يۋسەين.بولت 11-ساۋىردە 20 ايدان بەرگى تۇڭعىش رەتكى 200 مەترگە جۇگىرۋ جارىسىن تابىسپەن ورىندادى. بۇل رەتكى جارىس ونىڭ اتا مەكەنى يامايكادا وتكىزىلىپ، جارىستا ول 20 سەكۋند 20 تاقىلدىق ناتيجەمەن اعا جۇلدەگەرلىكتى وپ-وڭاي جەڭىپ الدى.
وسى رەتكى جارىستا بولت ەشقانداي سايىسقا ۇشىرامادى. ايتارعا تاتيتىنى، ونىڭ وليمپيادا جارىسىنداعى كوماندالاسى نەستا.كارتەردە جارىسقا قاتىناسىپ، 20 سەكۋند 60 تاقىلدىق ناتيجەمەن بولتتان جەڭىلىپ قالدى.
وسى رەتكى جارىستاعى ناتيجەسى جونىندە بولت ءوزىنىڭ 20 سەكۋند ىشىندە كومبەگە جەتە الماعانىنا ءسال ۇمىتسىزدەنگەندىگىن (بولت 200 مەترگە جۇگىرۋدە 19 سەكۋند 19 تاقىلدىق دۇنيە جۇزىلىك رەكوردتى جاراتقان)، قايتىپ بارعاننان كەيىن جارىس كەسكىنىنەن ءوزىنىڭ جەتەرسىز جەرلەرىن كورىپ، جىلدامدىعىن ءتىپتى دە جوعارىلاتاتىندىعىن ايتتى. ول جانە بۇل ونىڭ جارىستاعى ەڭ جاقسى ناتيجەسى ەمەستىگىن، سوندىقتان قايتقاننان كەيىن جانە دە قاي جاقتاردان قۇلشىنۋ كەرەكتىگىن جاقسىراق ىزدەستىرەتىندىگىن ايتتى. بۇل ونىڭ 2013-جىلى ماسكەۋدە وتكىزىلگەن دۇنيە جۇزىلىك جۇلدەلى جارىسىنا قاتىناسقاننان كەيىن تۇڭعىش رەت 200 مەترلىك جارىسقا قاتىناسۋى.
بولت ءسوزىن تولىقتاي كەلىپ، بۇرىنعىداي ەمەس ءوزىنىڭ قارايىپ قالعاندىعىن، الايدا ءتىپتى دە كوپ جارىستارعا قاتىناسۋ ارقىلى ءوزىنىڭ بۇرىنعى بەينەسىنە قايتا ورالاتىندىعىن ايتتى.
رەداكتورى: ارداق كامالقان قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.