حالىقارالىق جەڭىل اتلەتيكا بىرلەستىگىنىڭ ءتوراعاسى دياك 7-ساۋىردە شينحۋا اگەنتتىگىنىڭ تىلشىسىنە ليۋ شياڭنىڭ ۇلى سپورتشى ەكەندىگىن، ونىڭ دۇنيە جۇزىلىك جەڭىل اتلەتيكا قيمىلىنا وراسان زور ۇلەس قوسقاندىعىن ايتتى.
دياك تەلەفوندا تىلشىلىكتى قابىلداعاندا ليۋ شياڭداي ۇلى سپورتشىنىڭ بولعاندىعىنا ەرەكشە قۋاناتىندىعىن، ونىڭ مەيلى جۇڭگو، الدە دۇنيە جۇزىلىك جەڭىل اتلەتيكا قيمىلىنا بولسىن وراسان زور ۇلەستەر قوسقاندىعىن ايتتى.
دياك تاعى ليۋ شياڭنىڭ سپورت سالاسىنان شەگىنەتىن حابارىن ەستىپ وتە وكىنگەندىگىن، ول وليمپيادا سپورت جارىسىنىڭ جانە دۇنيە جۇزىلىك جارىستىڭ اعا جۇلدەگەرى ەكەندىگىن، كاسىپتىك عۇمىرىندا وراسان زور ناتيجەلەردى قولعا كەلتىرىپ، جەڭىل اتلەتيكا قيمىلىنىڭ جۇڭگوداعى دامۋىن ىلگەرىلەتكەندىگىن ايتتى.
دياك حالىقارالىق جەڭىل اتلەتيكا بىرلەستىگى اتىنان ونىڭ الداعى جەردەگى تۇرمىسىندا دا وسىنداي ناتيجەلەردى جاراتۋىن تىلەيتىندىگىن ءبىلدىردى.
سەنەگالدان كەلگەن دياك 1999-جىلدان بەرى حالىقارالىق جەڭىل اتلەتيكا بىرلەستىگىنىڭ ءتوراعاسىندىق مىندەتتى وتەپ كەلگەن، 83 جاستاعى ول بيىلعى بەيجيڭ دۇنيە جۇزىلىك جۇلدەلى جارىسىنان بۇرىن قىزمەتتەن بوساماقشى.
رەداكتورى: الماگۇل اقاتبەك قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.