احپارات قۇرالدارىنىڭ حابارىنا نەگىزدەلگەندە، شىلدەلىك ناۋقاسىنا شالدىققان ۇلى بريتانيالىق كاسىپتىك ۆەلوسيپەد سپورتشىسى دورسەت كۇن ىلگەرى ۇلى بريتانياداعى الاڭ ءىشى ۆەلوسيپەد جارىسىندا ءبىر ساعات ۆەلوسيپەد ءمىنىپ، دۇنيە جۇزىلىك رەكوردتى جاڭالاعان.
2-مامىردا دورسەت مانچەستر ۆەلوسيپەد سارايىنىڭ جارىس جولىندا توقتاۋسىز ءبىر ساعات ۆەلوسيپەد ءمىنىپ، 60 مينۋت ىشىندە 52.937 كيلومەتر جول باسىپ، وسىدان بۇرىنعى اۆستراليانىڭ ۆەلوسيپەد سپورتشىسى ساۋل دەنيستىڭ بيىل 8-اقپاندا شۆەتساريادا جاراتقان 52.491 كيلومەترلىك ناتيجەسىن جاڭالادى.
دورسەت جاراتقان جاڭا رەكورد حالىقارالىق ۆەلوسيپەد بىرلەستىگىنىڭ مويىنداۋىنا يە بولدى.
بيىل 26 جاستاعى دورسەت كەزەكتە حالىقارالىق ۆەلوسيپەد بىرلەستىگىنە تىزىمگە الدىرعان يسپانيانىڭ «جىلجىمالى جۇلدىز» ۆەلوسيپەد كومانداسىنىڭ مۇشەسى.
تاڭ قالارلىعى ول شىلدەلىك ناۋقاسىنا شالدىققان. دورسەت 2011-جىلى، 2012-جىلى جانە 2013-جىلى ۇلى بريتانياداعى ۆەلوسيپەد جۇلدەلى جارىسىنىڭ تاس جولداعى ۋاقىت ەسەپتەۋ جارىسىندا ءۇرتىس ءۇش رەت اعا جۇلدەگەر بولعان.
تۇڭعىش رەت ۇلى بريتانياعا فرانسيانى اينالۋ ۆەلوسيپەد جارىسىنىڭ اعا جۇلدەگەرلىگىن الىپ بەرگەن ايگىلى ۆەلوسيپەد سپورتشىسى بۋ ۋيلكينس الدىڭعى ايدا 7-ماۋسىمدا لوندوندا دەنيس جاراتقان ناتيجەگە سايىس جاريالايتىندىعىن ايتقان بولاتىن. ۋيلكينس بۇل رەكوردتى وسىنداي تەز ۋاقىتتا بىرەۋدىڭ جاڭالايتىندىعىن ويلاماعان بولۋى مۇمكىن.
رەداكتورى: ارداق كامالقان قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.