعا جۇلدەرگەر بولسا، ەرلەردىڭ اعاش ات جارىسىندا ەلىمىز سپورتشىسى شياۋ روتىڭ مەن جاڭ حۇڭتاۋ اعا جۇلدەگەرلىك پەن جۇلدەگەرلىكتى قانجىعاسىنا بايلايدى، شياۋ روتىڭ ءبىر كۇن بۇرىن تاعى دارا تورنيك جارىسىنىڭ اعا جۇلدەگەرى بولعان ەدى.
وسى رەتكى جارىستى قورىتىندىلاي كەلىپ شيۇڭ جيڭبين: « وسى رەتكى جارىستا قارسىلاستارىمىزدىڭ جالپى تۇلعالىق ورەسى تىم جوعارى بولمادى، ەلىمىز سپورتشىلارىنىڭ جارىستاعى بەينەلەرى جاقسى بولىپ، كوزدەگەن ماقساتىمىزعا جەتتىك. الايدا، ەلىمىز بەن برازيليانىڭ ارا قاشىقتىعى تىم الىس بولعاندىقتان، ۋاقىتتاعى پارىققا كەيبىر سپورتشىلار سايكەسە المادى، ءتىپتى كەيبىر سپورتشىلاردا ۇستىرتتىك اسەر تۋىلدى ( سان-پاۋلۋ تەڭىز دەڭگەيىنەن ورتا ەسەپپەن 800 مەتر بيىكتىككە ورنالاسقان )، ءبىز وسى جاعدايلاردى قايتىپ بارىپ مالىمدەپ، كەلەر جىلعى ريو-دە-جانە –يرو وليمپيادا سپورت جارىسىنا دايىندالامىز.
وليمپيادا سپورت جارىسى باستالۋدان بۇرىن الدىن الا كەلىپ ۇيلەسۋىمىز قاجەت، وليمپيادا سپورت جارىسى كەزىندە برازيليانىڭ اۋا رايى جامان ەمەس كورىنەدى، الايدا كەرى ۋاقىت پارقىنىڭ اسەرى سىندى ماسەلەلەرگە ۇيلەسۋ ءۇشىن كەمىندە ءبىر دە ەكى اپتا ۋاقىت قاجەت بولاتىن كورىنەدى» دەدى.
شيۇڭ جيڭبين تاعى ەلىمىزدىڭ وليمپيادا ۋاكىلدەر ۇيىرمەسىنىڭ وليمپيادا سپورت جارىسى باستالاردان بۇرىنعى جاتتىعۋ الاڭىنىڭ وسى رەتكى جارىس وتكىزىلگەن لبيلاپۋەلا دەنە تاربيە سارايىنىڭ ماڭىنداعى ءبىر دەنە تاربيە سارايىندا بولاتىندىعىن، تەكسەرۋگە نەگىزدەلگەندە، بۇل دەنە تاربيە سارايىندا كوپ ماسەلە جوقتىعىن، ءبىرسىپىرا جاتتىعۋ اسپاپتارىن تولىقتاۋ قاجەت ەكەندىگىن ايتتى.
رەداكتورى: ارداق كامالقان قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.