2015-جىلعى سۋديرمان لوڭقاسىنا تالاسۋ دۇنيە جۇزىلىك قاۋىرسىن دوپ جارىسىنىڭ ەر-ايەلدەر توپتىق جۇلدەلى جارىسى 10-مامىردان 17-مامىرعا دەيىن گۋاڭدۇڭ ولكەسىنىڭ دۋڭگۋان قالاسىنىڭ باسكەتبول ورتالىعىندا وتكىزىلەدى. جۋىقتا دۇنيە جۇزىلىك قاۋىرسىن دوپ بىرلەستىگى وسى كەزەكتى جارىستىڭ كۇن ءتارتىبىن شىعارىپ، جارىس بەلەتى دە جۋىقتا ساتىلاتىندىعىن جاريالادى.
ۇعىسۋعا قارعاندا، وسى كەزەكتى جارىسقا 35 كوماندا قاتىناساتىن بولىپ، دۇنيە جۇزىلىك قاتارعا تۇرعىزۋ نەگىزىندە 4 دارەجەگە ءبولىنىپ، سايىسقا تۇسەدى. الدىڭعى 6 كۇنگى جارىستا شاعىن گرۋپپالار، سونداي-اق ىرىكتەۋ جارىسى، 16-مامىردا جارتىلاي شەشۋشى جارىس وتكىزىلىپ، ەڭ سوڭعى كۇنى (17-مامىر) شەشۋشى جارىس جانە سيلىق تاراتۋ سالتى وتكىزىلەدى.
جارىس بەلەتى جۋىقتا رەسمي اشىق ساتىلادى. جارىس كەزىندە قاۋىرسىن دوپ جان كۇيەرلەرىنىڭ قاجەتىنە قاراي ءتۇرلى باعاداعى بەلەتتەر ساتىلادى. مۇندا ەڭ تومەنگى بەلەت باعاسى 50 يۋان بولىپ، تەڭ جارىمىنان استام بەلەت باعاسى 800 يۋاننىڭ ىشىندە ساتىلادى.
رەداكتورى: ارداق كامالقان قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.