39-كەزەكتى پاريج مارافون جارىسى 12-ءساۋىر تۇستەن بۇرىن چامپس-ەليسەس كوشەسىندە باستالدى، كەنيالىق سپورتشى مارك كوللەر 2 ساعات 5 مينۋت 49 سەكۋندتىق بيىلعى جاراتىلعان ەكىنشى تاماشا ناتيجەمەن ەرلەر گرۋپپاسىنىڭ اعا جۇلدەگەرى بولىپ، 50 مىڭ ەۆرومەن سيلاندى.
بۇل 30 جاسقا كەلگەن كوللەردىڭ تۇڭعىش رەت دۇنيە جۇزىلىك بەس ءىرى مارافون جارىسىندا اعا جۇلدەگەر بولۋى ەدى. ول ءوزىنىڭ جەكە ادامدىق ناتيجەسىن ءبىر مينۋت 19 سەكۋند ىلگەرىلەتىپ، ەفيوفيا سپورتشىسى بوحانۋدىڭ قاڭتاردا دۋبايدا جاراتقان بيىلعى ەڭ تاماشا ناتيجەسىنەن تەك 21 سەكۋند باياۋ بولىپ قالدى.
پاريج مارافون جارىسىنىڭ رەكوردىن بىلتىر ەفيوفيالىق سپورتشى بەكەلە 2 ساعات 5 مينۋت 4 سەكۋندتىق ناتيجەمەن جاڭالاعان ەدى. كەزەكتە مارافون جارىسىنىڭ دۇنيە جۇزىلىك رەكوردى 2 ساعات 2 مينۋت 57 سەكۋند بولىپ، كەنيالىق دەننيس كيمەتتو بىلتىر قىركۇيەكتىڭ اياق شەنىندە وتكىزىلگەن بەرلين مارافون جارىسىندا جاراتقان.
جەلاياقتار بيىلعى مارافون جارىسىنىڭ تەڭ جارتىسىن ءبىر ساعات 3 مينۋت 21 سەكۋندتا باسىپ، 32 كيلومەتردەن باستاپ، كوللەردىڭ كەنيالىق ساپتاسى مايك جەك قارا وزىپ، وزگەلەردىڭ الدىنا شىقپاقشى بولدى. الايدا، كومبەگە 5 كيلومەتر قالعاندا كوللەر جەكتى باسىپ وزىپ، كومبەگە ءوزى جەتتى.
ەفيوفيالىق مەسەرەت لەگەسسە 2 ساعات 23 مينۋت 24 سەكۋندتىق ناتيجەمەن ايەلدەر گرۋپپاسىنىڭ اعا جۇلدەگەرى بولىپ، ءوزىنىڭ جەكە ادامدىق ەڭ جاقسى ناتيجەسىن 6 مينۋت ىلگەرىلەتتى، الايدا، 2013-جىلى ونىڭ ساپتاسى تاتيس جاراتقان رەكوردتان 2 مينۋت 20 سەكۋند باياۋ بولىپ قالدى.
جىلداعىمەن ۇقساس سپورتشىلار ەۆروپانىڭ ورتا بولەگىنىڭ ۋاقىتى بويىنشا ساعات 8 دەن 45 مينۋت وتكەندە چامپس-ەليسەس كوشەسىندەگى جەڭىس قاقپاسىنىڭ الدىنان اتتاندى، جول – جونەكەي بەرەكە الاڭى، لوۋۆرە سارايى، پاريج قالالىق ۇكىمەت، باستيللە الاڭى، قاسيەتتى انا شىركەۋى، ورساي مۇراجايى جانە ەيفەل تەمىر مۇناراسى سياقتى پاريجدىڭ بەلگى سيپاتىنداعى قۇرىلىستارىن باسىپ ءوتىپ، ەڭ سوڭىندا جەڭىس قاقپاسىنىڭ تاعى ءبىر جاعىنداعى فوچ كوشەسىنە قايتا ورالىپ، جالپى 42.195 كيلومەتر ارالىققا جۇگىردى.
ەجەلدەن جارىسقا قاتىناسقانداردىڭ كوپتىگىنەن اتى ايگىلى بولىپ كەلگەن پاريج مارافون جارىسى بيىل تاعى تىڭ ناتيجە جاراتىپ، جەرەبە سۋىرۋ ارقىلى 150 دەن استام مەملەكەت پەن رايوننان 54 مىڭ سپورتشى وسى رەتكى جارىسقا قاتىناسۋ تولىمدىلىعىنا يە بولىپ، ونىڭ 58.38 پايىزى فرانسيالىق بولعان. ازيادان ءبىر مىڭ 369 ادام بار بولىپ، جارىسقا قاتىناسقان ادام سانىنىڭ 2.71 پايىزىن يەلەگەن، مۇنىڭ ىشىندە ەلىمىزدىڭ جۇزگە جۋىق ۇزاققا جۇگىرۋ اۋەسكەرلەرىن دە قامتيدى ەكەن.
رەداكتورى: ارداق كامالقان قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.