دۇنيە جۇزىلىك بيلليارد بىرلەستىگىنىڭ حابارىنا قاراعاندا، انگليادان كەلگەن 10 كەزەكتى ايەلدەر سنوك جارىسىنىڭ دۇنيە جۇزىلىك اعا جۇلدەگەرى ەۆانس. لەني وسى اپتادا وتكىزىلەتىن الەمدىك جۇلدەلى جارىسىنىڭ دايىندىق جارىسىنا قاتىناسىپ، وتكەلدەن ءساتتى وتسە، دۇنيە جۇزىلىك جۇلدەلى جارىستىڭ رەسمي جارىسىنا قاتىناسقان تۇڭعىش ايەل سپورتشى بولماقشى.
29 جاستاعى ەۆانس دۇنيە جۇزىلىك بيلليارد بىرلەستىگىنىڭ شاقىرتۋىن قابىلداعاننان كەيىن جارىسقا قاتىناسقان. ول دايىندىق جارىسىندا بۇرىنعى دۇنيە جۇزىلىك اعا جۇلدەگەر دوحەرتيمەن سايىسپاقشى، دوحەرتي 1997-جىلى دۇنيە جۇزىلىك جۇلدەلى جارىستىڭ اعا جۇلدەگەرلىگىن ەنشىلەپ، ءبىر مەزەت دۇنيە جۇزىلىك قاتارعا تۇرعىزۋدا ءبىرىنشى ورىندى يەلەگەن. الايدا، 2006-جىلدان كەيىن ول ۇشىنشىلىككە دە ىلىنە الماي، قاتارعا تۇرعىزۋدا 43- ورىنعا ءتۇسىپ قالعان.
بيىلعى دۇنيە جۇزىلىك جۇلدەلى جارىسقا جالپى 144 شەبەر قاتىناساتىن بولىپ، وتكەن جىلداعىدان 16 ادام ارتقان. الدىڭعى 16 مىقتى سپورتشى دۇنيە جۇزىلىك جۇلدەلى جارىستىڭ رەسمي جارىسىنا تىكەلەي جولداما الىپ، باسقا شەبەرلەردىڭ بارلىعى، ءسوزسىز، 3 كەزەك دايىندىق جارىسىنا قاتىناسادى. سوندىقتان ەۆانستىڭ رەسمي جارىسقا قاتىناسۋ جولى توتەنشە بۇراڭ بولماق.
دۇنيە جۇزىلىك بيلليارد بىرلەستىگىنىڭ ءتوراعاسى جەنسەن فەرگۋسون ەۆانستىڭ جارىسقا قاتىناسۋى ايەل سپورتشىلاردىڭ شابىتتاندىرۋ رولىن اتقارا الۋىن ءۇمىت ەتەتىندىگىن ءبىلدىردى. ول جانە سنوك – كۇش-قۋاتتى ەمەس، كەرىسىنشە شەبەرلىكتى قاجەت ەتەتىندىكتەن ەرلەر مەن ايەلدەردىڭ باسەكەلەسۋىنە ابدەن بولاتىندىعىن، ەۆناستىڭ جاڭالىق جاراتاتىندىعىنا سەنەتىندىگىن ايتتى.
دۇنيە جۇزىلىك جۇلدەلى جارىس 18-ساۋىردەن 4- مامىرعا دەيىن شەففيەلدتە وتكىزىلەدى.
رەداكتورى: الماگۇل اقاتبەك قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.