دۇنيە جۇزىلىك قاۋىرسىن دوپ بىرلەستىگى جەلىلەس جارىسىنىڭ سينگاپۋر اشىق جارىسى 12-ساۋىردە اياقتالدى، جاس سپورتشى سۇن يۇي ايەلدەردىڭ جەكە ادامدىق جارىسىندا جۇڭحۋا تايبەي كومانداسىنىڭ ساڭلاعى داي زىيڭدى جەڭىپ، اعا جۇلدەگەر بولىپ، جۇڭگو ايەلدەر جەكە ادامدىق جارىس ءتۇرىنىڭ اتاعىن ساقتاپ قالدى. مۇنان تىس، مەملەكەتتىك قاۋىرسىن دوپ كومانداسى ەر-ايەل ارالاس جانە ايەلدەر قوس ادامدىق جارىسىندا اعا جۇلدەگەر بولىپ، زور جەڭىستى قولعا كەلتىردى.
دۇنيە جۇزىندە ءبىرىنشى ورىندا تۇراتىن لي شۋەرۇي جارالانىپ قالعاندىقتان، ۋاڭ يحان مەن ۋاڭ شىشياننىڭ كوڭىل كۇيى تۇراقسىز بولدى. وسى رەتكى سينگاپۋر اشىق جارىسىندا ەلىمىز سپورتشىلارىنىڭ ايەلدەر جەكە ادامدىق جارىسىنداعى بەينەسى ايتارلىقتاي بولىپ، 3 ادام الدىڭعى 4 مىقتى قاتارىنا كىردى. الايدا، ۋاڭ يحان جارتىلاي شەشۋشى جارىستا داي زىيڭنان جەڭىلىپ، ەلىمىز كومانداسىنىڭ شەشۋشى جارىسقا قاتىناسۋ ارمانىن سەلگە كەتىردى. جاس سپورتشى سۇن يۇي كوماندالاسى ۋاڭ شىشياندى جەڭىپ، شەشۋشى جارىسقا كىرىپ، ەلىمىز سپورتشىلارىنىڭ ايەلدەر جەكە ادامدىق جارىسىنداعى كۇشتى قارسىلاسى داي زىيڭعا سايىس جاريالادى. ەكى جاق قيان-كەسكى سايىسىپ، سۇن يۇي العاشقى مايداندا 13 كە قارسى 21 ۇپايمەن جەڭىپ الدى، داي زىيڭ ەكىنشى مايدان جارىستا 19 عا قارسى 21 ۇپايمەن جەڭىپ، تەڭ ءتۇستى. شەشۋشى جارىستا داي زىيڭ 17 گە قارسى 20 ۇپايمەن باسىپ وزعانىمەن، سۇن يۇي قايسارلىقپەن ارت-ارتىنان 5 ۇپاي الىپ، 20 عا قارسى 22 ۇپايمەن قارسىلاسىن جەڭىپ، اعا جۇلدەگەر بولدى.
رەداكتورى: ارداق كامالقان قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.