اۆتونوميالى رايوندىق وقۋ-اعارتۋ مەڭگەرمەسىنەن ۇعىسۋعا قاراعاندا، 2015-جىلى شىلدەدە رايونىمىزدىڭ قورعاس اۋدانىندا وتكىزىلەتىن تۇڭعىش كەزەكتى ورتا، باستاۋىش مەكتەپ وقۋشىلارىنىڭ حالىقارالىق شاحمات جۇلدەلى جارىسىنا رايونىمىزدىڭ ءارقايسى ايماق، وبلىس، قالالارىنداعى ورتا، باستاۋىش مەكتەپ وقۋشىلارىنىڭ تىزىمدەلۋىنە بولادى ەكەن.
ۇعىسۋعا قاراعاندا، تۇڭعىش كەزەكتى ورتا، باستاۋىش مەكتەپ وقۋشىلارىنىڭ حالىقارالىق شاحمات جۇلدەلى جارىسىندا A گرۋپپا (16 جاستاعىلار گرۋپپاسى)، B گرۋپپا (14جاستاعىلار گرۋپپاسى)، C گرۋپپا (12 جاستاعىلار گرۋپپاسى)، D گرۋپپا (10 جاستاعىلار گرۋپپاسى) سياقتى گرۋپپالارعا ءبولىنىپ، جارىس ءتۇرى جەكە جانە كوللەكتيۆ جارىس بولىپ، ەكى ءتۇرلى فورمادا ءجۇرىلىپ، ءار گرۋپپا 4 ادامنان قۇرالادى ەكەن. جارىس مەزگىلىندە مەملەكەتتىك دەنە تاربيە باس مەكەمەسى جاريالاعان حالىقارالىق شاحمات جارىسى ءتارتىبىن اتقارادى. سونىمەن بىرگە، جەكە ۇپاي جيناۋ تۇزىمىنەن پايدالانىپ، تىزىمدەلگەن ادام سانىنا قاراي جارىس كەزەگى بەكىتىلەدى، جارىس ۋاقىتى ءار ادامنىڭ نەگىزگى پايدالانعان 45 مينۋت ۋاقىت كولەمىندە ءجۇرىلىپ، جەڭىس-جەڭىلىس سوعان قاراي تۇراقتاندىرىلادى. كوللەكتيۆ قاتارعا تۇرعىزۋدا ءارقايسى مەكتەپ ءارقايسى گرۋپپاداعى جارىسقا قاتىناسقان سپورتشىلاردىڭ (4 ادام) قاتارعا تۇرعىزۋ ۇلەسى جانە قاتارعا تۇرعىزۋ رەتى بويىنشا الىنادى. جارىسقا قاتىناسقان كوماندالارداعى سپورتشىلاردىڭ سانى توپتىق جارىسقا تىزىمگە الدىرعاندار سانىنا جەتپەگەندە، تەك جەكە ادامنىڭ اتى بويىنشا تىزىمدەلەدى، كوللەكتيۆتىڭ ناتيجەسىمەن ساناسپايدى.
رەداكتورى: الماگۇل اقاتبەك قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.