ريو-دە-جانە-يرو وليمپيادا سپورت جارىسىن ۇيىمداستىرۋ كوميتەتى 7-ساۋىردە شينحۋا اگەنتتىگى ارقىلى ەندى عانا جارىستان شەگىنگەندىگىن جاريالاعان ەلىمىزدىڭ كەدەرگىدەن اتتاپ جۇگىرۋدەگى ايگىلى سپورتشىسى ليۋ شياڭدى ريو-دە-جانە-يرو وليمپيادا سپورت جارىسىن تاماشالاۋعا ۇسىنىس ەتەتىندىگىن ءبىلدىردى.
ريو-دە-جانە-يرو وليمپيادا سپورت جارىسىن ۇيىمداستىرۋ كوميتەتى ۇگىت ءبولىمىنىڭ باستىعى ماريو اندرادا ليۋ شياڭنىڭ جارىستان شەگىنۋى جەڭىل اتلەتيكا جارىسى جونىنەن ءبىر زور شىعىن بولعاندىعىن، ريو-دە-جانە-يرو وليمپيادا سپورت جارىسى دا ليۋ شياڭنىڭ جارىسقا قاتىناسا الماعاندىعىنا شىنايى وكىنىش بىلدىرەتىندىگىن ايتتى.
ول: « ءبىز ليۋ شياڭنىڭ ريو-دە-جانە-يرو وليمپيادا سپورت جارىسىن كورەرمەن رەتىندە كەلىپ تاماشالاپ، قالامىزدى كوزدەن كەشىرىپ، وليمپيادا سپورت جارىسىنا ات سالىسۋىن ءۇمىت ەتەمىز. ول ەندىگى جەردە ءبىر كورەرمەن رەتىندە كەلسە دە، ءبىز جونىنەن ءبىر ايتۋلى سپورتشى سانالادى» دەدى.
جارىسقا قاتىناسپاعانىنا ەكى جىل بولعان، وليمپيادا سپورت جارىسى تاريحىنداعى ەلىمىزدەن ەرلەردىڭ جەڭىل اتلەتيكا جارىسى تۇرىنەن تۇڭعىش التىن مەدال العان ليۋ شياڭ 7-ساۋىردە ميكرو بلوگىندا جارىستان شەگىنەتىندىگىن جاريالادى.
ليۋ شياڭنىڭ جارىستان شەگىنگەندىگى جونىندە اندرادا: « بۇل دۇنيە ءجۇزى دەنە تاربيە سالاسىنىڭ وكىنىشى، ليۋ شياڭ ول كورگەن دۇنيە جۇزىندەگى ەڭ كەرەمەت جەڭىل اتلەتيكا سپورتشىلارىنىڭ ءبىرى، سونىمەن بىرگە، ونىڭ ەلى مەن جان كۇيەرلەرىنىڭ ماقتانىشى سانالادى» دەدى.
سونىمەن بىرگە، اندرادا ليۋ شياڭ جارىستان شەگىنگەن بولسا دا جۇڭگونىڭ ريو-دە-جانە-يرو وليمپيادا سپورت جارىسىندا تاماشا ناتيجە جاراتا الاتىندىعىن، جۇڭگونىڭ مالتاۋ، قاۋىرسىن دوپ جانە تاق-تۇق دوپ سياقتى جارىس تۇرلەرىندە كوپتەگەن ايگىلى سپورتشىلارى بار ەكەندىگىن، ولاردىڭ جۇڭگوعا تاماشا ناتيجە جاراتا الاتىندىعىنا سەنەتىندىگىن ايتتى.
وڭتۇستىك امەريكا قۇرلىعىندا وتكىزىلەتىن تۇڭعىش كەزەكتى وليمپيادا سپورت جارىسى بولعان ريو-دە-جانە-يرو وليمپيادا سپورت جارىسى 2016-جىلى 5-تامىزدان 21- تامىزعا دەيىن وتكىزىلمەكشى.
رەداكتورى: الماگۇل اقاتبەك قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.