سينگاپۋر« تاڭەرتەڭگى گازەتىنىڭ » 7-ساۋىردەگى حابارىنا نەگىزدەلگەندە، ۇلى بريتانيا زەرتتەرمەندەرى ءبىر ءتۇرلى جاڭا تۇردەگى ءاتىر تاپقىرلاعان، بۇل ءاتىردىڭ وزىندە ءيىس بولمايدى، الايدا تەرگە جولىققاندا حوش ءيىس شىعارىپ، تەردىڭ ساسىق ءيىسىن باسەيتەدى ەكەن.
ۇلى بريتانيا بەلفاست ايەل پاتشا ۋنيۆەرسيتەتىنىڭ زەرتتەرمەندەرى ۇلى بريتانيانىڭ عىلىم جۋرنالىندا وزدەرىنىڭ زەرتتەۋ ناتيجەسىن جاريالاعان. حابارعا نەگىزدەلگەندە، بۇل ءاتىر يوندىق سۇيىقتىقتان جاسالىپ، قۇرامىندا حوش ءيىستى زات بار بولىپ، ادەتتەگى جاعدايدا حوش ءيىس شىعارمايدى، الايدا ءاتىر سۋ بۋىنا جولىققاننان كەيىن حيميالىق رەاكسيا جاساپ، حوش ءيىس شىعارادى ەكەن. ادام دەنەسىندەگى تەردىڭ قۇرامىندا سۋ بۋى بولاتىندىقتان، وسى ءاتىردى ىستەتكەننەن كەيىن تەر قانشا كوپ شىققان سايىن حوش ءيىسى دە كۇشەيە تۇسەدى. مۇنان تىس، بۇل تۇردەگى اتىرگە ىستەتىلگەن يوندىق سۇيىقتىق تەردەگى تيول قوسىلىسىن ءسىمىرىپ، تەردىڭ ساسىق ءيىسىن جوعالتادى.
زەرتتەرمەندەر ءبىر ءاتىر سەرىكتىگىمەن سەلبەستىك ورناتقاندىعىن، الداعى جەردە وسى ءاتىردىڭ بازارعا سالىنىپ، ادەتتە تەر باسىپ، تەردىڭ ءيىسى مازالاپ جۇرگەندەرگە قۋانىش سيلاۋىن ءۇمىت ەتەتىندىكتەرىن ايتتى.
رەداكتورى: ارداق كامالقان قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.